餃子爺爺

【觀塘區】【餃子爺爺】喺觀塘見到呢間嘢，我好似未食過，好奇心驅使之下就走咗入去食。呢邊啲食肆競爭都幾大，要生存真係唔容易，又睇佢哋點做先。咁叫得「餃子爺爺」，我就梗係重點食佢哋啲餃子，爺爺手工湯餃配豬骨鮮魚湯，個湯好鮮，但好似鮮得有啲誇張，唔知咩事。叫咗 $49 十隻嘅「帶子韭黃鮮肉餃」拼「芝士玉米鮮肉餃」，叫滿十隻仲可以轉半煎煮，配埋冰花煎餃，一半湯餃一半煎餃咁。我就覺得兩款各有特色，可以咁樣食晒都幾好，唔使諗。前者真係有啲帶子粒喺入面，幾特別，就顯得後者普通啲，但其實都唔錯。我仲叫咗 $8 嘅「醉糖心蛋」，係幾香酒味嘅，蛋亦都做到糖心。而 $39 嘅「水晶肴肉」就好似少肉咗啲，啫喱佔多咁，不過呢個價冇得要求更多啦，過吓口癮。嘢飲我飲 $6 嘅「特濃豆漿」，唔知喺邊度斟一杯出嚟嘅，正正常常。埋單 $106，我覺得可以。。。（地址：觀塘協和街131號仁富大廈地下E號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #openrice #google #xiaohongshu #1am觀塘區 #觀塘 #餃子爺爺 #爺爺手工湯餃 #帶子韭黃鮮肉餃 #芝士玉米鮮肉餃 #冰花煎餃 #豬骨鮮魚湯餃 #醉糖心蛋 #水晶肴肉 #特濃豆漿 #1am1801 #1ambackup…查看更多

去開觀塘 又糧尾 又想幫襯下啲小店跟住見到有間餃子爺爺好多學生哥幫襯我就衝衝忙 入去拎位入面無乜位 好多人⋯ 所以要搭枱haha見到姐姐好好 埋黎即落單老實講佢既麵正正常常 無乜味唔好太大期望這只是配菜吧！但餃子好好食！重重芝士味，又啖啖肉😛😛好明顯手工餃！食餃既話 值得一試既…查看更多

聯合醫院附近食飯黎到協和街搵食，超多中學生呢間餃子店有外賣有堂食仲有$46學生餐😳包五隻餃子、一碗麵、一杯飲品▶️ 帶子韭黃鮮肉餃 (滾)估唔到每隻入面真係有兩粒帶子！鮮肉餡冇過份調味，味道較清可以自己點醋油餃子皮煙韌有咬口🥟一隻size算大，餡料比例足，唔錯▶️ 京醬雞絲拌拉麵 呢個麵有驚喜😍面頭雞絲滿滿，全部肉，食落唔乾柴👍🏻醬油有芝麻醬香🥜沾滿每條麵京醬有少少蔥油，更加惹味拉麵煙韌有嚼口，好黏醬🍜另外仲有青瓜絲帶點清新▶️ 蜂蜜山楂茶酸酸甜甜😙解渴健康-稱得上隱世小店，個麵真好食餃子亦唔錯，成15款口味，仲可以免費轉冰花煎餃！環境坐得逼少少🤏🏻服務幾好，姐姐nice性價比勁高🔥唔收加一，$50唔洗學生哥飯堂～…查看更多

食過幾次，今次餃於記得影返張相。試過幾隻吾同嘅口味，今次食嘅鮮蝦韭黃我最鍾意。其實隻隻口味都好味，尤其是冰花煎餃，煎到外脆內軟又多汁。皮簿又足料，有時想食少少野，最岩就係叫佢小份嘅，有5隻，但佢哋啲餃子足料又大隻，都幾飽。小店價錢都唔貴，即叫即煎，新鮮好味。大滿足…查看更多

係瑞和街街市個頭 好細間 坐到20人到勁多學生幫襯 堂食同外賣都係😧都幾多餃子款同埋有唔同麵食叫任何野食都可以半價叫飲品叫麵再叫餃子的話 餃子又可以減$8京醬雞絲拌拉麵 ($34)少辣幾惹味 不過食完都幾口渴🥵另外有雞肉青絲 麵質地都ok 有咬口韭菜鮮肉餃 (小份$25)可以減$8 有5隻 配鮮魚湯 唔重味精都ok餃子整體味道正常 唔係好香韭菜同埋湯煮比較冇味 但係都好大隻！雙拼煎餃 唔使加錢 最後計貴個款大份有10隻 雙拼就一半一半芝士粟米鮮肉餃 ($48)煎餃更加顯得d餃子大隻 好香口不過又唔會話好油 個皮幾煙韌好多粟米 但芝士就唔見啦不過都好食👍🏻鮮蝦韭黃鮮肉餃 ($49)有鮮蝦仔包左係入面 幾有口感不過韭黃味唔算好出 味道正常整體大件夾抵食 推介😎…查看更多

