餃串Party

营业中

休息中

長沙灣餃串💁🏻‍♀️栗米芝士豬肉餃，口感香糯，芝士的濃郁和豬肉的鮮美完美融合，一口咬下去，滿口都是香濃的味道。💛椰菜冬菇豬肉餃，豬肉和蔬菜的搭配，口感鮮美，營養豐富。🫶🏻串燒：沙嗲牛肉也非常值得一試，香辣的沙嗲醬汁與鮮嫩的牛肉完美結合，口感鮮美，香味四溢。免治軟骨雞肉棒則是另一種風味，雞肉糜與軟骨的搭配，口感層次豐富，味道獨特。最後別忘了試試台灣黑椒腸，黑椒香味濃郁，口感彈牙。還有涼拌青瓜等涼菜供你選擇。清脆爽口的青瓜搭配特製的醬汁，酸甜適中，非常開胃。

長沙灣深水埗呢頭多咗好多新樓，見政府最近撤辣，就過嚟呢頭睇吓有冇好盤。行到攰攰地見到呢間新開嘅餃子店個名幾得意就入去睇吓。由於係新店，門面都比一般餃子店企理。行到入去更加覺得同傳統嘅餃子店唔，店主都好有心好大方，幾十蚊碗餃子，但係坐得好舒服。空間十足，冷氣又夠。餃子同菜單寫嘅一樣脹卜卜。叫咗個煎餃一咬落去即刻爆汁😍灌湯餃嘅湯底亦好有心思，啱晒時令，呢排又濕又熱，湯底用咗粉葛扁豆赤小豆甘筍粟米豬骨湯。啱晒去濕，清熱毒。飲落去有家的味道。串燒黎計，比較喜歡翠玉瓜都係多汁鮮。最正嘅係個醉雞卷，一拎過嚟當歸嘅味道已經撲鼻，食落酒嘅味道亦都好濃郁。讚👍🏻另外一個加分位係佢嘅支裝手工冷泡茶，竟然會落兩個茶包，坊間鮮有。飲落非常之清新解渴。😋In Cheung Sha Wan and Sham Shui Po, there have been many new buildings popping up. Since the government recently withdrew some stringent measures, so I came over here to see if there

餃串Party經過長沙灣見到有一間水餃店個名幾有創意，叫做「餃串Party」，門口又無一級，我又未食lunch，即刻入去試下先，入到去見到餐廳算寬闊，輪椅人士入去食根本無問題，呢間餐廳有齊水餃同串燒，水餃有少少貴，串燒就好平，水餃有分煎餃同湯餃，店員仲話湯底每星期會轉一款，湯好少會有湯渣比埋食客，湯又無味精，餃子控真係唔好錯過啦！1.湯-粟米芝士豬肉餃8隻$50+加米線底$8（9/10）呢碗粟米芝士豬肉餃米線份量超多，我揀咗湯水餃，再加$8加米線底，蕃茄係蕃茄薯仔甘筍粟米洋蔥肉碎湯，店員話會每一星期轉一款湯，粟米芝士豬肉餃每一粒都脹卜卜好大隻，水餃入面滿滿豬肉同粟米，加咗好多粟米好有咬口，餃皮又好滑，豬肉鮮甜無碎骨，不過食唔出芝士味，米線夠林夠彈牙，食食下我加咗老闆自家製嘅菜譜，少少辣，蝦米味好重，如果唔夠辣仲有辣椒醬可以加，呢碗水餃米線真係食到我好飽！2.沙嗲雞一串$11（8.5/10）淡淡沙嗲味，雞肉肉質嫩滑！3.沙爹羊一串$13（8.5/10）淡淡沙嗲味，羊肉唔羶又唔韌！4.雞軟骨一串$12（7/10）雞軟骨有少少韌，軟骨有少少難咬！5.魷魚一串$15（7/10）我叫咗兩串魷魚，

一個想食餃子，一個想食串燒點算好呀？呢間小店可以一次過滿足你兩個願望！位於長沙灣，主打多款湯/煎手工餃子，同時亦提供來自馬來西亞嘅串燒、小食、甜品、自家製茶飲～ 湯餃可以雙拼，而且會跟是日靚湯，今日係蕃茄薯仔粟米甘筍洋蔥碎肉湯，飲落清甜無味精、餃子大大隻，漲卜卜，餡料飽滿，涼瓜豬肉帶甘甜味，椰菜冬菇木耳豬肉咬落口感豐富☺️串燒款式都有唔少，個人最鍾意雞喙骨，肉質細嫩，帶焦香氣，值得一試、沙嗲羊/牛嫩滑可口，惹味十足、雞翼芝士餃外脆內軟、墨魚咀煙煙韌韌、雞肉棒帶點咬口、配著冷泡茶好夾！

