飽點王子 (已結業)

用$4買了最多人推薦的流沙奶黃飽店員後蒸櫃最下隔拿出...熱, 但點解咁'黃'既?撕走底部的紙, 損失了很多包呀...剛開始吃, 流沙便從中間剛被紙撕走很多包的地方流出食到中間, 要不斷地'吸流沙', 一路行一路食好麻煩包是好, 料是足, 也很流沙, 但太流沙了....

見到街邊派coupon,我緊係攞多幾張啦王子都有好多包我就買咗招牌流沙系列D包為咗保持最佳流沙效果,就返屋企蒸熱先食流沙奶黃包$3都好好味,好滑,仲好流沙流沙叉燒包$3.5好多汁,D叉燒腍而不肥,幾好味整體都好好,下次試埋其它包

今日bb專登去旺角買飽點王子給我吃呀!買咗馬拉糕 & 流沙奶皇包馬拉糕~ 個味道好似有点兒怪~ 我覺得包點先生好味d ^^ <不過最好味都是茶樓的傳統馬拉糕> 但價錢一定係茶樓貴d架!!!流沙奶皇包~ 因為我睇報紙介紹過,佢吔標榜用少咗牛油同蛋黃..所以我好放心食佢呀....(都好好味,好多奶皇...但我都係鍾意creamy 奶皇包多d)經濟不好呀~ 我唸我買呢d包類係屋企做個小型茶樓.... 仲好 hahaha...

一向都鍾意食流沙奶皇包，而呢度既流沙奶皇包真係有超多既奶皇，而且麵包好軟又大隻，好味又抵食！不過，我覺得超群既流沙奶皇包餡比呢度既香！其他包就未試過，唔知好唔好食。

中式包店好像越開越多，單在旺角道已經開了兩家。單看裝修，兩家佈置格局也相近，只是王子的外表稍稍土氣。之前試過先生，而家試王子的包。芋頭與流沙奶黃包即買熱的吃，流沙包果真流沙，餡爆多的，雖然熱卻不會燙嘴，也沒有太油的感覺，不過餡味道略嫌單調。芋頭包內滿滿的芋頭蓉，很香很好吃。芝麻包是買凍的回家加熱吃，應該是沒現場吃的好，包的外皮也變韌，但餡吃得出是一粒粒粗幼不一的芝麻，比不少地方的芝麻糊的芝麻味更為香濃。雖然人山人海的先生分店較多，可是我覺得王子的包更出色。

尋日約咗個賣家放工係旺角交收, 正正搭車回程的車站就係飽點王子既門口, 見肚餓而有網友話芝麻包好食, 就入去行個圈睇有乜野岩食....行了個圈夾了2個包都係硬既, 諗緊咁硬一陣點食之間, 發現原來門口果邊有個阿姐係熱爐夾包俾人, 咁我就放番低晒2個包, 索性出外面揀...真係大鄉里揀咗流沙叉燒包, 流沙奶皇包同芝麻包叉燒包我諗同係咪流沙冇乜關係, 好香...外皮細緻兼軟綿綿, 裡面幾多汁, 疑似李X記叉燒醬開出黎,係咪去到流出來地步? 唔算.....醬汁多過肉而已我諗同平時酒樓差唔多, 有肉粒, 整體係岩口味起碼冇我最怕會出現既肥豬肉係度第2朝食埋另外2個甜既原本對流沙奶皇好有期望, 但有D失望好多有賣流沙奶皇包既酒樓/茶樓好食過佢多多聲而且涵料唔滿, 又點可以做出流沙效果況且味道只係一般吉士味道....係滑但唔香另一個係芝麻包, 滿滿芝麻涵, 黑率率的, 幾香但味道單一, 同埋甜咗D, 食咗半個已經唔想食, 可能個人口味問題......總括而言, 包既外皮部份係好食的, 但論內涵就好一般, 要揀既話我會揀叉燒包較為好D論價錢同抵食度就俾高分D啦...

買了幾個包做成個禮拜早餐。鮑魚包裡面隻鮑魚好細粒，其餘就係雞肉。特色欠奉，成十蚊個，唔太抵食。雞包就好食，好多雞肉，只要少許肥肉。菜肉包裡面d菜食時依然係shok shok 聲，有咬口。跟豬肉的比例均勻。馬拉糕，先生同王子都整得唔好食。唔夠鬆軟，又唔夠香，都係茶樓d好食好多。芝麻包真材實料，好多芝麻，甜甜地，幾好。所有包包都做得好軟熟，口感好過先生好多，先生d實得得。

之前看報紙被 流沙叉燒包 吸引了,誓要一試!原來,它根本就不是 流沙包, 吃的時候餡兒不會澎湃地流出只見是一個普通的 叉燒包 =_="未見其特別之處作為一個叉燒包, 不太咸,幸好餡兒有肉粒,又不會 一 "PAT" "PAT"我覺得.....可以一試,但不要期望真的流沙

