飯廳 (已結業)

去咗銅鑼灣的Dining Room 食Lunch, 因為有張$50的贈卷, 食物同環境也不錯, 特別係個菠菜忌廉湯, Yummy! 五＋幾蚊一個餐, 但食完飽到行唔到, haha... 下次會再去!

話說尋晚情人節同我女朋友去左銅鑼灣，我又大頭蝦冇book位，當然好多地方都爆晒啦！於是我地就周圍搵啦，行行下急急地就去左times 後面間Holiday inn Express 個洗手間，出到來見到有間叫飯廳0既野，佢地個情人節餐係星座，見幾得意有好似幾有心思，於是走去睇下有冇位啦，又好好彩有人埋緊單，等左5分鐘左右就有位。佢地個menu幾得意，每款菜都好配合個星座，個前菜係射手，都真係幾靚咖喎，至於個主菜，有牛又有羊，Ｄ肉質都幾好，羊就有少少蘇不過唔過火。甜品就好靚呀有兩個心形，未方面就好似甜左少少，可能我太sweet食咩都甜啦，哈哈哈。最令我欣賞0既係Ｄ環境同服務，氣氛好好，而且個個都好有笑容，仲有人現場唱歌，我地坐到10點幾都冇hard feeling，仲不停幫我地加水，下次同朋友傾計好地方。

星期四晚約了朋友出去銅鑼灣食飯，若不是朋友帶我去也難找到餐廳，因餐廳是在Holiday Inn Express 2樓。餐廳氣氛很好，有玻璃窗可以睇到街景，好Warm好浪漫，食物質素都不錯。最令我喜出望外係餐廳好有創意地劃分部分地方為烹飪區，係法籍女士教授，有教湯、主菜同甜品等，d同學仔仲可以落手落腳整，好似好好玩咁^v^。好有興趣於是走去問吓餐廳經理價錢，係$320+10%包烹飪班及Full Set晚餐。都好抵，有得玩又有得食，整好既食物仲可以帶走，可以一試!!!!!!!!

8-12-07 (六) 十二月的銅鑼灣人潮如湧，令人頭昏腦脹，很想逃離人聲沸騰的街道，印象中這裏“旺中帶静”，便和Ｔ來試試。L : “感覺這裏可能麻麻地，不過試一試也無妨。”T : “好。”L : “照計這裏和時代廣場近在咫尺，雖然不喜歡餐廳的裝潢，但總算坐得舒適，點解咁少人？”T : “原因只有一個。”L : “是啊，一陣食物來到就知。”我們叫一個什麼法國節優恵餐，是鵝肝醬牛柳，和一個焗芝士田螺麵包球。加＄18有餐湯和餐茶，看來不會好喝的了，决定不加。經理(？)大大聲說，牛柳餐唔加餐飲。L : “點解要咁大聲講唔加餐飲。”T : “咁先好，一陣肯定唔會計錯數。”L : “……”T : “牛柳煎燶哂，睇吓個底。”Ｌ: “我厨藝咁差，都應該整得好過佢。”不知所謂的焗芝士田螺麵包球，吃剩大半個麵包，引來小蒼蠅站在上面，令人倒胃。T : “等我影張相先。”L : (趕走蒼蠅) “唔好影，理單。”結賬時送我們一個月曆，才知道餐廳是屬於鸿星的，真想到。再一次要鬧自己，點解唔信自己的直覺。亂試一通。和上次在奥海城食到一肚氣的餐廳如岀一轍：同樣是集團經營，但食物製作卻毫無誠意。虛有其表的裝潢，標榜

今日約朋友到銅鑼灣行街,行到有點累,想找一間較寧靜和環境舒服的餐廳慢慢享受. 本身餐廳唔係在大街,需要上2 樓,所以環境會較靜. 而且坐得幾舒服,氣氛不錯. 午餐都有幾多既選擇,今日揀左忌廉湯同清清地既餃子湯伊麵~ 忌廉湯冇咩特別, 不過都係最鍾意果蒜蓉包, 外脆內軟, 又夠蒜香味~ 餃子湯伊麵湯底淡口,如果鍾意食濃味食物既朋友就唔太適合, 餃子有輕輕煎過,比就咁用水淥更香口~整體上食物質素不錯,環境及氣氛就好滿意~ 有機會會試試晚餐~

無黎一排, 裝修左喎, 成個feel唔同晒, 似係高檔餐廳喎!坐低hea or傾計氣氛一流!lunch叫了一份香橙燒春雞, 個紅湯ok, 但個包就....唔掂呀, 硬到可以掟死人...個主菜就好好食喎, 橙汁配雞好開胃!lunch menu有好多款, 應該可以再試試P.S. 其實呢間野都幾難搵, 佢係Times sqaure後面條街既holiday inn express裡面的2樓...

