風流居酒屋 (已結業)

疾情關係，想出去食野又唔想太遠太多人就去屋企附近間日本餐廳試下成間餐廳好有日本居酒屋feel好多野食選擇，不過價錢偏貴今次試左佢個安康魚乾 想試好耐架啦另外個雞泡魚干都好出色但拉麵就相對普通，仲偏咸，不過份量都夠食

係大圍搵左間居酒屋，滿心期待！但林鄭話飲酒會有親密行為🙄 所以今次去到都無叫酒黎飲！今次兩個人去叫左2個飯同1碟串燒，雖然2個人食得唔多，但都非常滿足！作為一個好小食生冷野既我，都覺得今次係食得幾開心！🥰呢間居酒屋細細地，原來仲有樓上坐！啲裝修、佈置都好有日本居酒居嘅感覺，冇得去旅行唯有黎感受下啦一到餐廳門口就見到好多文宣仲有掛外套嘅衣架，十足十日本居酒居呀！角切海鮮飯 ($98)推介指數：8/10呢個魚生飯雖然比較平，但佢一啲都唔會hea你！竟然有海膽啊！雖然同上網睇圖嘅份量有出入，但都已經好滿足，真係食一舊都覺得回本！其他食材仲有三文魚、鰤魚、魚子、蟹子、玉子、青瓜等等。呢個飯嘅味道偏淡，但材料都好新鮮，可以淋啲醬油一齊食！火炙三文魚親子丼 ($118)推介指數：9/10呢個飯一上菜就已經覺得好吸引！啲色超級靚，火炙三文魚燒得好香而啲肉仲係生嘅超級鮮甜，仲足足有6、7塊！魚子粒粒都好飽滿好多汁、蟹子都好足料！成個組合都冇得彈，撈飯又得、當魚生慢慢食都得！月見免治雞肉棒 ($32)推介指數：9.5/10正因為我小食生冷野，所以全晚最吸引我的一定係呢個熱辣辣既雞肉棒！一咬落去，又脆又熱

好想去日本，好想去睇櫻花，好想去食日本野.... 家下唔去得旅行，老公就同左我去屋企附近既風流居酒屋食飯，當自已去左日本🤣間居酒屋細細，無論出面定舖頭入面，都真係裝修到好似日本居酒屋，就連電視都係播緊日本節目！入舖前探熱，台面有搓手液夠細心我地叫左一個鰻魚飯同一碗拉麵！個鰻魚飯條鰻魚好大塊，仲大過我隻手掌，加埋d蛋絲一齊，超好送飯至於個拉麵都好好食，湯底好濃，麵質彈牙，蔥絲切得好幼細，同埋出面好多時d拉麵都係用粟米粒，但依度係用baby corn，而且個拉麵係無筍既間舖頭甘近屋企，下次可以再去。最緊要係間舖頭夠黃，要多多支持丫

💛💛💛黃店推介💛💛💛今日要去大圍上堂，開始之前就一個人去咗間居酒屋食嘢。其實我好少一個人出街食，淨係夠膽一個人坐呢啲「面壁」嘅bar枱。（當然呢度除咗bar枱仲有普通枱櫈啦！）見到呢間居酒屋出面貼曬文宣，就入去食啦☺️最近我同朋友極沉迷一套日劇，叫「戀愛可以持續到天長地久」。喺呢套劇嘅最後一集，天堂醫生同佐倉就係一齊食咗鰻魚飯，所以我就揀咗食鰻魚飯。蒲燒鰻魚飯 （$98）✨等咗三分鐘左右鰻魚飯就到啦！鰻魚有分「饅丼」同「鰻重」兩種，呢個用紅黑色嘅四方盒裝住嘅叫做「鰻重」。我學劇入面嘅佐倉，加咗啲山椒粉（綠色嗰隻）黎食，佢可以去除魚嘅腥味，仲有少少辛辣，幫助消化鰻魚同中和鰻魚汁嘅甜味，食幾多都唔會膩。饅魚當然好好食，但白飯方面就扣咗少少分，雖然佢都係日本常用嘅珍珠米，但就偏硬身少少，可能係我黎食嘅呢日煮嘅人落少咗水？ 不過加埋燒鰻魚汁食都係うまい Oishi呢！提子梳打 （$28）✨因為趕時間嘅關係，我叫咗支樽裝嘢飲。本身想叫桃味嘅梳打，可惜賣曬，轉咗提子味。我覺得提子味有啲偏甜。梳打嘅氣好夠，飲落好爽好gur😆

