飽點王子 (已結業)

自從10月尾開始係油麻地返工...日日就甘係旺角行行行行行去油麻地~~每朝都係食先生D飽!~ 因為好似記得呢間分店多D吧~而且見到王子少D人買~今日試左佢GE流沙叉燒包同埋芋茸包~叉燒包真係唔係流沙的,應該改返個名...哈!但我最鍾意食有汁GE叉燒包~ 但略厭多得濟喇D汁...我覺得有時D野太多唔好...岩岩FIT哂先係最好味!但係要讚佢一樣野,就係叉燒包入面真係有好多叉燒~絕唔慳皮! 相反...食開的先生...佢地GE叉燒包...次次食親都係肥膏......都冇乜叉燒.... == " 王子 勝!!至於芋茸包,相對起先征GE芋茸包較細~食落去...似乎先生GE芋茸包好味D~ 較為有芋頭GE甜!!但最值得讚,王子D包軟熟過先生多多聲...........記得開頭食先生都好好味咖...但唔知係咪多左人買...質素有所下降....下降至個包係實到硬－－"

一路都係食開包點先生的.因為其分店多,易買到多d~O係旺角食少少野就諗起同類型的包點王子喇~試左佢地獨有的流沙叉燒包($4.5)果然好多汁,一搣開個包,d汁有流出黎,汁偏甜, 叉燒唔多肥~算唔錯.但其實叉燒份量唔係好多.而包的質感唔夠包點先生的煙韌.如果要食流沙包會幫襯呢度~如果唔係都係會買番包點先生喇~包點先生d款式多d同埋質素都幾穩定.

上星期兩天分別吃了以上四款飽!奶黃飽($4): 沒有蛋黃的, 正合一向討厭蛋黃的我. 不能說是流沙!似是吉士 郤足餡+熱, 所以雖不是上上品,也是上品.芋頭飽($4): 餡料expect像流沙飽般濕的,但一咬, 較乾+較實, 值得一讚的是有大大粒正方形的芋頭, 而且不太甜, 很飽肚,味道普通,郤是健康之選!(營養小tips:芋頭 低脂肪 低糖 低鹽, 高纖 高鉀, 不但有助減肥,而且有助降血壓 但係都唔好瘋狂地食(好似我咁 ),因為中式飽點加了一定份量的油份) 芝麻飽($4): 撕開飽底紙, 漏餡 可說是流沙飽, 不太甜,又有芝麻香~味道是上上品五香眉豆飽($3.5): 喜歡眉豆, 很濃五香味,餡料足! 像芋頭飽一樣較乾+較實, 而眉豆也是健康食品之一,高纖飽肚!! PS, 友人買了蓮蓉飽, 說比奶黃飽更好吃, 可惜無試過 PS2 每買夠$5, 有一個印仔($10有兩個). 儲夠10個, 可當$5 用!!

近年中式飽點好似開始發圍,雖然未至於西式飽點成行成市,但似乎開始慢慢站起來,務求分一杯羹,令中式飽點再不是只有在酒樓才可品嘗第一次來飽點王子,發現有很多種飽點,好似南瓜飽,流沙奶皇飽,但礙於眼闊肚窄,最後我揀了流沙叉燒飽, 叉燒唔肥份量也多而且又多汁,個汁甜甜地挺不錯,飽面加了幾粒黑芝麻有畫龍點精的效果,期待下次與其他飽點的接觸

飽點先生N飽點王子!?誰抄誰我真的不清楚 不過見這邊有我最愛的流沙包 就吸引了我買買左4個回家 每樣試半個=]芝麻包：也是流沙的 外表吸引也很好味流沙奶皇：比平時酒樓的更流沙 好味叉燒包：不錯但不特別紫薯包：出乎想像的好吃 好SWEET的紫薯餡

