養心殿台式養生鍋 (已搬遷) 新店位置

每個星期都和媽咪聚會一次，今次她揀了食養心殿的午市套餐，就一於起行啦一入店內，已感受到濃濃的古色古香的氣氛，很有書卷氣息。坐下來，看看餐牌先，我們叫了鹽酥蚵仔肉燥飯，及九層塔三杯雞配白飯，餐飲配杞子菊花露，及烏梅汁，跟餐還有原盎台式燉湯。鹽酥蚵仔肉燥飯份量非常足，蚵仔的size 不算小，炸得香脆可口，一啖蚵仔一啖飯，九層塔三杯雞調味得很好，非常惹味，雞件大大塊，啖啖肉，媽咪很喜歡啊！值得一讚的是，原盎台式燉湯足料火候夠，內裡還有烏雞件，非常餐生滋補，而且午市套餐又不用加一，確很值得向大家推介

呢日跑完步 打俾女朋友話想食火鍋 然後就打電話去問呢間嘢係咪晏晝有得半價 原來真係有不過好似係唔包酒水同埋海鮮，咁我哋約咗兩點幾到嘅。上咗去之後原來都已經有幾為喺度食緊， 可能都係想用半價試下你嘅 咁我哋就嗌咗個肥牛喇 鴨血湯底啦 嚟試味， 牛肉質素好唔錯 湯底嘅料都好足料 完全超乎我哋對火鍋嘅印象 兩個人最後勝惠半價後 四百幾蚊 。 如果你叫原價嚟食咁少嘢就要八百幾蚊我覺得好唔抵

能令我一去再去的火鍋店唯有這養心殿，今晚與數位同事去公司附近的銅鑼灣分店，其佔地全層，地方寬敞，但顧客未算太多。每家分店的裝潢均相同，都是傳統中式設計，深木色作主調，有種古色古香的感覺。美人鍋及寧神養心鍋 ($188/雙拼): 美人鍋主要用料有烏雞、金華火腿、南棗、杞子及含豐富膠原蛋白的「桃膠」；後者是以大量鮮魚餚製的魚湯，除了大魚頭外，亦有烏雞、白芷、天麻等料，非常鮮甜美味，本人極為喜愛。手切牛肉 (細/$238): 牛肉色澤紅潤，雖脂肪比例稍多，但牛味也算濃郁，而且油花亦令肉質更幼滑。活九孔 (鮑魚) ($48/隻): 活鮑魚十分新鮮，其肉質爽彈，味道鮮甜，值回票價。手打蝦丸($40)及芝士牛肉丸($48)各半份: 手打丸爽口彈牙，前者蝦味濃郁；而後者在牛肉丸中夾有流心芝士，味道也蠻不錯。台灣水蓮菜 ($88): 水蓮是台灣蔬菜，其碧綠爽脆，清甜可口，輕灼二三十秒即可享用。

今日收工火鍋癮起，於是與友人前往銅鑼灣的養心殿。養心殿的裝修古色古香，空間寬闊，還有屏風分隔，私隱度高。火鍋配料選擇多，而且不少是店家獨有的款式。我們點了寧神養心窩，內有川芎、白紙、天麻、當歸等滋補藥材，還有烏雞和鮮味魚頭。墨魚丸和蟹棒都是鮮味彈牙。從台灣空運到港的冰菜口感獨特，吸盡湯底精華後非常鮮甜。鮮甜三蔬有粟米，秋葵和山藥，粟米清甜，秋葵和山藥口感爽脆。農場野菌份量足，而且大隻厚肉。寬粉條Q彈爽口。養心殿果然很有特色，難怪長期人氣高企。

幾位朋友都身處港島，唯有遷就一下去養心殿既銅鑼灣店打邊爐。餐廳有相當名氣，所以我都唔多介紹喇。寧神養心鍋 (左) ＆ 美人鍋 (右) - 湯底無限refill，但唔系加清湯，所以湯底絕對系愈食愈濃郁。寧神養心鍋系奶白色既魚湯底，用上川芎、白芷、天麻等料。而美人鍋除左烏雞、豬肉等料，仲落左大量桃膠，確實系女士之寶！手切牛肉 (238/細) - 每間店都牛肉品質都差唔多，來貨質素唔錯，賣相靚又夠新鮮，牛味都幾balanced。酒香白肉 (58) - 呢款系台式火鍋店獨有，簡單講就系酒醃豬腩肉，腩肉肥瘦分明，有好濃郁既酒香，好好食。餃子拼盤 (118) - 一客十二件，每款兩件共六款，有雲吞、水餃、魚皮餃、水蓮餃、韮菜餃及麻辣牛肉餃，皮唔厚而且幾滑，餡料又充足幾好食。雲吞既蝦肉爽彈，特別好食，其餘款式都無咩挑剔。千層凍豆腐 (48) - 一客有八件，凍豆腐既好處系灼完都唔會散，系湯底愈黎愈濃既時候灼，吸汁後特別好食。

