飢餓馬騮速遞 (非門市)

营业中

休息中

上个礼拜屋企人生日话想食火锅，适值疫情关系，又唔想落街市同人迫,所以上网揾吓火锅速递。揾揾下睇到呢间标榜每日船家出海捕获嘅海鲜,所以早一日订咗个套餐试试佢。订好之后第二日下昼就好准时送到屋企,送货哥哥仲好有礼貌。放低咗之后一打开,睇见成个保鲜袋都系嘢食,仲送咗好多嘢比我哋,全部食物盒都系用纸盒,响应环保抵赞!食物质素方面,海鲜真系好新鲜又多,𠮶日个套餐有海虾,鲍鱼仔,象拔蚌仔,蚬,仲有鹿儿岛和牛,美国肥牛同蔬菜。其中最令我哋满意都系海鲜,摆到上枱仲识郁之余味道十分鲜甜,而且已经处理过,唔使点搞就已经可以放落个锅入面。食落去一d沙都冇之余,仲非常非常鲜甜,完全唔系街市买到嘅货色。鹿儿岛和牛同美国肥牛用真空包装,虽然份量唔算好多,但质素好好,唔洗渌太耐就可以食,入口有和牛特有果种溶化嘅口感,一d都唔难咬!老人家d小朋友都好钟意,搅到我都净系食咗2块钟意食肉嘅朋友下次可以加单买多几包!唯一可以更加好嘅系蔬菜种类唔算丰富,如果有更多选择例如菇类嘅话就perfect啦!总括嚟讲样样嘢都好好食好新鲜,价钱好合理之余食物质素系预期之上,我哋一家人都好满意!过咗几日之后睇新闻发觉到原来呢间嘢系足球员欧冲开嘅,祝佢喺外地发展成功啦！我哋已经准备下个月团年饭再嗌多次,下次试埋佢只招牌长脚蟹先! 继续阅读

之前都未食过海野咁见到呢间写住系买本地嘅海野海鲜同最高质素嘅来自真系阿拉斯加长脚蟹咁就见我老豆就黎生日就试左个长脚蟹六人餐咁一送到黎都见到份量都几多，但都见个送货哥哥都几好礼貌，出车前又会讲声俾我知，咁都俾我预到佢几时到，服务吾错到屋企人返晒黎就食啦，佢地都几细心，吾识问佢地都会教点整个长脚蟹，咁食左又真系好好味wo,劲鲜，完全吾驶点汁，同我之前食果d咁吾同既，吾怪得之佢系比普通出边既价钱卖得贵d,之后再打边炉食埋佢地d海鲜，都真系好鲜好重海水味，叫埋佢地个白萝卜汤底都真系一流，又有埋三份肉同三份菜，食到我地成家都饱到上心口，但最后都听埋佢地极力推介个蟹粥，一开头要啰走晒d汤既残余，加d米，再加蟹肉，蟹汁同膏落去煲十分钟到，最后加多二只鸡蛋同葱花，估吾到咁正，饱到咁都食到二碗，所以我地成家都觉得下次一定要再食呢间😎👍 继续阅读