食得好

去過一次.第一睇起碼覺得乾淨.呢間餐廳係條街到一睇就睇到佢. 好突出.入到去覺得佢有翜佢既特色. 嘩.個桂花糕係張枱到一睇都好想食. 所以先叫左個手打墨魚滑米粉.再+8蚊就有個桂花糕啦~ 哈哈.先講呢兩樣先啦~ 好好味. 手打墨魚滑呢真係好好味.呢個肥老闆拎埋黎時叫我一定要用埋羹一齊食.如果唔係佢會"跳樓"既真係好滑.好好味.真係要試一試~至於那個椰汁桂花糕.我本身對桂花糕不大興趣.但佢加上椰汁後呢.就同桂花味混合左.不過又唔係椰汁糕咁甜喎.桂花就係呢到起左作用~之後就叫左個豬軟骨撈飯.同大家所講一樣啦~好多汁.啲肉既軟硬度適合. 汁既濃度又唔會太咸.撈飯最好不過.當然再+8蚊就叫左個楊枝甘露.呢個楊枝甘露有點西米露.但佢入面有好多好多芒果肉同沙田柚肉.好足料.好好味~食得好．值得一試!…查看更多

在旺角行街見到此間餐廳,於是進入一試,我點了一個豬軟骨撈飯,及一客炸墨魚餅,軟骨吃落很好食,又唔會太淋,吃落唔會有油的感覺,用埋的汁撈飯仲好食呀,個客墨魚餅食落味道很吸引,一客四件,我一個人也吃得完,看見還有很多產品,下次必定再試…查看更多

睇完食評來試。大閘蟹，要了隻$29四兩，真的挺小，不過羔OK啦，但不至於澎湃。呢個價唔要求得咁多。不過，真係好污糟囉，連泥都唔洗，叫人點食呢？(呢隻蟹黎價喎)食完真係雙手見黑 始終都係自己買來整好。至於桂花糕，真是十分美妙! 從未食過桂花糕咁清甜夠味，非常怡人，加埋椰汁果層既香真係好好，$12一小碗，絕對比大閘蟹更值得一試。店內不太擠逼，有兩部PLASMA，哈哈，坐起來也挺舒服，也挺乾淨。…查看更多

行過旺角搵食，見到招牌""食得好""，好! 就入去試下，見到地方都幾乾淨，不似茶餐廳油淋淋。嘩! 好多特別野食，有大閘蟹、魚翅撈飯、桂花椰汁糕....，今次入來見到豬軟骨，於是試下啦，真係幾有水準，D內又軟， D骨又淋，而且D汁撈飯好好味，對我而言，碟頭幾多，我吃不曬，下次我會吃下其他...…查看更多

今年第三次食大閘蟹啦﹗尋日同個同事做野做到9點幾，收工後在公司附近覓食，見到有間新鋪“食得好”，諗住隨便食啲野醫一醫個五臟腑。坐低竟然又見到有大閘蟹食，我又忍不住要食大閘蟹了。第一次去了小南國，味道都唔錯，不過成個大閘全蟹宴要連加一成伍佰幾元一位，都有啲肉赤。不過一年都係得呢段時間有得食，貴啲都感覺OK﹗第二次去了同事家，打邊爐加大閘蟹，不過又要去買又要整，真的有點兒勞師動眾。第三次食大閘蟹，在“食得好”這平民食店。本來以為係好一般既大閘蟹(因為四兩只係$29，五兩$45)，心想這個價錢的貨色是平平無奇，不過平有平食，貴有貴食。我同個同事各自點了一隻四兩既大閘蟹，送到上檯未打開個蟹蓋已經見到啲蟹膏啦，打開後蟹蓋後見到蟹膏滿溢，入口肉質嫩滑。講真，四兩大閘蟹屬於輕斤兩的，但眼前爆到漏瀉的膏真係屬於四兩蟹，真係好吸引。食落味道竟然好食過上次在小南國食的大閘蟹，無想到平民食店都可以食到又平又正的大閘蟹。我地兩個人一共食了六隻大閘蟹，好滿足呀﹗最後，在肥老闆推介下試了店內招牌桂花糕(食滿$30只係加$8)。這裡的桂花糕係兩層桂花糕加兩層椰汁夾在中間的，很有心思的做法，賣相很好﹗我倒是第一次吃有椰汁夾層的桂花糕，感覺很新鮮，椰汁味又不會蓋過桂花糕的味道，值得推介﹗下一次收工食飯又有著落了﹗…查看更多