已久仰「王子」的大名了，上星期到旺角買燈籠，於是順道到來拜會一下。「王子」與其中一間「先生」分店都是位於花園街、人來人往的地方，只是一條馬路之隔吧！而且大家的裝潢、管理模式都十分相似，如果不看招牌的話，不知會不會有人認錯／混淆呢？哈哈。上次於「先生」買凍包，這次於「王子」買熱爐內的熱包，回到公司後才吃，雖然焗了一會，但包身卻沒有被「水氣」弄濕…之前在「先生」試了蕃薯包，「王子」也有同款的蕃薯包（$4），雖然造型普通了點，當然還是內涵最緊要啦。一撕開包子便嗅到濃郁的蕃薯香，味道又不會過甜，跟「先生」不相伯仲…另外多買了一個菜肉包（$4），餡不算少，而且juicy又夠味（不過對我來說略嫌咸了點）。總括來說，「王子」不比「先生」遜色，而且又比較便宜，只是名氣不夠「先生」廣吧！

九月十四日(星期日)同老公仔渡過我們的第一個人月兩團圓的中秋節!亦祝各位中秋節快樂呢!今日我們的第一站是吃飽點王子作為中秋節的早餐!飽點王子位於人來人往的位置,非常易找到它呢!由於時間比較早,所以麵包的款式都充足啊!我買了三個:紫米包,流沙奶皇包以及黑芝麻包本身想試試第一包,不過實在太大個了!三個大包兩個站在地鐵站內share吃!非常滋味呢!首先,吃紫米包,紫包的大包,很好吃呢!紫米也很香呀!分量都不少!第二個吃流沙奶皇包,黃色的外表,圓圓的,非常吸引呀!!!...而且真的很流沙,奶皇差點也滴出了來呢!最後的黑芝麻包反而沒有之前兩個那麼出色呀!不過,都算中上的質素!如果我住在附近,會經常買王子的麵包作早餐!好吃非常而且價錢便宜呢下次試試附近那個包點先生,不知道先生好,還是王子好呢!?

終於可以食到仰慕既王子流沙叉燒包亦都想食流沙奶皇包.但可惜賣晒暫時未有住只好買兩個叉燒包啦!但食落個感覺係聞名不如一見相見不如不見!包熱就夠熱.但皮好厚.餡料雖冇加色素但幾鹹.食完即刻要去買杯野飲真係有D小小失望!我連續吞3大叉燒包都可以算得上係包點公主啦掛!

夜晚十點幾經過，就買幾個做早餐。流沙叉燒包：如我之前所寫的一樣，餡多，啖啖叉燒。炸菜肉餅包：炸菜與肉撈得好實，不會鬆散。炸菜爽口亦不會太咸。個包好軟熟，熱食一流。

星期六經過包點王子..見到佢咁多人排隊買包..好奇八掛行埋去睇..見到佢蒸櫃入面d包熱辣辣,好似幾味.於是諗住買返個黎食啦!點知佢多人到..又得有一個阿姐..冇人幫佢手!足足等左成個字,到我果陣個呀姐先同我講芝麻包買晒,激死我..即刻唔買就走..咁岩行前兩步就俾我見到呢間飽點王子..佢呢度又係有新鮮熱包同凍包賣..但係就唔知點解冇人買? (人地果間係隔條街就迫到死)於是買左個芝麻包黎試下先..點知一食..唔得喇..我已經忍唔住要返轉頭買多幾個包食!之後幾日..我都有係度買過幾多包食..評語如下:芝麻包($4): 一咬落去有好多芝麻呀..個包又夠熱..冇得頂!南瓜包($4): 食落有好多新鮮既南瓜蓉..冇欺場..中意南瓜/甜包者值得一試!紫番薯包($4.5): 呢個又係好好味..一定要試~一咬落去已經食到入面有好大個日本紫番薯..非一般普通既番薯蓉..認真正呀!九菜包($5) : 呢個整體黎講ok既..九菜香又有肉汁..不過我個人本身唔太好豬肉..而且呢個包肉多菜~所以唔係咁岩我口味,sorry!麥皮饅頭($3.5): 買三送一..買左四個凍既擺係屋企得閒蒸黎食..蒸完出黎食落口都ok.

上篇寫了經過買左二個包, 菜肉包幾好味, 都幾大個, 後來夜d試了個芝麻包, 好多餡, 第一啖覺得好好味, 好香芝麻味, 但食多二啖就頂唔順, 好甜丫~ 好漏如果下次有機會再買一定唔會再買芝麻包囉

近排唔知點解行到邊度都見到飽點先生, 王子之類既店舖~ 屯門~ 旺角~葵芳....近排興食包??記得家姐曾同我講有日見到新開新貪得意入去買左幾個包返去食, 佢就話唔多值~今日係旺角食完飯行街果度陣經過見到呢間舖, 入面都唔少人, 本身自己鍾意食包, 所以又趁熱鬧咁走入去, 最後買左個菜肉包及黑芝麻包, 今日叮黑左個菜肉包黎食, 唔錯啵~ 就算叮都唔會覺幹, 入面餡料唔多, 不過我覺得ok~4.5元一個都ok既~還有個芝麻包沒試