餃子爺爺

营业中

休息中

琴日去開觀塘搵朋友 經過依間鋪朋友推介話好食 但我已經食咗晏 於是見有生餃賣就諗住買啲攞返屋企自己煮 買咗2打預埋屋企人嗰份 仲有得半打半打咁兩溝 唔錯 可以試多幾隻味 我就買咗帶子韮黃鮮肉餃 韮菜鮮肉 芝士粟米鮮肉 同埋好似佢地有隻係限定嘅鮮蝦豆苗鮮肉都幾足料 最驚喜就係個芝士粟米 真心推介 屋企人就比較鐘意鮮蝦豆苗 有問過話係新鮮每日即製 都食得出係新鮮 啲肉唔會梅 最衰住得遠 下次去開觀塘我都會再幫襯 還掂宜加夜晚又冇堂食 買定啲擺屋企都唔錯唯一有樣要彈嘅就係放生餃外賣入面啲麵粉少咗啲 我又住得遠 返到屋企準備煮嗰陣有啲難攞出嚟 所以整穿咗一兩隻

觀塘不少良心小店，今次走上協和街的餃子爺爺。在觀塘工業區打滾一段時間都未去過這邊，兜了一個圈才找到，感覺像遊客XD店舖不大，只有幾張4人枱。餃子種類多，可煎可煮，任君選擇。還有麵食，配餃子減$7 ，更抵食。跟友人一行幾人，可以一次過試多款。又煎又煮，全部要晒～這裏的煎餃是日式冰花煎法，讓煎餃口感更添香脆。湯煮的滿滿肉汁，也很juicy。菜餃（西洋菜、白菜）夠鮮甜；香菇馬蹄夠爽脆；芝士洋蔥、芝士粟米建議揀湯煮，令芝士味更突出。  四川擔擔麵 $38除了餃子，麵食都好出色！ 鍾意食辣的，可以試試四川擔擔／重慶酸辣，除了可選辣度，還有米線／拉麵可選。擔擔拉麵配半熟蛋，很日式呢。重慶酸辣湯拉麵 $29中辣的酸辣湯與譚仔比，不算太辣，配上拉麵毫無違和感。京醬雞絲拌米線 $29拌米線更得我心。米線軟硬度剛好，伴上甜辣的雞線很惹味。才$29,非常抵食。加埋餃子，男士也捧著肚皮。餐廳資料：餃子爺爺    地址: 觀塘協和街131號仁富大廈地下E舖電話: 90242868

今晚做完運動經過見到有幾間餃子店，想買餃子返屋企食，行到餃子爺爺門口望吓餐牌，入面嘅哥哥走出嚟介紹，態度友善，咁我就揀呢間買返屋企食可以揀一個麵，再配餃子，就可以減$7我選擇了京醬雞絲拌米線，另外加一個芹菜鮮肉餃$29+$23=$52-$7=$45我攞到返屋企，個面底有啲實，始終我唔係即刻食，我半個鐘頭後先攞到返屋企，應該都好正常，另外個雞絲青瓜京醬味道唔錯餃子五粒配魚湯做餃子湯底，清清地啱晒我⋯⋯做完運動買呢個健康餃子餐都唔錯⋯⋯下次會再幫襯試其他餃子味

📍觀塘良心餃子小店‼️· 芝士粟米餃好好食🤤 -- 餃子爺爺🥟·#pigfoodiexhk_觀塘#pigfoodiexhk_港式#pigfoodiexhk_黃店=======================成日經過呢間舖都見到好多人等外賣，早幾日lunchtime就同朋友試下😍------------------------------⭐️芝士玉米鮮肉餃 配 特色湯拉麵 $48 (7.9/10)拉麵湯底飲落清甜，麵條煮得幾有咬口～餃子好好食‼️芝士混合咗豬肉，鹹香好突出，加埋甜甜哋又爽口嘅粟米好正，感覺又清新～必試！😍------------------------------⭐️京蔥牛肉餃 配 京醬雞絲拌米線 $48 (7.7/10)餃子皮夠薄身，煎香咗之後帶微脆～牛肉餡肉味濃郁，加咗京蔥鹹鹹甜甜👍京醬雞絲拌麵份量都幾多～味道帶微辣🙈------------------------------整體嚟講餃子味道唔錯，大大粒好足料🤤而且款式都有好多！👍價錢方面亦幾親民，放lunch都有唔少學生幫襯咖~不過舖頭地方較淺窄，會坐得有啲逼🙈------------------------------賣

