香城酒樓 (已結業)

其實呢間未改名之前甚至再之前都食過，價錢好似越加越貴，不過味道都係咁上下。寫呢篇文之前睇到其他食評，就係話上手改名之後都係個啲人，咁睇得明就明啦。 講反今日吧，去到條電梯壞左，要搭升降機，幾層都等左幾分鐘，應該有員工用緊，上到去6個就比左張大枱，不過個個位都算食正冷氣比較凍，不過算啦。 之後坐左幾分鐘都冇人理，舉手叫人黎鋪枱布開茶位又要等，可能呢個區係得1個牙姐做呢啲，個2個主任唔洗，個牙姐鋪完之後主任先行過黎問飲乜茶，叫完劃點心，比完個牙姐之後等左20分鐘，就問佢有冇落單，咁佢實話有啦，原來睇反張單個時間係落漏左既。 首先黎左兩樣先，味道還好，不過又等左10分鐘，可能想一次過黎哂之後個啲。 黎哂之後都差不多3點45分要埋數，買單個邊遠，個主任可能唔想自己行就叫我自己去櫃臺買單，個下呆一呆，冇計自己去買。反到黎冷氣就熄哂，焗住咁食，大家都話冇下一次了。