突然想食日本野，諗起附近有間黃店就黎試下，原本之前紅極一時間拉麵執佐轉佐依間😳舖頭原來有兩邊，仲有兩三層。同普通居酒屋一樣有好多款串燒，刺身，壽司，一品料理，仲有烏冬拉麵同鰻魚飯～.角切海鮮丼 $98黎食日本野點可以唔食刺身😆，都整得幾精緻五顏六色咁😍，同埋見到果pack海膽已經覺得值返晒😚，食落都好新鮮，刺身款式都比佐好多種，不過感覺食落味道好似比較淡口🤔 就咁食刺身再咬飯，味道比較突出啲，同埋啲飯好似整得偏癡身～.叉燒烏冬 $48唔算太大碗，湯底係醬油湯底，用佐少少海帶，葱花同麻油去調味，個烏冬都整得幾入味同埋有彈性，唔會話浸到冧晒，叉燒雖偏肥身但食落呈軟身又唔會話太膩～.明太子玉子燒 $48一見到已經覺得好邪惡🤤 一串有兩舊，有一pat微微燒焦佐既明太子溶佐舖係玉子燒面頭，玉子燒燒得岩岩好，咬落去都幾紮實同埋食得出個層次感😍.總結，居村小店黎講我覺得算有驚喜，味道質素唔錯，不過衞生情況好似要略改善，同埋睇得出擺盤都好有心思，感覺串燒類都好似幾吸引，如果有心事可以同朋友飲兩杯食下串燒都唔錯，呀！！同埋午市好似都幾抵試🤤

今次嚟到大圍小店食晚餐，初頭以為佢鋪頭細細間，但係原來有幾三層嫁。鰻魚飯幾抵食$98鰻魚肥美，燒得好香😍角切魚生飯$98，魚生份量好足料，魚生非常新鮮見到仲有一啲魚生係金目鯛😍柚子胡椒黑豚肉$32，肥瘦比例啱啱好，一啖食一塊落口更加滋味，而且食落好多肉汁😍小食同飲品叫咗七味雞軟骨點同白桃特飲，雞軟骨分量非常多，鍾意飲酒嘅朋友仔一定覺得送洒一流呀，而白桃特飲🍑味道調校得啱啱好，唔會太甜白桃品突出。

大圍除左好多靚靚cafe之外仲有好多好野食例如丼飯🤤重點都係：黃💛💛💛———❤️海膽三文魚丼 $88(+20轉左另一隻海膽)一向鍾意海膽既我叫一如既往叫左個有海膽既丼飯落order個陣 店員說冇哂原本個隻海膽 要轉另一隻不過+$20我冇所謂照點 個海膽又真係幾正 完全唔會苦🤤高質👍🏻 不過份量個面就有啲少 🙊🤣（可能個海膽太好食 所以唔夠喉）❤️風流三色丼 $88個人覺得朋友仔點呢個性價比好高 有海膽、三文魚、帶子 都唔洗$100 真心抵食👍🏻———平日lunch time去唔洗等位 坐得好舒適(兩個人坐四人枱)Lunch set會有前菜同湯個人覺得cp值都幾高❤️仲有放左好多文宣💛大家要繼續大力懲罰黃店🐷———小插曲:上前菜個陣見到有隻小昆蟲係入面 小小嚇親 希望店員多加注意🙊

門外有凳坐低等位，因為9點幾，唔算等好耐，但我哋坐低之後都keep住有人來裝修擺設幾有居酒居feel外面比較少見蒜頭漬，甜甜地，幾好食七味魚翅乾，燒得香口又唔會太硬，味道剛好，佐酒一流呢個燒白鱔必食，外皮脆卜卜，內裡好juicy，新鮮雞翼燒得好靚，可惜唔夠肥美，肉有d乾，但雞腎好出色，新鮮貨，必食大蔥串，夠香，夠juicy牛舌心，呢個都燒得好好，但因為唔係和牛，口感同味道都差少少雞皮卷，露荀豚肉串，好味雞肝，大件夾抵食，但可惜過左火了，乾左同嚡口，唔好食見餐牌有壽司就點幾件試下，點左金目鯛，蟹籽，芥辣八爪魚軍艦，好驚喜，難得連壽司都好好味總括嚟講，大部分食物都好高汁，有圖有真相，而且出餐速度好快，即叫即燒，會再來

