食口福 (已結業)

食口福最聞名相信係佢既特大炸雞脾，每每行過餐廳門口都會被廚窗既雞脾山吸引住，28蚊大大隻又唔貴，味道仲好唔錯，脆卜卜，肉汁多，今日tea time落去揾野食，唔知食乜好之際，第一次入去食口福坐低食個tea，平時買炸雞脾都係外賣，入到去至發現原來有好多種類野食，除左一般小食，仲有鐵板餐，煲仔菜，小炒小菜，北京拉麵，魚蛋粉麵...仲有好立刻紅豆冰好吸引，下次一定要試下，今次叫左個公司三文治餐 ，32蚊跟熱飲，不過就有d失望，呢份公司治入面係午餐肉，蛋，火腿，蕃茄，比較普通，味道無乜突別，歷史中食過既公司治係有雞肉同生菜，不過呢個32蚊包埋熱飲都算平，所以可以接受，西多士，炸得金黃，個樣幾靚，食落外層微脆，裡面軟熟，有蛋香，

今天又要外勤，路経石籬和宜合道雍雅軒，行到麗晶中心，😃看到斜対面有間食口福個公仔logo, 幾得意就過去吃個下午茶。🙂原來係懐舊快餐店。入去order個手打芝士漢堡包及鮮水果沙拉。超乎想像，漢堡包件牛肉漢堡好juicy ，芝士溶得啱啱好。超美味. 個沙律真係新鮮水果做，D 醬不多不少。真係超哂值。掛住吃都忘記影相。下次一定唔會忘記，原來佢地個炸雞脾很出名，石籬一帶無人不知。原來紥根石籬35 年下次一定試炸雞脾同薯條。

一直好鐘意食炸雞脾，但要食到好味既炸雞脾都要講緣份。話說而家三多開到成行成市，佢既炸脾都好味既，不過佢用吉列既方式略嫌唔夠懷舊，我都係鐘意舊色個種炸法多d.食口福係朋友介紹我去既，佢住係葵涌，成日同我講佢屋企附近有間食炸脾好好味，成日都聽列我流哂口水。今日機會終於黎喇飛雲。一入到去係非常舊式既快餐店，order 左隻炸脾，一拎到不得了，真係外脆內嫩，油而不膩。咬落去啖啖肉，一d都唔鞋。真心好味。下次一定會再幫襯。

之前見到好耐一直想嚟食 上星期日嚟咗原來假期唔開😔 食咗個桔🍊今日嚟到 叫咗個雞髀同埋牛腩麵餐 雖然牛腩麵唔係呢度主打 啲牛腩都唔差 但係個湯底太淡 唔太吸引 味道麻麻個餐叫咗奶茶飲 但係好細杯 同埋唔係好滑不過呢度嘅炸雞脾 真係唔錯 雖然唔係超好食同有啲貴 但係好大隻 啲雞皮好脆好香😍 啲肉都唔韌😍 一隻雞脾要$28 但係咁大隻都算抵 不過餐就$49 只係多咗啲薯條同好細杯嘅嘢飲 應該唔抵 好彩冇叫🌈 整體來講 我覺得佢可以平啲😌😌😌 不過炸雞脾係好味嘅

對食口褔總有情意結，小學時媽咪喺金花惠康做，成日買食口褔飯盒，畀我同阿哥喺惠康經理房享用，當時超市仲係自己喺職員房啤米。最常食嘅係黃油炸雞翼、黑椒牛扒飯同茄汁什扒飯呢個盒廿幾年都無變過。以前啲豬扒成日熱辣到熱浴個盒。不過N年後食返啲味已經唔同咗，以前個茄汁似酸甜汁，透透哋明。塊豬扒好柴皮。

今日去咗食口福食炸雞肶飯，佢哋會將炸雞髀先炸一半，之後到點餐嘅時候即叫即炸，雞皮香脆，雞肉嫩滑，雞髀塊面咁大，單食雞脾已經好飽，午餐跟埋野飲到都只係三十幾蚊，值得再去。

收工收得早去左食個下午茶。去左呢間茶餐廳食左個西多士， 佢個賣相真係麻麻地，三尖八角有d肉酸，不過份西多仲熱既，加返d分，呢到d糖醬無得自己落，個人覺得太少糖醬唔係好夠，西多中間既花生醬唔多，但西多既蛋味幾濃，而且唔算太油，不過不失喇。

有時,我們除了因懷念食物的味道而再次光顧。也會因為一份情懷,一段段回憶而再次光顧。食口福是我第一份工作的附近食店,因工作關係而變成好友的CW,這裡是他的童年經營30年的舊式快餐店食口福好友CW說店內裝修沒有改變,老闆娘還是站在收銀前,廚房姐姐也是小時侯的那一個。而這裡最出名的食物當然是炸雞髀,薯條 ($14/份) 同炸雞髀 ($26/隻) 都是熱辣辣上台大過手掌的炸雞髀,皮脆肉滑又入味,味道味剛剛好真係好好味!!其他食評 ig :kumamasfood