今日去左食DINNER因為唔食得海鮮,所以好多野都唔食得冇咩選擇下唯有食個白汁雞皇飯麵包球,幾得意O既,不過個包乾左d,配埋白湯,好采都過得去,at least有cream的!!!不過檸蜜就好怪味同埋甜到喉嚨唔舒服SET DINNER: 龍蝦酥盒,原來大過個$5少少+芥末雞排(可能我唔接受啦,似大*樂果d味......但係個MOOD同服務都好O既,有人行埋黎唱歌俾我地聽

去過2次荃灣飯廳,1次鑽石山那間,覺得食物不錯, 今次便試下銅鑼灣那間飯廳.因男友生日便食好啲,點了個2人龍蝦套餐,$398二位再加一服務費. 包自選龍蝦湯,每人半隻龍蝦(可自選煮法)配天使麵,我們各點了不同煮法,黃金燒和香檳忌廉汁; 再加各人一款自選海鮮(可選煙肉焗生蠔,海皇帶子配黑松露汁,或魚湯配海鮮(忘記了全名),配有粟米和薯茸,另包是日甜品和餐飲.龍蝦湯不錯,有龍蝦肉,男友選了干邑味,我選了香芒味,龍蝦湯喝至最尾有些芒果肉,配搭不錯. 而主菜龍蝦頭和身煑得頗惹味,不過蝦腳和鉗只是白"烚",沒有什麼味道,略遜一籌,如果一齊煑會好好多!而於自選海鮮, 我們分別各選了一款生蠔和一款帶子,交换來試試,發覺生蠔麻麻地, 有小小腥味,反而海皇帶子弄得出奇的好,那個汁好好味,真後悔應該二人也點帶子吃!這裡氣氛不錯,人流比Tsuen Wan & Hollywood少人,可能係樓上餐廳之故,但我們都很欣賞那女菲律賓歌手,很熱情地走到我們那處一邉彈結他一邊唱情歌,還彈奏了兩首呢!整體而言,也不錯,都會再光顧的! ^-^

係其中一個損友0既生日飯,黎左呢度慶祝田螺薯蓉--田螺無乜味,薯蓉比較乾魷魚圈--呢個幾好,炸得幾脆口,又夠熱龍蝦意粉麵包球--龍蝦味道幾好,不過肉質一般,意粉就不過不失咁la安格斯牛扒現田螺--個牛扒都幾好,真係做到五成熟,ok 啦食物方面,ok咁啦,服務就麻麻地啦,d waiter成日都唔見人,仲十叫九唔應,呢度最特別0既係有人0係每一檯0既面前唱歌,不過相信唔係檯檯都鍾意,餐廳方面應該adjust 下呢樣野

睇左雜誌介紹這餐廳, 約埋男朋友星期五放工一起去試下. 餐廳做緊法國節, 鵝肝醬牛柳及紅酒都有半價優惠. 加$18 仲有埋餐湯, 咖啡或茶. 感覺好抵呢. 一去到餐廳感覺不錯, 坐得舒服, 侍應的態度有禮貌, 為我們介紹了牛柳, 還有龍蝦餐. 最後我們都是選擇了牛柳. 開左支半價優惠的法國紅酒(原價$360) 口感不錯. 跟餐湯的蒜蓉包好香脆, 連一向不大喜歡食蒜蓉包的我都覺得好味道. 鵝肝醬牛柳味道一般, 沒什麼特別. 可能因半價的關係, 所以份量不多, 如果好肚餓的話就未必夠飽了. 最後是餐茶, 凍檸茶大大杯, 好抵飲的!不過以這個價錢有這樣的食物, 男朋友和我都覺得很不錯了. 下次可以去試下個龍蝦餐吧.有一樣不大好的就係有隻蒼蠅在四周飛來飛去搔擾我們呢!!

中午時段的SET LUNCH選擇算多,餐湯好濃好夠味,當天叫了煙鴨胸焗飯,煙鴨胸又嫰又滑,焗飯的汁又香濃,整體都很美味。只是當天的空調好像不夠,飲湯之後都全身發滾了,不過,可能與天氣太炎熱有關吧!

