香葉灣 (太和廣場東翼)

营业中

休息中

前幾日又喺附近做完嘢 見到佢個Menu有我最愛嘅檸檬蒸烏頭 諗都冇諗入咗去解缺我嘅晚餐喇 環境唔錯乾淨棋你又好坐先來嘅係中湯 飲落冇乜味精 唔錯檸檬蒸烏頭火候掌握得好好 唔會過生或者過熟 魚嘅肉質好好 好鮮嫩 另外啲汁亦好惹味 從飯一流值得一讚嘅係條魚大大條 好抵食！過白飯亦煮得都唔錯 口感適中 軟熟得來飯粒又做到粒粒分明 平時晚餐唔食白飯嘅我（怕肥吖嘛）亦將個飯食清光餐飲揀咗泰式珍多冰 唔會太甜 珍多既口感亦好好 讚！簡單而又美好嘅一餐 大滿足呀！俾個Menu大家參考 除咗泰式嘢之外 中式同西式都有 啱晒唔同人嘅口味P.S. 唔好呢間野好似好頹咁 服務都唔錯 店員好親切 超出晒我預期 值得嘉許！

唔好睇個名「香葉灣」就以為喺咩越式或泰式餐廳，基本上，可以視為茶記，不過，就提供好多東南亞菜式。承接上文晌大美督「忠誠茶座」嘅食評，踩完單車，一個老友返大埔，我同另一個老死就過太和，因為架車喺佢嘅，返佢屋企擺低兩架車，再落去嘆下午茶。 因為防疫關係，全場貼咗好多隔板，仲要喺紅噹噹，所以，搶眼得嚟好似好密咁，其實，喺因為餐廳比較多喺卡位，先有咁嘅錯覺。相反，正正喺咁，個個卡位變成個室咁。 除咗加高啲隔板防疫，枱面直情擺低成壺熱水俾你消毒餐具，就算啲餐具開放式擺晌枱面都唔使擔心。 呢度嘅下午茶餐選擇非常之多，底面兩大版，慣常見到嘅港式又有，星馬泰嘅又有，輕盈啲可揀沙律餐、薯條餐、三文治餐，想飽肚啲就可以揀炒粉飯麵，定價相宜，二、三十蚊落樓。 炸雞脾沙律 $33次次啲單車友都喺嗰幾個，佢哋當中有個好鍾意食炸脾，所以，之前好幾次踩車後嘅食評都有炸脾。今回佢又揀炸脾，皆因佢食開，讚呢度啲炸脾好得，睇樣確喺堅得，超大隻就唔在講，炸到皮脆肉嫩，更無炸燶嘅問題，仲專登切一小嚿俾我影，見佢咁誠意推介，我都寫多幾行字。伴埋港式嘅雜果沙律，既懷舊，又平衡炸脾嘅「熱氣」，包埋嘢飲都仲只賣$33，無可挑剔啦！ 

午膳時間上哪兒去也很多人，為了不用排隊，在附近上班的一定吃過香業灣。在公司先用THE GULU APP 排隊，再步行到餐廳，時間剛剛好。以茶餐廳的質素來說，相比起附近的銀X，香業灣的「碟頭飯」和「平民價扒餐」更有水準。「平民價扒餐」一上桌熱騰騰的，套餐包含甜麵包、餐湯、肉類配飯/意粉/薯菜一款，還有熱飲附送。這個價錢來說可是物超所值。唯一要改善的是餐廳的早餐，早餐提供一般茶餐廳的常餐等類。但真夠難吃，也不知道同一家餐廳為什麼相差這麼遠。