湯底好味😋⋯⋯餃子🥟皮薄豐滿、煎餃🥟脆卜卜皮👍👍好香口唔油膩 🤤🤤！串燒😍😍⋯⋯燒得啱啱好，有用汁👌🏻！抵食🤨🤨！一定會再去！老闆娘好友善＆有心！🫶🏻🫶🏻🫶🏻🤝🤝🤝

我食苦瓜豬肉餃子（ 覺得佢健康有益身心，所以抱住試下嘅心態，估唔到好好食😋）,飲咗個湯👍🏻兩串串燒（ 一串雞皮一串雞軟骨）再嗌多個醉雞，味道無可匹敵😋😋😋下次我一定要去現場食👍🏻 讚讚加油! 支持你!我好少可食完個外賣,會去睇下間舖頭係邊度🤣因為真係幾好味，知道原來你哋是新開張的，記得保持初心，仲有keep住D火呀🔥❤️ 💪🏻建議： 可以賣埋生餃，可以外賣返屋企自己煮🤣

裡面有不同款式餃子同串燒，仲有泡茶同洛神花茶。 今日試了椰菜木耳豬肉餃 。湯底係自家煲嘅豬骨湯。 個湯好入味， 有粟米，甘筍、赤小豆、粉葛😛😛😛餃子餡非常豐滿，皮夠薄又唔會淋😋😋😋串燒惹味 ，價錢合理。

兩個人食飯👫一個想食餃子🥟一個想食串燒🍢點算好？🤔🤔呢度一次滿足晒兩個願望😌.星期六中午去 見都多人食😯湯餃最多人食🥣因為真係冇得彈😋😋😋👍🏻👍🏻👍🏻最正係佢個湯👇🏻當日係五指毛桃甘荀粟米蟲草花腰果🤤平時食果啲湯餃 好少比埋湯渣😯啲餃又足料大隻 真係冇得輸🫶🏻.煎餃我哋覺得可以脆啲🤔串燒最特別係果啲不經典款🤣魚腹鰭真係少見 快啲試吓滿足你嘅好奇心😝冷泡茶大支到拎走咗飲😂.#湯餃 #餃子 #串燒 #dumplings #dumplingsoup #hkfoodie #tumtumfoodie

朋友之前向我大力推薦餃串Party既餃同湯！今日仲同我去Encore食多次！🤣餃串Party既門面好搶眼同有玩味😍，同店員既風格相符，友善+有人情味，喺呢度食嘢感覺好舒服！1.湯餃雙拼（8隻）加米線底 $56必點湯餃！是日靚湯：粉葛扁豆甘荀粟米豬骨湯。真材實料，好甜！飲完唔會口渴！😋涼瓜豬肉餃: 涼瓜爽口帶甘唔會苦。香芹芫荽豬肉餃: 香芹芫荽味道唔會太搶。粒粒飽滿大粒，非常足料！豬肉都無雪藏味，好新鮮！米線都好滑！2.煎餃雙拼（8隻）加脆皮芝士 $60值得加芝士！有咸香，又脆脆地咁，同餃一齊食會令口感味道都昇華！粟米芝士豬肉餃: 好好味！芝士仲有少少拉絲！應該無人不愛😋😋韭菜豬肉餃: 呢度既餃出色之處係d濃味既菜味道唔會太搶，調味配搭恰到好處！3.當歸花雕醉雞卷 $38必點！好香當歸花雕味！外皮薄，肉冧滑，啖啖肉！正！👍🏻👍🏻4.雞皮一串 （外脆內軟）燒得好靚！名符其實，外脆內軟！5.豆漿好滿足😊😊呢餐健康又滿足，會再encore!☺️

我本來就好鍾意食湯餃，呢個湯真係超級有誠意，是日湯係粉葛赤小豆扁豆蘿蔔粟米豬骨湯，正到我成碗湯飲哂先食啲大大隻又好好味嘅韭菜豬肉餃。餃子睇落都係相當飽滿，入面嘅韭菜豬肉份量勁多，實在足料，餃皮煎得金黃焦焦的，食落去真係脆卜卜。今次點咗平時串燒店好少見到嘅雞翼芝士餃同墨魚咀，食落去好有驚喜，不妨一試。另外嗌咗花枝丸、台灣黑椒腸、孜然羊肉、雞軟骨、沙嗲牛同雞腎，味道都好好。呢喥埋單都唔洗$200，絕對係非常掋食，店內環境乾淨企理，員工態度都好熱情，一定會再幫襯。

