一坐低就送上六款小菜：魚糕、甜辣茄子、泡菜、辣豆芽、酸甜爽脆嘅醃白菜，同埋豆味香濃嘅豆腐菠菜。每款都好好味👍
✨醬油蟹 $228/隻
隻蟹真係好大隻，爆多膏！黃膏同橙膏都有，非常新鮮，醃得啱啱好，唔會過鹹。咬落啖啖都係鮮甜嘅蟹肉，撈埋熱辣辣紫菜飯一流。最正係蟹殼入面已經預先拌好醬汁紫菜飯，撈勻蟹膏一齊食，好滿足💯
✨食道樂韓方蔘雞湯+白飯 $190
個湯真係超正，朋友同我都好鍾意，成碗清曬😍雞嘅精華同人蔘香味平衡得岩岩好，感覺好滋補！而且份量好足，有足足成隻雞，兩個人都食唔晒！
✨雞蛋捲 $118
蛋香味好出，面頭唧咗茄汁同沙律醬，甜甜哋幾夾。切開見到層次分明，入面仲有椰菜同蘿蔔粒增加口感，食落軟嫩得嚟又好香口😆🥚
