風尚台灣小吃 (已結業)

又係一個人的午餐🥣今次嘆個台灣牛肉麵入口面條比較硬，牛肉麵既湯汁無乜層次感，得一隻味。值得一讚既係牛肉夠入味同夠淋，份量都多。配兩條白菜仔。 杯珍珠奶茶都無乜特別

小弟我一向對食都好寬鬆，自問自己都抱着「搵啖飯啫 是旦啦」嘅精神，我過往嘅食評一向都鮮發負評，呢間尚風問鼎「腐皮」寶座。我同寶寶路經天后，求其搵間餐廳食個飯。隨手就點左呢間，一入去坐低，哇，2人座位超逼。打開餐牌，呢間野都唔平，五六十蚊一碗飯/麵，加十五蚊有野飲同湯，我叫左香腸炒飯，寶寶叫左牛肉麵，仲叫多碟八十八蚊嘅滷水拼盤。寶寶叫左杯珍珠奶茶，試左啖，典型味，好鬼甜。上埋碗肉丸湯，哇，咸到跳舞，飲左啖就放棄。上埋碟香腸炒飯，寶寶話做咩炒飯咁濕，食落普普通通。再上牛肉麵，咸。最伏係滷水拼盤，蛋係正常、但豆腐、牛肉咸到我喊。老闆，俾d良心！成餐都勁咸！小弟幫襯過黃店都唔少，但求價值觀相近，我都唔會俾負評，但呢間味道真係咸，除左咸之外真係無野形容到，仲要收加一，埋單二百四...老闆你俾我啊？最憎d店舖掛黃店號，d質素鬼死咁差...劣啊

四式台灣香腸（4條）| Assorted Taiwan Sausage (4pc) $66四款香腸分別是：飛魚卵、櫻花蝦、墨魚和黑鮪魚。台灣香腸的特色都是皮脆而且帶甜味，飛魚卵香腸帶一點日式芥末的味道，很適合作為小食。櫻花蝦的味道則較為淡，要細心品嚐才吃得到它的味道。墨魚和黑鮪魚則略帶海鮮味。••••••••••••••••••••••••••••••麻辣牛肉麵 | Szechuan Style Beef Noodles Soup $58湯底牛肉味濃，牛肉十分入味牛肉味又突出，肉質軟嫩，配以少許麻辣，更為惹味，但麵條略為淋身。••••••••••••••••••••••••••••••鹽酥雞肉燥飯 $56鹽酥雞肉十分邪惡，但很有夜市風味，肉燥入味，飯的份量足夠，整體份量不算少。••••••••••••••••••••••••••••••炸鹽酥菇 ｜ Deep Fried Mushroom $48很有台灣夜市的味道，香口，較為重口味。••••••••••••••••••••••••••••••蝦球炒飯 | Prawn Fried Rice $78賣相一般，味道濃，飯炒得夠乾身，但性價比

紅燒牛肉麵係台灣名物，去台灣無食過牛肉麵，你好唔好意思話自己去過台灣😌😏 今日掛住台灣料理，所以就去左呢間風尚台灣小吃食lunch! 佢地既門面就係平平無其既小店，好易就行過左！.📌 麻辣牛肉麵叫得麻辣牛肉麵，最緊要係個湯底，不僅要有基本既牛肉味，重要有麻辣味！但呢度只係隨量落啲辣椒粉就算(甘似我食牛肉飯落啲七味粉既)🤣 一啲川味湯底例如花椒、八角既香味都無！雖然佢地標榜無味精，但真係得個咸字，牛味好淡！牛方面，佢地用左牛腩，所以食落有牛味，亦都好軟腍！配料有半隻蛋同一棵白菜仔，正常發揮！麵底尚算煙韌，但如果可以做得爽口啲會更好！份量唔多，同兩個朋友(有男有女)食完都唔飽😂.📌珍珠奶茶(食到無心機，無影到🤓)叫左微甜，結果甜到呀媽都唔認得🤣又無茶味，不過跟餐包埋就算啦！.總括嚟講，通常一間餐廳，我唔會一次定生死，始終我認為有時候可能一時失準/個日既材料出事引致，所以其實今次係我第二次黎食，但仍然失望，應該未必會再有下次了！