由於喜歡食臘腸既關係，一見到有新出既「臘腸卷」，我就忍唔住要買返個試試，睇下佢既臘腸得唔得丫嘛~ $ 4.5 既臘腸卷，個包都唔錯喎~ 都幾大個架 熱騰騰既臘腸卷，真係忍唔住要即刻咬落去~ um...好好味呀~ 好彩有個包包住條臘腸，唔係既話，一定會被d臘腸油「泌」到周圍係... 話時話，呢個臘腸卷既臘腸既質素都唔錯喎~ 肥嘟嘟既臘腸唔係d瘦猛猛既貨，難得食落無油益味，真係不俗不俗~ 睇到仲有臘腸盅頭飯呀!!! $ 16，真係要搵日試試，睇下佢d飯得唔得~ 好臘腸既志同道合者，記住去試下呢個美味既 「臘腸卷」呀

近年市面多左好多間中式包點舖，提供好多熱騰騰的包類，即買即吃；又或者，可以買凍的，回家自行再蒸熱食。最近行開旺角花園街，經過lee間包點王子，見有d餓，就買左隻芝麻包食! 嘩，個包皮厚度適中，芝麻饀好足料，甜度可以，芝麻饀咬落很有口感，真係好正!亦好啱近日轉涼的天氣，嘆番個熱包，都只係幾蚊雞! 好味飽肚又暖胃，仲非常適合近排慳得一蚊得一蚊的市道。註﹕芝麻包要頗餓才好買來吃，因為其實都幾漏架!

食完隔籬個間都要試埋呢間至得，兩間唔知邊間開先?但係有番咁上下實力至敢同人fight尤其隔籬個間係集團形式經營。呢度種類較少但係都有十幾款揀，其中標榜流沙系列，流沙义燒包同流沙奶皇包，兩款都係$4.5。其實嚴格上唔可以叫做流沙尤其係义燒包，只可以叫做流汁，因為真係好多汁流晒出嚟，至於D义燒饀就好好味，义燒都幾多又唔會肥。流沙奶皇包都同樣係流汁因為無咗咸蛋黃個種起沙嘅口感，但都OK。兩間比較，似乎王子略勝一籌，唔通真係後生可畏。

行完街去搭車!見到飽點王子同包點先生係一條街望完包點先生D包再睇飽點王子咦差唔多樣既!為求方便結果幫襯左飽點王子見到好多熱辣辣既包忍唔住買番2個第2朝做早餐用微波爐叮!個皮一定會係硬硬地!咁我又唔MIND一定冇新鮮咁好食架啦!黑芝麻包一meet開個包好多黑芝麻餡好香真係好似芝麻糊咁!但係食落真係甜左少少喎!!!南瓜包南瓜包入面d餡唔覺係南瓜-0-淨係覺得d餡好滑!但冇南瓜味!都有下次既!試下其他包總之唔會試南瓜包!或者真係會幫襯包點先生!!!試下一街之隔會有咩分別!

試 過 飽 點 先 生 的 糯 米 卷 讓 我 很 失 望 後 、 這 次 便 試 一 下 飽 點 王 子 的 出 品。買 了 新 鮮 的 奶 黃 流 沙 包 和 一 個 冷 的 芋 蓉 包 回 家 蒸 熱 吃 ( 奶 黃 包 沒 拍 照 ,, 因為 包 包 熱 呼 呼 的 太 吸 引 了、所 以 沒 拍 照 就 己 經 急 不 及 待 的 送 到 嘴 裏 去 =w= )奶 黃 流 沙 包 表 面 顏 色 是 橙 橙 黃 黃 的、非 常 軟 熟 ,, 奶 黃 很 多、吃 到 中 間 時、奶 黃 還 不 斷 的 流 出 來、而 且 奶 黃 很 香 很 滑、而 且 不 會 太 甜 , 很 好 吃 !!而 芋 蓉 包 是 隔 天 的 早 餐、 芋 蓉 包 外 表 面 是 淡 紫 色 的、蒸 熱 後 沒 甚 麼 香 味、內 裏 的 芋 蓉 只 是 甜 甜 的 沒 啥 味 道 .. 真 的 讓 我 有 點 失 望、下 次 還 是 吃 奶 黃 包 好 了。

