餃掂手工餃子雲吞專門店

营业中

休息中

威靈頓街有另一間餃子店，覺得依間餃子走家庭式路線，比較健康，餃子包得飽滿，材料新鮮，味道唔太搶，即做唔會差得去邊，食什麼都是新鮮的好！星期日中午去，遠遠望見有員工包餃子，要幾多客人，上菜快，大部份人唔會留太之，枱之間有膠板隔住。試過枱上面的醬汁，皆自製，味道唔錯。兩個人三款，純食餃子作午餐。至尊松茸豬肉灼餃，組合特別，效果唔錯，配備黑白松露醬，成功提升。狀元湯老火湯，好。龍鳯松茸雙煎餃及壽喜燒牛肉餃，前者松露味道出，同様特別。牛肉餃子裏邊有洋蔥，都夾。價錢合理。

在灣仔，吃水餃的地方選擇都算多，而其中之一的就是這間水餃店，這間店主打湯餃，而當中的狀元九鼎湯更是其招牌。其實之前我已經嚐過，湯的味道如粉葛湯，味道不俗，但唔算太突出，配水餃總覺得有點奇怪， 所以那天我和同事就嘗試其另一款招牌，就是松茸素餃，亦點了莞茜豬肉煎餃和上海淨麵。 松茸素餃比較特別，很少水餃店有這款水餃，而且感覺很養生和健康，亦適合茹素的朋友，松茸是世界上最珍貴的天然野生食用菌，極之稀有，小妹我唔奢望用平民價錢能夠食到真正的野生松茸，相反類近的姬松茸價錢較低， 而且同樣具有豐富的營養價值， 一般都用姬松茸替代，果然口感有點像姬松茸的味道，並帶有一點點黑松露的味道，味道很好。莞茜豬肉煎餃，煎餃煎得不會太燶，但煎餃內沒有湯汁，豬肉餡新鮮美味，莞茜的香突出了豬肉的鮮味，口感比以韮菜或白菜作配料更勝一籌。上海淨麵有很香的莞茜味和開胃的醋味，可惜個人其實並不喜歡吃醋，但感覺還可以接受，如果可以選擇免落醋的上海淨麵會更好。至於價錢方面，如果以水餃麵而言，價錢合理，但如果只點水餃或煎餃則略為偏貴，如果真的想試煎餃或湯餃，可配淨麵，或直接點水餃麵，感覺較為划算。題外話：南陽把餃子叫做「扁食」，

🇭🇰餃掂手工餃子雲吞專門店·呢間我已經食過好多次架啦 佢第一次食好似無好特別咁 但係過一排你又會有啲掛住佢 佢啲餃子真係幾飽滿😌我覺得佢普通啲餃子好味啲 我之前試過佢個松茸餃 貴啲但係我覺得反而無咁好食🤣·雙拼餃子 7隻$47 10隻$58我自己最鍾意就係佢個雲耳椰菜餃 口感同味道都好好🤤🤤白菜都好味 佢個白菜係真係索曬汁 一咬有爆汁既效果😏韭菜同粟米就平時食開個個味啦 不過佢啲粟米一時時 唔係次次食都甜🌽😂·惹味唐芹拌豆筋$32蜜餞雞翼(3隻)$24佢個豆筋幾好食 嗰調味辣得黎好惹味 勁開胃 不過個雞翼就麻麻地 佢個調味甜甜得唔錯既 但係唔知係咪煮得耐左 佢啲肉食落有少少梅🤭·#rbyeat#rby港式#rby灣仔 #rby銅鑼灣 #rby中環 #rby西環 #rby太子·📍灣仔莊士敦道44號地下📍銅鑼灣景隆街19號地舖📍中環威靈頓街55號地下📍西環士美非路12號文光閣地下C號舖📍太子荔枝角道1號嘉業大廈地下E號舖📍太子界限街30號地下

