風雲丸

营业中

休息中

#20250529 🤍📍 #風雲丸 @fuunmaruhk 尖沙咀麼地道30號Mody House地舖➖➖➖➖➖➖➖➖➖➖➖➖➖➖➖➖➖#石燒濃厚豚骨魚介味玉沾麵 $103💭 個湯夠咸有魚介香味，跟餐會有粒檸檬，加左落去咸咸酸酸有少少得意，不過都係鐘意就咁食🍋個麵有得揀凍定熱，其實都係口感問題，凍就硬啲煙韌啲，放返落個湯度食就係會熱返😂配料有粒蛋、有兩條筍、仲有厚身既半肥瘦腩，炙燒過逼左啲油香出尼係幾好食，不過一舊都夠heavy，比多舊都搞唔掂🐷.#黃金蟹王蝦籽撈沾麵 $178💭 雖然望落無乜料有啲dry，但其實個蟹皇醬食落好滿足，佢唔只得啲醬，仲真係食到有啲蟹肉同埋有啲顆粒狀既蟹膏，再撈埋個生蛋落個麵度真係一流，就算叫300g麵個醬都夠應付，係略嫌佢就算有個爐㷫住個蟹皇醬都唔係好熱姐🦀.#尖沙咀美食 #🐷在尖沙咀 #🐷_食

晚餐同男朋友尖沙咀食沾麵，佢好近地鐵站出口，都好方便。我點左石燒濃厚雞叉燒魚介味玉沾麵，男朋友揀左石燒肉盛豚骨魚介沾麵。石燒濃厚雞叉燒魚介味玉沾麵呢間係用滾燙石鍋，食極都係熱辣辣。雞白湯混魚介熬成乳白濃汁，隨石鍋餘溫越煮越稠✨ 雞叉燒嫩滑帶炭香，蘸湯掛汁力驚人！冷麵條粗韌彈牙，溏心蛋滷得入味，蛋黃流心撈湯更昇華。 石燒肉盛豚骨魚介沾麵豚骨魚介湯底更濃厚，油脂香撲鼻！肉盛有叉燒＋豚腩肉，可惜個豚肉偏肥，感覺油膩。石鍋保溫強，吃到最後湯仍然燙口，但尾段略鹹，建議加清湯稀釋。 佢可以加麵或者少麵，咁就唔會浪費食物😁

👾 🍜 尖沙咀｜風雲丸｜石燒沾麵專門店最近試咗尖沙咀嘅 風雲丸，主打石燒濃厚沾麵，配搭多款湯底同配料。🥢 試食分享1️⃣ 石燒濃厚雞叉燒魚介沾麵 ($98)* 湯底：濃郁魚介味，非常適合喜歡重口味嘅朋友。* 配料：雞叉燒味道普通，冇特別驚喜，但溏心蛋同厚切筍片質素唔錯。2️⃣ 期間限定｜安格斯牛小排配石燒濃厚沙爹湯沾麵 ($128)* 牛肉：安格斯牛小排非常軟嫩，口感滿分。* 湯底：沙爹味濃郁且掛汁，與麵條配搭非常和諧，令人滿意。🍜 麵條選擇
麵條彈牙爽滑，能吸收湯底精華，唔怕漏味。份量可選 200g 或 300g，靈活度高，適合唔同胃口嘅食客。💡 總結
風雲丸以濃郁湯底見稱，特別係期間限定嘅安格斯牛小排沙爹湯沾麵，絕對值得一試！雖然部分配料表現普通，但整體體驗仍然令人滿意。📍 地址：尖沙咀麼地道30號Mody House地舖🗺️：#dummytummy尖沙咀
🍜：#dummytummy沾麵
💸：$100
👾：⭐️⭐️⭐️⭐️

黃金蟹王蝦籽撈沾麵（大盛300g）$178黃金蟹王蝦籽撈沾麵係風雲丸嘅期間限定，一上枱店員現場落蟹油，再滾一滾，馬上勁香！沾麵大盛300g份量十足，麵條煙韌彈牙，掛滿濃郁嘅蟹黃同蝦籽，入口好厚身，蟹肉仲多到食到尾都仲有，蟹迷必試石燒鰻魚飯 $88石燒鰻魚飯熱辣辣上枱，鰻魚烤得外皮微焦，肉質嫩滑，配上日式醬汁，甜甜咸咸，飯粒中吸滿鰻魚汁，再有少少海苔同蔥花點綴，好惹味，石鍋嘅熱力令飯粒帶少少焦香，好有咬口熱綠茶 $10零系可樂 ($15)📌風雲丸 (尖沙咀)地址：尖沙咀麼地道30號Mody House地舖

