餃串Party

营业中

休息中

🌽栗米芝士豬肉餃🧀💚韭菜豬肉餃🤎椰菜冬菇雲耳豬肉餃（湯餃$50／8隻，煎餃$52／8隻，最重要係雙拼唔洗加錢‼️，好有良心）三款餃子的餡料都非常新鮮，大大隻，漲卜卜，好滿意，湯餃用左老火湯來煮🔥，當日靚湯為「五指毛桃🍑甘荀🥕栗米🌽蟲草花豬骨湯」，超有火候好滋補，健脾補肺，行氣去濕。🐄沙嗲牛肉🐥沙嗲雞肉🦑花枝丸另外仲叫左幾款串燒，都好惹味，再加埋豆漿，成餐每人都係六/七十蚊，好抵食。

本身我都鍾意食餃子 見到呢個鋪頭名咁港式就想入去支持下小店 點知仲有意外驚喜 🤤好彩啱啱好坐到最後一張枱坐滿哂之餘仲不斷有人想入嚟食 入到嚟必食返餃子 想講不論煎餃定湯餃都好出色無意中發現餐廳係人手包 薄薄嘅餃子皮但滿滿嘅餡料 仲發現一個新食法係超級好食😂就係將餐廳嘅自家制菜脯放入餃子到食但記得唔好放太多 可以增加口感之餘唔會遮蓋咗餃子嘅味道 由於餐廳可以雙拼餃子 都可以試哂咁多款口味呢樣都係我覺得加分嘅地方 餐廳除咗餃子之餘仲有其他串燒小食 竟然仲有足料無味精湯水 除咗餃子之外本人特別鍾意食雞軟骨連住小量雞肉 好爽口好味同埋第一次食雞喙骨 原來姐係雞膊頭個樣有啲似雞翼但肉質會相對實小小魚腹鰭對我嚟講有啲腥😣但朋友作為愛食魚之人嚟講表示好好食😋

憤怒！點解呢間餃子小店冇乜人講？堅高質(✧∀✧)/ 勁大粒好好食 係近期食過最好味的！✿ 湯餃雙拼(8隻) $④⑤起♡ 椰菜冬菇木耳豬肉餃｜韭菜豬肉餃♡ 粟米芝士豬肉餃｜香芹芫荽豬肉餃餃子極度飽滿 內餡幾乎冇空隙 皮好薄但唔易穿菜肉比例完美 食得出係用新鮮肉整！連個湯都好飲 係冬瓜薏米紅蘿蔔湯 又唔油清甜足料有湯渣(´･д･)ﾉ 全碗飲晒唔口渴✿ 沙嗲串燒 $①①起｜4.5寸燒芝士腸 $①⑧店名有「餃」有「串」～自家串燒都係賣點 唔會乾爭爭 入味但唔過火 十幾蚊串無咩好挑剔✿ 當歸花雕醉雞卷 $③⑧醉雞都好正⋯酒味濃但唔嗆 散發藥膳香 肉夠滑真心有誠意又值得支持嘅街坊店(T⌓T)請廣傳！

同四個朋友一齊食晚飯，一開始等位，店主已經好friendly咁講幫我地留緊枱，隔咗陣又話唔好意思，知道好熱要等出陣🥹勁好禮貌！入到去叫左兩款湯餃三款煎餃。個湯好好飲，無味精仲有湯渣食，好甜，啲餃既餡好食新鮮而且皮薄，好好食！大推煎餃加芝士底，好邪惡好正🤣🤣🤣！啲串燒好好食，尤其係外脆內軟雞皮，雞軟骨同雞腎，竟然可以用juicy嚟形容🥹仲有蛋白質雞胸同雞膊頭，好嫩好好食！大推依間小店，啲餃同串燒都好食，老闆同員工既氣氛都好好！