有晚想搵啲輕食，經過呢間未試過嘅小店，就叫咗一份苦瓜湯餃個湯好好飲，足料，無味精但啲餃真係唔多ok，淡而無味，但有好大陣蒜味走健康路線，大隻，唔代表可以無味🙈附近仲有好多餃子選擇，又有一間就快開張，希望店主可以改善下，見到佢地好有心做，唔想佢地做唔住

lunch hours 路經長沙灣 見到有間小店叫餃串party 個名都幾過癮 ，估計入面嘅 食物應該都會有啲創意 舖位雖然唔係好大 但係位置都坐得幾舒服 而且佢係開放式廚房 見到佢入面個環境都幾乾淨既然叫餃串 又點能夠唔叫下佢啲餃子同埋串燒試下1. 韭菜豬肉餃6 隻 $38本身自己都係一個餃子哄， 除咗會睇下餃子個皮夠唔夠煙韌，同埋料夠唔夠之外， 主打會睇下佢個湯好唔好飲。 而喺呢度我覺得佢個湯係🈵️分， 裏面有好強烈嘅粟米蘿蔔味之餘， 裏面仲有淡淡嘅藥材香味， 當中當歸味亦都係好出， 好飲到成碗湯最後都飲曬。餃子裏面嘅韭菜同埋豬肉都好新鮮， feel到佢係即日包好， 食落去個皮亦都係煙韌彈牙， 建議食嘅時候會帶埋老闆自家製嘅菜舖， 幾特別 唔算太辣， 同埋蝦米味好重2. 燒物期間限定雞肉芝士餃 $20叫左沙爹豬肉同埋雞肉，孜然羊肉， 同埋喺出面好少見到嘅雞膊頭同埋雞肉芝士餃。 雞膊頭 $12值得一讚嘅係佢個雞膊頭位食落係好鬆軟， 口感一流之餘， 燒肉嘅火喉係恰到好處， 唔會燒得太乾， 唔錯3. 當歸花雕醉雞卷 $38呢個雞卷嚟到呢度係一定必食， 最主要原因係佢咬落去完全啖啖肉， 一條

話說我好中意食餃子而老婆又好唔中意食餃子，今次竟然有間老婆食完都覺得ok既餃子店。餃子既選擇唔多，走茜走九走苦瓜之後其實得返3款(2葷1素) 可以揀。45蚊8粒唔算平，size同豐信差唔多，比出面大半個size左右，但比較好既係無豐信咁實，咬落去舒服d.味道方面老婆話椰菜食得出甜味，但我就覺得無乜特別，第二款用既芝士都無乜cheese味。反而係個五指毛桃湯飲落住家舒服有驚喜。串燒係老婆最中意既一環(因為佢唔中意食餃子), 雞膊頭超juicy, 雞軟骨落油足燒得夠香，墨魚咀帶少少孜然味都好正。反而係雞皮燶左有少少失色，但整體黎講每一串都唔差，調味都唔同，唔似大陸個d清一色辣椒孜然味，12蚊串香港黎講好抵食。

作為長沙灣嘅街坊 同埋係一名餃子控有新開嘅小店，當然想去支持吓同試食😆店內環境乾淨企理，員工態度都幾親切餃子脹卜卜大隻配埋個老火湯！冇味精！好味既👍🏻感受得到用心煮既 辣菜脯略嫌偏甜咗少少 另外仲有串燒 價錢十幾蚊 即刻燒 不過不失食餃子之餘 想叫多一兩串串燒都唔會話大貴👍🏻值得一試

第一次食用電話叫外賣買左一份湯餃，一份煎餃。湯既味道合格，不過內餡好淡無乜味。但最令人估唔到既係，湯餃加米線係$8，但煎餃加米線居然係當另叫米線係要加$20！解釋話係因為另外要加湯所以唔算加配價😅即是如果我想要同樣份量既野食，只係因為煎左啲餃，足足加多$12，係同市面普遍既鋪頭計法完全唔同🫠只能怪自己打電話時冇問清楚，希望鋪頭能夠標示得更清晰，以免有更多人中招人最後既係外賣盒，兩份野食已經用左6個盒，再加上每個＄1，其實都幾浪費。最後仲發覺冇跟到菜圃同醬油等等比我。周圍都唔少賣餃子既店，經過今次講真未必會再次光顧 🥲