每次經過尖沙咀，都見到呢間拉麵店超多食客，今次專登嘅朋友過嚟試！餐廳用上好多日式燈籠🏮做裝飾，裝修都好有格調，主打魚介沾麵，仲要呢期推出咗黃金蟹王蝦籽撈沾麵🍜，勁吸引而且超足料，滿足吓去日本嘅思鄉情懷！😆-——————————————🦀◖黃金蟹王蝦籽撈沾麵◗ $178份量就揀咗溫嘅大盛，有300g 麵，可以先將蝦子加入撈麵。黃金蟹黃湯上枱嘅時候，店員仲會加上蟹油，食落更香，將麵條沾滿湯汁，超級掛汁，而且裏面真係勁多蟹肉勁足料，好似食緊蟹膏沾麵咁，超濃郁鮮甜！🍜◖石燒濃厚豚骨魚介味玉沾麵◗ $103佢哋招牌嘅石燒沾麵，上枱時候啲湯仲係滾緊，充滿魚介香！同樣叫咗一份溫嘅大盛300g沾麵，呢個份量一個女仔食夠晒！仲有一大片充滿油香嘅豚肉片，炙燒過食落特別香！🐓◖燒汁唐揚炸雞◗ +$18炸雞外脆內嫩，咬落多汁，做得唔錯🌟Encore指數：8.5/10

呢間嘢真係唔掂 未試過係因為野食差而俾差評…首先嗰麵上到黎 一啲賣相都冇成個麵得麵 湯 雞 蔥 冇啦…跟住明明間嘢冇人都等咗三個字先有嘢食上到黎仲要唔熱 係暖暖哋第二碗叫左咖喱豬拉麵無論係第一碗嘅豬定雞 啲肉味都好奇怪好似食緊營養午餐咁一句講曬 伏到爆炸‼️‼️

我一直都形容尖沙咀麼地道為拉麵街 因為感覺呢度都係拉麵店雲集 今次黎到呢個轉角店 雖然成日都行過 又真係一次都未食過！今次食完之後完全顛覆咗我對拉麵嘅感覺❤️‍🔥黃金蟹王蝦籽撈沾麵神級好食！個沾面可以揀凍面或面暖面 個麵質非常掛面 醬汁完全掛哂係個面 入口啖啖蟹王 豚骨魚介拉麵🍜如果鐘意辣 都有辛辣🌶️ver. 湯底非常濃 完全係濃縮精華 對於口味淡口嘅人可能會比較重口味 不過豚肉非常滑口 入口半肥瘦逢星期三仲有拉麵日優惠！同一個價錢可以享有拉麵➕小食➕素菜➕配菜➕飲品 非常扺食！呢個價錢完全係大贈送👅 大大力推 店長仲非常有禮貌同有耐心🥹 呢間良心餐廳值得大家大大力咁推廣🤪

風雲丸尖沙咀店 FUUNMARU尖沙咀麼地道30號 MODY HOUSE 地鋪Shopping 完想食碗拉麵🍜回味日本🇯🇵店鋪樓底非常高，正正係k11 art mall 後面，裝修好和風😌先叫左黃金蟹王蝦籽撈沾麵， 呢間拉麵🍜店可以自由選擇份量！200g 或大盛 300g價錢都是一樣！醬汁呈現金黃色，濃郁嘅蟹肉香氣撲鼻，味道好鮮美，有微微嘅甜味，將爽口嘅麵條沾滿香濃蟹膏！另叫左石燒濃厚雞叉燒魚介味玉沾麵都係大盛 300g🤣， 湯底好濃郁，用石鍋盛裝住好快蒸發左水份，令湯底味道更濃，300g份量好多，可能一般女生叫200g 就剛剛好🤣🤣😁😁👍再配燒汁唐揚炸雞（5件） 小食！非常飽又滿足😇#香港探店#拉麵店#香港拉麵#風雲丸

今日行過呢間日本沾麵舖頭，打算入去試下。首先裝修風格唔錯，幾有日本風，店員都幾有禮貌。order咗呢個厚叉燒玉子沾麵，大概十分鐘就上咗。石鍋入面嘅湯熱辣辣，配上沾麵味道唔錯！特別係粒糖心蛋，非常好食！叉燒都厚，唔柴。店舖還提供自助檸檬水，食完飲返杯舒服晒。

🔶🔷🔶人氣拉麵店 食蟹王蝦籽沾麵！？🔷🔶🔷⬇️睇內文食評同地址啦⬇️。。風雲丸開左咁多年都一樣咁有人氣，全因佢嘅魚介湯真係做得幾出色。除左佢個湯，我另外仲好欣賞佢個麵，食到有麥香，口感又不錯。雞叉燒魚介拉麵（$93）黎到呢度點都要食番碗魚介麵，咁多年黎都保持到水準，湯底好香又濃。黃金蟹皇蝦籽撈沾麵（$178）呢度食沾麵可以揀麵嘅份量，我地就揀左大盛（300g），大盛都唔洗加錢架～又可以揀溫或者冷麵。呢款期間限定沾麵真係令我心心眼，一上檯店員先落蟹油，下面有火滾住成兜野勁香，入面嘅蟹肉係勁多，食到尾都仲好多！。強烈建議一定要嚟食呢款期間限定蟹皇沾麵，出色過我地唔同中菜食過嘅蟹粉好多！。@fuunmaruhk 。📍風雲丸 (尖沙咀)尖沙咀麼地道30號Mody House地舖