友人帶小妹見識一下呢間食口福嘅雞肶，一開始小妹唔想食咁多肉，不過一場黎到，要試下$39,凍飲+$2有餐湯，都幾清甜，又足料，呢隻雞肶好似乒乓波拍咁大，意粉就稍稔，不過快餐黎講都ok,雞肶皮脆肉嫩，又入味，小妹最鐘意係佢杯鴛鴦，好好飲喔～一個lunch黎講，夠晒啦～

經過順便試下這間其實一直都想試現在見到當然試一下試了雞比,漢堡包,什扒餐先講雞比味道還可以,但無網上吹噓到超級好食的地步幾大隻不過我叫了整熟一點,但結果食到中間的肉位,還是有血水,肉還是粉紅色的雞比無完全炸熟所以整體上我唔太滿意我又試了網上吹噓的漢堡包肉的確幾靚,口感和味道都不錯但問題在於太濃,煎得濃到不能接受整個肉面好似完全黑色一樣不過個漢堡包幾大,明明只係一件肉加個包,但重大過我個口整個包的問題在於太濃肉是不錯,不過由於汁方面只是沙律醬,所以整個包的味道只是一般比m記的包差最後的是什扒餐整個什扒餐好大量,有薯條,飯,雞扒,牛扒,豬扒,腸仔,火腿兩件不過豬扒不過不失,有少少濃,但還可接受牛扒就完全不能接受了,我叫餐前已經再3講過要全熟,結果還是比5成熟我......件扒重係鮮紅色....而且牛扒味道亦一般,還唔上好食最好食,我食過咁多樣之中,最好食的竟然係件雞扒......但竟然無咩人提到雞扒先係這間之中最好食的一樣野雞扒最好食,多汁,味道又好腸仔都不錯,不過一般腸仔味黑椒汁味道一般,講唔上好食整體上我對這間店是失望提供不到我想要的東西(食物要求全熟)不過服務態度幾好食物質素,由於太

突然記得自己去過這店而念念不忘，但竟然未寫食評，當然要記錄下來。以前去這家店已經是我很久前求學的時候，而心血來潮再去這店因佢有不少好好味的茶餐。但去這家有點難度，因她星期日和勞工假會休息，所以剛巧去時是一日公眾假期，但不是勞工假的日子，我才可和另一朋友再遇這店。去到時十分興奮，我和朋友點了傳統的紅豆冰，西多士和炸雞翼。佢的賣點是即叫即整，所以溫度一定夠，雞翼和薯條炸得十分香，加上小小鹽巴調味，簡單就是最好，能夠找回佢的鮮味。而西多中間夾住花生醬，雖然不是好厚多士，但那種炸多士蛋香味配上糖漿的味道，係一種簡單是色香味俱全的味道。紅豆冰是功夫的魔鬼之作，糖份極高，但紅豆煮到有點起沙，十分滿足。總結：一間傳統港式快餐店，雖不起眼，但食物用心泡製，真的好好食。值得堆介

這間食店是我食LUNCH LIST之一，主要這裡的炸雞腿SIZE比較大及炸得香脆，由於較大的雞腿從生炸熟需要比較長時間，所以他們會先炸八九成，上碟之前會再炸至全熟。正!

出名大炸雞脾, 落單後番炸，等一陣就有專人攞埋過黎，雞脾皮脆，肉軟，仲有例湯送添。涼瓜招班腩飯，超大碟又多汁，夠濃味，涼瓜甘甜，好過夠屋企整，班腩就一般班腩，不過好在夠鑊氣，Ｄ飯就一粒粒軟硬合適，每次黎食都真係抵食又好食。

由細食到大嘅餐廳仔久唔久就會去幫襯下，呢到個豬排包真係無得頂！啖啖肉！完全唔乾好juicy！d肉係彈牙唔難咬開，個人覺得好味過澳門排包！而且價錢又唔貴，真係諗起都想食！不過環境就真係麻麻，始終都舊加上主要做快餐，裝修都唔係好講究。但係咁先有回憶有味道呀嗎！

平時都有去食口福lunch，今次試下叫外賣，我公司位置接近該店所以先會送，他們人手有限遠的都不送。懷舊快餐店買少見少，葵涌區我想沒有多少間舊式快餐店，說回午飯，$39蚊包埋熱檸茶算係便宜，因我加了腸仔加多了４元，原本應是$35。葵涌大部份餐廳都維持不超過$40元既指標。外賣盒子封面夠鬼馬，有７，８十年代既感覺。今次吃茄餐肉腸腿飯，茄汁甜中帶少許酸的感覺，汁夠濃不會太稀而無味再加點青豆，配搭得很好。重要的都是那個汁調教得好不好(個人認為)，腸仔味道像煮師牌腸仔，餐肉比吃落去比較散，火腿沒有什麼特別，幸好有濃茄汁撈飯