長沙灣有多間餃子店！今日來到餃串Party 叫了兩款湯餃外賣試一試佢！店內只有六款餃子提供，當中包括🥟涼瓜豬肉餃🥟韭菜豬肉餃🥟椰菜冬菇雲耳豬肉餃🥟粟米芝士豬肉餃🥟香芹芫荽豬肉餃 🥟椰菜冬菇木耳豆腐餃（素）今次叫了椰菜冬菇雲耳豬肉餃及粟米芝士豬肉餃！ 每粒都大大粒、脹卜卜！皮薄餡靚！十分足料！豬肉十分新鮮，沒有雪藏味！皮雖然薄，但沒有散開！讚！ 椰菜冬菇雲耳豬肉餃：每樣材料份量均勻，吃得出每款的味道。粟米芝士餃子：好好味！有粟米又有芝士！相信無論大人或小朋友也十分喜歡的一款餃子！ 湯：粉葛扁豆甘荀粟米豬骨湯沒有味精！很有家的味道！讚！會再來的餃子店！下次會試串燒！

好似幾耐冇出過餃子嘅食評？我呢個餃子控真係唔稱職😛 最近都見到有幾間新開嘅餃子專門店，上個禮拜就去咗長沙灣嘅餃串Party☺️好多餃子專門店淨係主打餃子🥟 但係呢度唔同，又有串燒、小食同埋甜品～ 鉸剪size都好大隻，平時我有大叫大，不過想留返多啲quota試吓其他嘢，所以就每款淨係叫咗六隻，兩個人嚟講已經好飽好飽😛 俾大家參考吓食咗咩？💁🏽‍♀️➿ 當歸花雕醉雞卷($38)醉雞卷處理得幾入味，又夠晒凍，啱晒喺夏天食～ 鍾意佢加咗杞子同埋蟲草花，感覺更健康👍🏼➿ 馬來沙嗲豬/雞/牛 ($11; $11; $13)欣賞佢哋嘅沙嗲串燒肉類都係自己醃製，唔係買批發加熱～ 每款肉類都燒啱啱好，唔會太乾身～➿ 香茜芫荽豬肉湯餃 ($42@6隻)都好欣賞佢哋嘅湯餃嘅湯底，係自家製嘅靚湯☺️ 當日係消暑、清熱、健脾化濕嘅冬瓜荷葉甘筍粟米薏仁豬骨湯🤩 好啱呢個季節！餡料多菜少肉嘅比例好啱我哋嘅心意💕 ➿ 粟米芝士豬肉煎餃 ($44@6隻)煎餃煎得均勻香脆🥟 芝士完全溶化喺餡料入邊🧀 味道唔會好濃烈，所以唔係好膩，加埋粟米粒🌽 令到肉餡幾濕潤～➿ 泰國芒果糯米飯 ($45)芒果幾香甜🥭 糯米飯size啱啱好～

近來喺長沙灣做嘢發現到有呢一間餃子店，佢有涼瓜餃子即刻揾埋女朋友試一試先講講環境，舖頭就細間但係都叫做企理落單要用QR code我自己叫咗涼瓜豬肉餃同埋雞胸串燒女朋友叫咗煎餃，香芹芫荽豬肉餃加芝士🧀叫多串翠玉瓜串燒同埋一支手工冷泡菠蘿桂花雪梨茶佢湯餃個湯底係冬瓜荷葉甘筍粟米湯，涼瓜甘甘地唔苦，湯底亦都好夾個餃子食完餃子即刻飲晒個湯餃子大大隻，啲餡好足料雞胸串燒完全唔乾，好好食煎餃方面，加咗芝士超級好食，每一隻都可以有食，好滿足翠玉瓜串燒就正正常常冇特別手工冷泡菠蘿桂花雪梨茶就十分特別特別食完煎餃可以解解膩同埋下火