尖沙咀搵食時經過呢間風雲丸，被佢哋嘅招牌吸引左，望入裝修甚有日本風格，而且食物又啱心水，雖然剛坐滿要等一會，但都好快便可以進入開餐囉☺️。餐廳推出了期間限定，黃金蟹王蝦籽撈沾麵，愛好蟹🦀王的我見到心心眼，即刻點左黎品嘗下。店員用火興住鮮味濃郁的蟹黃，內裏的蟹肉豐富，將新鮮彈牙嘅沾麵加入拌勻，每條麵都超濃郁，真係好捧啊。叉燒雞魚介湯拉麵，湯底是用豬同雞骨煲煮，夠火喉又濃郁，湯杰身帶點黏口感，好有真材實料feel, 雞肉厚身有2件，軟淋有咀嚼感，麵質爽彈亦掛湯，相當唔錯。梅子酒甜度略高，配冰飲味道則剛剛好。

拉麵隨處都可以搵到、見到，但係好食既沾麵呢？有日去開𣴒沙咀，行過K11 Mall，發現角落有間拉麵店，以為只係就咁一碗碗拉麵，再細睇餐牌，原來有沾麵架喎。叫餐係要用手機，自助點完，即時要手機比錢埋單，先叫做成功落單，過一陣就會送過來。萬一比錢唔成功，都可以走去收銀處叫店員幫手既。點左石燒濃厚豚骨魚介沾麵，再加份炸雞。麵既份量可以喺手機落餐時揀埋。上菜時，熱辣辣，石鍋裝住既湯出晒煙，小心燙手！唔洗擔心驚唔知點食，枱面會有張貼紙教你每個步驟。一路食，湯一直保持住果份熱度，同埋濃郁既魚味，好吃～餐廳唔算大，如果打算同朋友去食，有機會旁邊就係陌生人。反而對獨自去食麵既幾friendly。

今日去了食尖沙咀食lunch我們點了安格斯牛小排配石燒濃厚沙嗲湯沾麵$128麵質，溫 ,大盛300g唐揚炸雞（5件）$37羽根餃子（5件）$37石燒濃厚雞叉燒魚介沾麵$98麵質，溫，大盛 300g安格斯牛小排配石燒濃厚沙嗲湯沾麵$128麵質，溫 ,大盛300g滾熱辣的石鍋，新鮮的牛小排。一上枱就馬上把牛肉放入湯中。等牛肉熟了可以放入麵。沙嗲汁好香，有粒粒的花生。唐揚炸雞（5件）$37外脆內軟，肉質鮮嫩多汁。羽根餃子（5件）$37脆脆外皮，好好味！石燒濃厚雞叉燒魚介沾麵麵質，溫，大盛 300g汁比較濃好好味，麵質爽口彈牙。

人氣日本拉麵店⭐️主打豚骨魚介湯底拉麵🍜以2公斤的豬骨、雞骨熬足8至10小時🔥並加入了優質魚介粉，風味獨特🧂加上裝修沿用日本風格🎏令人如置身日本享受地道風味美食😃以雞髀肉製成的雞叉燒，軟嫩入味🍗豚骨湯夠鮮甜，濃而不膩🥘麵條屬自家製，新鮮彈牙😋混合辣椒粉所製成的辛辣湯底🌶️配以秘製厚切叉燒、溏心蛋🥚厚切筍片的拉麵，滋味十足🤩餃子煎成薄脆，加入辣汁和沙律醬🥟惹味香口，味道有層次😙

今日同小朋友上完堂，去咗呢度試新嘢⋯⋯去到都8點幾鐘，坐低之後見到要自己do code,但係個code就⋯⋯🙄Do 咗一大輪先入到去點餐，之後嘢食上枱，拉麵上枱，個汁煲到好好好滾⋯⋯麫身不俗，不過塊肉就一般，個餃子一般啦⋯而家好多食店都好興do完要比埋$，不過唔係所有客受囉⋯⋯好啦，之後上巴士返屋企個段路就G G嘞，啲胃氣好似大肚婆嘔仔咁，最終落車頂唔住要死埋一邊⋯⋯嘔番啲麪，獲利回吐，相信都係啲汁肥得滯⋯⋯以後咪預我🙄