飲茶 (朗豪坊) (已結業)

之前已經聽過人講呢間「飲茶」點心店，亦都有睇過佢地啲相，始終咁耐都未試過，今日咁岩得行經過朗豪坊，準備食午餐的時候，見到水牌有呢間店，就二話不說衝左過去，這間「飲茶」在朗豪坊4樓foodCourt位置，去到時都要等位，入到去個見到個裝修非常不錯，無論顏色圖案都好年輕，好有迪士尼feel ,嘢食方面，點心的造型非常精緻又好睇，用嘅餐具又唔係普通酒樓、點心店用嘅普通碗碟，而係睇得出老闆有花心機去搵過返嚟嘅餐具，雖然食物價格偏貴，但係啲嘢都幾好食，會黎第二次呀

今日去到 朗豪坊， 去咗一間叫飲茶嘅食店飲茶， 起點餐嘅時候，見到啲食物嘅名和圖片好有趣， 所以就嗌曬。 鴿吞鳳梨原來係鳳梨酥， 鳳梨酥整成好似雀仔並且放在雀籠入面， 第一眼已經好吸引，食落好鬆脆。 睇住 流奶就係流心奶黃包， 整到個頭咁嘅樣， 咬開好似嘔緊D奶黄，真係俾佢笑死。 一籠八戒 就係叉燒包， 比較普通。 仲有橙棍冬瓜， 將啲冬瓜切條加入橙味醬， 冬瓜硬硬的好脆， 加入橙味醬， 好似食緊一條條橙汁蒟蒻， 冬瓜既爽口又有橙香， 非常特別。 近朱者赤原來係咸魚雞粒炒飯， 賣相和味道一般， 可以不試。 餐具方面， 碗底有條魚，好得意。

跟好友們相約週末飲茶，在幾間侯選名單中大家都投票選了這間名叫「飲茶」的店，它有別於一般傳統的茶樓，可以說是在一間有設計的餐廳吃點心。「飲茶」有幾間分店，今次我們來到位於旺角朗豪坊的分店，最方便就是還可以網上訂位。之前在網上看到它的招牌包點造型都是超級可愛，我也是被那個豬豬包所吸引而來的。我們一行四人叫了11 個點心，印象最深刻除了🐷造型叉燒包外，還有玫瑰花造型的豆沙包，還有就是可愛到極點的鳥籠雀仔造型的鳳梨酥。不要以為只好睇唔好食，我們一致認為外型跟味道都很棒啊，有機會一定要再去呢！

星期六下晝黎嘆茶，撞正餐廳岩岩開門，唔使等位直入。小食拼盤$109皮蛋豆腐＋豬手豬腳＋雞絲粉皮個豆腐刀工一流，切得薄薄圍圈擺碟，好靚，食落都唔錯。豬手上面鋪滿沙薑粒粒，幾香同豬手好夾。雞絲粉皮，芝麻汁都幾香。睇住流奶$49真係包如其名，流沙爆曬出黎，好味。香茅牛肉$49好香香茅同牛肉味，估唔到幾夾，牛肉球都幾滑，啖啖肉。鴿吞鳳梨$59賣相得意，真係成隻雀咁放係雀籠，餅皮都算鬆化。近墨者黑$109即係墨魚汁海鮮蛋白飯，呢個唔係好岩食，飯粒過濕，太咸，仲食到成口墨魚汁。呢間餐廳都係點心得手d，呃like必到。

第一次去，首先當然是給食物的相片吸引而想去嚐一嚐~與朋友兩個人叫了5款食物，黃色包包外貌可愛睇住流奶，真心不錯，真的會流出來推薦花雕雞酒味挺重的，雞絲粉皮與一般的差不多味道，皮蛋豆腐的皮蛋沒想像中多......但豆腐入口挺滑的。花膠荷葉飯推薦分量都幾多。總體來說所點的菜式都不錯未試過的可以嘗試下不過價錢都不太便宜，平均每人消費$200吧。

今次我係帶男朋友去食，其實個地點就好方便，喺旺角嘅朗豪坊上面，就算係遊客都好易去。嗰日大概下晝兩點鐘再去到，排隊嘅人唔算多，因為係平日。入到去之後就坐在一張四人枱，上面用嘅食器都非常之精緻。其實我哋都係為咗影靚相先至嚟呢度食嘅，本身對 味道就冇乜期待。我哋點左最可愛嘅流心奶黃包同 叫紅都面曬既包，另外仲叫咗雞絲粉皮。一開始以為好睇唔好食，點知連雞絲粉皮都幾好食!另外叫咗個口水雞， 亦都好夠辣好過癮 男朋友食得好滿足，有得影又有得食好嘢 下次經過會再嚟