由佢開業到而家，大大話話都應該食咗10次有多，除咗我本身唔食菇，所以香菇餃冇食過之外，其他都試過，串燒我比較揀擇，所以唔係食過太多款：餃：一個字，足料皮薄芝士粟米餃：入口第一個味道係粟米香甜，接下來是芝士鹹，因為都大隻，所以我都要分兩口先食得晒。涼瓜餃：比較特別嘅配搭，我平時麻麻哋食涼瓜，都覺得可以encore，入口最初係肉味，跟住係涼瓜嘅清新，而涼瓜並唔係完全腍晒，所以係有啲好特別嘅口感，不過老實講係特別，但係味道層次唔係好豐富，我會加菜脯一齊食，佢嘅菜脯唔係好辣同埋應該係加咗花椒，夾埋涼瓜，成件事就好豐富，有涼瓜嘅清新，菜譜嘅爽脆，加埋豬肉嘅軟腍腍，最後有花椒嘅麻香，我食得最多都係呢一款。芫荽餃：就係好多芫荽同埋芹菜味，芫荽味多過芹菜好多，好彩係咁，因為我唔食芹菜嘅本身。串燒：雞膊頭：好特別，肉質軟滑，有一小片皮，油香充沛，肉質有彈性，仲有條鎖骨可以輪吓，每次食都嗌。雞胸：薄薄一片，醃得好入味，一啲都唔嚡，係安慰自己嘅健健康康之選。魚腹鰭：鰭燒得焦脆，帶有鹹香，魚油充足，一咬真係會爆出嚟，魚肉嫩滑，魚皮香脆，一串串燒有四個口感。

小店由外而內都玩味濃，所以一開波係被設計所吸引而唔係食物，哈哈小店主打餃子同串燒，真係由皮玩到入心，見店內個牌真係笑左；Menu竟然有涼瓜豬肉餃咁特別，一於外賣試試涼瓜豬肉餃真係好似小店所講大大隻，皮較薄一夾易爛，但餡料做得好，夠乾水，不重腌味，食得出肉同菜新鮮；相信喜歡涼瓜會好歡喜，涼瓜味重但回甘，清新之選椰菜冬菇雲耳豬肉餃同涼瓜豬肉餃一樣大大隻同皮較薄，食材同樣新鮮，比例適中，椰菜爽甜冬菇香雲耳脆，每種食料都恰到好處，好滿足

第二次過來食，係玻璃門口見到張公告，「已有7人和1狗」撞到玻璃門，我好奇係點得出依個數字，係唔係每日睇住有人或動物撞親就要記低佢？咁多人撞親，會唔會係個設計有問題在先呢？上次來食仲要有張公告話怕等得耐，可以去食快餐店，的確夠串！間舖唔大，有12張2人枱，兩張2人枱拍埋可以坐4個人。前個對情侶係都要2個人霸住2張枱，店員企係到唔會幫手安排下座位，去收銀想睇下餐牌，個老闆娘又態度好差咁話要坐低掃QR code落單，但你哋又唔安排下入座？睇下有乜食都唔得？落完單，又走埋嚟問可唔可以搭枱，我反問點解對情侶2個人霸2張枱又可以，我地合作坐埋一邊又要比人搭枱先？店員一樣無處理過，上碗餃子拎到埋嚟又唔問清楚，亂咁放係人面前，碗熱湯係我地身後舞來舞去，真係好驚你會失手，成碗野淋落嚟！湯餃 - 粟米芝士豬肉餃，煮得太耐，餃皮都爛埋，食落無咩味道，湯底係可以接受，但請真好多間都做到依個水準。煎餃 - 椰菜雲耳豬肉餃，非常之咸，過曬火！要飲住湯食先比較可以入口，但單點煎餃應該係係無湯跟。同其他對手比，價錢唔係幾抵。上次食過串燒，好細串，所以價錢亦都係正常，唔算係抵食。間野咁串，我地唔會再來!

等好耐，安排得太差，座位逼夾，又要搭枱，好失望下，因為一入門口有對情侶打橫坐分開坐就霸住一張四人枱，咁我哋太好心就兩個人打對面坐，點知有兩個大隻佬入嚟，竟然安排佢哋坐喺我隔籬，好迫好迫，餃子好一般，好琳，overcooked入口即化嘅，唔食用牙咬⋯⋯一定唔會再嚟，唔值呢個價錢，仲要等咗咁耐，煎餃🥟就油太多，比較膩，油膱味好重。咁嘅安排，唉⋯⋯貼錢買難受。拎每盆熱湯餃子埋嚟嘅時候，我都要再三提醒服務員小心啲，因為就喺我膊頭上邊，差啲錄到我🥲