今日又黎到風尚醫肚👍🏻👍🏻沙茶牛肉炒麵 $62由於疫情關係，風尚台灣小吃推出優惠，凡於晚市光顧粉面，即送一杯珍珠奶茶或咖啡☕️，好抵❗️❗️今次就叫咗沙茶牛肉炒麵，一睇個包裝就知好足料又夠鑊氣，沙茶味好濃郁，牛肉又多又冧，好味😋，唯一值得留意嘅係，炒麵本身都算多油，減肥一族就要留意啦，但店舖好有心地加咗錫紙包裝，唔怕流到周圍都係，好貼心👍🏻👍🏻👍🏻整體來講好似風城台灣小吃嘅一貫水準，絕對係天后區平靚正之選🥰🥰

疫情前經常出差台灣，出差時經常掃夜市小食當正餐。原來差不多大半年無食過正宗台灣小食，今次去到天后，又再次小食當正餐。點咗三樣小食，分別係我既至愛炸鱿魚，炸花枝丸，及九層塔炒蜆。比起香港炸魷魚，台灣用上軟身魷魚鬚，食落唔會又乾又硬。花枝丸中規中矩，其實味道有台灣小吃風味已經合晒格。唔知係咪跟返台灣size，比起香港炒蜆係細小小，哈哈，不過重點都係用九層塔去炒，完全做返台灣味道。小食其實係食風味，風尚係做到。無得去台灣食，喺香港揾台食店開餐，都算係一個選擇，當然價錢上台灣抵食得多。

今日又黎到位於天后區既風尚台灣小食，上次後悔冇食到佢最出名既紅燒牛肉麵，一直都搵緊機會再黎食下，今日終於有機會啦❗️❗️❗️❗️❗️❗️❗️紅燒牛肉麵 $58紅燒牛肉麵最緊要係咩，就梗係個湯底啦，牛肉味好濃，又有果度辣度，香味濃郁，呢種味道係平時台灣先食到，正👍🏻👍🏻另外牛肉都好味，入曬佢d湯汁，又夠冧夠多，唔錯唔錯而當中又有隻蛋同少量菜，整體份量算大，夠曬飽肚呢間店，平時唔覺佢出名，但其實真係好好食，有機會一定要黎食

外貌係一間平平無其既黃小店但入面既野食 好食過響台灣食🤪之前已經買過2 次外賣 鹽酥雞 同小食併盤外賣到返去 都係好脆,,,入面既雞 唔會過老 (同埋係大塊 唔係雞粒) 小食入面 本人就最鐘意 甜不辣 有魚既香甜 魷魚係有魷魚味 唔會得雪味!! 見疫情好啲,,,今次就黎食堂食！其實好鐘意食麻辣野！ 雖然台灣無咩見過麻辣牛肉麵但呢度既麻辣係好香😍 下次會試下叫多青😋啲芫茜同甜酸菜 配呢個麻辣 係好清新其實麻辣麵唔算辣 但就可能係咁 更突顯其他配料既重要夏天 係好想食麻辣🤪🤪除左麻辣牛肉麵 重有紅燒牛肉麵雖然未食過 但我諗牛肉都係一樣 其實我唔應該叫佢牛肉,,,佢其實係牛腩... 好lum 好入味既牛腩!!!❤️❤️❤️❤️❤️路過不防一試 去唔到台灣 又掛住台灣可以試下有睇佢地fb,,,, 呢間多做附近學校生意 宜家停學 生意真係差少少 頂住呀 多謝你令我對台灣野食有返啲好感❤️

