飯意主題餐廳 (已結業)

鐵板韓式芝士炒年糕 $50*可選配韓國拉麵/手作意(份量頗大，適合2～3人分享。)小編本身不太喜歡泡菜的辣味，但這個芝士炒年糕配韓國拉麵意外地好吃，不愧為餐廳王牌！👍🏼制作過程方面，店員會過來幫你撈起，趁熱加入芝士做成拉絲效果，望住佢做都覺得吸引😍見到咁多芝士就覺得一定會好濟，點知食落口酸酸甜甜帶微辣，無強烈嘅泡菜味，而且麵嘅韌度剛好，有咬口，令人胃口大開😆唯一失色之處反而係主打嘅年糕，口感略硬，建議切細塊，感覺上會較好。*+$20可配蒜蓉包、沙律菜和特式飲品*冷熱飲跟餐+$6；特飲+$8進撃巨橋．濃湯芝士鍋 $110(選配珍珠米/米制通粉/手作意/辛辣麵)*送冷/熱飲品；特飲+$4不如先說說芝士鍋內的配料，有米色的黏黏的車打芝士濃湯、煙煙靭靭嘅韓式米制年糕、馬蘇里拉芝士、少量青蔥、青椒和餃子，仲有小編揀左嘅手作意，質地有啲似烏冬，微粗的，很滑😋雖然係芝士鍋，材料豐富，但一啲都唔覺得濟。不過，唔知係咪因為小編比較愛吃乾身食物的關係，如果餃子可以另上就好啦👉🏻👈🏻至於另一戲「肉」，好似橋咁長長闊闊嘅烤豬排骨，大概可以切8~9件，食落好香香草味，脆口又多肉，底下有幾塊薯格墊住，正👍🏼如果想

一入到去環境唔錯 環境好乾淨 員工都面帶笑容 因為天雨關係都拎左傘 入座後都好好服務會問我地洗唔洗幫手拎傘 等既時間都唔係好長 好快就有得食招牌芝士熔岩蛋漿飯 $48因為見呢個係招牌所以叫左黎試下 黎到之後店員會親自幫你整呢個飯 招呼十分周到 蛋同芝士既份量都十分多！整好之後既芝士係拉到絲 就算隔左好耐都好都繼續拉到 唯一一樣麻麻地既就係d泡菜有d酸令到整體跌左 飯加左芝士同蛋之後食完真係飽到上心口燒原條bbq豬助排骨$68一黎到真係唔係講笑 真係超乎我想像 首先望落去個肉既厚度幾厚 咬落去好Jucie mmm味道就好似燒腩仔咁😍 而肉既下面就有薯格係度 薯格就無咩特別同kfc差唔多 但就好脆 就算食完晒所有嘢都仲係好脆則邊有生菜係度等食到溜溜地既時候可以食反d減下油膩感🤓三文魚蜆香草忌廉汁意粉$50呢個煙三文魚其實無咩特別 只係香草味重 d蜆無沙但都幾入味👍🏼💁🏻呢個水果茶味道好豐富 夏熱天時最岩既就係飲呢個水果茶入面有波蘿 龍眼 火龍果 檸檬 士多啤梨 等等既水果而且仲好大杯夠2個人share 而呢個飲品跟餐只係+$18 (就咁就$30)

熱辣辣响旺角揾食真係好艱難，一來就熱，二來旺角選擇多，「伏」亦都好多，好難得先會比你揾到一間餐廳係會想返轉頭食嘅！每次行經都會見到一排人排隊排到入後行，心諗係咪真係咁好食先，難得今日見唔多人等就試一試係咪咁值得排隊。睇餐牌每日都有唔同選擇嘅，都算多款，$40包野飲，凍飲加二，特飲加四，咁特飲好抵喎。叫左客咖哩芝士牛腩焗飯，同珍珠奶茶。個咖哩係日式咖哩，味道都幾濃郁，汁嘅份量都幾多，好有誠意， 啲芝士份量夠，真係拉到絲架😍😍。牛腩煙韌有𡁻頭，仲好大件添幾抵食！聽侍應講仲可以叫多飯唔洗加錢架。 雖然唔係台式餐廳，杯珍珠奶茶比好多台式店好飲，冰唔太多，甜度剛好，啲珠咬口唔錯，仲有微甜味好正！難怪咁多人排隊，堅係好味的！