前日探完阿媽後，原本準備o係旺角先達搭小巴返屋企，但係諗諗吓屋企附近ｄ食館都全部食過晒，不如o係旺角買外賣俾honey食。行吓行吓，見到呢間餐廳幾乾淨，食物的圖片又幾吸引，所以決定選呢間。由於我都有少少肚餓，所以決定自己堂食dd小食，再外賣。由細到大都鍾意食炸雲吞，見到呢度有，梗係試吓啦！嘩，$20有5粒，即炸仲係大大粒，雲吞內的蝦好新鮮，又彈牙，估唔到好好味喎！跟住我嗌咗個豬軟骨飯攞走，意想不到佢地將ｄ豬軟骨同飯分開裝，好細心呀！買返屋企，等多陣honey都放工返來,我梗係即刻開飯俾佢食啦!d豬軟骨原來有好多汁可以送飯，唔怪得要分開裝啦! Honey話d豬軟骨好正，咬落又剛剛好，淋得來又唔會"淋姐姐"，好入味！最正係ｄ汁，添多碗飯都仲得！好開心，honey擊節讚賞，令我都有d成功感！一定有下次，下次會試吓墨魚滑。…查看更多

尋晚同朋友行開旺角先達果邊....之後食飯..行左一轉..見到呢間鋪頭比起其他鋪頭乾淨...而且又好似幾有特色就去試下....都唔錯...魚翅套餐幾好.桂花糕我覺得有d似酒樓果d...值得一試...唔講咁多...試下你就知嫁啦...我試左個日日唔同既例湯....都唔錯...…查看更多

昨晚到銀行整理一些手續，完事後，與男友在旺角覓食。最後選了這間飯餐幾吸引的食店。坐下後看看餐牌，又發覺湯麵都不俗，於是捨棄原先打算叫的二人套餐，改要了鮮豬膶麵和雲吞麵。豬膶好掂，唔會滾到老晒，麵條都不錯，沒有鹼水味；雲吞看來也幾好食，size 介乎乒乓波雲吞與傳統細粒雲吞之間。只是一碗麵不連飲品要 $20 多，看真啲個魚翅撈飯餐，有菜有餸有飯有飲品都係 $45，笨咗。…查看更多

前幾晚經過旺角先達,見到有一間叫食得好餐廳,於時入去食吓,見到佢食餐牌都幾多選擇,有套餐同散叫,於時叫咗個豬軟骨拉麵,碗麵d豬軟骨好香,用口嚼D肉好淋同好入味,我好快就食完碗麵,有機會我會再去試其他嘢…查看更多

九月初十‧寒露約了朋友來旺角交收，說有魚翅撈飯吃，老實說，沒有什麼興趣。但她再說，同一個餐有碗「至尊」清湯腩，那我又幾有興趣試試其有幾「至尊」法，就來一試。要了個套餐，有碗翅，有個清湯腩，有碗飯，看飯的份量，是二人吃也綽綽有餘，就來一個餐吃吃再算吧。先吃吃清湯腩吧，來一口牛湯，味道濃郁，有點點鮮美，還不錯。但牛腩的水準就相當低，吃起來非常韌，努力的咀嚼一輪還是一口是渣，很不濟。就成是「至尊」的，有點莫名其妙。朋友一看見翅，就大聲投訴，原來除了上面那兩片薄弱的牙揀翅外，差不多全碗也是素翅。而吃起來那小片的牙揀翅還腥腥的。坦白說，成碗是素翅更好，至少比較環保，而幾十蚊的貨色，湯底好不了去那裡，是什麼翅也無關宏旨吧！連凍飲兩杯，埋單好像是七十蚊有找，沒有再來的理由。…查看更多