真心好食，肉操夠多，汁又足夠撈晒成碗飯，飯嘅份量又多，目測都有300g，雖然好好食但係我真係食唔晒，啲飯實在太多，但係個鹽酥雞有D乾，不過整體來講都好食，服務態度都好好。最緊要呢間係黃店！

🍚 鹽酥雞肉燥飯 HK$56鹽酥雞即叫即炸，好脆，送到上台，仲聽到啱啱油炸完嘅聲。肉燥汁味道唔重，但好夠，所以每一淡都有味道，而飯底份量都算多。.🥢 升級到套餐 配貢丸湯 台式飲品 HK$15貢丸湯有兩粒半粒嘅貢丸。🤣 個湯酸酸地，味道好似醋個種酸味，另外有少量蒜。飲品其實原本唸住試下佢嘅珍珠奶茶，但可惜個日無晒珍珠，所以點咗水蜜桃沙冰。失策，唔記得點少甜，所以我覺得好甜。--📌 晚餐時段📌 另收加一服務費

今日去完拜山，準備去天后巴士總站坐車回家，但實在太餓於是到處尋找想食的店，赫然發現這小店，由於本人對台灣菜亦有一份微妙的情意結，於是想也不想衝入去 。由於太餓入到店內馬上叫左滷水拼盤，招牌雞肉炒飯和招牌新竹炒米線，當然少不了台式飲品。不得不說份量十足，仲有貢丸湯。新竹炒米線加入肉燥非常惹味。店員服務超好，亦十分健談。奇怪的是為何有人認為店員黑臉呢，真是奇怪。可能疫情緊張，晚市居然沒有半個客人。希望如此好的店舖能夠常滿。

❤紅燒牛肉麵食左最出名嘅紅燒牛肉麵 食左好多啖先記得影 佢其實好多肉同麵架🤭湯怪就係甘飲湯 好夠濃wor!佢標榜無味精 食左意碗夜晚無嗰啲味精不良反應呀❤蚵仔煎仲叫左蚵仔煎 唔粉 不過如果有埋台式辣醬就仲正 好在佢加左蒜喺面 garlic控表示滿意加15蚊有多個貢丸湯同杏仁奶茶 好滿足下次想試下個鹽酥雞肉躁飯 同烤香腸呀

大碗飽肚又抵食既台灣料理炸雞排同鹽酥雞份量都幾多分別有成6、7舊不過炸得好脆，但係比較乾身肉躁既肉碎偏向半肥瘦，唔會太肥滷水蛋係用台灣既鐵蛋小編鍾意食炸豆腐熱辣辣甘，裡面夠軟軟，點泰式辣醬又幾好味

今日經開天后，好肚餓又搵野食，就黎到呢間位於電氣道的台式餐廳❗️店舖面積唔大，但一睇餐牌，好多選擇😍😍飯類、麵類選擇好多，今次就決定一試炒新竹米粉❗️❗️米粉好多配料，倒如芽菜，肉碎，蔥等等，而米粉又抄得夠乾，又好入味，一流❗️有機會一定要試吓👍🏻👍🏻至於份量又好大碟，大食的你都一定夠食😂😂😂👍🏻👍🏻另外仲叫咗杯芋香奶茶，好重芋香，好好飲👍🏻👍🏻👍🏻整體來講，質素不錯👍🏻

3個人食飯，牛肉麵，味道郁ok柯仔煎, 粉太多，冇料到。炸雞翼，好食🤣另外叫咗三杯嘢飲椰香咖啡 味道幾特別珍珠奶茶 普通珍珠奶茶水蜜桃沙冰 都算唔錯,只係甜咗少少埋單300左右重點的問題來了,我哋想問佢攞幾個碗仔,佢行過扮睇我哋唔到, 間舖已經咁細， 一眼就睇到我哋啦，完全係冇禮貌。當我哋第二次問佢拎碗嘅時候， 佢竟然黑我地面， 其實我哋都有講唔該， 點解要黑我哋面呢?? 一係你直接話畀我知冇碗就得啦!最後等咗十分鐘先有碗