影片
我估转左手。而家长期系个中女看店。最近帮衬了2次，我觉得质素好番啲，起码啲饺唔系烂唒，个皮亦进步左。开左成年几，我先发现佢有芫茜鱼肉饺啊，真系比较少系香港食到，为左芫茜鱼肉饺，我会光顾多点。
继续阅读
叫左个素菜煎饺，啲料似有啲萝卜同粉丝，个口感怪不特旨，仲要酸酸哋 😰 再者，只饺我一买完五分钟内已经返到屋企，天气热到咁应该都唔会话冻得好快，偏偏一摆入口就已经觉得唔够热，个皮仲要系湿。。另外叫左个汤饺，啲皮一夹就烂 😔 真系无下次
继续阅读
如果大家想考验自己嘅耐性，不妨可以试吓！试过两次帮衬，两次都令我非常之失望！等咗40分钟先有超林嘅汤饺子同埋出晒水嘅煎饺。一定唔会再帮衬，谂住帮衬小店但真失望！楼面企咗喺度，真系唔知厨房入边系做啲咩！
继续阅读
饺先生系一间新开嘅餐厅，如果唔介意热嘅话都可以坐室外，有少量座位。但我估计佢主要做外卖生意多啦。第一次食佢，叫左白菜猪肉同韮菜猪肉双拼汤饺。饺子同汤分开包装，有诚意，唔会浸到饺子皮软晒。饺子皮薄馅多，外皮有弹性同湿润。白菜同韮菜都系新鲜嘅，咬落脆口，有口感，猪肉唔会有冰鲜味。讲到汤先系精华，系老火椰子鸡汤，就咁睇色泽都估到系真材实料，仲有比埋啲椰子同鸡粒。汤嘅椰子味重，汤嘅咸度配饺子食岩岩好。希望佢可以系食街长做长有，少见嘅养生餐厅！
继续阅读
好钟意食饺子嘅我，喺社交平台嘅饺子关注组发现咗呢间新店，一于今日去试吓，睇吓佢咩料，点知一试发现新大陆，饺子嘅种类好丰富，记得前𠮶几日去太子某知名饺子店食一间得白菜同韭菜嘅饺子店，食到第八只已经味觉疲劳到唔想食……..回归正题，今日试咗粟米猪肉饺，冬菇木耳鸡肉饺，紫菜猪肉饺同芫荽鱼肉饺，我想讲全部都好好食…..跟住试埋鸡丝凉面，麻辣土豆丝同埋莲藕片，又系出色嘅杰作，真系好啱食，呢间店已经成为我生命中最钟意食嘅饺子店，我真系唔系打手，第一次有一间店可以令我特登申请OpenRice帐号，赞扬佢，真心希望更多人食到更美味嘅饺子。
继续阅读