今日係返旺角更,所以食lunch都係依頭,平時食野都幾貴,今日搵左間平小小,減輕下負擔食左個沙律餐,價錢都幾抵,不過唔知好唔好食呢個多士都幾脆,幾香口,幾好食浸埋湯食仲好食,不過個湯淡左d沙津幾大份,不過d菜唔夠新鮮,用料麻麻.雖然有芝麻醬,不過唔夠多,所以食食下有d乾不過女仔黎講,食沙律餐健康d,都會再黎食既

飯意以招牌芝士熔岩蛋漿炒飯打出名堂，尤其以價廉物美見稱，吸引不少人慕名而來；在旺角開設分店後，就更為方便了。午飯時間約十二時門外已經不少人排隊等候，餐廳提供多款更加超值的午市套餐，全日更免收加一服務費，更為學生提供額外優惠。店內環境舒適雅緻，沒有局促和逼狹感。餐牌選擇非常之多，令人眼花繚亂，除了有各式各樣的粉麵和飯類之外，更有多款小食和飲品，單是飯類已經數之不盡，除了招牌芝士熔岩蛋漿炒飯外更有份量十足的蛋包飯，下次必定要再次光臨一嚐蛋包飯滋味呢！  甜薯沙律菜 ($28)首先點選了清新健康的沙律，有胡麻醬或千島醬選擇，我們則選擇了胡麻醬。大量胡麻醬淋上沙律菜，還有粟米粒及車厘茄，不過作為主角的甜薯加上胡麻醬後味道有點奇怪，個人還是比較喜歡放題中外脆內軟的燒甜薯 招牌芝士熔岩蛋漿炒飯 ($48)一場來到當然要一試店方的絕頂邪惡招牌菜—芝士熔岩蛋漿炒飯 在飯上桌之前店員會先送上一大碗芝士及蛋漿。當鐵板飯送上時店員才會先將蛋漿澆著紫菜泡菜飯邊倒上鐵板，然後加入芝士同炒，滿滿的芝士拉起連綿不斷的芝士絲，錯縱複雜地交纏，泡菜、紫菜、芝士、蛋，加上帶有香脆飯焦的炒飯，試問誰能抵擋如斯

Korean Rice Cake & Noodles with Cheese | 鐵板韓式芝士炒年糕配韓國拉麵.飯意除了名物芝士炒飯 這個芝士炒麵也很不錯😉 店員先把一大碗芝士放進鐵板燒溶😈 然後加入炒麵與年糕 芝士份量真的非常慷慨 味道也濃郁 配上微辣的拉麵與年糕 不錯吃！不過會有點飽臍 畢竟是芝士嘛 建議二人分吃 再點其他食物分享😌Baby Pork Ribs with Cheese Pot | 進擊巨橋濃湯芝士鍋. 巨橋原來就是pork ribs 底下還有脆薯格😂 pork ribs肉質軟 調味足 可以點另上的燒烤醬😌 濃湯芝士鍋 我選了手作意 口感頗有嚼勁 湯底的芝士味不太濃 但另上了一碗芝士碎 大家可自行決定落多少😈 整體不錯 而且份量很大二人分享絕對可以 抵食😉

星期日晚飯時間，人龍長到轉彎的後巷。不過仍無損我想去食的決心，不消一會便可以入座。地方很光鮮，上菜速度亦很快。不過座位與座位之間就比較迫狹。芝士溶岩蛋漿飯剛送上時的模樣，面層滲上紫菜醉，鐵板熱辣辣，飯的份量亦不少。店員會代為撈飯，首先倒入蛋漿，之後蛋漿很快便熟掉。然後倒入芝士不停轉圈地撈。到差不多的時候店員會停下讓客人自己撈勻。芝士味頗濃，蛋味算重而且飯粒濕潤。配料有午餐肉、泡菜、辣辣地幾開胃，不過食到咁上下會有點滯同飽。拉出的芝士絲很長！與溶岩蛋漿飯做法一樣，把芝士放在鐵板裡與年糕拉麵搞勻。鐵板韓式芝士炒年糕 - 拉麵很彈牙，份量亦不少。年糕煙韌滑身，與芝士撈勻一起食實在是十分邪惡。友人的特濃朱古力薄荷 。綜合水果茶 - 有兩片檸檬、火龍果、荔枝、青葡萄、茶包作配料。飲落偏甜，不太喜歡。

