香河越南餐廳 (已結業)

11feb06　正經事辦完，被人捉去行Time，最討厭睇衫，偏又唔可以唔去，有的無的陪她們window shopping，白白虛耗2個鐘頭的生產力。　　2個鐘後．．．佢地一個話累，一個話鬼拿捏咁聲話餓，咁去食野，聽到佢地話去乜乜cafe醫肚，聽到如臨大敵，cafe者kill time也，即是for mean time時開部note book check email，醫肚的話，比廿蚊妳自己去老嘜攪掂好過！　二話不說，拉她們到香河食越南菜，唔知咩叫正宗越南野，但話晒香河係老牌子，開左咁多年，都唔會差得去邊，環境唔可以話好好，但以非官方形式招呼朋，亦不失禮，起碼食物夠「扎實」。　　本來想叫生牛河，但見她們叫了，也就作罷，另叫扎肉蝦蒙；越南菜，熱茶、魚露、椒粒同青檸，走唔甩。扎肉蝦蒙，喜歡先將碗蒙翻幾翻，把材料攪勻，蒙粉伴著酸甜的魚露來吃，甚是滋味，加上惹味又夠咬口的配料，花生碎、香茅、生菜、蘿蔔絲、芽菜、蔥花，一啖一魚露，開胃惹味，三扒兩撥，獨個兒吃得不亦樂乎，美女在旁，亦無閒相顧。招呼不周，自知小命不保，吃畢，被兩位小姐「捏著」耳仔拉出餐館．．．．．．

8 February 2006 (Wed) - 晚飯做完Yo近近地黎呢度食晚飯，我同友人都係第一次黎，但係估唔到都唔錯喎！食咗二人餐($98)，有：- 生熟牛肉河兩碗：牛肉有少少韌，河粉又唔夠滑，但整體唔錯！- 炸春卷：有少少燶，但係夠晒脆，好香口又熱辣辣！- 蒸粉皮：冇乜特別但係夠晒熱！- 甜品(粟米西米露)：最普通，不過暖口又唔太甜，OK！值得一讚係佢哋好似唔記得咗我哋既春卷，不過一催就立即幫我哋跟，好爽手，如果再加多啲笑容就好啦！環境一般，所以我冇打算會有咁既水準，有兩層，我只坐下層，唔清楚上面環境點！由於我哋一人叫咗杯$22蚊既青檸梳打，所以埋單要$156，算係咁啦！總括係唔錯！

係cbs 想食越南野, 諗來諗去都唔知有咩choice, 之後諗起呢間成日經過但又無幫襯過的香河入面的而且確無咩裝修, 但係客都好多下, 坐底叫左個生牛肉湯河, 扎肉雞絲涷檬, 春卷, 蒜頭西蘭花, 價錢都係廿零蚊一個河, 三十零蚊一個小食, 係銅鑼灣來講真係算低消費啦生牛肉湯河的牛肉唔係太生, 同埋有d un,唔知係咪因為浸得太耐, 個河粉就一般水準啦, 但係個湯就好正, 令我不停咁係度飲, 味道好清但又唔太油, 飲多都唔會口渴, good, 西蘭花就ok啦, 一般水準咁啦春卷好正! 好大件!! 一客有二大條, 個春卷比起平日個d粗好多同埋有好多料喎,好多粉絲, 個卷又唔易散,新鮮即做熱辣辣, 有少少痴牙啦, 但係好正!!必食!!service都ok, 地方都清潔, 咁怪之得係cbs可以企咁耐啦

