影片
去咗铜锣湾的Dining Room 食Lunch, 因为有张$50的赠卷, 食物同环境也不错, 特别系个菠菜忌廉汤, Yummy! 五＋几蚊一个餐, 但食完饱到行唔到, haha... 下次会再去!
继续阅读
话说寻晚情人节同我女朋友去左铜锣湾，我又大头虾冇book位，当然好多地方都爆晒啦！于是我地就周围揾啦，行行下急急地就去左times 后面间Holiday inn Express 个洗手间，出到来见到有间叫饭厅0既野，佢地个情人节餐系星座，见几得意有好似几有心思，于是走去睇下有冇位啦，又好好彩有人埋紧单，等左5分钟左右就有位。佢地个menu几得意，每款菜都好配合个星座，个前菜系射手，都真系几靓咖㖞，至于个主菜，有牛又有羊，Ｄ肉质都几好，羊就有少少苏不过唔过火。甜品就好靓呀有两个心形，未方面就好似甜左少少，可能我太sweet食咩都甜啦，哈哈哈。最令我欣赏0既系Ｄ环境同服务，气氛好好，而且个个都好有笑容，仲有人现场唱歌，我地坐到10点几都冇hard feeling，仲不停帮我地加水，下次同朋友倾计好地方。
继续阅读
星期四晚约了朋友出去铜锣湾食饭，若不是朋友带我去也难找到餐厅，因餐厅是在Holiday Inn Express 2楼。餐厅气氛很好，有玻璃窗可以睇到街景，好Warm好浪漫，食物质素都不错。最令我喜出望外系餐厅好有创意地划分部分地方为烹饪区，系法籍女士教授，有教汤、主菜同甜品等，d同学仔仲可以落手落脚整，好似好好玩咁^v^。好有兴趣于是走去问吓餐厅经理价钱，系$320+10%包烹饪班及Full Set晚餐。都好抵，有得玩又有得食，整好既食物仲可以带走，可以一试!!!!!!!!
继续阅读
8-12-07 (六) 十二月的铜锣湾人潮如涌，令人头昏脑胀，很想逃离人声沸腾的街道，印象中这里“旺中带静”，便和Ｔ来试试。L : “感觉这里可能麻麻地，不过试一试也无妨。”T : “好。”L : “照计这里和时代广场近在咫尺，虽然不喜欢餐厅的装潢，但总算坐得舒适，点解咁少人？”T : “原因只有一个。”L : “是啊，一阵食物来到就知。”我们叫一个什么法国节优恵餐，是鹅肝酱牛柳，和一个焗芝士田螺面包球。加＄18有餐汤和餐茶，看来不会好喝的了，决定不加。经理(？)大大声说，牛柳餐唔加餐饮。L : “点解要咁大声讲唔加餐饮。”T : “咁先好，一阵肯定唔会计错数。”L : “……”T : “牛柳煎㶶哂，睇吓个底。”Ｌ: “我厨艺咁差，都应该整得好过佢。”不知所谓的焗芝士田螺面包球，吃剩大半个面包，引来小苍蝇站在上面，令人倒胃。T : “等我影张相先。”L : (赶走苍蝇) “唔好影，理单。”结账时送我们一个月历，才知道餐厅是属于鸿星的，真想到。再一次要闹自己，点解唔信自己的直觉。乱试一通。和上次在奥海城食到一肚气的餐厅如岀一辙：同样是集团经营，但食物制作却毫无诚意。虚有其表的装潢，标榜西式，仲差过港式茶餐厅多多声。同样有穿面装但讲嘢大大声的男仕，难道大声才代表是餐厅的“高层”。希望集团经营的餐厅千万不要“发扬光大”，留下些少空间让那些诚意小店生存，像京街、日街……
继续阅读
今日约朋友到铜锣湾行街,行到有点累,想找一间较宁静和环境舒服的餐厅慢慢享受. 本身餐厅唔系在大街,需要上2 楼,所以环境会较静. 而且坐得几舒服,气氛不错. 午餐都有几多既选择,今日拣左忌廉汤同清清地既饺子汤伊面~ 忌廉汤冇咩特别, 不过都系最钟意果蒜蓉包, 外脆内软, 又够蒜香味~ 饺子汤伊面汤底淡口,如果钟意食浓味食物既朋友就唔太适合, 饺子有轻轻煎过,比就咁用水渌更香口~整体上食物质素不错,环境及气氛就好满意~ 有机会会试试晚餐~
继续阅读