影片
又到下午茶时间，东汇中心大家乐又迫人，价钱又不算太便宜，于是就去隔离舖间餐馆帮衬。餐馆胜在揾位容易，座位也算舒适，价钱亦经济合理，久不久也会光顾。下午茶叫了日式咖哩一口牛($42)，可配饭或意粉，送餐汤和热饮，冻饮加$3。餐汤是罗宋汤，汤料充足，味道不错。日式咖哩一口牛配饭上，牛肉够鲜味，肉厚多汁，就是咖哩味比较淡，不够浓郁。餐茶是即磨热咖啡，味道尚可。
继续阅读
我大约在两三年前已经发现呢间餐，但个地点比较难揾，可能要用多少少时间先揾到，因为出面冇摆到大型招牌出黎。最初系俾佢个龙虾餐吸引(两位起计)。有两种口味同两种主菜可以选择。之前个餐牌都系士焗龙虾同炭烧龙虾;主菜系卡邦尼意粉或蕃茄酱意粉。但宜家应该有改变架啦!「波士顿龙虾餐」我平时黎食都系叫个龙虾餐架，冇记错平日就$88位(未加10%)、星期六日公众假期就此$118位(未加10%)。以又有汤、又有包、又有野饮、又有主菜，仲有半只波士顿龙虾，真系物超所值。可以选择炭烧龙虾或芝士龙虾;「海鲜拼盘」另外佢个海鲜拼盘都好值得推荐俾大家。虽然唔系话有蚝食，但啲青口、虾等等都好新鲜。我觉得餐馆的海鲜系特别新鲜!「曲奇沙冰」同时间都有一杯特色饮介绍俾大家-曲奇沙冰。唔会太甜，但系又有粒粒oreo!跟餐其实都系加10蚊。其余都好似仲有朱古力同椰子拖肥沙冰，不过oreo最好味！今次去我系专登黎试下其他食物的水准。我叫左个杂扒餐(有包有野饮有餐汤)，同一个吞拿鱼蕃茄长通粉。「餐汤」呢间餐厅通常都系杂菜汤，但平时杂菜汤个水准就几参差，一时好饮一时唔好饮。因为有时会太酸，有时太淡，有时又好好味。但总括黎讲10次有8次都ok既。佢有一段时间(大约两三个月前)都供应过炖牛肉汤，我饮过都几浓郁，但有少少咸。今次系忌廉蘑菇汤，入面都会有磨菇粒。呢个汤既好处系唔会好似出面卖果啲咁heavy，饮完之后都唔会觉得已经好饱、食唔落其他野。但其实一般西餐厅都会有两种汤俾客人选择，最basic会系红汤(罗宋汤)同白汤(忌廉汤)。所以建议餐馆可以提供两种不同的汤令客人有多啲选择。「吞拿鱼蕃茄长通粉」记得第一二次黎食系食下午茶，有个好类似既长通粉，不过系白汁菠萝粟米蘑菇长通粉。白汁菠萝粟米蘑菇长通粉个通粉绝对唔会煮得太淋，每种材料都完全保留返本身个原味。如果有小朋友唔想叫啲太油太唔健康既野食俾佢地，可以考虑白汁菠萝粟米蘑菇长通粉。至于我今次食既吞拿鱼蕃茄长通粉唔系用大蕃茄整既，而系用车厘茄整。咁个通粉就唔会太酸啦。而且有半粒半粒既车厘茄喺个粉度，都几有咬口，唔似啲大蕃茄咁会煮溶晒。而且啲吞拿鱼一丝一丝都沾满蕃茄汁，唔会太干身。我最欣赏既就系呢间餐厅连单叫既长通粉，都可以加16蚊转餐(有包、有汤、有野饮)。咁样就可以就返一啲食量较大的朋友。「杂扒餐」呢份杂扒餐可算是咩都齐，有牛、猪、鸡、肠仔。每一种肉啲肉汁都好多，我觉得个鸡扒最好味，个皮煎得好脆。但系个猪扒就太软，冇左猪扒原有果种质感。至于汁方面就有黑椒同埋烧汁选择，另外调味料都好齐全，包括茄汁、李派林、辣椒仔、芝士粉等等都有。总括黎讲，咁好味而又咁平既西餐厅喺呢个物价高涨既社会，已经好难得，我会继续去捧场的!
