影片
手抓羊排野味 自家烧味拼盆有水准早排中秋做节订左半围优惠套餐都好有水准 吾似将价就货龙虾🦞伊面够份量好味道川椒带子都好新鲜 鲍参烩肚翅材料十足普通一条趸班蒸出水准鲜味
继续阅读
其实呢间未改名之前甚至再之前都食过，价钱好似越加越贵，不过味道都系咁上下。写呢篇文之前睇到其他食评，就系话上手改名之后都系个啲人，咁睇得明就明啦。 讲反今日吧，去到条电梯坏左，要搭升降机，几层都等左几分钟，应该有员工用紧，上到去6个就比左张大枱，不过个个位都算食正冷气比较冻，不过算啦。 之后坐左几分钟都冇人理，举手叫人黎铺枱布开茶位又要等，可能呢个区系得1个牙姐做呢啲，个2个主任唔洗，个牙姐铺完之后主任先行过黎问饮乜茶，叫完划点心，比完个牙姐之后等左20分钟，就问佢有冇落单，咁佢实话有啦，原来睇反张单个时间系落漏左既。 首先黎左两样先，味道还好，不过又等左10分钟，可能想一次过黎哂之后个啲。 黎哂之后都差不多3点45分要埋数，买单个边远，个主任可能唔想自己行就叫我自己去柜台买单，个下呆一呆，冇计自己去买。反到黎冷气就熄哂，焗住咁食，大家都话冇下一次了。
继续阅读
环境不过不失，但系新地毡最唔钟意就系好多毛粒，最讨厌嘅绒面櫈，坐得多皮肤会痕。最差就系呢度嘅冷气，我30几度喺条街度行都冇咁热，呢度冇冷气兼且冇空气，眼见10台人里面有四台都系拨紧凉，佢有部大风机，但系净系吹住两枱大枱同埋个收银。嘢食系深水埗区来讲比较贵，但系质素都不过不失嘅。
继续阅读
Book位嘅时候唔为意佢有冇讲， 总之去到长乐街至见到新斗记执咗，原来 佐敦个总 厨师走鬼咗去深水埗自己开咗档叫金城。 金城个场比佐敦新斗记大好多，但格调亦都降低咗好多， 好明显已经唔再系一个适当宴客嘅选择， 自己屋企人食饭仲勉强可以接受。今日系老妈子生日， 谂住蒸条苏鼠，无货; 红瓜子，无货; 连东星都冇货。 侍应姐姐话由于地区问题， 靓鱼好难买得出， 所以如果想食靓鱼就要预订 酒楼推介一条游水星班， 系早几日卖唔出 嘅货尾， 特价680蚊， 攞上嚟睇现货唔算好生猛不过又未死， 估计约莫两斤六两左右， 但上枱我亲自开条鱼嘅时候，发现火候拿捏极道精彩， 刚刚熟仲有少许鱼肉未离骨， 肉质极级嫩滑，蒸鱼豉油调味亦做得好好，值96分。蛏子都好好味不过未算好特别， 维持到佐敦一贯水准， 都算抵食。豉油皇海中虾系另一道杰出菜式， size完全唔似中虾， 根本就系大海虾， 爽口弹牙有虾味， 调味非常之好， 一贯佐敦水准， 必食推介。啫啫唐生菜都系好好味， 连喜欢食菜嘅阿仔都食到唔停口。以前佐敦新斗记嘅生炒排骨一直系我非常之欣赏嘅菜式， 但系去咗深水埗之后走晒样， 肉眼已经见到脆浆半透明摆明系索晒油又冇迫返出嚟， 芡汁好少所以酸味同甜味都唔够， 亦同时间冇咗黏糯嘅口感。虾子柚皮系爸爸喜欢嘅菜式， 煮呢一味菜柚皮要吸收好多油， 但一食落口已经成阵 油益味， 虾子香味欠奉， 摆碟亦都丑样， 失败之作。最后系叉烧， 分量非常足料， 好厚好大嚿， 肉质软滑， 其实好难得，火候要处理得好好。 可惜调味好咸， 正所谓蜜汁叉烧 ，叉烧要偏甜又黏口至好食， 真系可惜。
继续阅读
新酒楼前日入去饮茶，冇乜人，款式唔多，价钱偏高。之前系新斗记集团好似都系同一班人只系改咗名。观塘毅力工业中心8楼E室。有待改善。下次试下晚饭。
继续阅读