香港洲際酒店宴會廳 (已結業)

我今個,月去我朋友係洲際酒店的婚宴,啲野超級好食,特別係果個翅,係原盅上,好多翅,另外條魚蒸得好滑,好新鮮,有魚味,不過佢圍酒席一啲都唔平,要成萬八蚊,佢老公比左一個咁豪華婚禮比佢,我地真係好羨慕,洲際個hall又grand又大,是每個女仔夢寐以求的婚禮

19-6-2004雖然事隔多年, 但因為呢個occasion 比較特別, 記憶仍然猶新.成班人0黎搞慶祝又帶點farewell 性質的晚飯, 因為某d 特別原因, 每人只需要$350, 食的係3-course dinner. 頭盤係蟹肉牛油果salad, 賣相精緻, 味道清新, 意料之內; 主菜係鱈魚fillet, 面頭幾香口, 入面就肉質嫩滑, 唔錯, 伴碟的grilled 薯仔亦夠香口; 甜品係American cheesecake, 食落一般滑不過芝味濃郁, 餅底帶crunchy, 配上0云呢0拿雪糕一齊食, 唔錯, 而旁邊的士多啤梨就幾酸, 唔多好食. 整體唔係dum 一聲咁好食, 不過都幾唔錯, 而且當晚氣氛好好, 的確係一個笑面的回憶.可惜, 又因為某d「面子攸關」0既原因, 我0地夾錢請了10 幾個「較權威」0既人物, 但食完餐飯之後, 「尊貴」0既佢0地一盤「唔夠誠意」0既冷水撥埋0黎, 真係哭笑不得. 原來呢個世界, 有d 人真係幾x 難服侍的.而呢個亦係我極少再接觸呢個community 0既其中一個原因.

今日出席一個lunch activity. 對於呢度的lunch, 都算好滿意。首先是頭盤三文魚沙律，三文魚好新鮮，賣相都整得頗有心思。接著是一個青豆帶子湯，第一次飲呢一款湯，很有新鮮感，雖然個綠色睇落去有少少怪，不過味道就真係唔錯。Main Course...main course係這一餐的失敗之作，係半隻雞配薯蓉，用煙肉包住的薯蓉不錯，朋友話係煎過的，頗有心思（雖然我唔係好分到~~), 但個雞實在好‘鞋’，好軔...三分一都食唔到，就放棄了。好在之後的甜品很好，coffee也香濃（朋友話，因爲我好多野做，未試到）。整體黎講，呢個價值不菲的lunch算係好好。在整個用餐過程中服務也很周到。若是不用自己花錢，當然希望可以再來啦~~ hoho

睇雜誌，見到克勤的婚宴的菜單，竟然和我係早前出席的菜單，有九成九相似。雜誌講到，兩萬元一席，我相信作大居多。我去那婚宴，都有三十六圍。都係那個宴會ballroom.有live Jazz band唱歌。氣氛一流。那圍酒席，菜式包括：乳豬全體焗釀大嚮螺玉環瑤柱甫椰皇肘子燉翅炸子雞蒸東星班芋頭炒飯干燒伊麵Tiramisu即得一提的是：焗釀大嚮螺，係一個大嚮螺，釀入螺肉，加上洋荵，薯蓉，有小小咖哩味，幾特別，幾好味。椰皇肘子燉翅，湯好清甜，好熱肋肋，翅都唔錯，不過份量就好少，整體係好的。好味同埋賣相好靚，係一個碟上，碟上舖上了一層鹽，伴有兩粒八角，加埋雪白的椰皇，構成一件美麗的構圖。又可以穩固椰皇，不會朗來朗去，方便食用。甜品係tiramisu, 呢度的tiramisu, 唔會失準的，好好味，好特別，中西合璧。其他菜式都唔錯，不過都係標準婚宴菜式，不作果別描述。