風月堂 洋菓子BAR (已結業)

今日黎睇TOYSTORY 4見未開場早到左四圍行下原來埋邊呢度有間餐廳一直以為佢淨係賣野飲睇下MENU有咩食 原來都有幾多款式見有位咁就快快趣趣同朋友食埋先睇啦咁 哈哈又唔多覺佢有廚房係度但係上菜速度都幾快, 我地叫左#煙肉白菌意粉配溫泉蛋#XO醬鴨胸意粉#黑松露蘑菇忌廉汁意粉價錢合理 一人一份唔洗掙仲有藍莓花茶啊 磨菇湯啊畢業係快餐形式 味道行先 賣相其次口痕再叫多個#香蕉朱古力雪糕窩夫食完岩岩夠鐘入場 真係方便~

之前也有去過幾次荷里活戲院看電影，都沒發現角落竟然有間小餐廳😯！距離電影開場還有30分鐘所以就決定坐下來嚐嚐這裏的窩夫了～我們2個人叫了一個蜜糖肉桂香蕉伴窩夫$51，分量都挺多的絕對夠兩個人吃～我覺得這裏的窩夫比起平常的薄和脆身，我是挺喜歡的～還叫了一個意粉，想不到這裏的意粉還挺好吃的！煙三文魚忌廉汁意粉 $60咸淡適中👍🏻我個人是很喜歡吃青黃椒的，想不到忌廉汁意粉內竟然有加!正中我口味喔～我們還+$13要了一杯熱藍莓茶，我還是第一次喝藍莓茶呢～是茶包來的，一點也不甜，很香藍莓味！喜歡藍莓的可以一試～

去到暑假就係多套大熱電影上映既旺季😳🤤由於放工已經過6點 想睇7點半又想食晚飯既話就一定要試試風月堂洋菓子Bar😻佢位於荷利活百老匯售票處既對面 點都唔驚會miss左片頭🤣我地兩個人本身諗住淨係食少少野夠飽就入去睇戲再食爆谷 點知由於啲野食真係好唔錯 所以我地再加多左個意粉🙈係落單同店員傾計既時候有提到師傅曾經去到日本學習😳😳 期待感upupup🤪⭐️勁推 - 煙肉白菌意粉配溫泉蛋⭐️HKD60就有一碟咁足料既意粉 除左煙肉白菌同溫泉蛋 仲有加到唔少蔬菜😛 濃味的 既creamy又大大份😙🍝我地後加既 - XO醬鴨胸意粉🍝少見既配搭！偏中式既味道😆 如果愛中菜又愛意粉既你應該會幾鐘意佢🤣最後最後 去到洋菓子Bar又點可以唔叫甜品呢☺️我地請店員推介招牌甜品 佢話呢度用既窩夫來自美國 口感脆脆的 所以同平時既窩夫好唔同😲🍨結果我地就揀左高質 - 朱古力香蕉雪糕窩夫🍨完全冇令我地失望 尤其係四塊細細既窩夫😻 好香好脆🤤🤤 配上軟綿綿既雪糕真係好唔錯🙈 個賣相靚到用泥打卡都得🤣🤣

同朋友去鑽石山荷里活廣場睇戲，睇戲前嘅指定動作通常都係買爆谷汽水，但俾我地見到喺戲院旁邊有間小餐廳，有意粉，窩夫同法式班㦸食。我地覺得有啲小肚餓，所以決定嗌2個set試下🤣呢度用嘅窩夫機係黎自美國，而且師傅曾經到日本學師，好似都幾有品質保證😏我地嗌左個煙三文魚意粉餐意粉硬度適中，掛到幾creamy嘅忌廉汁，有唔少嘅雜菌同青椒配菜，當然唔得份量有番咁上下嘅煙三文魚啦，唔錯！仲有士多啤梨雪糕伴窩夫餐。雪糕可以揀味道；窩夫好脆內軟，有蛋香，配埋雪糕同忌廉食，有哂冰火交融嘅感覺，好爽😆我地餐飲都揀左藍莓茶，酸酸地，開胃解滯！

最近返工都好忙，好耐冇同朋友出去，今日終於放工有時間可以出去睇場戲，睇戲之前梗係要醫左肚先，見到呢度喺戲院隔離就有間餐廳，而且出邊放咗好多窩夫同pancake，非常吸引，見咁就腳就試吓啦！首先睇睇Menu先啦，價錢都好吸引， $60就有一個套餐我哋叫咗個拿破崙意粉， XO醬鴨胸絲炒意粉，溫泉蛋煙肉白菌意粉，我哋share嚟食，我最鍾意食XO醬鴨胸絲炒意粉，係意想唔到咁夾，而且意粉偏硬，係我杯茶！溫泉蛋白菌意粉啲汁好creamy , 友人都讚！拿破倫意粉就相對冇咁漏，都唔錯食完野又點少得甜品呢，我哋叫咗士多啤梨朱古力雪糕窩夫，聽講師傅係日本學師，連窩夫機都係美國進口，咁一定唔試唔得啦！窩夫外脆內軟，配埋雪糕一齊食一定係絕配！