一向鍾意食餃子嘅我，間中就會唔想食飯，搵餃子醫肚。今日食呢間餃子店係長沙灣，餃子款式唔算多，但有一款好特別嘅餡，未見過佢出現係其他餃子，於是就抱住試伏嘅心態去試下。呢款餃子就係涼瓜豬肉餃啦😝我叫左6隻湯餃加米線，餃子大大隻，皮薄餡靚，涼瓜切成粒粒狀，食落唔會苦，有少少甘味，估唔到呢個組合又幾好食。餃子嘅湯底飲落好清甜，飲晒成碗都唔覺口渴，而米線嘅份量都幾多，又唔會煮到好稔。$46就食到個好味午餐，要encore!😋

位於青山道368號喜韻商場地下2號舖的餃串Party，主打自家製作餃子及串燒。。店內有四至五張四人枱，繁忙時間可能需要併桌。筆者當日為星期日午飯時段，二人來用餐，需要和另外一對情侶併桌。店舖採用手機掃描二維碼下單，下單後約五分鐘，飲品和前菜便陸續上桌。。📌煎餃雙拼（8隻） - $50～粟米芝士豬肉餃（+HK$2）煎餃是即點即生煎，需時約十五分鐘。外皮煎得十分香口，仍能保持微微的韌性，和預先煎好的餃子味道差天共地。粟米餃子是預先將粟米攪碎，粟米的味道更為出眾。。～涼瓜豬肉餃涼瓜勁成丁粒，味道回甘，不會太過濃郁苦澀，而且能更突出豬肉鮮甜的味道。煎餃頗為飽肚，女孩子吃五至六件也夠飽了，筆者則額外買了一個小盒子。將其餘三件外帶回家。。📌單點-激濃蕃茄薯仔甘筍粟米碎肉湯～絕無味精 - $18煎餃口感上相對乾身，所以點了一碗老火湯滋潤一下，老火湯的款式也會不定期轉換。店員端來了一碗大湯，喝一口熱湯，肚子暖暖的，相當幸福。。這碗湯相當足料，蕃茄味濃厚，感覺仿如在蕃茄海內暢泳。。📌當歸花雕醉雞卷 - $38凍醉雞卷有著十分濃厚的花雕和當歸的味道，雞卷啖啖肉，吃起來十分過癮滿足。📌涼拌黑白雲耳 - $3

今次路過長沙灣想食餃子🥟但唔想次次都食甜記於是就入左黎呢間小店🏡今次叫左個粟米芝士豬肉湯餃同雲耳椰菜冬菇豬肉湯餃🤤餃子一上到黎睇落都皮薄餡靚喎😊湯飲落都冇味精👍🏻湯料d肉都好食😝不過可惜湯淡左少少但都好飲呀😗個辣菜蒲好惹味🤫我一啖餃子一啖菜蒲🫢配埋個米線食完好飽😂見到隔離枱有叫串燒同小食果d幾吸引🤩下次有機會會再黎試下呀😛😋味道：7/10價錢：7/10環境：7/10服務：7/10

煎餃雙拼（8隻）$50湯餃雙拼（8隻）+米線$56沙嗲雞一串$11沙嗲牛一串$13墨魚咀一串$18雞翼芝士餃（期問限定）$20免治軟骨雞肉棒$15豆漿$12好味指數：😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️最近發現長沙灣新開了一間小店，店名玩味十足。如其名，一間店既有餃子🥟，也有供應串燒。同一間店可同時吃到這2樣食物，比較少有。二人點了湯餃、煎餃及串燒。為保持質素，所有食物都是即叫即煮，而不是預先準備，店亦有提醒🔔客人等候時間會較一般快餐店長。餃子大大隻，皮夠薄，塞滿餡料，脹卜卜。湯餃的湯底不是味精湯，而是店煲的湯。當天就是蕃茄薯仔甘筍粟米🌽洋蔥碎肉湯，好鮮甜。加入微辣菜脯更惹味。煎餃煎得香脆可口。餃子共有6款，其中一款是素餃。我自己最喜歡的是椰菜冬菇雲耳豬肉餃，口感不錯又夠香。試了5款串燒，全部都不會燒得太乾身。沙嗲串微甜。墨魚咀爽口。免治軟骨雞肉棒肉夠綿，軟骨咬落爽脆，增加口感。釀了芝士的雞翼芝士餃夠邪惡。