今日同媽媽去覆診，覆完診就諗起旺角都有飲茶，好想食佢嘅流口水雞，咁就出發去果度lunch la,坐落於朗豪坊，地點方便，不過位於food court 隔離，環境與中環果間相比之下，就比下去喇（我之前只去過中環果間），加上food court 隔離比較嘈又無玻璃阻隔，啲pepper lunch 味傳晒過來（pepper lunch 啲味太濃），而飲茶本身食物係無咩味道，感覺不是很對。叫左個小食併盤，其實小食併盤真係幾抵，兩款小食+個例牌小菜，109，又唔細碟，今日叫左寶石蘭道同皮蛋豆腐，再加我最喜歡嘅流口水雞。寶石蘭道啲蘭係削到好薄嘅介蘭，無煮過的，不過點著醋，清新，都唔錯皮蛋豆腐除左好刀工，我無其他comment,因為無咩味流口水雞好食，可以辣啲，不過中環多醬汁啲仲好食叫左個鮑汁花膠飯，129蚊，除左上面有4片花膠咩餸都無，鮑魚汁喺面，飯中間有少量蛋黃，媽媽就話干炒牛河仲好食仲叫左酸辣湯比自己飲，不過一飲落去除左醋味咩都無，不過飲飲下都ok ge 總結：一般想提多提今日叫苿香茶，堅麻麻，飲到菊花味無苿香味，茶味都唔夠。

呢間野見佢幾得意，所以入去試下。佢裝修好靚...食點心食到咁靚都係第一次！點左幾樣野食...最記得係食左睇住流奶(流沙包)好搞笑有眼仔既包，睇落係好似流奶😂之後叫多個兩樣食物，但因為味道一般，外表又唔太特別，所以唔講喇...只係影左相就算。最後一提既係個碗...大家睇下...係有魚魚係入面架！！心思滿分！！總結：味道一般，但創意真係滿分！

之前午市時間有試過尖沙咀分店今次是第一次光顧晚市 意外地不用排隊 （亦可能是擴張了分店 很快便安排入座餐牌款式跟午市時間相同而近排亦增加了幾款點心我們一共點了一個小食拼盤，三款點心及兩個小菜皮蛋豆腐好考師傅刀功 把豆腐切到一片片而皮蛋卻切碎至一粒粒上 有特色前：豬手豬腳後：呷醋木耳（含青芥辣）睇住流奶（奶皇包）招牌點心之一雖然沒有以前這麼流心 但是味道不邊 依然好食快啲啦龜龜！（烏龜菜肉包）賣相精緻 味道卻普通 橙色蘿蔔（蘿蔔絲鹹水角）賣相吸引 鹹水角不油膩不錯龍鬚芥蘭有心思之作 芥蘭亦不太老 新鮮翠綠櫻花蝦飯（例）櫻花蝦份量不少 亦配有蝦仁不過味道偏淡除此，熱茶雖然有紅茶、綠茶、花茶等選擇，不過味道還是偏淡淡如水，對於喜歡濃茶的朋友便會很失望

之前喺Facebook同Instagram都見到好多人post一張奶皇包流心嘅相 包既造型好可愛決定搵埋成班朋友一齊去試吓成間餐廳嘅佈置同埋格局都同傳統嘅酒樓好唔一樣而點心嘅名同埋佢哋嘅造型都好有心思初時見到一籠八戒 以為係菜肉包 但原來係叉燒包睇住流奶就應該係呢度最吸客嘅一籠點心呢個奶皇包唔會太甜 影完一輪相之後先食 都做到流心的感覺餐廳仲推出左一啲復活節嘅應節食品我哋就試咗一個叫親親小白兔嘅豆腐拼三文魚小食同埋跑啦兔仔 呢個其實係一個奶黃糯米糍但糯米太厚 口感好一般鴿吞鳳梨係造型最精緻既一道點心特登做咗三隻小鳥放咗喺鳥籠入邊但佢同傳統嘅台灣鳳梨酥既口感就真係冇得比 試咗佢嘅兩款飲品 赤道冰泉 熔岩飛雪雖然睇個材料好似會中伏但飲落去都係正常係味道偏淡最估唔到嘅係佢既生菜雜菌原來係分開上本來以為係普通嘅炒菜 呢碟嘅性價比係最低整體來講一般般 呢個價錢可能都會選擇返出面嘅傳統酒樓 未試過想影下相呃like既都可以一試

早兩年試過尖沙咀店晏晝飲茶，點心個樣又可愛，味道都唔錯。在朗豪坊的分店就未試過，今日終於一試！不過，今次得兩個人，夜晚時份又唔想食點心，點的就以前菜及小食為主，但就無想像中好。前菜茄子算入味，但皮蛋豆腐就.... 覺得似麻醬豆腐多啲，皮蛋好似得個少少！而三杯雞.... 又無乜酒香！反而食到底有啲蓮藕，覺得好味啲😅雲吞湯啲雲吞都大粒，但啲肉超實😅叉燒包個樣就豬仔一隻，都幾可愛，味道都還可以！整體來說，我應該不會再試囉⋯⋯