今日放工搭火車，一出商場有冷氣，出邊咁悶熱最好就食埋晚飯先返屋企，太和廣場新裝修完真係多咗好多食肆，平時經過 香葉灣 我都係嗌外賣，見到今日唔使等位就一於坐低食個晚餐。香茅雞翼 $28先叫個小食開胃下，香茅雞翼必食推介，皮脆肉滑又多汁，好味到唔停得口。沙嗲金菇粉絲肥牛煲 $65香葉灣 的小菜套餐好抵食，煲仔菜熱辣辣，仲送埋例湯、白飯、咖啡或茶。沙嗲香辣夠惹味，金菇爽口，粉絲彈牙，肥牛肉味濃郁，肥瘦均勻，撈飯食一流。$8 泰式珍多冰既然咁有渡假風情嘅地方，一於加錢飲杯泰式珍多冰，甜度適中，香濃椰汁味，珍多有咬口。香葉灣雜扒 $80老公就鍾意食呢度嘅超值晚餐，鐵板餐梗係不二之選，$6 改鐵板上開心啲。香葉灣雜扒真材實料，選擇豐富，牛扒、豬扒、雞扒、火腿、腸仔；很豐富的肉，燒到熱辣辣的鐵板淋上香噴噴的蒜蓉汁，好似火山岩漿咁樣咁澎湃，鐵板能夠保住食物的溫度，口感更加好，食得好滋味。跟餐仲可以選擇沙律，好友懷舊風味的薯仔沙律，清新又開胃。牛油餐包配搭足料羅宋湯，滿足感 up !$8 芒果沙冰Upgrade 了芒果沙冰，清新芒果味，涼透心的沙冰，最適合夏天飲。

香葉灣 位於太和廣場2樓，一出港鐵2分鐘就到達，非常方便就腳。2點鐘到達，全場滿座，而且門口好多排隊等位。餐牌多元化，有中式、西式、泰式、馬來西亞菜式選擇，價錢合理，而且仲要免收加一。泰式豬頸肉撈檬熱辣辣當然想食d醒胃既野，撈檬就岩晒我，配料有花生、青瓜絲和紅蘿蔔絲，豬頸肉爽口，而且夠入味，一d都唔韌，檬粉份量十足，好大碟，酸辣醒胃。炸雞翼薯條雞翼大大隻，薯條用上粗薯條，新鮮熱辣辣炸起。忌廉湯泰式珍多冰凍檸茶

喺30年前，我就認識太和邨，見證住佢不同嘅改變。好耐無返過嚟，原來依家太和邨商場變咗好多，餐廳都多咗好多選擇。我哋就揀咗香葉灣，貪佢選擇豐富，有泰式美食、馬來咖哩、中式小炒同西式扒餐等。西冷牛扒鐵板餐鐵板餐配有餐湯、餐包同餐飲，特別要讚下佢嘅羅宋湯，材料豐富，湯身微杰，非常好味。至於西冷牛扒揀咗三成熟，食嘅時候可以借助鐵板嘅熱力，變成五成熟。以價論價，牛扒肉質唔錯，夠軟腍唔嚡口，肉味香濃。另外，仲可以揀飯、意粉、薯菜或沙律，我哋就揀咗意粉，估唔到意粉已撈埋茄汁，比白烚意粉更有誠意。馬拉盞炒通菜中式小炒方面，就叫咗一個素食選擇，跟埋白飯同餐湯。真心唔覺得呢個係馬拉盞炒通菜，味道更似蝦醬炒通菜，但味道係唔錯嘅，加上鑊氣十足，通菜非常嫩口又入晒味，好惹味。冬蔭香茅豬扒湯金邊粉勁多豬扒呀！豬扒預先切件，食得夠晒方便，而且非常入味，充滿住濃郁嘅香茅味。冬蔭湯底唔辣，但酸味十足，好醒胃。

下雨天，唔想行咁遠，近近地一落巴士就到嘅商場食晚飯。呢一間茶餐廳可能都算係附近街坊嘅食堂，有時週末都會去食下午茶餐嘅。佢嘅晚餐同樣好多選擇，泰式粉麵、咖哩牛腩、中式小菜，西式扒餐。平時多數食炒粉或咖哩，今次就揀咗兩個扒餐，加$6改鐵板上，配湯、餐飽、餐飲。兩款都係五成熟，配薯菜。🥩西冷牛扒(配黑椒汁）肉質唔錯，因為鐵板熱住，所以叫五成就啱啱好，一啲都唔會話太’生‘。黑椒汁幾惹咪，唔係得個辣字。🥩孖頭牛柳(配燒汁）第一次食‘孖頭牛柳’，好好味，肉質較‘林’，一啲都唔韌或‘鞋口’。配燒汁味道唔錯。☕️每次都係配熱檸茶，唔止係個色夠深，茶味仲好濃，好少茶餐廳會有咁濃嘅茶㗎。

