風月堂 (已結業)

今曰同2個囡及老爺奶奶嚟試tea set $48一個,食到兩老好開心,有好多選擇,我地點左5個set,有兩個係意粉,一個係大蝦茄汁意,隻蝦好大隻,鮮茄味濃,另莧菜湯龍利意粉,個湯好飲到不得了,龍香煎得好香,所以野都好有心機煮,賣相同味道都好吸引

同honey睇完戲超肚餓, 見呢間唔駛等位, 即入! order完仲不停睇menu, 越睇越餓, 個dessert menu吸引到我差d流口水, 好期待... 約15分鐘後終於有野來喇!周打蜆肉湯 - 好味呀! (可能太肚餓 )焗酥皮南瓜湯 - 酥皮幾香, 不過湯太"希", 唔夠味, 開始有d失望;芝士薑汁豚肉pizza - 因為覺得幾特別先點, 原來係騎呢古怪.....芝士同豚肉完全唔match, 好多洋蔥, 無薑味, 豚肉又肥, honey話好似食緊豬肉餅干咁 栗子香蕉班戟(配雪糕)-我勁鍾意食甜品, 先試用士多啤梨夾住既栗子蓉, eee.... 士多啤梨酸既, 栗子蓉無栗子味, 得d雪味 香蕉班戟都叫做正常d, 不過皮好乾 到我最like既芒果雪糕, 點解有雪粒既?!一d都唔滑, 從來未食過唔好味既雪糕 響極度失望之下埋單, 點知要自己行出去櫃台埋, 仲要食滿$300先有9折(hsbc credit card), 真係唔會再來

墨魚汁麵, 只像是黑黑的, 並沒有很濃郁的墨魚汁味道, 不推介吃後也沒有墨魚汁黏滿嘴邊公司三文治反不錯, 有少許沙律菜, 炸薯皮,而三文治也非等閒貨色, 好像有些芝士, egg, 雞, 等等, 也較厚.pizza, 很小, 很多洋荵, 不太多餡, 不推介.鵝肝炒飯, 絕佳, 鵝肝也不少, 接近5,6片, 其獨等香味令人回味, 雖然看到製作方法後,覺得不應再吃.甜品有一艘船, 3個雪糕球還有一球cream, 也很好還有一塊脆脆

第一次嘗風月堂的set lunch, 選了煎雞排伴魚飯set..羅宋湯: 用料豐富, ok 好味.麵包: 新鮮軟林林, ok.主菜: 雞排入味, 煎魚算新鮮, 飯是日本米飯, 不錯.自選雪糕waffle: 雲呢拿雪糕, 味道一般, waffle新鮮焗, 幾脆口, 好味.茶: hot lemon tea, 茶味一般, lemon fresh, 好飲.

下午茶SET, $58, 食了牛肉炒烏冬 + 熱檸茶.牛肉炒烏冬, 面頭鋪了紫菜絲, 日式FEEL, 牛肉一般, 薄CUT, 得幾片, 而且SALTY, 烏冬很彈牙, 不錯,熱檸茶: 茶和檸檬分開上, 茶是用一個茶壺, 可沖2杯茶, 檸檬有5片多, 十分新鮮, 很好飲的熱檸茶, GOOD. 星期日的下午茶時段, 不用等位, 睇來這裡生意一般, 可能定價高了一些.

很久沒有到此食午餐, 因這裡一定要 walk-in, 不接受訂位, 每日都人頭湧湧, 搵位很艱難.午餐食煎三文魚帶子天使麵, 餐湯是罐頭忌廉湯. 一塊三文魚份量適中, 天使麵沒有太多汁但味道恰恰好. 於風月堂食午餐好處是甜品的雪糕可以自由選擇, 今次選芝麻雪糕, yummy. 這裡的咖啡不錯, 沒有苦澀味.這店長期客滿就是因為水準能夠保持, 不似同一商場的其他西餐廳, 越食越差.