講起飲茶, 好似向來只係上左年紀嘅人先鐘意, 但呢間"飲茶"就夠有創意, 等你睇得又食得, 唔止後生仔鐘意, 連大人都話得意!但係朗豪呢間嘅環境真係唔太好, 隔離係food court, 只有一條扶手之類嘅隔住, 外面D鐵板呀各種重味嘅食物味道飄晒過黎, 係有D攻鼻, 似係food court入面食咁。當然我平時都會食food court, 但如果入餐廳食就會想個環境好少少。隻碗幾有特色幾靚, 好似有條魚係度游緊水咁。呢個叫一籠八戒, 勁可愛, 其實係叉燒包, 食落又幾好食!呢個真係流心架, 而且奶黃餡好香鹹蛋味, 真係唔錯。連個鳥籠都出埋, 真係要讚下佢嘅心思。佢實質上係鳳梨酥, 味道其實係一般, 不過賣相加分。呢個近墨者黑真係夠晒黑, 賣相黑得黎但唔靚, 食落又偏咸, 好失望。彩色蝦餃睇落係幾靚, 都夠大隻, 但味道一般。燒BB鴿係幾好食, 不過比出面嘅BB鴿再BB d。呢度sell賣相, 大部分嘅點心又真係幾靚嘅。不過味道屬於正常但價錢偏貴, 其實真係試一餐半餐都夠了。 

用恒生DORI訂座下午2點, 預早半小時來到望環境, 超多人取號碼票等位, 所以同門口個經理確認了有我訂位的紀錄後, 1點55分再來。一輪執枱後清了好多張枱, 經理叫放行訂枱的, 我們等了10分鐘內就入得由於食過中環同尖沙咀的飲茶, 對菜單好熟, 今次當然想試*時令推介*紅蘿蔔形蘇餅咸水角、烏龜形菜肉包。賣相可愛相機食先~ 味道亦唔錯 豬豬🐷叉燒包有一貫水準 伊麵稍為油膩但唔算太咸。總括來說, 客滿座但出貨快又有水準食物我俾8分繁忙時間以外更可食得輕鬆啲坐耐啲！侍應非常有禮, 不時收蒸籠及對加水的要求反應快服務我俾9分

可憐的我俾女朋友夾到去呢間「飲茶」度飲茶。就係因為佢一句：「d包好得意」就係咁，今日嚟到朗豪坊分店。平日人流唔算多，可能始終價錢唔算太平，對出 food court反而坐滿人。不過平心而論，「飲茶」裝修的確好用心，連隻碟都好靚，可見目標都係一眾年輕人。所有菜式名都好得意，剩係睇個名真係未必知係乜東東。我地先叫一個 呷醋木耳 （$49）味道其實幾特別，木耳本身無味道，加左陳醋同wasabi，出奇地又幾夾wo，不知不覺我一個人成碟食哂。再嚟個 流口水雞（例$69）雞肉用機器切割，失去應有口感，味道唔麻又唔辣，唔太中意腸粉叫左個 布拉蝦腸 （$59）唔好問我個名點解反正就係一條普通蝦腸，上面有幾粒魚子，咁樣$59真係好過去搶有色蝦餃 $59輪賣相幾靚，七彩繽紛仲有金萡係上面，味道就同普通蝦餃無咩分別，蝦肉就幾爽口彈牙透明波波 $49呢個波就似雜菜餃，入而有紅籮白，木耳，黑松露等材料，清清地味道都唔錯到主角 睇住流奶 $49 賣相的確盞鬼，但真身其實係奶黃包。先係個包度篤一個洞，再用力禁就會好似口咁噴奶。味道都算唔錯，入面有咸蛋黃，都算幾香濃

大家對這個有眼睛的流沙包不會陌生吧～ 閨蜜生日，打算來飲茶慶祝， 電話查詢 原來有切餅費，所以決定叫 甜品慶祝， 他們不會幫你寫字的， 也沒有生日蠟燭， 唯有出絕招自攜蠟燭 🤣🤣🤣食物方面，造型是比較有心思，味道跟普通酒樓相若~三杯醉雞～比坊間的醉雞多了一點豉油鮮 😊火腿娃娃～ 娃娃菜吸收了 火腿的 鹹香 ，充滿鮮味 😄舉手雞花～菠蘿只是微烤，雞是 鎮江排骨 炸雞版本 🤣櫻花蝦飯～櫻花蝦脆脆 加上炒飯口感一流 😋綠茶木糠布甸～ 漂亮的造型下 是比較實的布甸質感，欠缺木糠布甸的輕巧～ 😆ps 餐牌上很多菜式都沒有了飢 point : 6 / 10