继续阅读
第一次到餐馆，是由一位很要好的旧同事引路的，餐牌跟现在的没有太大分别，普通四十多元的午餐有好几款，有鱼﹑牛﹑猪﹑鸡及沙律的代表，而每日的是日咖哩更是抵吃之选，大概$42(最开初是$40的)，每客午餐包一杯冷/热饮品及餐汤，以前更有餐包供应。不过餐汤只得一款，没得选择。随著百物腾贵，租金又有加无减，为了不大幅加价，餐厅大概只得将货就价这方法，故食物质素不如以往，我亦少了光顾呢！是日跟同事找开饭处，见久久没来这里，又想坐得稍为舒适一点，故重临此地。原本是想吃牛扒，但又怕质素跟价钱成反比，吃咖哩又只得海鲜，故最后选了蓝莓汁猪扒配薯角，餐汤是颇足料的罗未汤，不过我不好此汤，没叫上。不用多久已预先煮好的猪扒上出，份量比想像的多了，有两块。薯角热辣辣，猪扒肉质颇弹牙好口，够松化，有猪肉应有的臊味，有点意外的好吃，初时以为蓝莓汁怪怪，但调味得宜，既不失淡淡蓝莓味，又有正常底料的调味。整体而言，餐馆食物并非出色之辈，水准有点飘忽，像港式/茶餐厅式西餐，不过价钱未算太贵，坐得尚算舒适，间中前来开饭尚可。
继续阅读
假日吃早餐，总离不开附近的茶餐厅、快餐店，确实令人有点厌倦，老公提议这星期不如试试商场内的西餐厅。其实我俩曾经来过这里吃下午茶，不过吃早餐倒还是头一趟，又看看有乜新意先。这里早餐价格颇为大众化，由 $19 - $25 不等，更无需收取加一服务费，与一般茶餐厅无异，快餐价钱，西餐厅格局。原来这儿的早餐也有很多选择，由美式、英式、健康餐到面餐，一应俱全。老公点的猪骨汤公仔面餐 ($23) 其实都几丰富，随了牛油面包外，还有炒蛋、肠仔、薄牛扒配上公仔面。以篮上的小餐包，外皮色泽够晒金黄，包身入口亦颇为软熟，唯一可惜的是没有先翻热才上台，否则以烤热的餐包配上原粒牛油，相信会更为美味。至于炒蛋，入口唔算特别滑，肠仔就味道正常、反而薄牛扒煎得算唔错，比起「大家乐」的还要出色，虽然肉味偏淡，但起码咬落完全唔觉韧，味道更没有过咸，水准不俗。公仔面面质软硬度还算适中，不过汤底唔多觉有猪骨味，饮落比起包装公仔面的调味汤粉还要淡。跟餐的热奶茶虽然并不是我杯茶，不过入口都算顺喉，茶香和奶香兼备。被英式夹饼的名字所吸引，也点了份英式夹饼配炒蛋 + 肠仔 ($23)，开头还以为夹饼是鸡蛋仔店舖出售的那种格仔饼，会先涂上了牛油、花生酱、炼奶及砂糖等才送上台，点知原来这份夹饼是一个非常的骰的原味窝夫，size 甚至比「山崎面饱」的出品还要细小，入口又腍又软，毫无脆度可言，蛋香更加欠奉，连附上的糖浆都稀释得甜腻尽失，真令人失望，惟有默默吃肠仔以作补偿。至于跟餐的冻柠茶 (+$3) 茶味特浓，完全盖过了柠檬的清香，幸好入口苦涩味不重，就当清清肠胃吧。想吃一点肉，所以又点了份美式早餐 ($25)，内里包括鲜果汁一杯，可选茄汁或橙汁、牛油面包、茄汁焗豆、煎双蛋或炒蛋、而肉类选择就真的非常之多，包括有烟肉、肠仔、餐肉、火腿、鸡扒、猪扒、薄牛扒、吉列鱼柳，另再加热饮一杯。这份早餐超级丰富，虽然已经拣了橙汁一杯，餐尾竟然还另有热饮，真系无牛咁多个胃都饮唔倒咁多嘢。炒蛋、餐包已评论过了，至于鸡扒还算不错，虽然块鸡皮望落去有点㶶，但煎得甚为香口，鸡肉入口既 juicy 又嫩滑，配上酸酸甜甜的茄汁焗豆，味道也很丰富。
继续阅读
今晚第一次去食，叫左个杂扒餐+牛油芒果芝士海鲜焗饭餐，两个餐都跟汤同饮品。$48/49一个餐呢个价钱以差为好合理，点知我个海鲜饭.......得几粒牛油果+芒果，海鲜就包括：鱿鱼4小粒、超迷你急冻虾一只、小量三文鱼肉碎，仲差过普通茶餐听的焗饭!!!铁板戏亦好一般，呢个价钱，我不如去越栈食！环境同侍应服务都麻麻，埋单两个人$106 唔会再试！
继续阅读