朋友好鍾意食日式的意粉店,所以建議今晚0係風月堂用餐~~~因為冇得book位,最後拎左張飛~~要等十幾個點知轉個頭就有位,可能中間d人走晒掛lucky焗牛油果莧菜鮮蝦飯其實唔係好記得個名,不過我幾鍾意食~~~牛油果,芝士同白汁的配搭得宜雜錦天婦羅fair啦~~~d野菜炸物都好細舊><"芒果船唔知點邊一樣甜品時亂叫的~~~覺得d雪糕一d都唔好食,唔知0係邊度入貨?早知唔應該去期待個甜品

雖然久未逛過葵芳~但其實對於不好買衫的小比來說~來這裡好像是自招悶氣~結果還是以食行頭~砵仔糕又因裝修關係吃不了~~想吃唯一的菜飯又變成將貨就價的粗劣版~很激心之餘也連小比也餵不飽這下慘情最後來來回回~還是選回較有保證的西日連鎖店~這間風月堂沒有試過~一直都只是光顧銅鑼灣店~這間店固然較小較密集~帶位的竟然在全店半滿的情況下就帶了大小比進中心路口位第一張二人桌~~當時只是六時多~小比就要求坐最埋邊邊的四人檯~至少當人開始多的時候~小比可能已經吃飽兼還返張檯比你了….幸好最後都得到允許..一貫的做法~小比負責沙律部而大比則選自已的意粉主食~最後多點一個甜品就成了!照燒汁雜菜沙律是恆常的選擇~~因其他都因為帶有肉及海鮮而價錢高了一截~既然小比不吃肉~倒不如叫個雜菜然後大比自行選個肉類重的主食~~沙律不消五分鐘就送到了~~份量好像比起在銅鑼灣吃到的為少~而且當小比還在奇怪為何這麼快就上桌時~一切的謎底就解開了~~以往都是中段才到的照燒汁雜菜沙律~是因為即照即炒~屬暖系沙律~~但眼前的~是凍版的~只可以說一句~~都幾不好受!!試想想照燒汁包著煎透了的bell pepper和冬菇!~之後凍了~照

這間歺廳其下多间分店我都有去过，价錢中上，食物撰擇多，又好味，而且裝修高雅，但不知为何特然改變，沒有人做set位的工作，需自己set位，到現在既然做到連埋單都要自己出門口比錢，完全令歺廳格調变成茶歺廳一樣，完全沒有服務周到，這樣就唔應該收加一服務費啦！遲D都唔知要唔要自己買飛再自取食物，我對這間歺廳越來越失望啊！！

散叫咗9款食物日色小食拼盤 ~ 有鰻魚, 雞軟骨, 前餃子, 牛肉卷...樣樣都得喎!!煙肉番茄pizza ~ 超多芝士, 只得四件..當然唔夠分la...!!拿破崙意粉 ~ 番茄汁酸咗d, 食過好多地方既拿破崙意粉, 意粉屋係最好味!!黑松露煙三文魚帶子忌廉天使面 ~ 一大舊三文魚花, 好多帶子, 毎一口都有好好味既白汁...好香!!忌廉海鮮意粉 ~ 海鮮都唔少...味道都唔錯!白汁海鮮蛋飯 ~ 大大片蛋係面, 再加埋個白汁, 正!!牛肉鵝肝炒飯 ~ 油唔多, 炒得幾正好, 都幾足料!黑松露意大利飯 ~ 黑松露味不太重, 淨係食到白汁味, 但味道煮也不錯!!黑松露pizza ~ 都係黑松露味不重, 個 pizza既料味道得!!叫咗一個set dinner...有沙津, 湯, 主菜(三選一), 餐飲同甜品...dinner set 好豐富都好掂喎!大蝦沙律羅宋湯鵝肝拼牛柳凍朱古力朱古力雪糕鍋夫以日色西餐來講...呢度既食物會好過pokka好多

約了朋友在葵芳交收點東西，順道一起吃晚飯，在新都會廣場隨便找間便算，反正沒有一間是真正想去吃的。這家風月堂，在滿記對面，但因為位置凹了入去，很容易走漏眼。晚市有三款套餐，是西冷扒、爐魚和鵝肝三文魚天使麵，俱不太合對方口胃，索性散叫。兩條友，點一個主菜、兩款小食、然後一客甜品，足夠有餘。先來的是小食，牛油焗帶子，一碟有六隻，再放點秀珍菇在中間，賣相隨意。說是牛油焗，卻嚴重缺乏牛油香，味道淡口，帶子既不鮮甜，亦唔彈牙，比預期中更差。另一味小食係芝士菠菜雞卷，其中一粒又是特別是菠菜，印象分大減。同樣，吃不出芝士香，反而菠菜幾好，雞肉則是肉嫩，卻欠味道，最外層是炸過，但是並不十分脆口。最敗北的是溫度不足，不慍不火，脆口的東西怎能這麼樣的。主菜方面，揀選煙三文魚白芥末烏冬。簡單的一注烏冬，上面放了些木羽，增加了生氣；烏冬沾上了芥末，惹味而不太辣，很對辦，三文魚和香菇絲味道也不錯，比起小食出色很多。甜品選擇很多，花多眼亂，交由朋友發板免得煩惱。佢都好細心，知道我感冒未愈，要了熱的甜品，焗士多啤梨班戟。班戟皮軟熟，包裹著朱古力蛋糕，可惜蛋糕只像某牌子的雪芳蛋糕，不算鬆軟，朱古力味更不濃郁，很一般。班