夜晚想食日本野，見到細細間風格好似居酒屋咁，就入去試下枱與枱之間有啲迫，不過店員好好，見到我同朋友一大堆袋主動拎左個籃出黎比我地裝野超細心！胡麻豆腐海草沙律好味道豆腐擺得好靚，沙律菜新鮮爽脆，最鐘意係啲海草！以為係平時長條形個種，原來係一啲細細塊乾身有咬口既海草，如果鐘意「煙un」野既人會好岩炸蝦好味道細細粒好岩下酒，香脆易入口，份量都幾多大蔥串好味道大蔥燒得好juicy，蔥味濃，檸檬汁加埋好搭$18蚊一串可以再encore雞腎好味道上次食過雞腎串燒，不過質感係淋淋地，唔太岩我口味今次呢串就係想食既口感，爽脆同埋有七味粉調味可以一戰魚旗好味道本身想嗌三文魚頭，但無貨所以嗌左另一樣魚肉唔柴又有肉汁，不過份量有啲細，淺嚐就食哂豬軟骨烏冬好味道烏冬湯底好順口，唔知係咪醬油味，甜甜地唔錯，豬軟骨好淋同調味岩岩好，不過同樣係份量有啲細，男仔可能未必飽不過我見其他枱嗌拉麵都幾大碗，男仔應該食得飽饅魚飯好味道最後因爲食唔太飽所以嗌左饅魚飯，味道係水平線，不過不失

呢間店之前食過一次午餐，味道同價錢都唔錯。今次係隔左一排再黎，可能呢排多左人黎，服務差左好多。假日午餐時間，地下坐滿左要上二樓，二樓唔係成日有人上黎，等落order都等左一陣，我地叫左燒鯖魚同天婦羅定食。再隔左一陣佢先比湯同前菜我地，個前菜次次都唔同，我記得上次係食枝豆，今次呢個好似肉鬆整到好乾好乾既條，味道都唔錯。之後就等左二十分鐘左右，鯖魚終於到，味道正正常常。再等左一陣，天婦羅定食都係未有，落左去樓下望一望，竟然見到職員係度睇電視跑緊馬！最後總共等左四十分鐘先有得食！我地隔左兩個星期既一個星期六晚上，諗住比多次機會佢，係門口排左一陣，其實下張枱就到我地，但個侍應態度實在係太差太差，我地揀左一個係餐牌上但佢話永遠都唔會再有既拉麵，但佢既表達方式跟本就係趕客！

一日一黃店-伏到喊既負皮黃店先講黃既原因 有由612開始罷工keep住fb都有表態 店門前有不小文宣可以話係早期就高調表態既黃店而且都幾多人食 唔好睇佢店面細細其實後面有個單位3層都係佢地既呢日中午都爆場 好多人 唔洗排隊.一入座先上味增湯同小食 好快手👌🏻湯係暖暖地 唔係超熱👌🏻小食份量都真係好少 唔係重點我都OK.黃店食得多 天婦羅飯真係小試仲要見到餐牌有 手指公推介 所以試試 等左25分鐘⭐️雜錦天婦羅飯$88👌🏻望落外貌 都大碗 表面放滿天婦羅 同小小醬汁👎🏻伏既地方就開始啦 先講天婦羅 比醬汁整軟左小小👎🏻天婦羅蝦炸粉勁厚 蝦一般 放題質素👎🏻仲要炸粉勁 易骨肉分離（可望圖）👎🏻仲要南瓜偏硬身 係唔甜既😡但最伏既係d飯 勁水 軟到痴埋一舊（可睇圖）🔥直接將評價跌到落谷底.講番唯一可取既係南瓜茄子小粟米炸粉係薄既同埋好掛住日本天婦羅 汁加大量蘿蔔蓉又想去夾公仔啦 真係要斬手指.....之前都有出投票研究過 講唔講好經過睇完朋友仔投票同pm意見後 雖然我支持黃店但諗深一層 睇開都知 我又真係唔係一味讚好果d人所以最後都係忍痛出左 最多我過多排再番去食多次啦.#風流居酒屋 (大圍)地

