餃子妹上海雲吞麵

营业中

休息中

是日(5/8/08)要到美孚一趟，同事介紹之下，一齊o黎呢度食晚飯。兩丁友叫咗兩個麵餐：糖醋排骨麵同雪菜(肉絲) 水餃麵，連兩杯豆漿，小食叫咗煎餃及酒醉雞中翼。糖醋排骨麵係同事叫o既，所以剩係食咗兩舊排骨。雖然叫糖醋排骨，但係食到醋o既味道多好多，搵唔到丁點甜味喎！？麻麻地啦。雪菜(肉絲)麵，括住肉絲，相信大家都估到…搵條肉絲望下都好難矣！食店標榜冇鹼水，確實唔覺有，而麵o既質地同味道就偏淋同偏淡。不過水餃的確足料，而唔會實的的，唔會太勁粉同太厚皮，味道亦唔錯。煎餃同樣勁多料，但係比較油，同埋飽肚。其實叫2隻、4隻或者6隻都可以，人少就記得唔好咁貪。酒醉雞中翼個樣完全唔掂，但有內涵喎。味道好得又夠入味，只係唔覺有酒味或酒香，反正我唔”好”就冇所謂啦。豆漿唔知係咪自己整，味道偏淡，冇特別。餐牌都有好多西餐食品，不過都唔會諗住響上海舖食西餐o卦？

諗住出左地鐵站近近地買個早餐食番到公司食D野食好少好立克冇味好淡冇下次

近來去這家吃東西,發覺客人都是吃湯麵,湯餃類的食物,(如酸辣湯麵,水餃麵,雲吞麵...)故雖然其他菜色(如炒麵,小菜)水準不算高,仍然有人捧場我認為他們的雲吞(菜肉餡)其實幾好,有肉汁,間中會吃到爽口的菜莖,口感豐富

今日返學前同fd去食野，我哋叫左一碗擔擔麵、油豆腐粉絲、四件煎餃子同淨糖醋排骨。我食嘅擔擔麵，完全冇味，個湯似滾水多啲，我要自行加醋同豆板醬先有啲味，真係完全唔合格呀；朋友話佢嘅油豆腐絲粉都係冇咩味道；煎餃子就都ok好味，熱熱地同脆；最後個糖醋排骨，$18得果幾粒排骨仔，真係完全好難食，唔暖唔凍，個味又怪，從未食過咁怪嘅糖醋排骨。

有次叫一碟鱔糊炒拉面, 不知所謂, 太多汁, 又勁咸,好似一大碟鼓油浸住d 面咁,唔知點解咁厚面皮可以拎呢碟野比客食~勁差~不過其他菜飯, 同甜品果d, 平平地都勉強ok 的...

呢間舖我最鍾意食既就係粢飯. 最好朝早黎買, 夠新鮮嘛. 肉鬆油炸鬼, 料足, 味道夾得幾好, 唔會太鹹.食粢飯唔少得要有豆漿, 呢度都有得賣, 但係批發貨lor. 味道可以啦. 仲有大路既上海野, 鍋貼, 酸辣湯, 雲吞水餃, 上海麵, 炒年糕等. 味道都係一般啦... 唔算正宗, 港式茶餐廳咁lor, 價錢係呢區黎講, 唔貴.

某晚突入此店，突然好想食炒公仔麵，於是點了客「豬扒炒公仔麵」，棄飲品，而選了酸辣湯，埋單$30。等了約十多分鐘才上桌，因為炒公仔麵都叫做有D 手工程序，所以都可以理解。這兒的豬扒係有醃得幾入味，而炸得亦幾香口，公仔麵份量亦不算少，亦算乾身，比起其他舖頭，這兒炒得唔算太油膩。至於那碗酸辣湯，絕對不像樣，亦絕對不正宗，但…我就是喜歡這調調（當然大部份一品香的酸辣湯我非常喜歡！）結論係，這兒的豬扒炒公仔麵好味道！

昨晚去食，行美孚真係無咩好食。酸辣麵唔係話唔好食，但真係唔酸唔辣，係好甜，好重茄蛋味。暖暖叫的是雞翼菜飯，呢個就正常d。

到這兒吃頓特價麵餐。想來點味覺刺激，來一客酸辣湯麵，配凍檸茶，才$17。當全部茶記做緊凍飲加兩蚊或三蚊的時候，這兒奉行「凍飲才加$1」，大感動！所謂「酸辣湯麵」，就是加入上海麵條的酸辣湯，味道一般，唔酸亦唔辣，小孩子都食到的東西。中年女侍應有禮主動，跟「滄浪x」好些少！詳：下圖示上次的香茅豬扒菜飯。題外話：Rolex 加價每次10%。兩年前一隻HK$28K 的submariner，現在要HK$37K！好似LV 和Tiffany 咁，每年加兩次。唉，真係有買趁手！

週六早上到附近理髮後，想到「滄浪亭」買外賣菜飯回家吃，但因為受那女店員和店主無禮對待，索性取錢唔買即閃！溜回萬事達廣場，唔想食麥記和海皇粥店，結果跑入餃子妹買午餐。甫入店，即聽見女店主「餃子妹」大聲招呼，我站在收銀處，不到半分鐘，店主即飛跑過來，笑容滿臉問「想食什麼？」，於是立刻order「豬扒菜飯跟豆漿」和「雞翼菜飯跟檸檬菜」（各$27）。收錢之際，店員再upsell 招牌「餃子」（$13 / 6隻）。見店員咁好禮貌和積極，當然樂於讓她賺多些少。菜飯的菜量比以前多，進步了！炸豬扒共兩大塊，醃得好味，正！餃子餡多體積巨型。服務有體，雖然店面係豆泥茶記格局，但立即變得比那間自以為事的「滄浪亭」好千倍！

昨晚突然豆腐花引發作... 跑了去買豆腐花試試看還買了腐竹蛋糖水...豆花尚算滑, 但實了點點, 沒多豆香味腐竹蛋糖水的腐竹煲得"溶"但所有(豆腐花和腐竹蛋糖水)都太甜了....我只可以說, 不合我口味...

美孚有兩間餃子妹, 一間就响萬事達廣場出面(好近地鐵站B出口), 而另一間就响荔灣道(相中依間), 依間地方細D, 但不同之處就有甜品食喇~ 食左個豬扒湯麵-$22, 豬扒"un"左佢一d啦! 曾經食過雲吞, 個皮比較厚, 所以整體都係一般啦~

係美孚食其實種類比較少，所以多一種都好!佢地D餃子好食!

食左個雞亦上海麵,比想像中清而不油膩,有三只雞亦同菜, 麵呈白色而幼細,可以再煮淋一點,湯底本來很清,但因加左麻油,反而不佳,不過整體上不錯。22 蚊算ok。

週日早上甫起床，忽然想吃「油條、餈飯、豆漿」作早點。於是便到這兒外賣一條餈飯。（之後還到粥店和豆漿店購買，拼合成為一頓「油條、餈飯、豆漿」早餐。）餈飯（$8）：略短，約五吋長。料少，只有油條、少量炸菜、肉鬆、糯米。肉鬆偏鹹，味濃；糯米的質感略硬。回家裹以保鮮紙，以利刀切薄片，較以食用。味道不算差，唯略硬。**********************************吃完四小時之後，出現噁心頭痛症狀，再過兩小時後，嘔吐兩遍，遂訪家庭醫生，打針服藥，盛惠三百塊。**********************************