望左一陣，最後點左份香辣豬什飯，再叫左一份涼拌雲耳同涼拌土豆絲，同老闆講埋要再加大辣😋，坐左一陣好快有得食！開餐！
但係原來我發覺自己唔太鐘意食豬腸同埋豬肚，不過豬潤同豬心我就食晒👍而且個辣度岩我口味😘另外個雲耳同土豆絲就嚇左我一跳！點解？因為好大碟呀！當初係諗住$20份，都預左佢一定唔大碟，如果唔係點會咁平，點知⋯⋯真係好鬼大碟，重量級份量👍雲耳既酸味好開胃，不過就唔太辣！但土豆絲就唔辣之餘就太酸！同埋太多汁，有點失色！最後我當然食唔晒啦！問老闆攞左外賣盒比我打包，老闆都無再收我外賣盒錢😊
呢餐加埋都只係八十幾蚊，一啲都唔貴！如果我再行開西九龍都會再黎食既😋