五成熟的安格斯牛柳間直好味得難以形容..入口即溶兼勁香濃的牛肉味.會再試;龍蝦汁天使麵煮過火..太淋..失去了天使麵原有的特質..幼身兼韌牙..田螺酥..乎被牛油本身的香濃牛油味完完全全遮蓋了..拉violin音樂伴奏..服務不俗...可再試

7月11日(星期三),我和男朋友係銅鑼灣行完街,經過間快捷假日酒店,見到大門口有間Coffee & Bar 餐廳,我地見有少少口渴同肚餓, 咪行過去睇咗陣餐牌,點知見到間餐廳裹面一個客人都無,個侍應仲坐係到睇緊電視,見我地唔到,可能套戲好好睇啦!然後我地上咗一樓,見到有間Dining Room 餐廳,原來樓下同樓上個餐牌係一樣,咁咪入去試吓!我地睇咗陣餐牌,叫咗一杯Nothing$38,一杯Strawberry Daiquiri$38,一份蟹籽海鮮墨汁意粉$88同一份法國餐$318(頭盤:龍蝦沙律伴三文魚籽,湯:洋蔥湯,主菜:帶子皇伴龍蝦燴飯)首先杯Nothing---淡而無味！Strawberrt Daiquiri---無酒味，冰太多，根本飲唔到！（同咗個經理講，佢話個Bartender係新嚟，Bartender連兩杯咁普通飲品都做唔好，不如唔好做啦！）蟹籽海鮮墨汁意粉---ｄ墨汁好似漿糊，仲有ｄ怪怪地既味道！（我食咗少少已經唔想食啦，想嘔！）龍蝦沙律伴三文魚籽---份量十分少，３啖食完！洋蔥湯---唔夠味！帶子皇伴龍蝦燴飯---帶子殼夠大，飯很少，唔覺有龍蝦肉！然後再次同經理反映，

今日晏晝去呢間餐廳食下午茶, 其實佢地d野食都唔差, 咁我食完一個豬頸肉炒意粉之後, 坐多一陣, 原本想食個甜品雪糕。咁我就問個侍應妹妹有冇淨雪糕可以order, 因為茶餐得雪糕加pancake, 實在太多我食唔晒同埋我試過佢地個pancake係幾難食, 就算係貴過個茶餐我都寧願淨叫雪糕, 我又唔想飲多杯野喎。咁個侍應妹妹就走去距離大約十呎遠個櫃台前問個部長有冇淨雪糕叫啦,誰不知個四眼瘦瘦地大大聲嘅中年男部長以為我聽唔到,竟然話:"淨係要雪糕? 叫佢自己去街買囉!...你介紹佢食其他甜品啦!" 佢一講完個侍應妹妹見佢咁大聲同失禮, 即刻好尷尬咁望過嚟, 同埋即刻走過嚟介紹我食其他野。我真係覺得個部長好唔專業同好唔尊重人, 不知所謂! 如果唔係佢嘅話我都覺得呢間野都食得過(不過就唔好食佢個cheese cake同pancake, 好似雪得太耐), 其他侍應都幾nice。

朋友Q同我食飯慶祝生日，她選呢間。我未來過，我又幾喜歡食西餐，梗係試下。一入到去，有個菲律賓男歌手，手持結他，唱歌，燈光又暗，好似幾romantic咁。點之帶位帶我地入到去餐廳比較入的地方。呢度光點，兼有一個大投射螢幕，正在放映無線電視劇。我地點了二人大蝦牛扒晚餐，有餐湯，沙律軟殼蟹卷，鴨胸意粉，焗大蝦牛扒雞扒，甜品及餐飲。餐湯配蒜蓉多士粒。我要了羅宋湯，幾香濃好味。蒜蓉多士粒，夠香脆。炸軟殼蟹用pita bread 卷上，配沙律菜，炸軟殼蟹香脆，好好味。鴨胸意粉，鴨胸絲配青椒，番茄汁，它用的是扁意粉，幾好!焗大蝦牛扒雞扒，呢個好失望!焗大蝦，用芝士白汁焗，但係佢焗得太耐，蝦肉乾得似潮州蝦干! 牛扒及雞扒都似快餐店做早餐的扒。完全唔得。甜品是brownie, okay 啦。不過，我認為咁普通。不如省了算。整晚菲律賓男歌手係出面係咁唱歌，而我地入面就係咁睇無聲的"爭霸"。真係fusion 氣氛!點都好多謝Q的心意。