香姐雲南米線 (已結業)

今日做野去開荃灣，見到享和街開左間新米線，就同同事入去試下。一入到去，店員幾有禮貌打招呼。剛剛好有位，所以都唔洗等太耐。我叫左個豬腸蘿白炆雞酸辣米線中辣。米線好爽滑，同出面個d唔一樣。令我十分有驚喜係炆雞。唔鞋又好入味，非常好食。同事叫左韮菜餃豬扒冬菇麻辣米線大辣。佢話韮菜餃好味，值得一試。枱面有自家製既韮菜花，辣辣地，好好食，忍唔到口食左好多。舖頭都樽裝可樂飲，正啊！留意到有好少有雲南臭豆腐，下次黎一定會試埋佢。係少見有心機做米線既舖頭！

係FB 睇完個米線特輯，荃灣10間米線推介一間新開既米線！作爲米線控既我當然要試一試啦！我地叫左一個氣鍋雞，一個酸辣米線。氣鍋雞，我地expect 個份量應該大概係魚鱻既魚湯咁上下，黎到後份量比我地expect 既少一半，一碗仔幾舊雞，整體有d 似去茶餐廳加錢20蚊換既燉湯咁上下.... 係有d 失望，可能我 expectation 太高酸辣米線話說有佢地自家制既肉燥，但係份量好少，可能我叫中辣，所以唔多啦，咁如果叫少辣....應該會得兩粒肉🤔.... 餐牌寫既配料有好多，但係上菜就樣樣都得少少，仲冇左d 野添。突然我想起川味果碗大大碗，配料超多既都只係30幾蚊就有d 覺得自己唔抵.... 定係我期望太高？味道黎講香姐比一般既米線清淡，唔食濃味既人可能會buy... 但係對我黎講.... 食米線就係濃味先好食架啦！😋有一樣野好抵讚既，就係放係枱上面既自家制辣椒醬，味道好好！👍👍 仲有樽花椒粉係度等d 人自己架料！總括黎講，荃灣既米線店選擇真係太多，香姐可能會係我較後既選擇

上次食過酸辣小鍋米線 (湯底清鮮， 肉碎用 的果然是新鮮肉) 啱食有驚喜， 回頭再試其他菜式。 這次3人點了大的田七氣鍋雞， 田七味剛好不會太苦澀。 還有臭豆腐，雲南的臭豆腐氣味並不太大； 配特調辣醬汁香口得來也惹味。 再來是香煎乳餅, 羊奶味很香, 沾些白糖甜甜地令奶味更香濃 (這道乳餅較貼近雲南當地口味， 口感不是港式的鬆化口味， 食客可試着入鄉隨俗欣賞)。最後還點了油菜； 煎韮菜餃和雞翼 (這兩樣煎的食物都不會太乾， 仍保留內裡肉汁)總括今晚菜式吃得很滿意，亦品嚐到地道雲南風味 (因之前有到當地旅遊過，所以有這種感受)。

車媽媽從來都喜歡吃米線🍜，上一趟吃了老闆娘米線已經覺得十分心滿意足，不過真係冇能耐再去排隊食多一次😅！昨日行過享和街看見這一間香姐雲南米線門外的美食相片好吸引，趁著這天一個人的浪漫就入去歎番碗米線啦！ 中午十二點到達時內裏得兩枱客人，心諗會唔會有啲伏呢！不過既然入到嚟就既來之則安之啦！ 看看餐牌有啲咩嘢食先，首先見到佢哋嘅秘製特色美食，確係比起坊間來得特別，例如香煎乳餅和即烤臭豆腐同埋氣鍋雞我都好想試呢！不過這天一個人的浪漫呀嘛沒法吃那麼多！唯有下次拉車爸爸來試啦😁。 而米線就跟坊間的米線店同樣先揀了湯底然後再揀餸料，我選了酸辣米線 入面已有酸菜，同埋好特別的豬油渣炸醬，第一次試還是攞個中間位吃個 中辣吧🌶。 等待期間見到檯面調味味除咗辣椒油外，仲有這樽比較特別的麻辣粉，聞落去都幾香，如果一陣係夠辣的時候可以加啲試試呢！ 吃辣嘢當然要飲番支可口可樂啦！跟米線套餐價$7，如果正價要$12一支。 我的酸辣米線$23好快就上檯，都係一貫米線的大大碗作風，聞落去味道都幾香，而且仲見到有好多腐皮，韭菜，芫茜蔥等配料，(我唔喜歡吃芽菜所以走咗)！ 呷一口湯感覺比坊間的米線店清淡，如果唔喜歡濃味的

今日去荃灣廣場睇戲又想食少少野，見到有間米線坐得幾舒服又有電視就同朋友一齊去試啦，去到見到米線都吾少選擇而且仲有氣鍋雞添，見到有人食這個雞睇落都吾錯就叫左個一個豬扒米線，再加$10叫左豆漿。雞米線好快上到黎啦，雞有4件，米線份量都吾少，但沒有蕃茜咁滯有點失望（本來仲叫佢多點），米線一食落口好淋身而湯底似係辣椒油果類倒落去咁，吾太似平時食開果種味道（或許係因為沒有肉碎，所以飲落去口感偏似水咁）之後朋友加了類似胡椒粉（桌面只有一樽）話加左之後味道好一點啦。之後豬扒都黎到味道吾錯而都大片喎，但只屬來試一試就可以，反而再來可能因為氣鍋雞吧。但這裡待應都吾錯，又會比水同又吾會趕人走。最後每人差不多$40，但我只吃了2口就沒有再食過米線了，反而叫左2隻餃($5)，味道都吾錯同幾大隻。

今日很想食辣米線呢！睇睇餐牌~竟然有汽鍋雞湯飲 因近日多了出街食飯，所以少飲湯水，試下潤潤喉先。我：金針雲耳冬菇汽鍋雞 ＋ 麻辣米線配豬耳和韮菜餃朋友：田七汽鍋雞 金針雲耳冬菇汽鍋雞－鍋內塞滿了湯料，雞肉煲到好腍喔，熱騰騰的湯，岩曬秋風開始的時間飲，好飲喔！田七汽鍋雞－同樣足料，雞的精華出曬黎，田七甘甘地，令湯味好甘甜麻辣米線－麻辣的湯好夠辣呀。驚喜的是米線好爽滑，食到尾都唔會好腍，我個人幾喜歡這麵質；豬耳爽，韮菜餃細細粒。一碗麵的份量好足喔！汽鍋雞和米線實在好足料，食完好滿足

咁岩有咪標位，泊低架車係附近搵食，見到新開既米線，光猛企理，價錢合理，就試下啦！個湯底幾正，唔會死咸死辣，又唔油，但真係好大碗囉，女仔食唔哂，麵唔會lum，煮得岩岩好老闆見我好傾，私人醒幾粒臭豆腐仔，其實唔臭，但細細粒脆脆地，加埋個秘製汁，幾正！老闆推介氣鍋，下次再去試下先！