餃子妹上海雲吞麵

营业中

休息中

幾鐘意食糖醋排骨菜飯, 不過夜晚好多人食煙, 而台與台之間都幾接近,所以好難頂!!而糖水方面無乜特別, 不過美孚無糖水鋪,所以間唔中都食下麥米粥啦!有個常餐都幾抵食, d雞翼都幾好味,不過餃子個皮就厚左d囉!至於服務方面, 我屋企人試過好唔愉快,就係下晝(鋪頭無乜人)叫左個飯,等左20分鐘都未黎, 我屋企人就問點解咁耐,原來missing order, 我屋企人好嬲,因為當時鋪頭都無乜人,個老細竟然完全無留意同埋跟進,咁樣o既服務態度真係耍改善一下!

成八點黎食熱豆漿($5)餈飯($8), 兩樣野都係好熱好熱, 豆漿直頭係滾住咁, 豆漿ok, 有豆味, 餈飯就唔得, d飯硬, 有焦, 飯本身唔靚, 餸 只有肉鬆同油條.

8月22日晚同朋友黎食甜品. 要左蛋白燉鮮奶, 唔夠滑, 唔夠奶味, 太甜. 朋友食合桃糊就好似幾香, 又有朋友食腐竹雞蛋同蕃薯糖水, 大家都係覺得普普通通唔係特別好.

呢間野係美孚,我覺得係繼牛車水後,第二間難吃的.它的菜飯都唔係太好味,仲打正皇牌餃子皮厚.另我試過朝早買一份沙爹牛治,我見佢係雪櫃取了一兜沙爹牛.然後俾廚房.兩分鐘後俾份三文治我.你話佢係咪'釘'熱俾我呢.我就覺得係.隔夜的都幾唔衛生.

就如題目一樣,都冇乜好講.點解咁既水準仲可以生存咁耐?佢唔係好平個喎.