今晚朋友請食飯，我們去了九龍灣地鐵站附近的餃子店。她盛意的款待，叫了不少的餃子和小食。這店的餃子款式不少，有不同的菜餃配豬肉、牛肉、帶子等。餃子肉饀不少，而且醃製味道適宜，新鮮的食材是造出美味餃子的關鍵。而煎餃外皮金黄香脆。除了餃子外，這店的小食款式也不少。想不到這店竟然有海蜇、西蘭花，這不是一般餃子店有提供的。還有其他小食也保持水準。這店的環境清潔衛生，服務員有禮貌、殷勤的服務，感到十分舒適。韭菜鮮肉餃 -湯（$24/ 5隻）西洋菜鮮肉餃 -湯（$26/ 5隻）帶子韭黃鮮肉餃 -湯（$28/ 5隻）鮮野菌粉絲素餃 -煎（$26/ 5隻）京蔥牛肉手餃-煎（$27/ 5隻）麻辣手拍青瓜（$22）涼拌海蜇（$36）上湯蠔油西蘭花（$18）花雕雞翼 （$25）凍檸茶（跟餐$7）…查看更多

8:50入座，個姐姐唔招呼落單，不停掃地拖地客人喺度食緊嘢，大力搬枱搬凳仲話老細唔俾時間清潔，間舖頭收10點都唔係八點幾開始清潔呀，掃地啲塵周圍飛人哋點食😒老闆應該留意吓囉…查看更多

去咗呢間「爺爺餃子」，試咗佢哋嘅幾款餃子同埋小菜，整體感覺係味道有層次，有啲菜仲好有驚喜，值得推薦俾鍾意中式餃子嘅朋友仔！西洋菜鮮肉餃西洋菜餃子本身已經好少見，因為材料要求高，仲要難整。呢度嘅西洋菜鮮肉餃，每一啖都食到西洋菜嗰陣清香，餡料鮮嫩，餃皮柔軟有咬口，真係值得一試！雖然係少少清淡，但食落好健康，啱晒鍾意清香口味嘅人。鮮蝦韭黃鮮肉餃相比西洋菜餃，呢款鮮蝦韭黃鮮肉餃嘅味道會再淡啲，韭黃嗰陣香氣唔算太突出，但勝在餃子餡料新鮮，蝦肉彈牙，整體感覺係清爽冇負擔，啱怕重口味嘅朋友。京蔥牛肉餃（煎）呢款真係我嘅心水推介！牛肉餡料鮮嫩，而京蔥嗰陣香氣完全唔會被牛肉壓過，反而提升咗成個餃子嘅層次感。仲要提一提，佢嘅煎餃煎得剛剛好，底部香脆但唔會過乾，食落口感一流。酸辣湯酸辣湯係偏酸口多啲，辣味就好溫和，基本上怕辣嘅人都可以接受。入面啲料超豐富，包括木耳、肉絲等等，口感層次豐富，仲有少少暖胃嘅感覺。小菜：涼拌豬耳、麻辣手撕雞、涼拌海蜇三款小菜整體味道OK，但都偏向麻辣口味，尤其麻辣手撕雞，辣味夠勁，非常惹味；涼拌豬耳啲汁偏濃郁，豬耳夠爽口；涼拌海蜇就清爽啲，但都係偏辣，唔係好食得辣嘅人建議唔好一次過點咁多。…查看更多

餃子爺爺是觀塘遠近馳名的一間餃子店，平時行過都必定大排長龍，除左賣煎餃蒸餃之外，仲有一啲麵食同特色小食。難得今日晏晝見無乜人排隊，於是買左個下午茶返屋企試下味。🔅京醬雞絲拌拉麵麵嘅份量好足，味到小辣，加上青瓜絲、甘筍絲、雞絲，對於鍾意拌麵嘅朋友係唔錯嘅選擇。🔅特色小食（秋葵、豬耳、海哲）不過不失，份量都正常，食落麻麻辣辣的確係幾開胃🔅白菜豬肉餃子餃子幾大隻，都多肉汁，不過唔係話好特別，正常水準。…查看更多