一行五人, 在附近搵地方食lunch, 想平平地、穩穩陣陣又坐得舒服, 就揀左呢度.午市都有套餐, 但唔特別吸引, 於是散叫. 落order後唔夠半分鐘都黎左蒸粉卷, 都有d愕然. 可能我夾得衰, 一夾就剩係夾起到舊粉皮, d餡全部留番響隻碟度囉...... 論味道亦無乜特別, 其實點呢樣都係想就人口味.之後兩、三分鐘內, 生牛肉檬同牛肉撈檬都上埋. 前者上檯時, 牛肉都已經變左啡色, 記憶中好耐都無食過真正的「生」牛肉湯粉了, 呢度都唔例外, 應該係輕輕灼過先. 湯都幾好味, 不過就好似欠缺左越式湯粉常有既香葉(我麵唔肯定咩名) 味, 又係另一難忘的味道. 河粉比檬粉索湯, 第時都係叫番前者. 牛肉撈檬我無試, 據報幾好味.飯類有茄汁牛腩飯同牛柳粒紅飯. 前者個汁好稀, 但原來味都好夠. 牛腩同紅蘿蔔一望已知好夠腍, 炆到就黎爛咁樣, 正~~ 見有一兩舊先天不足, 好鞋, 但都已經叫人非常滿足. 後者個紅飯茄汁味恰到好處, 食落唔會嗆喉, 牛柳粒又係正, 好juicy, 份量亦比想像中多.春卷係最後先黎既一味, 睇得出係岩岩炸起, 但個皮好似好厚咁. 咬落去有d韌, 麻麻.總括黎講,

四個人叫了兩個二人套餐加一客椒鹽雞翼。套餐包生兩碗牛河、春卷和蒸粉卷，份量十足。春卷和蒸粉卷很足料，春卷香口、粉卷滑"漏"。椒鹽雞翼炸得剛剛好，咬開香脆的外皮，還有很多肉汁。

This Vietnamese restuarant was ridiculous. They do not know how to make Vietnamese noodle soup: no basil, no bean sprouts. Do they think I don't know what a bowl of vietnamese noodle soup is? The servers were not polite.

食物質素不錯價錢亦合理可惜服務員態度惡劣本人以後也不會光顧!!

心情麻麻，朋友陪我來這兒食番餐飽，很久沒吃越南菜，好想食春卷，所以來得很合時。雞絲檬- 好大碗檬，但花生碎同生菜絲比較少，味道一般。春卷- 即炸好脆，配新鮮的生菜吃非常可口。串燒香茅牛肉- 不錯。生牛肉湯河- 好味。椒絲腐乳通菜- 好味。椰汁黑糯米，只是八蚊一碗，好抵食噃！吃完東西心情真的好好多喎！

琴日同朋友仔溫完書去食din, 真係幾好味喎~因為懶得諗,叫左個普通的2人餐,雖然唔記得食過d 乜lu,但係就好食啦~下次一定會再去tim ar~

銅鑼灣區中﹐香河應該算係一間老鋪﹐但係我甚少幫襯﹐原因可能係因為附近多選擇吧﹖前幾晚經過銅鑼灣想食越南野﹐但同朋友講起大家都同意燕萍清亭都水準不如以前﹐結果諗諗下諗起香河。去到都唔使等位﹐但樓下無位﹐我地要上樓上坐﹐整體都算9成滿﹐生意尚算不俗。點左﹕香茅豬扒檬粉﹐蒸粉卷﹐炸春卷及椒鹽炸雞翼。甜酸魚露先上﹐每人一少碗﹐試一試﹐都算不錯﹐如果食越南菜﹐檯面上的酸魚露不合格的話﹐整個午/晚餐會大為失色呢。而香河做的算不錯。豬扒撈檬﹐豬扒算不錯﹐但檬粉則有點浸得太軟﹐望一望﹐原來罪魁禍首係碗入面的水﹐相信檬粉入碗時並無瀝乾水﹐變成水浸凍檬。呢個問題我在燕萍亦遇到過﹐的確係一個問題﹐希望各越南菜店主留意呢一點。反而於近年劣評如潮的小巴黎中很少遇到呢個問題。再來炸春卷﹐夠熱夠脆夠大條﹐味道相當不錯﹐而且跟我在越南食過的頗相近。配上魚露﹐真係食兩碟都得。蒸粉卷則平平無奇﹐而且有點太多油﹐正所謂唔食都無所謂。椒鹽炸雞翼﹐論肥﹐及不上清亭燕萍的牛油雞翼﹐論香﹐相比下亦略為遜色。但整體上我會評“不分高下”因為炸得剛好﹐皮脆肉軟﹐亦夠熱。食得牛油雞翼多﹐食下椒鹽炸雞翼都唔錯。總括來說﹐香河的水準絕對唔差﹐

