影片
营业时间
今日营业
06:30 - 22:00
星期一至日
06:30 - 22:00
以上资料只供参考，请与餐厅确认详情
食家推介
岩岩搬去太和就梗系揾吓附近有乜食，一search个OpenRice就见到呢间咁多劣评，咪谂住去试吓伏啰。一入到去就feel到系旧式餐厅风格，唔系讲个装潢，而系啲伙计同食客🤣坐低睇餐牌，的确唔贵，叫咗个炒金边粉有汤有嘢饮，60几蚊算系咁。讲真，侍应都系叔叔婶婶，态度未去到话好差会闹人，但的确俾人感觉唔太友善。不过其实佢哋只系冇乜笑容同唔会懒亲切，我叫特饮要加钱会提我，唔记得叫汤又会提我，我讲唔该又会话唔使客气。我未感受到其他人所讲嘅服务态度恶劣。讲返嘢食：罗宋汤系普通茶餐厅质素，又酸又咸又辣，但我就系钟意呢d😁金边粉唔系我钟意嘅甜口，有辣味，同埋唔系大量茄汁炒金边粉⋯⋯其实几有镬气🤣我觉得唔叫得上好食，但绝对未去到难食。珍多冰系正常一般椰奶，我觉得OK👍🏻总括：肚饿医肚绝对冇问题，有下次，但唔会特别推介嚟太和行街嘅朋友（其实都唔会有人无端端入嚟行街🙈），因为的确唔系乜嘢特别嘢。
继续阅读
太和街坊有福，食物份量味道可观，但我就不再回头帮衬了。食物：啲扒餐又抵又好味，汁足肉质可以，汤也中上。有汤有side dish 有drink 有餐包，想点呀太和渣。服务：劣利申第一次黎，就见个老板闹客，𠮶女食客已经好有礼貌离开位去问下老板，想知𠮶餐转呢样可以吗。老板不用开闹吧，话做咩改我啲餐！大大声㖞。其实做茶餐厅都可以斯文回覆啫，又无讲要咬文嚼字。我怕到看清楚整个餐牌，个扒餐要选咩。一举手order又系老板见到，我怕大镬啦，结果佢叫男侍应跟，我都照被闹。两个字传承。小食客我讲晒餐号,、餐汤白汤、餐饮，都未讲埋要咩汁，个侍应就串我，眼神厉我，我问做咩事，佢就话要咩汁。（明显因为唔系跟佢习惯落单选项，要先讲汁后讲汤最后饮品）我哋啲香港可怜食客，只能低声下气说而家讲架啦。之后仲反问要咩汤，伏晒，一早讲白汤，（明显因为唔系跟佢习惯落单选项，要先讲汁后讲汤最后饮品）。明白openrice 机制未必同意，但服务要反映否则刘德华同古天乐都不用出黎广告一番。卫生：连枱底都有苍蝇，可见卫生一般般。对事不对人，服务是全餐厅的，老店客外劲排队，我都吃150蚊架，老店服务质素要改善，难难难......会否因我篇文不久变太和澳牛，出名左呢！
继续阅读
朋友话午餐居然食到德国咸猪手，都系六十几蚊，起初不太相信，睇埋相之后，真系好吸引，想约会了好几次，终于夹到时间，可以品尝一下…这家食店名称都几特别，诗情画意，装修都雅致，虽然有分店，但我都系第一次见到。餐牌写明系猪手系半只份量，作为午餐应该好足够了；落单时还可以选择配撘薯菜、白饭、意粉，安排相当贴心。A8餐终于上枱了，外皮香脆丶肉质黏口嫩滑，调味不会太咸，切咗十几刀都仲未食完，果然值得一试再试。记得拣黑椒汁，配搭应该夹味，入口不算太辣，茶记来说已经系超好味！
继续阅读
想去呢间餐厅食饭嘅人 尽量唔好晒钱，时间去呢到好日唔会到太和 今日因为单车活动而去太和食晚餐 叫咗三个小菜套餐 炒菜同猪颈肉勉强叫正常 最经典莫过于西柠鸡 第一啖食落去 真系不得了 个汁完全系冇柠檬嘅味道 又唔酸又唔甜 仲要系橙黄色嘅 鸡肉明显系用嚟做早餐或者黑椒鸡扒饭嘅鸡扒 净系得咸味 最经典莫过于 我问职员系咪嚟错嘢 因为呢个西宁鸡冇柠檬亦冇柠檬味 佢居然同我讲佢哋嘅西宁鸡系冇柠檬味嘅 实在系惊为天人 我食咗几十年西柠鸡都系今日先知原来西柠鸡系可以冇柠檬汁同柠檬味嘅 最后个职员重好鄙视我嘅问题
继续阅读
我同我太太点几去食午餐，我太太先叫野食，我要睇睇食咩？准备想叫，个男见到，我问佢，呢个乌冬可唔可以转河粉，我完全听唔到佢讲乜，蚊丝甘细声，听鬼到咩！讲两讲，好似话唔得，佢啲语气极度…..，了哥好似唔服务我甘，咁我转另一样，我就叫豉椒牛肉河粉，佢又系好细声话讲号码，好似讲左两三次，我心谂，乜你唔识睇餐牌个号码架？点解要个客又要讲号码？唔识得变通咩？如果好声好气，我都会讲，但佢甘既服务，我真系好劳气！ok，我就照讲号码，叫埋野饮，佢又好细声问我饮咩汤？我话饮红汤，河粉同汤就嚟左，我就食河粉先，食食吓，佢就撞我坐张櫈一野，我好想知佢系咪有心？我越食越火滚，加上叫左杯野饮重未嚟，我真系对佢嘅服务极度不满！讲真句，啲嘢又唔系话好食，重要佢甘既服务态度，我真心讲句，冇下次！就算周围冇嘢食，我都唔会再帮衬呢间垃圾！
继续阅读