令人一再回頭嘅龍鳳松茸餃～～～我同大舊一向都超愛食餃🥟 一個月幾乎起碼會食4-5次餃 而呢間餃掂 就係我地最常去開餃子店 ～～～我哋兩個都係好專一嘅人 每次黎都係叫幾乎一模一樣嘅嘢以下就係我哋 食左好多次之後配搭出黎嘅最美味指定組合：龍鳳松茸餃配狀元九鼎湯 +四川涼麵+粟米豬肉餃+山楂雪梨水+ 蜜餞雞翼～～～呢個冇得輸嘅配搭 份量啱啱好夠兩個人食 當中龍鳳松茸餃配狀元九鼎湯係我地一致認為最出色嘅食物 一龍🐉一鳳其實就係黑白松露 餃子皮彈牙煙韌 加上濃郁嘅內餡 仲有花生味好重嘅九鼎湯 呢個配搭係餃子行內完全無人諗到 係佢哋獨家嘅 而且味道真係搭得好好～～～除咗松茸餃之外 其他食物都好高質 四川涼麵就最啱配埋山楂雪梨水一齊食 一啖辣嘅麵 一啖解辣嘅雪梨水兩者平衡得啱啱好 食落美味又舒適～～～仲有嘅當然唔少得粟米豬肉餃同蜜餞雞翼啦 我本身就好鍾意食粟米所以呢個粟米豬肉餃都係我次次都叫嘅 而且佢哋都粟米份量俾得好多所以成粒餃好香甜 蜜餞雞翼個味就好似佢個名咁甜甜蜜蜜仲sweet過熱戀中嘅情侶啊！～～～推薦度：🔥🔥🔥🔥🔥🔥🔥🔥🔥🔥餃掂手工餃子雲吞專門店 (灣仔)灣仔莊士敦道44號地下

每次同朋友想食餃子嘅時候都會諗到餃掂，今日我哋又嚟咗灣仔分店食我嘅最愛啦！連朋友都記得我嘅至愛，就係「至尊松茸豬肉餃」(灼餃$73)，好鐘意佢濃烈嘅松茸味再有濃個好香濃嘅狀元九鼎湯，每次嚟到基本上都會叫嚟食！然後就係朋友嘅最愛，「粟米豬肉餃」(煎餃$47)，個人嚟講我最有粟米嘅食物都係普通感覺，所以都唔係話食咗好多啦，不過朋友真係好鐘意，呢個反而係佢每次嚟都要叫。到佢嘅冷盤，呢個基本上都係必叫嘅「四川涼麵」($30)，麵身偏硬，如果可以冧身多小小就會更加好，不過好彩醬料好好味，特別係啲花生味，中和返麵身太硬呢個問題。見佢都有新出多咗「四川涼皮」，呢個都會想試下！佢嘅「麻辣松花皮蛋」($25)都係我必點嘅其中一樣(哈哈好似好多必點添)，本身就好鐘意食皮蛋，每次食四川野只要有人肯share，我都會叫嚟食，而呢度嘅皮蛋麻辣得啱啱好，唔會真係太辣，好啱我呢啲怕辣但又鐘意食麻麻地嘅人。最後就叫咗呢個第一次叫嘅「蔥味酸辣雲耳」($25)，呢個對我嚟講就偏辣咗小小，雖然雲耳好好味，但太辣對我嚟講就食得小小辛苦，要真係食得辣嘅朋友先好叫呀！最後我同朋友各叫咗杯嘢食，就係「自家製雪梨水」($20)，同埋

可能附近返工嘅人真係好多 所以平日嘅中午時間去食都真係好多人 起碼要等返10幾分鐘 平時一個午餐應該都差唔多五十幾至70幾蚊 有包10隻餃子 啲煎餃都幾好食嘅 最鍾意佢個粟米餃

因為lunch食得唔夠飽，放工捉了同事陪吃，同事其實不太餓，決定吃餃子！平時午市這區人山人海，覺得是因為金鐘的上班一族也「跨區」來灣仔這邊食飯，但想不到連放工時間也這樣多人，連店外也有幾個人等外賣！不是第一次幫襯這店，同事甚至是這兒的fans，有時會用外賣app。餃子的種類多，可以選擇香煎或放湯，又可以揀七隻或十隻。雖說是餃子店，但涼拌小食也精彩，我們點了手拍青瓜，入味，青爽！四川涼皮：推介！四川式的調味，配合本身無味的粉皮，同事笑說這好像我們香港的腸粉一般，是靠醬汁來取勝的。龍鳳蛋，其實就是糖心蛋，生熟到控制得好的蛋，加了兩種不同的醬，其實不用醬汁也好吃。然後是主角餃子出場：至尊松茸豬肉餃，我們選擇了放湯吃，湯和餃子分開上，餡料甚多，真的是皮薄餡靚。然後是壽喜燒牛肉煎餃子，以日本壽喜燒醬汁醃過的牛肉來包餃子，可說是中日式的混血兒。始終都是香口食物好吃，超好味！

