香城茶記

营业中

休息中

麗城不嬲都出名係美食沙漠，就算開咗咁多間新餐廳味道都係一般，呢間餐廳之前大裝修亦改埋個名，嘢食都變晒，正正就係呢啲改變令到我差唔多每個禮拜都會喺度開飯。前排多咗一個新Menu，加入咗唔同嘅海鮮，真心不錯，特別推介椒鹽九肚魚，非常惹味，不過份量有啲少，勝瓜浸花甲都好正🙌 最正就係個老火例湯，嗌套餐就會送一碗！唯一缺點係餐廳比較細，坐得好迫而且枱同枱之間好少空位，所以如果多人食建議早啲打落去預留位置，如果唔係都要等一排先有得入座。

呢間應該係做街坊生意，見佢都開咗有一段時間，原本諗住叫外賣返公司食，但原來餐廳外賣需要每個盒每隻杯加錢，餐具亦需要另再加兩蚊，即若果想外賣一個下午茶，盒$1+杯$1+餐具$2，覺得好唔抵🥲所以轉咗做堂食，叫咗一個下午茶豬扒炒公仔麵，味道一般，有兩舊仔豬扒，我覺得豬扒好硬，炒公仔麵冇乜味道，熱度都唔係好夠，可能因為下午茶關係，份量較少，唔係好夠食，杯奶茶叫咗少冰，但係都好淡味🤧🤧下午茶嚟講價錢算合理，但味道不太建議，下午茶人均45-50