呢排雖然熱到好似夏天咁，但見自己呢排個人有啲虛，諗住食返啲嘢去補一補身。之前已經食過2次養心殿，食物同環境都唔錯，所以今次再搵埋朋友一齊食。店舖裝潢好心思，真係好似返咗古代咁。同埋間隔都很有私隱度，啱晒鍾意講八卦嘢嘅我們。我們點了美人鍋貪，十分足料，除咗有唔同類型藥材之外，仲有成隻烏雞，所以湯底真係好夠味。台灣菜、餃子、雪花肥牛、水豆腐、鴨血……多到數唔到，當中最欣賞嘅就係黑松露手打墨魚丸，真係超香又彈牙！食到最後竟然仲有驚喜，侍應哥哥突然走去我小朋友嘅身邊問佢食唔食雪糕，仲話係免費請佢食嘅，阿仔即刻好唔客氣咁話多謝。雖然雪糕係請嘅但好有誠意，仲要係益力多味好特別，本地制造，好似喺普通超市買唔到。

最近又忽冷忽熱，趁天氣仲涼涼地，快啲抓緊機會食多次火鍋！今次，食我其中一間至愛——養心殿台式養生鍋。醬料區有新鮮海鮮可以另外加點之前試過佢既特色養生鍋，好正！今次叫左鴛鴦鍋，麻辣鍋（小辣）同酸菜白肉鍋$128呢個價錢雙拼幾抵，又酸又辣，呢兩個鍋本身都有鴨血同酸菜白肉，好抵食本身麻辣鍋（小辣）可以免費追加一份鴨血，酸菜白肉鍋可以免費追加一份白肉，不過鴛鴦鍋只可以二選一！最後決定要鴨血食火鍋叫牛肉係指定動作霜降肉眼肥牛$178雖然卷起左，但係煮完發現好大塊肉味濃，牛肉有厚度，吸灑火鍋湯底精華！黑松露蝦丸（半份）$48聞到好香既黑松露味！蝦丸打得夠爽口！酒香白肉$58好香酒味，不過點完發現同酸菜白肉鍋既白肉應該係一樣，所以如果叫酸菜白肉鍋可以唔叫呢個，留番試其他配料！炸午餐肉$58好邪惡！不過好味，啲邊炸到脆卜卜，好香口！自家製水蓮餃$42好少地方有水蓮，今次試下！自家製麻辣牛肉餃$42唔算辣，不過調味幾香，餡料足！自家製水蓮餃$42煮完之後粒粒都好飽滿，菜同肉比例啱啱好，呢度既餃係多菜少肉，健康啲！呢度既環境幾好，唔會太迫，坐得都舒服！特定時段有折扣，所以一直都坐滿！

今次去了養心殿台式養生鍋，分別叫了麻辣同養生鍋湯底。麻辣鍋始終不夠麻的感覺，鴨血也不算太入未。反而養心鍋湯底有驚喜，濃濃的藥材湯底，飲完湯底整個人都暖哂，好適合冬天呢！叫了一個極上雪花肥牛，牛脂分布都平均的，屬於靚貨，可以一試。而萵筍則是每次邊爐都會叫的，萵筍吸收了湯底的精華，食落又很脆口，最後叫了兩碟。

食好野個人真係會開心啲嫁! 今日食完呢個邊爐, 深深咁滿足左一晚!! 當然可能又言談甚歡, 坐足成晚 7點坐到11點! 4個人食,份量岩岩好! 餃呀丸呀又有半份叫, 半份係4粒,岩岩好!我地揀左鴛鴦鍋, 麻辣同寧神養生, 正到不得了! 係咁飲啲湯!無叫手切肥牛因為大size要三百幾蚊, 所以叫左呢個雪花肥牛, 好似188蚊, 好食但唔濃牛味足蟹子墨魚滑, 彈牙寬粉,好好食, 加啲湯底飲埋好正豬天梯, 無特別,只係爽,下次唔會叫水餃,牛肉餃,芝士牛丸, 每樣半份, 最出色係水餃,好大隻蝦! 好食,但唔似即炸,但都好脆口牛胸爽, 好食, 但其實唔知係咩無試,貢丸炸芋頭, 正!好粉好香炸午餐肉, 好厚切, 好有咬口冰菜,唔係到到有得食, 個人鍾意食,但唔係人人喜歡仲有萵荀一個小食同埋一碗豬紅無擺上黎,因為只能load12張相,都好好食!埋單4個人15xx平均一人400,ok啦!