呢度係一間專食餃子既小店,人氣都幾旺盛既!擔擔麵肉醬拌麵 自家新鮮炒製既辣肉醬加迎滷蛋,青瓜絲蔥花食之前拌勻佢,每條麵都沾上辣肉醬汁,香辣惹味,味道濃香 麵身夠彈牙麻辣雞絲拌麵 新鮮拆雞肉絲拌以芝麻醬,辣汁拌麵同樣都係配上青瓜絲 食落香口惹味又帶點麻醬醇香 雞肉份量也很多,口感都幾細緻 有雞味麻辣滷牛肉 滷牛肉切片 一份都有6-7片 再淋上蒜蓉醬汁,微辣開胃牛肉片滷到好入味好軟淋但仍有彈性 煎新鮮韭菜餃子 新鮮包既餃子 個餃子底好香脆,咬開薄皮入面有滿滿既韭菜鮮餡食物都係自家出品為主,每一啖都食到心機製作消費$200觀塘協和街131號仁富大廈地下E舖

～四川擔擔麵、白菜豬肉煎餃配可樂～🍜 四川擔擔麵 👉🏼 豬肉碎、花生碎、雪菜碎、菜脯碎、蔥花、辣椒醬同半隻蛋，咸度啱啱好，唔係正宗擔擔麵配料，但撈埋一齊後又幾好食，麵質彈牙有咬口，湯底微辣但唔似傳統湯底咁竭同唔夠濃味。🥟 白菜豬肉煎餃 👉🏼 主打餡料冇味精，煎出黎皮薄底脆，肉多過菜，大大隻，記住點埋大閘蟹醋同豆瓣醬。㊙️ 主打無味精💸 埋單 👉🏼 ＄60🏡 地址 👉🏼 觀塘協和街131號仁富大廈地下E舖☕️ 一個人的餐桌 一個人的孤獨 請我飲杯咖啡 瀏覽下網誌 謝謝

整體味道都非常健康，冇咩調味料咁既feel，魚嗰個米線好一般，基本冇味，湯係豆腐+胡椒粉味，食唔出有魚味，成個重點錯曬餃子非常麻麻，食唔出係主要賣餃子既店，味道偏淡，台上面嘅調味料得辣椒同醋，冇紅醋同豉油呢d等等，建議可以+翻d其他調味料得兩樣有d少服務態度一般般，冇咩特別好講，正常香港服務水平食得比較清淡既人應該幾鍾意，整體黎講雖然價錢唔貴不過兩個人唔值$127可能食麥當勞開心d，起碼價格同食物質素成正比

收工夜了在肚子要吃點東西又不想過飽，決定吃餃子，店旁一次過有三家餃子店，門內有幾枱客好像吃得幾滿意，決定幫襯小店。餐牌有淨餃子餐，分大 、小兩款，大的十隻、小的五隻，大的可轉配小碗酸辣湯。點了一份十隻的茴香牛肉和京蔥牛肉雙拼 (不另收費抵啦)。五分鐘後店員回覆無茴香牛肉就改馬碲豬肉餃吧。等了十分鐘，終於有得食，嘩，十粒餃子脹卜卜的，晶凝通透。馬碲豬肉餃，馬碲與豬肉6:4比，本人係好滿意，爽脆清甜，灼的時間剛好餃子皮不會過淋，但美中不足係肉汁少。再食埋京蔥牛肉，係好味嘅，京蔥香又豐富，與牛肉比例剛好，不會過份霸道搶味，如果喜歡吃蔥的必須要食。跟餐的酸辣湯味道不過不失。我又加了碟菜 $17 細細碟有點食水深。整體來講，餃子🥟餐我係非常滿意的，會再回來幫襯

近年市面上愈嚟愈多餃子店，基本上大家嘅 menu 差唔多，所以水準高下，一目了然。觀塘嘅餃子爺爺算係水準唔錯嘅一類。呢度嘅餃子令人印象最深刻嘅就係餃皮非常薄，入面嘅餡料菜同肉嘅份量比例均勻。叫咗香菜鮮肉餃拼京蔥牛肉餃，一半冰花煎餃一半手工水餃，我較喜歡煎嘅香菜餃，芫茜味好突出😍。隨餃送湯，可揀蘿蔔瑤柱鮮魚湯或酸辣湯，我唔食魚，揀咗後者，冇幾耐就後悔，因為見前後左右人人都叫咗魚湯😭，應該係名物。下次我識得叫啦🙈。最後叫多杯手工米茶，主要成份有炒米，黑芝麻同各種唔同嘅豆，味道清淡中帶微味，幾解渴，唔錯。