无意中看到open rice上食评，说这家店是四月新上榜十佳餐厅，于是就想去试一试。我们晚上八点半左右到那边，外面排了很多人，我们大概等了五十分钟才排到。虽然排了很久，但吃到饭的那一刻觉得还是蛮划算的。番茄肉酱意面，味道还不错，意面煮的很筋道，肉酱的番茄味很浓烈，而且番茄汁完全浸入了肉酱中，吃起来酸酸咸咸，口感非常好。这个超推荐，量很大，上面是烤的肉以及2块薯饼，下面是一锅芝士锅，锅里食物包括手擀面，饺子，年糕以及浓浓的芝士。先来说说这个套餐里的肉，上来之后，服务员会帮你把肉放到盘子里方便吃，服务非常贴心。肉烤的外焦里嫩，火候掌握的非常好，而且这么一大块，都是肉与脆骨相连的，吃起来特别香特别有嚼劲。我一个人就吃了好多这个肉，真的是好吃到停不下。另外薯饼也炸的很脆，外面的皮脆脆的，里面的馅很香很软，特别好吃再来说说这个芝士锅，锅里放了很多芝士，吃一口就有种被芝士包围的感觉，而且口感非常好，一点都不腻，浓浓的香咸感，非常棒。而且店家还会送你一小碟芝士，供你自己添加，服务非常细心到位。觉得这是一家物美价廉，非常nice的店，有那么多人排队去吃很正常，因为真的太好吃太划算了。

又是每月一餐的時候，今次的主題是芝士，在云云之中選了這店，曾是風靡一時的芝士熔岩蛋漿飯，4人都是芝士控，必食，此店子不能訂座的，於是大家只好早點來排隊，幸好有位友人早來排，太感謝了，我們大約等了40分鐘有位。小小的店子，裝潢是簡約的主題。在等待時已擇到了心水的食物，都是招牌貨。餐牌詳細的講解了其製作過程，加$20可配蒜蓉包、胡麻沙律及一杯特飲。一杯特飲單價是$19，那當然是加$20划算。椰汁紫米冰，最初以為又有紅豆又有紫米，但只見到紅豆，味道有少許紫米味，味道普通。特濃薄荷朱古力，友人的，濃郁朱古力味，薄荷味清新。蒜蓉包及胡麻沙律，沙律是生菜、粟米及車厘茄，正常水準。芝士碎及蛋醬，備用。招牌芝士熔岩蛋漿飯，$48，材料有韓式辣醬、泡菜、午餐肉、香蔥及芝士，由職員來即場製作炒飯，先把蛋漿均勻地倒落泡菜炒飯上。之後再放入芝士，待一陣子。然後把芝士及蛋漿炒勻，即可食了，材料一點也不吝嗇，甚有份量的芝士，每一口也充滿了芝士及紫菜，十分豐富，加上微辣的泡菜飯，香口惹味呀。鐵板韓式芝士炒年糕，$50。職員先放入芝士。再放入材料拌勻。材料頗多，有年糕、韓國拉麵、豬肉片及蛋，年糕口感煙韌，拉麵入味，甜

朋友話呢間野旺角開左分店, 所以即刻放假飛去試食地點唔難搵, 係醫院轉入就係, 地鐵站出都係唔洗10分鐘腳程午市去到已經FULL HOUSE, 諗住要排好耐, 點知呢度到番場好快, 等左5分鐘左右就有位由於餐牌花多眼亂, 都考慮左陣要選好點叫菜好經濟, 然後發現2個人嗌1個SET + 小食拼盤都嗌得太多, 因為每碟都實在太大碟, 太抵食 嗌左個招牌: 鐵板芝士年糕加韓國拉麵D芝士成個飯碗咁大兜, STAFF上菜個下真係O左下嘴STAFF會幫你即場放芝士, 加配菜, 加麵, 幫你撈哂, 真係熱辣辣好鬼香嗌上面既拉麵可加HKD20轉SET, 包括蘑菇湯, 牛油包, 沙津, 同特式野飲因為唔知道呢野食咁大碟, 仲嗌多左個小食拼盤, 個拼盤大到呢... 應該叫大食拼盤!雖然有6款小食, 但每款都各自有自己既配醬, 簡直係多重味覺享受, 重口味之選超適合我呢D好重視醬料配味既人, 呢個拼盤既調味無得輸