4杯生啤加3串串燒，再加2份燒物。埋單6百幾。嘢食味道就一般，但咁計落個性價比真係極低。4杯啤酒大約$240，即係有接近$400係啲嘢食度。正常串燒份量，唔係要食飽（因為預左有下場，只當係happy hour飲杯嘢先去食飯），味道又唔係特別出色，收咁嘅價錢真係太貴。仲要環境又唔特別好，啲枱亦好迫，坐又唔算舒服......雖然係黃店，但咁做生意，幫趁就好似懲罰自己......下次.......都應該唔會有下次

首先係佢地既員工要我地排隊等入座，點知佢居然安排排喺我哋後邊嘅人客先入座，當時外面仲要都幾大風，我同朋友越來越凍，眼見其他既人遲來先上岸，搞到我地好唔耐煩，但又見等左甘耐，差唔多到，而且都差唔多晚上十點超餓唔想再搵其他野食。最後等左半個八個字終於入座。就係企係呢個位置等入座。我地嗌左三樣野食，味道係唔錯既。特別係依個半熟牛，啖啖肉，厚切，加埋蔥同姜食再點醬，好食！成日覺得小店係會有人情味啲，溝通會更輕鬆既，如果貴店負責安排座位既員工可以同客人好好溝通就更好，食得開心又放心！

平安夜是同事提早收爐的旺季，於是我又再獨自漫步在街頭。一條又一條的分叉路，一個又一個擦身而過的路人，我終於在小徑上停下，因為那一棧紅燈籠...風流居酒屋的招牌是那麼的隱晦，卻又如此似曾相識店子是小小的，位置也不多，店員站在門口位置招待，我被安排坐在窗邊的長檯，翻閱着menu,點着喜歡的食物，我便坐在高櫈上等着。望着窗外的風景發呆，我的思緒一下子回到了當年在京都的居酒屋，放空的寧靜是如此懶慵而寫意...斟一杯清茶，燙嘴的熱提醒自己要靜下心神，慢酹細嚐。吃上一口前菜，味噌大根，讓味蕾逐漸甦醒。待應奉上一碗面豉湯，簡簡單單，湯上浮起幾條油豆腐，又綴着少許青葱，不用加些三文魚，豆腐等畫蛇添足的材料，已經可口動人。日本菜要求厨師對食物及美感有堅持，但亦同樣要求食客保持尊重及禮儀，建構出一種特有的飲食體驗。姗姗來遲的是鰻魚飯，食物的温度反映出它是從厨房剛剛烹煮出來的。鰻魚給了尾截，但仍然够肥美，魚尾燒得焦香，異常香口，兩面掃上鰻魚汁再灑上芝麻，咬上一口是一種極緻的享受。鰻魚汁流落飯下面，包裹着珍珠米，還有那成絲般幼細的蛋絲，配合得天衣無縫，是作為一客日本料理的講究和執着。埋單88蚊，是一個幸運的數

一個月之內來了兩次風流居酒屋食晚餐，今次同食素嘅朋友來，所以只order這裡的素菜已透過OpenRice預訂座位，來到便立即有枱！這裡的裝潢很有日本風味，入到餐廳便立即投入日式的氣氛！這裡枱比較細，座位比較窄，手袋要放在大腿上了，也見到隔離枱的男生用膳由頭到尾都揹著他那個不算太大的背囊，不知是否辛苦。我們兩人差不多把menu入面所有素菜都點了，包括幾款串燒、飯團和天婦羅。我最喜歡食燒菠蘿！無論是否跟食素嘅朋友來，都會點這道菜 今次第一次食這裡的燒冬菇和粟米，燒得好香，吃到食物嘅原汁原味！另外，燒飯團很特別！平時很喜歡吃飯團，多數在車站的飯團專門店買來食，那裡沒有燒飯團這個口味。風流居酒屋這個燒飯團，外面脆脆的，少許咸咸的味道，不會容易弄散飯團，能夠乾淨地吃完每次約食素的朋友，總有點擔心他們沒有很多的選擇。但他們都說在多數餐廳都有啱食嘅野！今次在風流居酒屋，品嘗到美味嘅素菜，我地都好開心！