飯意冰室 (已結業)

今日又係收工後搵地方食嘢再去睇戲，呢間餐廳中午時間非常之爆。不過夜晚去就唔使等位喇。呢間野除咗飯之外仲有意粉、麵包之類嘅主食。咖喱牛腩農夫包（牛腩都幾林，咖喱小辣，但係味道偏鹹）白汁海鮮意粉（意粉太林，海鮮其實主要係得仿蟹柳，仲要無咩味道，呢個真係麻麻地）

最近愈來愈覺得係荔枝角返工，食個lunch真係好貴，一係想食平少少就行到勁遠😩好多時焗住食大集團🙈·呢間都好似係連鎖，不過見佢開左大概兩個月，我終於都去左試啦😎款式都算多元化，其實都唔係特別平，不過四五十蚊都ok啦！都平過D2place架啦🤣🤣·佢lunch menu日日唔同款，不過日日都係蛋蓋飯、鐵板飯、焗飯、中式、意粉、沙律，但係配搭上日日唔同👍🏻👍🏻我覺得咁樣好港式感覺～幾好·加拿大西冷牛扒鐵板飯💰HKD52送餐湯同埋熱飲👍🏻一上枱我呆了！呢個餐勁大份、好多飯，起碼成兩碗半白飯既份量🤣當然我食唔曬啦🙈 整體味道不過不失，牛扒唔韌～同埋我中意佢比咁多粟米！正～

今日下午嚟到荔枝角開會，開完會後終於有時間食飯店，我哋就揀選了飯意餐廳嚟一個lunch+tea開心一下。餐廳貼滿維記牛奶同朱古力奶宣傳海報，而且在餐牌上列有好幾款健康套餐。今次我嚟一個最邪惡的套餐，就係煎豬扒出前公仔麵，配炒蛋火腿厚多士，價錢都係$47包一杯熱餐飲。order 後約10分鐘內上餐，豬扒都好大塊，煎得剛好，不太油，出前一丁煮到剛剛好，不會太淋亦不會太硬。湯底都ok, 炒滑蛋也可以，火腿普通，厚多士都合格。我叫埋杯熱檸檬茶，檸檬都新鮮，茶味夠濃，其實整體上叫合格，間中係荔枝角想搵茶餐廳都可以搵搵佢。

今日同同事去飯意食飯時，咁等待侍應生過來下單，等了一回一名女仕過黎幫我們下單，但她細細地對自己說: "叫左邊個過黎又唔黎”，見佢脾氣都差差地，之後下完單之後我便說入係咪有3個要熱檸水?我同事又想問今日係咪有白湯之後，那位眼大大紮頭髮的女人侍應便起惡同超差脾氣對我地說 "點吖，一d要落野飲一d落湯我落得d咩吖?”，我好脾氣地回應她便說: "咁落野飲先”，我不否應有其他侍應是服務好d,完全不明白做食客點解她受完脾氣後要食客受她的脾氣!!

因為下一場在附近，所以友人約了在這裡食早餐。呢度好多餐廳門口都冇招牌，感覺有少少難搵，呢間餐廳都係入左去先見到餐廳名。餐廳格區相比一般冰室闊落，有空間感，唔會太迫，幾好。餐廳裡面有自助區，俾你自己拎調味料，斟水，甚至外賣盒。早餐基本上一定係揀沙嗲牛麵！呢間既沙嗲牛麵，沙嗲味合格，牛肉唔會太"un"。配既係腸仔煎蛋，蛋略嫌好細塊，而塊多士真係厚既多士（我食過一啲餐廳既厚多士，兩塊加埋感覺都係好薄），所以呢間感覺良好。不得不讚一下杯熱檸茶，平時好多都係兩三塊檸檬，佢俾足五塊，好足料！

港式早餐 沙爹牛肉麵 餐肉炒蛋 有幾難煮？等左半個鐘都未有得食 催左幾次都係叫你等 唔洗返工呀？又漏單 出野又慢 你估係茶樓慢慢歎茶咩 拿拿臨食完返工啦 三十五蚊 又唔係平 態度又見得好 在場見到唔係得我一個喺度嘈 好多個都喺度催 找錢又慢 揸住我啲錢舞黎舞去 之後問呢個係你俾我架何？乜仲其他人咩 無人排隊都可以搞錯 由入門口落單食完俾錢 成四十分鐘 好彩老細未返 四十分鐘食個早餐 你估係高級餐廳呀隔離茶餐廳 一模一樣 快靚正 落單到食完俾錢出門口 十五分鐘 都係廿九蚊 唔係仲有下次下嘛

這天一行六人同事到公司附近冰室午膳，已經不是第一次來午餐了，上次一行兩人，上菜速度比上次大為改善，還記得上次下單後，食物遲遲還未來。今次我咁點了常餐的蕃茄牛肉米通粉，米通粉不是到處也有得吃的，這裡的蕃茄湯比較像羅宋湯，牛肉沒有肉味，也算多什菜的。反而同事點的午餐黑毛豬排飯，她說不錯，對於荔枝角這個餐廳缺乏的地方來說，這間冰室也說是不錯吧！而飲品也算是不錯，因為轉凍飲也不需要加錢啊。只是有些東西需要自己服務自己，如拎水等等，不過這也不算是缺點，可以減低侍應的工作量，也減少食客的等侯時間。