經過協和街一連四間都係食餃子，無心水下選擇左食「餃子爺爺」，雖然係小店，但冇令我失望。叫左大份（十隻）雙拼芝士粟米豬肉餃拼韮黃帶子豬肉餃，石斑魚湯麵（幼上海麵），雞絲粉皮，醉雞翼，豆漿同熱奶茶。餸子：皮唔厚，芝士餃子雖然唔係拉芝個隻，但係見到黃色一嚿嚿芝士係餡入面，粟米份量佔三分一到，豬肉食得出新鮮嘅至於韮黃帶子餃更加冇得輸，小帶子成粒係餃子入面，真材實料石斑魚湯上海麵都唔差，湯底有白蘿蔔好清甜，石斑以外，仲有魚腐，豆腐做材料雞絲粉皮就不過不失，紅蘿蔔、青瓜絲，雞絲做配料，粉片比較爽身唔係煙韌個隻醉雞翼香味好夠，上枱就聞到酒味，size 都幾大隻，不過比較鞋口同唔夠味

下午時段經過協和街，見到同一條街有幾間餃子店舖。連鎖店食過多次，走入去呢間餃子爺爺試下。餃子款式都有很多選擇，小份有五隻餃子，大份有十隻餃子，大份可選擇雙併款式，並且可選蒸餃或煎餃。我選了京蔥牛肉和馬蹄豬肉煎餃。煎餃每隻都有層薄薄的脆皮，馬蹄豬肉肥瘦比例恰到好處，不會太油膩或者鞋口，餃子皮厚度剛剛好，吃下外皮香脆，內有很多肉汁，非常美味。京蔥牛肉餃比例也很好，京蔥太多會搶了牛肉味道，這個比例就剛剛好，個人較認為合適。不過如果愛吃京蔥的人可能會略嫌不夠多。另有一碗蘿蔔魚湯奉送，他們表明不加味精，魚湯果然有魚湯味，只是，只有2小粒蘿蔔就太少了。用餐中不時聽到計時器響聲，證明他們煮的時間控制很好，質素如一。店員服務態度也很友善，看見他們很有耐性向長者解釋餐牌內容，值得支持和再試的小店。

餃子可叫小份或大份，小份有5隻，只可選煎或煑。大份餃子有10隻，可雙併，如要5隻煎5隻煑則要另+$3。心大心細下終於叫咗煑白菜鮮肉餃 ，另煎韮菜鮮肉餃，雙併以價格較高的餃子來計算。餃子是較厚皮的種類，水煑的白菜鮮肉餃，餡料很多，肉比菜多，包到脤卜卜，味道較清淡，唔會太膩。煎的韮菜鮮肉餃，有層脆皮圍住餃子邊由於韮菜較味濃，加上煎後，更覺香脆。兩種餃子都不錯。大份可選酸辣湯，唔太傑，但醋的味道太濃，令湯帶有少少苦澀味。麻辣皮蛋，唔太辣，撈皮蛋吃唔錯。

叫咗個餃子麵食套餐，特色拉麵$22+小份芝士玉米鮮肉餃$26（套餐減$7）個麵好普通但份量都算係唔少，食埋五隻餃子已經好夠飽餃子都幾大隻，第一啖已經好大陣芝士味，幾夠味，但如果食十隻應該會腬四五十蚊黎講都ok

我好鍾意食韭菜餃，又鐘意食辣野。於是叫咗個餐，酸辣麵，配五隻韮菜餃。d餃足料，實的的。似乎係自己包，並不是幫趁雪藏，呢點勁加分！如果叫餐，碗麵會減七蚊。米線d麵質幾好，唔會過稔，又不是太硬。辣度還好吧，我平時食開辣，當然會想係辣d添更好啦。米線的配料有芽菜等等。然後跟餐叫了杯凍檸茶，其實還有豆漿揀，幾好，算幾多選擇。不過平時中午人都幾多，多學生。不過可能疫症半來幾日又會少啲人掛。位與位之間都好窄，幾迫的感覺。

住喺附近，睇住佢張，由無人到多人👏🏻最初食過，覺得好食但個 menu 有 d 亂同難明，同埋無 Set 果時係偏貴，幾驚佢咁高質但好快執🙈🙈今日食完覺得感覺好良好，覺得點解從來無寫過 comment 撐下小店🙈我最愛香菇馬蹄，另外都試過帶子、芝士粟米、韭菜豬肉餃，土豆絲、麻醬雞，全部都好食，最正係個魚湯🤤另一大愛係炸醬麵，擔擔麵我都好想食但皮膚敏感唔食得辣野🥺今次叫香菇馬蹄餃+炸醬麵+熱豆漿，水準無變差，豆漿好濃🤤🤤服務態度都好好👍🏻今日堂食無咩人，無出現人地話好亂既情況。平時外賣我走膠袋同餐具，老闆同店員都好配合，仲驚我會熱親。有人話$50個餐都唔抵食，睇黎行落 d 買個$20 飯加個包先滿足到佢。個人認為幾抵食，女仔黎講其實5隻餃子加個麵係食唔哂，男士可能啱啱好。無影相😅街坊都可以試下，隔離d食肆無咩幾間好食，比較好食既車仔麵都執埋🤦🏻‍♀️呢間係我既首選😌