#20241019 🤍📍 #餃子爺爺 @grand_dumplings 觀塘協和街131號仁富大廈地下E號舖 🍽️九龍灣牛頭角道77號淘大商場1期地下G4-7號舖➖➖➖➖➖➖➖➖➖➖➖➖➖➖➖➖➖#手工水餃 #大份 🥢 #季節限定餃子 $49💭 季節餃唔係時時有，好彩今期有，係鮮蝦豆苗餃好高級，一咬開已經好香豆苗味，入面仲有原隻蝦仁，雖然唔係好大隻，但口感爽彈，後悔無十隻都嗌呢個🌱. 🥢 #蕃茄蘑菇牛肉餃 💭 好少有雙拼餃唔使加錢，又好少有蕃茄做餡既餃，入面有蕃茄、蘑菇同牛肉之外，仲有啲洋蔥，一入口係好熟悉既味道，因為同肉醬意粉上面啲肉醬一樣味，但估唔到同餃子又幾夾，唔錯既嘗試🍅. 🥢 #豬骨瑤柱鮮魚湯 💭 叫餃子就會送個湯，如果係大份仲可以免費轉酸辣湯，比起住家湯尼講重口味左啲，飲到瑤柱同豬骨味，飲到底仲食到有啲魚蓉，不過魚味就唔係好出🐟.#花雕醉雞翼 #5隻 $32💭 有3隻同5隻揀，雪凍左好岩夏天食，不過啲肉咬落唔彈牙，感覺雪得有啲耐咁，味道方面甜甜地，但其實花雕味都幾重，酒量低既朋友食完都有啲面紅🐔. 🥢 #特濃豆漿 +$6💭 叫麵或者餃子都可以用半價優惠叫野飲，豆漿唔太甜，而且的確係幾濃豆香味，下次想飲啲甜甜酸酸既都可以試下佢地既#蜂蜜山楂茶 ～.#觀塘美食 #🐷在觀塘 #九龍灣美食 #🐷在九龍灣 #🐷_食 …查看更多

由一開舖試營業已經幫襯緊，間唔中都會掛住個魚湯同帶子韭黃餃，有時會堂食有時會外賣自取。以前大份餃子可以免費揀半煎半煮，早排就開始變左要加錢先可以。而一路食開嘅帶子餃，越來越唔好食，帶子品質差左，細粒左，仲要一隻餃得一粒咁大把，已經分唔到究竟韭黃鮮肉係主角定帶子係主角，仲間唔中有一粒好似唔係太新鮮有酸味。之前見到話九龍灣開分店都好開心，因為自己鍾意食嘅鋪頭受歡迎，但係都希望開分店嘅同時都可以keep返到質素啦。…查看更多

上次在觀塘經過，想找東西吃，被門面和名字吸引過來。內裡環境裝修採用簡約木系，裝修不會太新，也不會太久。餃子選擇算多。大份10件，細份5件。還有其他麵食。叫了大份的芝士洋蔥鮮肉煎餃拼香菇馬蹄鮮肉煎餃。跟一款湯，有2款選擇。酸辣湯或者豬骨瑤柱鮮魚湯，今次我選了後者。湯品暖暖的，作為主菜前暖暖胃也不錯。味道微咸，剛剛好。煎餃的等待時間大約是5-6分鐘左右。煎餃擺盤如下，它是一面脆一面軟身。芝士洋蔥鮮肉餃：它的芝士不是拉絲的芝士，反而微微鹹香，不會搶掉了餃子的味道。香菇馬蹄鮮肉餃：馬蹄爽口，香菇和馬蹄解了肉的膩。也不錯。上網看其他的食評煎餃的樣子和我好像不同，看來他們的廚藝是海鮮波（不穩定）。或者要看當天是誰煮餃子吧？總括而言，這個價錢和是次的質素是可以接受，。…查看更多

本身已經食左幾次覺得唔錯 最近經過附近好耐冇食就行左入去 嗌左香菇馬蹄鮮肉同埋京蔥羊肉餃雙拼 半煎半煮 首先黎左碗魚湯 相比起之前水準 淡味左又多左啲浮起既渣 之前啲湯係滾既 依家溫度係暖暖地講返餃子 煎既餃竟然仲可以淋過煮既餃 啲皮薄到一夾就爛 有兩隻仲要冇包實開哂口 同啲阿姐反映完佢竟然唔覺得有問題 仲話佢地煎既餃不嬲都係淋既 反問我係咪第一次黎食 我都費事同佢地拗 埋單走人以後唔再幫襯呢間 水準已經唔同哂 態度又差 意見又唔肯接受…查看更多

其實與家人一直差不多每星期無論堂食或者外賣，都會食兩三次左右，但而家堂食啲餃子賣相同質數每況愈下之餘，雖然外賣都預咗冇咁好，但係今次煎到燶晒又穿又爛，跌晒啲餡出嚟，一打開口垃圾咁照比客，真係勁離譜。…查看更多

最初開嗰陣好好食可惜依家每方面都愈來愈差 十分失望食物質素-白菜鮮肉餃入面只有菜梗 硬 湯餃＝白熠 無味酸辣湯-唔酸 唔辣 稀溜溜環境衛生-好多蚊蟲 燈光昏暗 地面痴笠笠 服務態度-職員只顧鬧交 唔落單 唔上菜It was delicious when it first opened but everything is getting worse now. Food quality - cabbage and fresh meat dumplings have only vegetable stems and are hard Soup dumpling was boiled in water not soup, tasteless Environmental hygiene - lots of mosquitoes, dim lighting, dirty floors Service attitude - the staff are quarreling, not willing to place orders or serve food…查看更多