香港風情 (已結業)

上星期六晚, 同老婆去o左呢間香港風情, 專誠去試試佢d小菜. 之前已經試過佢d茶餐, 水準一般. 但又有friend介紹話佢晚飯ok喎, 咪再比次機會佢o羅.7點去到, 只有兩三台客. 不過工業區晚市靜英英都好正常. 我就最like去d靜靜地o既地方食飯, 貪佢唔使等位.餐牌製造都幾精美, 即係有好多彩色相果隻. 小菜價錢都唔平, 平均要成六七十蚊一個, 仲要無套餐. 雖然無收加一, 但以茶記價錢o黎講都相當昂貴!最後決定, 叫o左個魚翅撈飯, o者o者雞煲, 同埋竹笙上素.魚翅撈飯用大玻璃碟上, 飯係炒飯底放碟中間, 賣相唔錯. 當然唔expect佢真係有魚翅, 但材料都算豐富, 有魚有蝦, 仲有d假翅. 獻汁厚薄都算幾適中.o者o者雞煲煮得好夠香, 豬潤無話熟過龍. 雞就無計啦, 一般香港食d雞都係無雞味. 先天缺陷非戰之罪.竹笙上素相對較為淡口, 但總算不過不失.D嘢都唔算細碟, 但由於無叫白飯, 兩個人都可以食曬三味. 埋單二百零幾, 個人認為算係頗貴. 而質素又唔及大排檔, 似乎定位有d問題.

接人收工.. 其實一路都想試依間餐廳................ 終於可以一試。入面是茶記格局，但帶有點香港特別... 個人覺得有少少似蘭芳園既茶記版....不過坐得舒服.. 天氣唔熱就更加坐出面..叫左魚翅撈飯..個名起得好有氣派. 上碟賣相不相..配上穫氣十足的蛋炒飯，好好味!!!! 裡面d海鮮亦都多，算足料，有魚有蝦等..............$68亦算值回票價......另外麥片蝦都唔錯，省去剝殼煩惱... 而且一碟都好大埋頭，有成10隻............ 愈食愈帶點微辣，好開胃。服務就不過不失啦.. 同茶記一樣.. 下次...下次等天氣涼少少................會試埋打邊爐

出去食飯咁多次，竟然第一次食無餸飯，我點了一個咖喱汁焗石斑飯，但係一碟石斑飯，有五、六塊小石斑，幾乎無一塊有肉食，幾乎全是粉漿，唯幸是咖喱汁香口，用來撈飯味道不錯，而與我一起吃飯的同事點了一個雙菇蒸雞飯，給了我幾塊雞，蒸雞味道一般，算不上好味，冬菇細細隻，味道普通。埋單$46卻是食一餐咖喱汁撈飯，以後一定不會再幫襯！

剛過去的星期天去了試鮮茄奶油龍俐柳焗飯, 那龍俐柳比較鹹, 反而其他配料不錯(即番茄,西蘭花, 奶油汁), 叫了3個小菜那枝竹魚柳那魚柳又是很鹹, 蒸茄子很多油, 可能是免治豬肉的肥粒蒸了油出來, 只有啫啫雞煲很美味. 希望下次去的時候會有改善. 不要鹹呵.

星期日.Family day，晚上忽然想去打邊爐，不知去邊間好，想起朋友介紹官塘有一間打邊爐的餐廳，名字很特別，〔香港風情〕，便上網找地址。一行九人，駕車到達，可能是晚上 8時多，門口可以泊車。下車後一看，有些奇怪，該是西餐廳，怎似有打邊爐；查問下，原來只是晚上才有打邊爐。餐廳內不是很多人，吃小菜的多。環境不錯，坐得舒服。一行人坐下，看看菜牌，便點了兩個火湯底：澳門豬骨及胡椒豬肚湯，，響鈴，手切牛肉，一片一片類似豬網油的牛油，老闆特別介紹一起和牛肉吃，芝心四寶丸，鱔片，水餃，羊肉片，黑豚肉，生麵，烏冬。飲品要了兩jar雪梨水，兩jar竹借水，汽水3瓶。一輪沖鋒，還剩了少少，只好拿走。總括今次夜飯，十分滿足，一定要介紹她的響鈴，又薄又脆。好好吃。兩個湯底，味香濃，料正，豬骨是先淹咸，不會太肥；。胡椒豬肚湯，十分多料，豬肚，粉腸，又多又軟，牛肉夾牛油片滾完一起吃，十分甘香。鱔片新鮮。羊肉可以，只是黑豚肉太un。另要讚一讚烏冬，很滑很可口。水餃都不錯。:小心芝心四寶丸，丸內有芝士，芝士可拉得很長。埋單：每人120元。服務稱意，價錢便宜，約好下星期再去吃夜飯。

最近，我與男友都來過這兒多次吃下午茶，上個月我們又到此吃下午茶。想不到這天全場差不多爆滿，幸好我們很快便等到卡位。下午茶的選擇非常多，我選常餐，因為上次試過男友的有錢佬炒飯，覺得不錯，今次我也點這個飯。有錢佬炒飯主要是素翅及飽魚粒炒飯，味道依舊不錯，不過今日比上次鹹咗少少。男友今次選了西餐，這個餐有多士及通粉，份量都頗大。下單時男友加錢轉烘底，結果侍應姐姐送來兩次，也忘了把北海道3.6牛奶炒滑蛋的多士轉烘底，第三次才成功呢! 跟著還有這個通粉，這個套餐很豐富，男友也頗滿意呢! 這兒裝修把全店分為兩個不同風格的區域，一面是懷舊茶餐廳模樣，另一面就走型格一點的路線，還設有室外的座位呢! 希望下次可以試試坐懷舊茶餐廳的角落吧!

