影片
招牌菜
平时都好中意食烧味，但元朗D烧味都系太普通，主要打价钱所以试下依间新开既香港味烧各方面都无得弹，特别系叉烧，一定要必定要试D汤一饮就知无味精，老板仲好好人，见我饮完仲装多碗比我最后仲斩左D卤水返屋企食，送啤酒一流
继续阅读
本身有食开利兴的烧味饭，点知越来越差，所以要放弃帮衬佢。今日就过档试下呢间新开的烧味餐厅，睇左一阵餐牌，叫左个四宝饭试下。叉烧的肉质并非坊间烧味档的叉烧，唔太好食，我就唔识欣赏。切鸡普普通通，唔太鞋，但冇惊喜。红肠同咸蛋正常水准冇投诉！最唔掂系啲饭，好淋偏烂。奶茶认真系好难饮，茶底苦涩，奶又唔掂，一间餐厅最基本的饮品都唔掂，加上连最基本烧味店的叉烧都唔合格。点搞呢？！第一次帮衬，亦都系最后一次帮衬
继续阅读
又系中午放饭做孤独的美食家，呢间香港烧味堂新开左一段时间未试过，睇评论都几多好评，特别系叉烧同油鸡，今日有机会就黎试下啦。餐厅环境唔大，数埋无10张枱，而且2人枱较多，主力应该做外卖斩料，睇过餐牌价钱同一般烧味餐厅差不多，比较特别系除左烧味仲有卤水食物，多d选择。腩叉油鸡饭上网睇图d腩叉同油鸡好靓好多人赞就试下，但黎到都唔系腩叉，一d肥都无，但胜在叉烧调味都足又唔会话好干好柴，个款似俗称既3粒叉，食落都算松软，都食得过，油鸡俾既系翼位无乜肉食，调味都ok既，系无乜肉，饭就有少少湿，唔算太过份，整体只叫做食得过。例汤跟餐送热饮或例汤，我就拣例汤，汤都有d配料但汤既味道带点酸味，但汤料又食唔到有酸，好奇怪。呢餐就50蚊，叫做普通料，服务方面楼面位姐姐都算几有礼貌，食物质素就无特别出色。
继续阅读
呢间烧味舖，开张一个月试咗两三次，啲嘢食质素真系无得头。即使午市最忙既时段，嘢食嘅质素有少少浮动，但仍然跑赢同区大部份所谓嘅「高级烧味舖」。而且仲未提佢哋啲饭嘅价钱，下午茶最平$42就食到个烧味饭，仲要跟埋小食有嘢饮。即使午市去食饭都只系$45一个单拼饭，简直系同区超值之选。我暂时试咗烧鹅、油鸡、腩叉，同埋熏蹄。烧鹅够味又够肥，油得嚟又唔怕太肥腻，啲皮又够脆，外卖饭盒$45都食到咁嘅烧鹅，都唔知边到可以揾到咁嘅质素。油鸡就够色又够香，肉质嫩口，只鸡啱啱好熟，保证唔会靭，咬落去既有鸡肉嘅肉汁，仲有啲豉油嘅甜香味，实在难得。至于腩叉，其实佢地系用烧腩仔嘅腩肉，但系用叉烧嘅做法嚟整，出到嚟够哂甘香，但系会有少少腻，唔系个个啱食，不过呢一款唔系度度有，值得一试。到最后个熏蹄，第一啖食落去虽然一般，但系㗳真啲又食到佢哋用咗酒去浸啲熏蹄，虽然用酒去浸系基本中嘅基本，不过呢间系我食过咁多间烧味舖入面，唯一一间可以食到呢啲多层次嘅味到，十分推荐大家试一试。美中不足嘅系佢地出餐嘅时间需时，唔似其他烧味舖即叫即有。不过个人嚟讲都明白嘅，毕竟每碟都系精品，可以理解。
继续阅读
在劣食世界里面，我最喜爱的 除了烧卖 然后就是叉烧了，应女友意愿 我跟她一起来多趟，来之前我早已吃了几顿，她就是受不了 我嚣张的吃后感，即兴的她 约我今天一定要吃到，坐屯马线由头到尾 你又明白我的心情吗？🥲为了㶶叉烧 我豁出去，到达后 幸好还有两个位（利申冇留位），今天我先做半个「Gym撚」小弟叫了 走汁🧏🏽♂️，女友就叫了 瘦㶶叉鹅饭，为弥补我们心中罪恶，我们再拼多碟卤水墨鱼加卤水豆腐（增加定量蛋白质），等待间 望见奇哥抱著水桶用上西装吊带裤 来斩料，真的很有八 九十年代的时候 叔叔们的味道，配合铺内长期播著90年代的金曲，对我来说 这是等待食物中的另一种享受计算过8分钟到达主食，其次落单后 店长师兄会极速送上靓汤，卖相 感觉 份量你们可先看照片，味道或个人堂食感我会跟大家分享🫶🏻🌝小弟（瘦㶶叉 烧肉饭）：叉烧就不评价（评价就假了），烧肉 我觉得我在要求尽瘦的情况下 都能咬出松化，对比其他 我已满足了，咸度适中 咬下有微微油香渗出 香而不漏（我很怕隔夜后猪油的油膉味），芥辣是精粹 这是我吃过最好味的烧肉芥辣，不苦涩 有芥辣香 最特别也令我格外惊喜 就是与烧肉的油香非常夹，问过奇哥 原来是英国芥辣做胆再调配 对比坊间的大工厂独立包装芥辣，小弟真心建议一试这种手工味，饭量表面看似细碗 但底下超多 童叟无欺，小弟觉得真的多了些，反而菜我觉得可以比多条😝，其次我真心建议老板 饭前「汤」可以加量，奇哥汤艺一绝，卤味入味 而同样认为汁又是精粹，糖 酒 醋比较靓，愈吃愈停不了手，但墨鱼份量建议可切大块点，有种到喉不到肺，每块吃得不够尽兴，但是这个汁 在我心中拉得很高分叉烧：6/10（冇汁）9/10（有汁）烧肉：8/10卤水墨鱼：6.8/10卤水豆腐：9/10
继续阅读