今天我和外子到風月堂吃晚飯。這家食肆走中高檔路線，服務不錯，環境幽雅，如果想跟親朋戚友會面，是一個不錯的選擇。我們叫了帶子鮮蝦茄汁意粉和三文魚什菌墨汁闊麵，價錢$78，前者開胃清淡，用料十足，有：帶子、磨菇、蝦、墨魚仔和洋蔥等。初時看到它的外表以為一定好像湘川菜般辛辣，一吃之下原來是很可口開胃的茄汁味湯底，絲毫沒有半點辣味，這道食物很名副其實。另一道食物三文魚什菌墨汁闊麵的賣相也不錯，芝士香味十足，三文魚的份量不少，所以說用料豐富。其次是墨魚汁闊麵很爽口，加上可口的芝士香味，令人齒夾留香。環境方面，最令人難忘的是門口那盞三尖八角的燈罩非常有特色，白色外殼透著橙色而柔和的光線，跟幽雅的環境很相襯。該店的意粉款式如下：拿破崙雞柳意粉扒大蝦菠菜忌廉意粉什菌墨汁闊麵鮮菇泡菜蜆肉意粉煙鴨胸鵝肝忌廉意粉大蝦天使麵帶子鮮蝦茄汁意粉海鮮湯意粉紫蘇三文魚天使麵三文魚什菌墨汁闊麵欖油什菌素菜天使麵煙三文魚燴蟹籽意粉煙肉腸片肉醬意粉忌廉海鮮什菌意粉辣肉腸鮮茄意粉

與姊姊行到累,坐低吃early dinner。Meet到tea time尾聲,叫了燒雞金菇牛肉卷拉麵餐。食物都頗耐送來。原來餐仲有個扮「海撒沙律」,因為好咸,佢似乎用左豉油代醋,淋d咁既少少醋酸的豉油油落去,沙律菜唔夠晒味都唔得啦!拉麵so far so good,無驚喜。燒雞和金菇牛肉卷,都幾好食,牛肉唔韌,金菇又多。我散叫了玉桂觧果鴛鴦窩夫,可能是即叫即製,窩夫微脆。而那玉桂汁,好不濟,蜜糖溝玉桂粉。玉桂汁邊會係咁求其架!?蜜糖比重又多,玉桂粉質素又唔靚。餐咖啡,都要等好耐。沒試齋啡水準,姊姊已加奶喇,加後都good噃!

今天到風月堂食晚飯，除欣賞他的晚餐外，今天想提的是他的甜品《芝麻雪糕窩夫》真是好吃到不得了，雪糕上的華夫餅加上適量的糖霜，再配合芝麻雪糕，這種配搭真是出奇地好味，味道真是再三回味，值得一試再試。

之前見其他人去風月堂影ｄ相，樣樣食物都好似好靚好好味，於是滿心期待去幫襯番次，但希望越高，失望越大！我同同事每人叫咗個Set Dinner, 我揀咗鱸魚海鮮意粉，我同事揀咗牛扒三文魚芒果卷，是日餐湯係周打海鮮忌廉湯。先嚟個湯同麵包，講真個湯同普通茶餐廳嘅白湯無分別，似豆粉開水多ｄ　反而個麵包就幾好味，又熱又鬆軟！跟住就係鱸魚海鮮意粉，好香嘅蒜蓉味，意粉軟硬適中，但蝦同鱸魚就無乜特別。但原來我呢個咁一般水準嘅意粉已經算係好，我同事個牛扒望落似七成熟，食落卻又鞋又硬　個三文魚芒果卷如果分開食我相信會好ｄ，因為一齊食硬係覺得ｄ味唔多夾！甜品係雪糕waffle，我揀比較少有得食嘅豆腐雪糕，我同事則揀雲呢拿雪糕。後者不過不失，但豆腐雪糕唔够豆腐味，我記得以前食過嘅好味好多！至於件waffle烤得有d過火, 但又唔香!我都明白Set定嘅餐味道多數較差，可能會再俾多次機會風月堂，但下次一定散叫！