諗住紅假黎應該無咁多人啦 (因為附近工業區應該無人番工的)原來晚飯時間都幾旺場wo…放假唔想用腦…交比呢度老細同我地發板食乜野啦…*** 豬潤炒麵***聽落個配搭怪怪的…食落少少辣…豬潤好沙…食得出新鮮野黎，濕炒有dd汁…幾開胃！ 魚翅撈飯***心諗｢老細我比你發板ja…唔駛唔貴唔點下化…｣望一望價錢…5、60蚊個飯又唔係過份…即管試下啦…頂多咪粉絲當魚翅扮野…直到見到碟飯…乜咁似去左酒樓飲宴食個翅既？！咁大個女第一次食魚翅撈飯…哈哈…仲要比酒樓好食得多，因為入面有好多帶子…魚肉…蝦…當然唔少得有魚翅添啦！好有咬口之餘…仲好清…個飯係炒飯黎ga…好好味，好快已經比我KO哂成碟飯平民化價錢嘗試到咁奢華既晚餐！喜出望外之選♥♥♥唯一美中不足既係晚上無水吧…飲唔到佢地好出名既奶茶囉…即係逼我下次要早d黎食個下午茶

因為前2天來吃LUNCH的經驗好正...所以今日又黎食多次...佢選擇好多...所以諗住今次要食其他野~~一心一意諗住試佢既午餐...點知冇左上次0個個蒸雞飯...所以今日又食返個常餐了!!今日叫左常餐D...係沙爹牛麵+炸雙翼多士+凍OT...1. 沙爹牛麵 - 我加左$3蚊轉左出前一丁麵...有埋味粉同麻油0家!! 正!!! 個沙爹仲要係好典型茶餐廳0個隻濃郁沙爹醬...正正正!!2. 炸雙翼多士 - 之前唔敢叫...因為2隻翼好似太多好飽...不過見人食得咁HAPPY..又好想食WOR..所以今次就叫左LEE 個...仲轉左做蒜茸厚多士...都係好讚的~~個炸翼係夠熱又好味~~今次都係一個GOOD EXPERIENCE...所以LEE 間茶餐廳已經成為我地既LUNCH TOP LIST 啦!!嘿嘿...雖然行得遠左少少...不過係值既!!

睇雜誌介紹過...今日特登來試一試....見到外邊都有幾多outdoor seat...不過d人都係食煙的...所以行過來好臭~~係門口等左一陣位...雖然入邊都多位...不過亦都多人食...一路係出邊等一路睇人地食咩!!見到已經好吸引...又有蒸雞飯,仲好大碟...又有咖哩雜扒飯...個樣都好似好好味!!最吸引既係個厚多士囉!! 所以埋到位...睇左個menu 就決定左第一次要食個常餐~~我叫左常餐B...係薑絲滑牛麵 + 3.6牛乳炒蛋火腿厚多士同埋飲左個熱奶茶~1. 薑絲滑牛麵 - 都幾好味~~個牛都唔錯~~不過稍嫌個麵淋左D...2. 3.6牛乳炒蛋火腿厚多士 - 個厚多士係必然選擇...好正~~個烘底好得...唔火農..唔硬...個蛋都不錯~不過唔係滑蛋0個種~~係普通炒蛋...所以唔知係3.6牛乳的~3. 熱奶茶 - 係好大杯同好香...同事話佢地係用黑白淡奶...所以味道幾好~~D WAITER, WAITRESS 都好快手快腳..同埋有禮貌..又唔會好急趕你走咁..咁FULL 既常餐都係$37蚊 (厚多士要加$1, 凍飲好似係加$2)...我覺得好抵好值囉!!

揸車去揾飯食…呢度算幾方便…睇到車又泊到車…最重要唔會周圍都逼滿人先！呢樣最適合駕駛人士！此店裝修幾特別…好貼切店名 「香港風情」！睇得出好有heart!我地兩個人唔知食咩好…經店主精心挑選介紹以下兩飯/面；鮮茄奶油龍俐柳焗飯喇沙炒米粉意想不到…出奇的好食！個人好鐘意個焗飯！會食唔停口ga lor! 不過女士們share來食會適合d…因為幾滯…同埋超大碟！ $58真係非常超值！男友就好鐘意個喇沙炒米粉！食落又真係幾香！唔同出面食喇沙味，值得一食再食！另外值得一讚既係…老闆侍應們都好好禮貌! 仲好細心周到tim!門外露天茶座位置都好有feel…環景唔錯wo!無想過工業區內有咁舒適開飯既地方！下次要揾多d朋友再黎呢度！食多d唔同既招牌好餸先得！！

早陣子參加了由某廣告社群與畫室合辦的 Painting Jam，與一眾 bloggers 齊齊即席揮毫大展畫技。 畫室位於觀塘興業街，絕對是平日不會踏足的。見有少少早到，最好就是找個地方坐坐構思一下構圖。見到茶餐廳「香港風情」，有室內有戶外，食煙之人應該會喜愛這地。是日肚子不太餓，只點了一杯熱奶茶。厚杯上印有餐廳名字，是出奇地認真。紅茶味濃，茶膽做得不錯，淡奶下的足，用的是「黑白淡奶」，整體的口感很幼滑，水準非常高。香滑奶茶，後會有期！

今日一個人食lunch,叫左個午餐，鮮茄牛腩飯，牛腩好林，個汁又夠味，有蕃茄又有薯仔，配料足吾馬虎，而且薯仔重係炸過夠香口，有例湯同飲品，夠晒滿足！冬奶茶好正，夠晒正宗，又大杯。裝修好靚，聽講係新開無耐，有戶外枱，家陣好難揾到咁正ga地方，各方面都好滿意，下次會再黎。