相信太和街坊無人不曉香葉灣，對我和老公更是我們的飯堂，因為就腳，又多選擇，而且不用加一，價錢相當抵食。入面地方尚算舒適，而且有卡位，都好適合一家大細食飯！餐廳選擇好多，有東南亞粉麵，又有鐵板牛扒，焗飯都有提供。是日同老公各自點了一個羊扒及肉眼扒，加6蚊鐵板上。附送餐湯及餐包，羅宋湯非常開胃，餐包鬆軟熱辣辣另有沙律，非常old school 的沙律，童年回憶頓時回歸羊扒大大份，另配有薯菜，配鐵板keep住熱辣辣好好食，肉味道都醃得不錯！老公的西冷都非常大份，配飯的話食得好飽肉質尚算嫩，沒有過多鬆肉粉的口感，$80有餐湯，有鐵板牛，有餐飲實在抵食！餐飲點了椰汁涼粉，加8蚊就可以轉特飲，簡簡單單一餐飯，但好滿足

整整一個月沒外出吃飯了，近近地到太和站吃，地點方便，晚餐菜式選擇多元化，中式丶西式丶東南亞的也有，飲品選擇也多，令我有點選擇困難症發作😅雞球炒芥蘭苗 $65雞肉嫩滑入味，芥蘭苗鮮嫩腰果蝦仁西芹 $68炒得夠鑊氣，蝦肉🍤彈牙，西芹鮮嫩，足料好味香茅雞翼 $28外脆內嫩，又夠入味，吃得津津有味馬來薄餅 $28面層香脆內層酥軟，質感及味道也非常好這裏除了啱口味之外，服務態度也相當之好，每一位店員也充滿笑容的😊👍

下午茶時段開始入來，叫個炸雞髀沙律，等成37分鐘。張張枱都要等好耐食物，強烈建議週末時間別來。另外，侍應也不會跟單，只來了個湯和凍飲，一味在等。下午茶時段算平，但要這樣無聊的等，餐廳內又嘈吵，真的不是好的體驗。

Is my first time to come here, the menu look good, that’s why try my first time.I’ve order a red soup !! The taste was really good, love that a bit spicy 🌶!!For the main dishes , we order a pad Thai , so yummy 😋, a bit spicy, not so oily , can be share with 2girl .The size was too big , it make me too full at the night time 😆. For the drink I’ve order my favourite 泰式珍多冰, but it just normal , can be better

放工近近地係太和站商場見到間餐廳叫香葉灣，就同兩個朋友入去試下，入到去個待應好好，先送比我地一人一個餐包😆馬拉盞炒通菜，通菜炒到好清脆，馬拉盞香味濃厚令通菜好入味，d通菜都幾嫩，唔會un，我食到停唔到口，這店的通菜炒得都頗夠鑊氣，微辣鹹香，爽口脆嫩，濕潤得來不油膩，做得不錯。另外粟米斑塊聽聞是名物之一，結果亦不負所望，成大碗滿滿嘅粟米羹，當羹飲都得 石斑塊，脆脆嘅外皮滲出蛋香，石斑塊夠晒新鮮！蟲草花蒸雞 雞肉很滑，肉質非常新鮮，蒸焗出來的雞肉原汁原味，還夾雜了健脾益肺的蟲草花香味，在這種天氣補補身就最適合不過！