以前食過一次，覺得很普通，有點名過於實，不明白為什麼要排長龍， 現在人龍不見了，再去吃一次， 感覺還要差過普通點了韭菜豬肉餃七隻，$43 有七隻價錢合理， 但餃子唔算大隻，所以食完都唔飽。有一個很大的問題便是每一隻餃子都包得唔紮實， 餡料和皮完全分開， 連餃子皮封口都封得唔好。 朋友點的大白菜豬肉餃有一隻基本上完全沒有 包好， 用匙羹一拿起，便散了， 一間專食餃子的店，包出這樣質素的餃子， 真的有點太過份。我的韭菜豬肉餃也包得不夠紮實， 餃子皮鬆鬆散散。餡料味道還可以 ，要讚的，是豬肉和韭菜比例均衡， 不會將貨就價而多韭菜少豬肉。而湯底是店舖引以自豪的狀元九鼎湯， 一飲便知是粉葛鯪魚湯， 飲得出是真材實料煲的。 不過個人感覺粉葛鯪魚湯和餃子配搭有點格格不入， 飲湯品嚐湯本身的味道， 然後吃餃子吃餃子本身的味道， 好像是兩種完全 截然不同的味道， 感覺有點像用家中煲淨的湯用來煮餃子。

相信返灣仔區嘅人都會知道有間餐廳專門賣餃子,由11點零開始就會有人排隊等堂食或者外賣, 呢間餐廳只計餃子嘅種類有差不多10種, 有葷有素, 能夠照顧到不同人仕需要, 而且近年推行輕食文化, 所以份量不多嘅餃子都大行其道, 響眾多嘅餃子店裏面相信唔少人都聽過餃掂今日想食清d 所以就決定去食餃子~~咁呢間餐廳主要提供嘅食物都係同水餃有關嘅, 好似齋湯水餃, 煎水餃同水餃麵, 另外都會有不同嘅小食或者拌麵, 本人之前都食過唔少次, 不過以水準來講都係水餃最到家 呢個係栗米豬肉水餃麵加底, 因為如果冇叫加底份量就會差好遠, 大約少一半, 因為當日較餓嘅關係所以都加一加底頂肚, 價錢就10蚊, 我覺得以分量而言係值得嘅, 不過都因為太多麵嘅關係, 湯會比較快吸乾, 而呢度嘅麵會煮得一般更軟身, 所以唔食快d 就會好似食緊柯仔米線咁一團糊嫁啦, 湯底方面就有帶酸嘅, 所以連醋都可以唔落, 另外餐廳都提供菜脯豆瓣醬, 我試過放湯同另外點黎食, 除非係食煎水餃, 否則放湯效果會更理想, 因為湯底主要都係酸味來提升胃口, 加埋豆瓣醬會多一層次味道水餃麵可以拼6粒水餃, 體積唔係大隻, 但非常結實, 由相

不嬲都鍾意食餃子，今日去咗灣仔嘅餃掂食個tea ，真係好掂👍👍煎餃同湯餃都非常美味，難怪餐廳人流不斷。灣仔店環境好闊落，坐得超舒服，慢慢歎😋粟米豬肉湯餃配狀元湯系我的心水，每隻湯餃都大大隻，入面嘅粟米好香甜。狀元湯真材實料，飲得出材料豐富，味道鮮甜，落足心機。前菜叫咗雲耳冷盤，好入味，酸酸甜甜少少辣，啱啱好。叫咗雙拼煎餃，大白菜豬肉拼元貝豬肉餃，煎得卜卜脆熱辣辣。蜜餞雞翼都好好食，忍唔住連食三隻。飲品都係自家製，有誠意💕檸檬薏米水夠曬養生。