有次搭巴士見到大大個招牌，但原來店舖同招牌位置都相差幾遠，店舖都有啲難搵。不過如果係三五知己想傾吓計，呢個地方係一個好選擇，因為讓人感到有私隱度，每枱之間都有屏風隔開，令人可以安心分享。朋友揀咗美人鍋補下身，的確佢係好足料，有好多桃膠。打邊爐又點少得肥牛，佢個雪花牛好香，以佢嘅價錢，份量都比出面多，抵食！要特別一提係我好欣賞佢有好多台灣菜選擇，我哋今次點左冰菜，好爽口。佢呢個豆腐好香，而且好索湯。鴨血都好有驚喜，好新鮮。鮮淮山勁好食，好粉，粟米又甜。

太耐冇打邊盧啦但平時去開個d任食都一般般今日去咗一間別具特色嘅打邊爐好台灣嘅風味首先我地點左個寧神養心鍋唔使一陣就到咗店員話要等15分鐘就可以食當我一打開個蓋一陣陣嘅藥材味好正原來一邊有好多種嘅藥材 有白芷 當歸 川芎 天麻全部都係好嘢養生嘅有一個魚頭半隻烏雞 好足料啊 仲真係可以食記得要飲埋個湯我飲咗三碗好滋補啊之後就可以落打邊爐嘅料份量都幾多我哋叫咗鴨血 肥牛 牛小排好新鮮 牛味好重仲叫咗半份黑松露蝦丸 好香好味 手打的幾時都話打邊爐湯底最重要所以呢間真係好正

古典臺式風味環境清幽，服務態度優良。店員還推介我們選好養生鍋底。我們選了美人窩拼寧神養心窩，湯底既清甜又養生。叫了即炸脆響鈴，非常脆口。鵝肝墨魚丸，既濃郁又彈牙。霜降肉眼肥牛，肥瘦均稱。厚脂黑毛豬梅花肉很鲜味。手工丸類拼盤非常弹牙。叫了招牌黑松露蝦丸梅菜豬肉丸，味道濃郁芬芳。鮮蝦滑很爽。還有翠絲水蓮爽脆。配埋自家製杞子菊花圓肉露簡直爽歪歪。真心推介。

我真係第一次嬲到未食都要寫評語，第一次跟同事係去佐敦分店食，服務態度好好，野食都好滿意好驚喜，今日滿心歡喜諗住同朋友再encore去食，點知吾好彩幫襯左銅鑼灣分店個間，一入到已經聞到好大味，又無咩侍應，好彩有窗口位可以吹吹，落單啦，等左勁耐，湯底都未黎，就黎左碟肥牛同響鈴，我地都算再等，點知等左半個鐘都未黎，我地就問侍應點解個鍋仲未有，佢地都話幫我地追下，再過左3個字都未有，我忍吾住好吾客氣再問個侍應點解9個字仲未有，我話我地係米可以走架啦，佢先即刻幫我地追，之後先話個廚房跌左張單，我地吹左你2次都吾幫我地追，都發晒脾氣先幫我地處理，足足由4點等到5點都未食得，隔離枱人地一黎就有，個下仲著火，之後要發現原來連其他野都漏晒，我問佢拎番我張單睇，佢仲問我咩單，想點呀？咩服務態呀？真係嬲到飽晒啦🤬🤬🤬🤬🤬就算你送野飲都補吾番啦！到開始食個時，又發覺個酸菜白肉湯底，無附送多碟肉，吾係食過都吾知，要問先俾，真心覺得銅鑼灣分店極差lor，以後吾想再幫襯養心殿！🤬🤬🤬🤬

呢度嘅湯底都有唔少嘅選擇，當然就叫咗個養生湯底同埋麻辣鴛鴦鍋試吓啦。養生鍋嘅湯底有啲藥材味，但係又唔會好重好難接受，麻辣鍋係麻中帶香辣，額度亦都唔算好高。你可以見到好多藥材同埋湯底嘅材料。又可以免費加一份鴨血㗎麻辣鍋打邊爐好鍾意食冰菜，真係好好食，係台灣空運到香港🇭🇰牛肉嘅雪花分布都幾平均唔嚡唔韌，牛肉味幾濃郁個滑起曬膠，打邊爐食夠晒爽口彈牙啊即炸響鈴夠晒脆，但略嫌有少少油膩左dd 啦。整體來講都幾好食

養心殿聽聞已久，今次就特地過來朝拜一下入到去時見到餐廳古式風格裝修，十分有格調，枱與枱之間用屏風隔開，私隱度不錯。自家製杞子菊花圓肉露 $68首先叫定清熱飲品先，這個圓肉露甜度都ok，入口味道清香。有六種湯底選擇，今次我選了酸菜白肉鍋 $128這鍋有大白菜、五花腩、番茄與QQ寬條麵，鍋中用料毫不吝嗇，五花腩同菜份量十足。五花腩薄切，咬落爽口，QQ寬條麵類似薯粉，吸收了湯汁精華，極度入味，轉眼間就已經全部清晒手打丸拼盤 $108六款口味每種兩粒，可以一次過可以試晒所有特色丸類。他們的丸類頗高質，有特色之餘咬落質感彈牙，個人推介芝士牛肉丸和黑松露蝦丸。手切牛肉 (細) $238肉質鮮嫩，油脂分佈亦平均，牛味香濃。自家製極品水餃 (半份)  $42水餃大大隻，皮薄餡料豐富，值得一讚。