意猶未盡，和如真去旺角吃中式包點。叉燒包一個，奶黃包兩個，店員立即就抓住放袋了。如真對叉燒包較有興趣，將包一分為二，汁也差點瀉了。我撕開包紙就咬，誰知部份流沙瀉到手上，暖暖的。（暴殄天物！如真說。後來他嚐時，也逃不了這命運。）其實栩栩不太喜愛吃包，很乾。但這個真的好吃，下回不妨再試。美中不足的是他沒分店，如果再銅鑼灣或灣仔有店就好了。

見好多食評or食家都話流沙叉燒包好味！緊係要試下啦我一點幾去到，係咪我太早呢？好多包都無！本想買：流沙奶黃包，芋頭包，芝麻包，流沙叉燒包結果得流沙叉燒包有，其他都無失望我唔係買新鮮熱辣辣既流沙叉燒包流沙叉燒包 - 流沙叉燒包係咪個汁要流出黎先算流沙？我果個無喔汁都算多，都無流沙既感覺！個汁甜味重！咁晒我叉燒唔肥，係瘦叉！味道唔錯啊！等第三次再挑戰其他包啦

今日終於試到or食家話d流沙包類d「正」過「先生」既「王子」喇晚上差不多7點半先去到，仲有不少包喎~ 唔知佢地收幾點呢?? 不過，照我估計，佢地都唔慌有得收8點啦...因為我從佢地既玻璃廚窗，見到d師傅仍然好忙咁工作緊~ 講返d包，為左寫今次既食評，我買左幾多款式既包呀流沙叉燒包﹕真係好汁呀!! 仲要係我最鍾意既甜甜叉燒汁呀 講真，呢款包我會揀「王子」多過「先生」!! 因為呢間既餡料同汁都真係very good~流沙奶皇包﹕橙橙地色既包皮，幾特別喎 雖然我唔係即買時趁熱時食，但係...仲依然流沙個喎~ 同樣地，d餡又真係幾多喎 味道唔錯!! 不太甜or鹹~芝麻包﹕個餡有d芝麻糊feel，唔錯!!菜肉包及韮菜包﹕我個人覺得呢兩款「先生」比較好d...因為...我覺得呢間呢兩款包d餡相比「流沙包類」好似少左d...總括來說，「王子」的「流沙包類」真係唔錯 ，而且價錢好抵~~ 5大個包，$20.5 咋~~但要食菜肉類既，我就會到過兩間既「先生」

對奶黃流沙包沒有太大興趣, 芋頭癡選了芋茸包~一拿上手己急不及待想大咬一口, 可是真的太熱了, 手很難拿着, 不過中式包一定要夠熱嘛, 所以抵讚！而且包紙很容易撕下, 沒有浪費包呢滿滿的芋頭茸非常滑, 很濃的芋頭味, 而且不太甜, yummy~包不膩, 但很飽肚, 用來當一個午餐也可, 簡直是價廉物美!之前也試過先生的芋茸包, 它的沒有太濃的芋頭味, 是淡淡的,同樣不太甜, 而且有絲絲的芋頭, 沒有太滑, 喜歡的可以稱這為有口感~愛芋頭的我其實兩個都喜愛, 不過我認為王子的較好, 因為滑之餘, 有較濃的芋頭香, 而且夠熱是勝負的關鍵! (不明白在先生買的也是在熱櫃的, 但一吃兩口便凍了, 是我吃得太慢之過嗎？)

經過飽點王子便食個流沙奶黃包試下流沙奶黃包：真係好流沙，但我覺得奶味太重唔合我口味都幾大個！食一個都ok飽！下次試下其他包先