之前買左戲飛喺D2 place 睇戲，見有時間就行過對面馬路揾個地方醫下個肚，發現有間新式的冰室，裝修、環境不錯。六人卡位好闊落坐得好舒服，桌面上雖然有擺放餐具、紙巾，但外面會有一個自助吧，同樣有餐具有水，自己可以出去拎。呢度選擇都幾多，但我都係叫左個晚市套餐忌廉汁煙三文魚意粉送餐湯，另加$6 珍珠奶茶羅宋湯味道濃郁，有點微辣，幾好飲，可惜個辣度我接受不到。珍珠奶茶不會太甜，但珍珠過腍。意粉和配料份量雖多，但意份煮得腍身，忌廉汁也沒什麼味道，整體較普通。

係附近返教會嘅朋友話幫襯左幾次，水準都維持到，係佢極力推介下就試一次🧐工廠大廈嘅食肆門面大，地方乾淨，唔使經大廈後面入，已經好ok🤣🤣🤣我本身唔太好飯，通常都無留意是日午餐嗰啲，最後揀咗個邪惡非常嘅厚切餐肉出前一丁，真係好厚😳😳😳再配厚多士、炒蛋同火腿🤭味道正常，$47連餐飲都算合理價位😃值得一提，服務員姐姐送上我杯熱檸蜜，我見杯上有少少污漬，叫佢換，佢都即刻換，都算有少少服務🤣🤣🤣朋友仔叫咗廚師推介嘅馬來咖喱牛腩，連小沙律、餐湯同餐飲，佢話味道都ok😋睇嚟都可以encore

豬扒乾到柴皮，完全無肉汁。洋蔥有酸味，好顯係切左好耐但保存得唔好。凍檸茶，無茶味、似凍檸水加糖水，已經叫左小甜，但係仲好甜，d甜味又好似冰糖味。成碟飯得飯和粟米係正常，總結都係好難食5分滿分，應該得0.5分

因為去D2睇戲隨便試下旁邊既茶餐廳....住係附近所以知道依間係新開既叫左個"招牌蝦麵" $48 真係難食到要上黎寫食評個湯真係超咸!!! 個麵係用公仔麵 我第一次食蝦麵係用公仔麵....!我諗應該係用左1蚊包既印尼蝦麵即食麵....d蝦有雪味 成碗野因為個湯非常咸我只食左一啖就放棄....成$48 跟餐有杯熱飲 我叫左熱檸茶 個茶底苦到爆...根本飲唔到!我理解唔到點樣做生意可以咁貴又咁難食.....早知去對面既大快活.....

我原本諗住係普通海蝦而已，點知咁大隻，真係喜出望外至於是日餐湯嘛……鄰桌與我都有相同疑問？？？這碗不是咖哩汁嗎？答案 : 淡咖哩海鮮湯……er……不是我杯茶囉，好怪，飲咖哩汁咁。

星期六梗係要出街Shopping 啦，呢日尼到長沙灣廣場對面既新餐廳 - 飯意冰室，見價錢OK, 野食又好似幾吸引就試吓啦。今時今日既工廠區餐廳已經變得好靚，呢度都唔例外，舖位大座位夠多，唔會逼逼夾夾咁，食得好舒服。叫左個沙嗲牛肉通粉，牛肉份量好多，沙嗲味濃。火腿炒蛋配厚多士，炒蛋好滑，同華星差唔多，厚多士竟然足足有兩塊，仲烘得岩岩好!凍華田，飲左幾啖先記得要影相，味道濃郁。埋單$43, 正常價錢。

由落單至岀品勁差一個豬扒公仔面餐，可以碎上豬扒，但希望係同一件豬扒上，吾係變成什骨公仔面（4件有三舊係骨）🤬致電查詢話一定原件碎上，但拎去換就話厨房可能吾小心執錯👹想點？回去食一打開冇味粉？人又反白眼了，再致電查詢，話有在湯底裡面，公司一路都係咁做，不會額外給味粉！（更換前的是有麻油及味粉跟來及堂食都有）好垃圾的店，無論管理及其他都有待加強改善，尢其員工對客既禮貌及認知本人對呢問店給十個

依間餐廳前身係大x樂，開咗冇幾耐。平日午飯見到好多人排隊。今日下午茶見唔多人，入去試試。依間餐廳都幾大，裝修企理，唔似茶餐廳果款裝修，同埋座位唔迫唷！下午茶款式尚算多，我見到餐牌有芝士焗肉醬意粉，同加$2既即磨咖啡就叫左。估唔到下午茶都有前菜呀！前菜係西生菜加芝麻醬，菜新鮮，而芝麻醬多到有點酸。芝士焗肉醬飯：好香呀！肉醬算多，意粉淋左D，蕃茄醬有少少酸，但又幾啱我胃口，醬料算係幾落本。食到見底時，見到好多油。即磨咖啡：咖啡尚算一般，無太大感覺。