食道樂

呢间小店喺巷仔入面，原来已经开业8年，由韩国老板同厨师主理，成间舖头嘅布置好温馨，坐低真系有种去咗韩国家庭小店嘅感觉🔥味道正宗，值得一试～除咗红磡之外九龙湾都有分店！一坐低就送上六款小菜：鱼糕、甜辣茄子、泡菜、辣豆芽、酸甜爽脆嘅腌白菜，同埋豆味香浓嘅豆腐菠菜。每款都好好味👍✨酱油蟹 $228/只只蟹真系好大只，爆多膏！黄膏同橙膏都有，非常新鲜，腌得啱啱好，唔会过咸。咬落啖啖都系鲜甜嘅蟹肉，捞埋热辣辣紫菜饭一流。最正系蟹壳入面已经预先拌好酱汁紫菜饭，捞匀蟹膏一齐食，好满足💯 ✨食道乐韩方参鸡汤+白饭 $190个汤真系超正，朋友同我都好钟意，成碗清晒😍鸡嘅精华同人参香味平衡得岩岩好，感觉好滋补！而且份量好足，有足足成只鸡，两个人都食唔晒！✨鸡蛋卷 $118蛋香味好出，面头唧咗茄汁同沙律酱，甜甜哋几夹。切开见到层次分明，入面仲有椰菜同萝卜粒增加口感，食落软嫩得嚟又好香口😆🥚…查看更多

外卖叫咗个牛肉盖饭同埋菜饼份量少度，就好似一个食剩嘅餐牛肉俾啲碎我个煎饼完全好似未煎过咁唔想做就不如唔好做仲要外卖$80一份永不再去完全唔想你再返去食头也不回非常伏伏伏…查看更多

终于体验到咩叫好评多但难食嘅餐厅。平时中午会同人食Lunch，今朝未食早餐，Lunch又迟左食饭，谂住食返餐好少少补数，估唔到中伏。行到加贺街附近，本来平时都食开果d餐厅，但食得多都会厌架，行过呢间野见到有我好钟意既韩烧牛仔骨饭，谂住转下口味食下韩国野，点知入到去一个人都冇，想掉头老板已经放低左杯水，唔好意思走就照系度食，估唔到真系中伏，牛仔骨份量少已不是问题，饭煮到烂晒，汤系冻嘅，未食过咁难食既韩国野，之前d好评肯定全部刷返来，大家小心。…查看更多

坐低成粒钟见我哋一枱客都知中伏我叫咗个$108嘅牛骨拉面嚟到得两件煲汤骨再加个农心拉面份量少！贵！味道又普通！食完劲嬲同枱其他朋友叫咗个牛汤饭得一细粒牛肉 个汤仲要劲咸…查看更多

菜价好贵，但份量好少。我地嗌咗一个炒饭（$98），一个牛仔骨汤饭（$108）。湘菜之前送咗几点好细好细嘅前菜，一啖就食晒。个炒饭好咸，牛仔骨汤饭里面得两细旧牛仔骨，再加几条金菇同埋粉丝，碗饭劲细，但系我哋一啲都食唔饱。我哋嗌咗杯冻饮，买单𠮶阵时佢先至同佢哋讲冻饮加$10（啲冰喺雪柜个冰格整出嚟）。结果杯嘢变成$30。呢间嘢仲要收加一服务费。我哋入去全场冇人，食到走都系冇人。真系中咗大伏，千祈唔好去。…查看更多