好唔明白點解咁多人食，午飯時間大排長龍。入到去因為座位安排問題搞到3個人要坐2個位，都算了，最後都解決到。我叫左個松茸豬肉餃，等到其他人食曬都未黎，催左幾次單每次都話好快😑😑到終於有得食，竟然話漏左一隻，等陣後補返一隻，叫我食住先。點解可以咁搞笑？餃子個樣上到黎已經有幾隻穿左，仲有一隻係大白菜豬肉餃混左係入面，而且食落口覺得無驚喜，唔值得大排長龍等食。跟住飲左啖湯，真係淡而無味到令我懷疑係一碗水。淡到就好似用十碗水溝稀一碗湯黎俾人飲🙄🙄🙄🙄結論係 唔會再去食🚁🚁🚁🚁

#holidayouthk美食 #holidayouthk推薦【龍鳳松茸雙煎餃 8隻】 HKD86.【龍鳳蛋配黑白松露醬】 HKD32.依間手工餃子店🥟，以養顏保健嘅狀元九鼎粉葛湯🥣配湯餃聞名。湯底會加入排骨、順德活鯪魚🐟、香山活鰂魚🐠等🔟多種材料製成。食過幾次，個人始終比較鍾意香口嘅煎餃。有壽喜燒牛肉餃🐮、元貝豬肉餃🐽、軟心芝士餃🧀等多款選擇。其中最愛嘅就係龍鳳松茸雙煎餃，黑松露同白松露各有4️⃣隻。餃子🥟雖然唔係大隻到好澎湃，一啖食得曬，但勝在餡料帶濕潤，松茸亦增添唔少咬口，味道非常香濃，特別係黑松露味🖤更為突出。.📍餃掂手工餃子雲吞專門店銅鑼灣景隆街19號地舖🚇銅鑼灣站D4出口 步行約3分鐘🕑星期一至日 11:30-23:00#holidayouthk銅鑼灣 分店眾多，不能盡列，遍佈港九新界

手工餃子自己包，搞唔搞得掂？出街食，即刻～～～餃掂。
位置位於修頓對面，隔離係利東街，門口對正大馬路。
環境一入門口已經見到天下第一餃的牌匾，裝潢整潔光猛。店鋪主打手工餃子同自家靚湯，好有家的感覺。收左工今日同媽媽一行二人，排排坐，食餃子。兩個人叫左小食同餃子，唔算太飽，岩哂我地番左一日工無胃口。首先上台既係狀元九鼎湯係我地其中一個煎餃跟的湯狀元九鼎湯其實就係粉葛排骨+魚一齊熬嘅湯冇落味精，同埋鹽，養顏滋養！另外兩款小食都好開胃，分別係：龍鳳蛋 糖心溫泉蛋開邊，上面分別加上黑松露同白松露醬白松露感覺較淡，比較淡淡的松露味。而黑松露就較有咸香，我自己中意重口味多點。唐芹豆荀唐芹超香，咬落去soksok聲，而豆荀豆味都幾好，無比辣味遮蓋，咬落有辣，麻油香。到主角出場啦～餃餃餃餃餃餃子～～就試一個煎一個蒸餃，share食，好好食。係脹卜卜又冇味精餃，是也～野生松茸豬肉煎餃 餡料飽滿，超多松茸菇粒 ，配埋豬肉，好match 松茸味好重。外皮煎得香脆及入面仲有餃子湯汁。加埋太極造型松茸醬，好香口。元貝豬肉湯餃有陣瑤柱味，有海味鮮甜味同海水味。
食到一粒粒瑤柱碎，鮮味十足。但我自己就中意野生松茸豬

正到連續去咗兩日！食左松茸餃及韭菜餃，兩款都好正。隻隻餃包得好靚，感受到煮食的誠意。煎餃好香，已經諗定下次去食什麼！但個九鼎湯就淡左啲，但也影響我對餃子的種愛。

在旺區有很多分店的新式餃子店網上評論正面 午飯時間也很多人排隊等入坐餃子皮厚度適中 但味道比現象普通 素餃入面嘅餡切到好碎 軟綿綿的如果加一些硬一點的食材 口感可能會更豐富