琴晚去咗太和食這間茶餐廳，叫香葉灣門口已經有少量人等位，入到舖頭，我見到d隔離牆很高，做得很好👍一見餐牌我地已經好想叫海南雞飯，跟住再望吓餐牌，有個沙嗲串都係餐黎，我都叫埋，跟住見到豬手餐以為半隻好少，所以都叫左黎食，而個豬手餐跟沙律。2杯嘢飲分別朱古力沙冰椰汁特飲。個侍應提點我怕我地食唔哂！所以我都同佢講會打包，服務都ok 。枱左面有紙巾，真係夠方便，唔會怕無紙巾用。餐跟中湯或者西湯，味道唔會太喊，但個餐包好食出黎仲暖，同埋我鍾意食甜包加上香滑牛油正呀！海南雞飯啲雞算滑，而油飯有淡淡香味，真不錯。沙嗲串燒，沙嗲醬很好味，甜得來有夠濃。串燒不會太硬，因為有少少肥肉。豬手餐個沙律仲多過平時食啲飯，重點係一定飽肚，而我最欣賞的是豬手，啲皮有少少脆，同埋啖啖肉，唔會太難切開，呢個餐同性價比高，真係值得推介嘢飲方便都有特別，朱古力沙冰香濃而不算太甜。椰汁特飲都有驚喜,椰漿涼粉，有清熱感覺。茶餐廳嚟㗎都不錯。

《又係係附近做完野 一個人搵野食系列》係太和做完野不知不覺又到左晚飯時間 見呢間香葉灣係OpenRice上面都幾受歡迎 評價都好正面 於是就決定入去解決晚餐喇！環境唔錯 乾淨企理同埋幾好坐 大部分都係卡位諗起自己好耐冇食過蒸魚 所以點左個「豉汁蒸烏頭」 跟餐有埋餐湯、白飯同埋同餐飲首先黎既係跟餐既羅宋湯 （餐湯可以揀中湯、羅宋湯式忌廉湯）餐飲加左錢轉珍多冰 杯野飲唔錯 好香椰香味 唔會話太甜 裡面d綠色粉條好爽滑 之後 我最期待既畫面出現喇：原條既豉汁蒸烏頭好有霸氣 跟餐都只係$75好抵食 而且仲係即叫即蒸 豉汁有晒魚既精華好惹味 用黎送飯食一流！可以自己獨霸晒成條魚好開心 而且條魚肉多骨少 食落完全冇泥味火喉控制得唔錯 魚既肉質保持到鮮嫩多汁 俾個menu大家參考下今餐都幾經濟實惠 下次想再黎試試佢d泰式野

今晚放工乘火車回家行過商場出口見到都多人等外賣，再望望又有位入去坐下，座位闊落，選擇多，加埋有防疫隔板，絕對安全，餐牌選擇多，今晚點了一個蒜蓉什扒餐跟沙律，用鐵板上感覺先似食鐡板餐加多$6升級鐡板上！朋友就點了個晚餐沙嗲金菇粉絲肥牛煲，兩個餐都有湯跟，還有點了喜歡嘅香芧雞翼，餐湯是忌廉粟米湯，味道夠晒濃郁內裡還有爽口粟米粒！香芧雞翼大大隻，剛炸起就上枱，皮脆肉嫩，十分入味！主角什扒上枱，店員幫忙淋上蒜汁，鐡板即時發出個陣聲音同蒜香直撲向鼻腔，蒜汁下有塊香煎火腿，加埋塊嘅軟淋牛扒同埋塊肥美軟淋豬扒，加埋大大利薯條，十分夠分量，而跟餐個沙律亦十分大份！沙嗲金菇粉絲肥牛煲，夠晒滾熱辣，沙嗲肥牛味道濃郁，粉絲煙韌爽口，跟餐加埋個飯絕對可以清乾淨個肥牛煲！餐飲可以保差額升級飯品，我就係點了杯芒果沙冰，大大杯芒果味道濃郁，夠晒冰凍！朋友就係椰汁冰粉，椰香味道濃郁加埋爽口涼粉，又係另一個唔錯嘅選擇！位置都方便就腳，之後又多個選擇了！