同老公明明已經決定左去邊度食但經過呢間新開既舖頭好光猛好新咁 就八掛下睇下餐牌發現啲野食好新式又好抵食不如入去試下嚕😆吉列豬扒 濃湯芝士鍋 ($60) 連珍珠奶茶我揀左"手作意" 即係好似烏冬既意粉咁仲有芝士俾你自己落！塊吉列豬扒用個網裝住 仲有薯格伴住添係即炸的 不過有少少燶 一食即刻覺得個咀好熱氣好似損左咁🙈但湯底好香好濃 好有奶滑感😍有趣一提: 呢度原來冇筷子的 要用叉食烏冬😂有少少難度 真係第一次鐵板韓式芝士炒年糕 ($50) 連凍飲老公揀左韓國拉麵 (其實即係我地既公仔面咁)呢個原來有專人幫佢即時整架！個盤好似pepper lunch店員先加芝士落隻㷫合合既盤度之後加蛋加麵最後快速撈撈撈 即成！老公話幾好食 不過個麵好大個 有點滯主題小食拼盤 ($44)特別一讚係隻芝士磨菇烤得好香 啲汁鎖住晒👍🏻👍🏻

今日同朋友黎叫左個香蔥蛋飯鐵板熱辣辣上桌, 上面只有一碗撈左泡菜、午餐肉同香葱既飯, 之後趁熱將蛋漿倒落去, 更重要既系將1大碗芝士倒落去😆, 然後搞呀搞, 吱吱喳喳聲之後, 呢個香噴噴既飯就完成啦😝!! 試下先... 芝士拉哂絲, 芝士味幾濃郁, 蛋好香好嫩滑, 配埋辣辣地既泡菜飯, 味道好豐富, 而且非常開胃👍, 但午餐肉份量就少左d, 同埋飯亦濕左d。呢個鐵板飯, 天氣凍食完包保暖笠笠,重點系價錢好平, 大大份只系$48!

一個人做完野，想起上兩星期跟家人吃過不錯，於是不理已經九點幾，照order了芝士炒年糕。都預了未必吃得完。侍應好忙，招呼坐張雙人卡位，但檯未抹，成檯都係油。食物送上來，我就都忘了叫他們抹，因已太夜。芝士在鐵板上焦香，十分惹味，吃第二片豬肉時，原來半塊是生的。因上來時是侍應加芝士撈的。好恐佈，因不知先前吃的那片是否也未熟。雖然即時重新造過份新的。但尤有餘悸。

晚上六點幾，黎到飯意不用等位。餐牌多款，價錢相宜！用餐時間係個半小時。第一次食梗係要試進擊巨橋.濃湯芝士鍋$110包一杯普通飲品，巨橋係整條ge豬肋排，芝士鍋就選左手作意粉。同行友人就叫左個主題小食拼盤$44。點餐後職員就放低左一碟芝士同埋 點豬助排辣醬，附上每人一隻手套。“巨橋” 好入味，易咬唔痴牙真係好抵食，意粉彈牙，落埋d 芝士溶左後吸收晒芝士湯精華，鍋內有2隻餃子，韓國年糕，絕不欺場，主題小食拼盤焗大菇幾好味，千島醬吞拿魚加芝士焗 反而雞翼就 將豬肋排ge 醬厚厚一層包實整隻雞翼上碟，味道太咸帶酸. 最後兩人飽晒埋單$154. 堅抵食！總括係旺角鬧市呢個價錢有呢個食物質素實屬難得！下次要再試下其他野食先！

叫左芝士豬扒鐵板飯加左沙拉菜及包及餐飲！豬扒入口正常無咩特別！芝士味不是太多！個飯就真的一般！不好吃！是本身米質唔太優質加上水多了有點爛！紅荳冰就真的完全不好飲！沒有下次！除價格可以！其他也有待改進！店可能新開也沒有服務可言了