六月四號，又係憑弔的時候，約了幾個舊同學一齊去，就與其中一人在波斯富街開左餐至匯合大隊入維園。行經這間老舖，記得學生時代都在此渡過幾許快樂時光；果陣時食的選擇很少，呢度係比較早期的名店，我們是在約會鄰校的女同學時才到這裡！看現在各式食肆大量普及，價錢又平，說香港食的水平低落的自己似乎也吃不了多少舖及食不到幾年！七時許呢度人也不少，樓下坐滿，可幸在樓上剛好有二人座，唔使等。有多款套餐，單是二人餐也有經濟及豪華兩款，叫了經濟的那個，兩個湯牛肉粉、春卷及蒸粉卷各一客，再加甜品只是98蚊，幾抵呢！吃越南牛肉湯河當然要生的，不然熟牛肉再遇熱湯，必然韌到食味全無。端來湯河，牛肉湯濃濃的，牛肉是剛熟的粉紅色，賣相幾對辦，可惜河粉是一餅的「壓」在碗底，所以吃這味記緊要先撥鬆河粉。濃濃的牛肉湯美味，味精說沒有是騙人的，但下得很少，至少之後在喊口號時也不覺口渴。先渴幾口湯，再撈入越式「是他差」辣椒醬，少少辣，甜甜的又有蒜頭味，香河的生牛肉湯仍是好掂；春卷剛炸起熱辣辣，兩條分四舊，用生菜葉，加一撮香葉，礁酸辣汁亦幾好味；蒸粉卷有四舊，粉皮軟滑，亦有水準；甜品是一人一碗椰汁粟米，甜甜的都好味，一小碗是有點不夠

聽媽咪講佢以前成日黎,so我就好想搵次同媽咪食~終於尋日叫左個2人套餐$98試試~2生牛肉湯河---d湯好味,但油左d,牛肉都ok蒸粉卷---食越南野一定嗌,連埋d汁好好食春卷(附圖)---用生菜,薄荷包住食,d餡幾好,個皮太硬仲有甜品送,估唔到個糖水咁好味,係綠豆蓉+蓮子,整體黎講係抵多d,又唔駛加一,不過我媽咪話以前好味d喎~

之前成日經過都冇食到, 今日突然想食越南野就即刻諗到要去呢度. 7點去到都幾多人, 樓下已經滿晒座, 要上上面. 不過都幾迫下, 而且樓底好低下. 2個人要左一個沙爹牛肉粉絲, 個湯好正, 好香花生味. 而且牛肉d都唔un. 最緊要係個湯唔會好杰, 一pat野咁. 香茅排骨, 一般炸豬扒, 普通. 蝦餅濵海, ok啦. 但係都冇咩蝦味. 差左dd. 一杯荔枝冰, 幾好飲. overall唔係太差, 不過唔係好好0個隻囉.

以前o係美加食過好多越南人開o既越南菜館，一直念念不忘，可惜香港好多越南菜館都唔係好得；自從試過呢度之後，先再食到正宗越南菜o既美味。<br>香茅豬扒好夠味，春卷熱騰騰；最開心o既，係食到D 爽口又彈牙o既乾檬，正！反而生牛肉河味道只係一般。若果未試過越南咖啡o既，記住o係度試下喇。<br>價錢方面，二十幾三十蚊一碗河粉或檬，唔算好平；但味道唔錯，算抵食啦！

我去親香河都叫二人套餐, 食評簡直可以copy 小王子, 完全認同。服務態度稍為差..