影片
丽城不嬲都出名系美食沙漠，就算开咗咁多间新餐厅味道都系一般，呢间餐厅之前大装修亦改埋个名，嘢食都变晒，正正就系呢啲改变令到我差唔多每个礼拜都会喺度开饭。前排多咗一个新Menu，加入咗唔同嘅海鲜，真心不错，特别推介椒盐九肚鱼，非常惹味，不过份量有啲少，胜瓜浸花甲都好正🙌 最正就系个老火例汤，嗌套餐就会送一碗！唯一缺点系餐厅比较细，坐得好迫而且枱同枱之间好少空位，所以如果多人食建议早啲打落去预留位置，如果唔系都要等一排先有得入座。
继续阅读
呢间应该系做街坊生意，见佢都开咗有一段时间，原本谂住叫外卖返公司食，但原来餐厅外卖需要每个盒每只杯加钱，餐具亦需要另再加两蚊，即若果想外卖一个下午茶，盒$1+杯$1+餐具$2，觉得好唔抵🥲所以转咗做堂食，叫咗一个下午茶猪扒炒公仔面，味道一般，有两旧仔猪扒，我觉得猪扒好硬，炒公仔面冇乜味道，热度都唔系好够，可能因为下午茶关系，份量较少，唔系好够食，杯奶茶叫咗少冰，但系都好淡味🤧🤧下午茶嚟讲价钱算合理，但味道不太建议，下午茶人均45-50
继续阅读