 自從哥哥搬家後，已經很少來鑽石山，不過，bff有電影贈卷，就來一個小交易，她請睇戲，我請吃飯。  由於場次有點急，所以選擇在開餐在戲院內的風月堂洋果子BAR開餐。 落單時店員向我們推介窩夫，因為店內的窩夫機來自美國，而且師傅更曾經到過日本學習，煮法正宗。 XO醬鴨胸意粉 意粉煮得很入味，味XO醬味道香濃，辣辣的，非常惹味，而鴨胸份量多，沒有鴨羶味，意粉煙韌富彈性，推。 鮮果班戟 法式班戟有鹹有甜，而我點了鮮果班戟，水果方面可從7款水果中挑選2款，而我揀了芒果及香蕉，班戟是即叫即做，入口香脆，芒果與香蕉味道很搭，味道香甜，加上滑溜溜的忌廉，很好吃。 奶茶及藍莓茶 奶茶味道較淡，茶味略嫌不足，甜度較低，而藍莓茶味道酸酸的，可以中和班戟奶油的膩滯感。    風月堂 洋菓子BAR 鑽石山龍蟠街3號荷里活廣場3樓402室

約左老公放工去荷里活商場睇戲，襯有半個鐘時間，想在戲院附近搵個地方食個快靚正既晚餐，但又唔想係普通一個快餐，見到戲院隔離有間日式餐廳，可以揀意粉/窩夫/法式班戟。不過時間趕急，我同老公一人選一個意粉加飲品。大概等唔洗十分鐘，可以於領餐處領取。車厘茄蜆肉意粉 $60 +熱檸茶$13 香濃蕃茄味，好足料，有車厘茄、黃椒、磨菇，同埋好多件蜆肉，再加上迷迭香，甜甜酸酸很開胃呢。黑松露磨菇忌廉意粉$60+熱咖啡$13大大碟，配料同樣豐富，包括青椒、紅椒、洋蔥及磨菇，每條意粉都充滿黑松露忌廉，很滋味而且不油膩，都夠一個大男人食得飽。職員都有介紹窩夫機來自美國，而且師傅曾到日本學習料理，可惜時間太趕，下次會再想試下窩夫及法式班戟。

美味意粉@風月堂洋果子Bar 早幾日同表弟去睇戲，大細路嗌肚餓，原本趁早早地打算買只熱狗比佢頂住，點之發現係百老匯戲院範圍內門口原來「風月堂洋果子Bar」 我地比PANCAKE既香味吸引住~ 不禁就行左入去 CAFE就係賣飛另一邊的小角落 MENU好吸引 最重要係唔貴嗎，而且呀仔食飽最重要! PASTA SET$60包野飲 即叫即整  黑松露磨菇忌廉汁意粉 都幾對相呀! 未食都已經聞到陣陣黑松露香味，好足料份量也夠，味道出乎意外地好食! 幾十蚊價錢竟然比得上好多一流餐廳，而且好夠熱!  呀仔仲未飽，就叫多份芝士煙肉PANCAKE比佢 看起來淡淡的，但食起來也很美味呀，入面好多料，而且芝士份量也好多! 飲料點了杯冰咖啡，甜度就因自己喜好去加糖水  。咖啡都幾濃郁呀

放工後趕到鑽石山，為的就是與朋友睇戲吃飯，排隊買飛後，轉身打算離開，卻發現戲院內的一間小餐廳。原來餐廳是風月堂洋菓子BAR，見食物非常吸引，特別是班㦸及窩夫，就在這裏開餐吧！聽店員說這裏的窩夫機來自美國，而且師傅曾到日本學習，質量有一定保證。我點了煙三文魚意粉，煙三文魚捲成花狀，賣相不錯，意粉入口充滿濃郁忌廉味，口感豐潤creamy，意粉內還加入了三色椒及磨菇，層次感豐富，配上煙三文魚的 鹹香，perfect。芝士煙雞肉班戟雖然很想吃窩夫，但最後還是被display的班戟吸引住，最後點了芝士煙雞肉班戟。班戟入口帶有雞蛋香，班戟皮口感帶點微煙韌，內層放了大量厚切煙雞肉片，吃時芝士會有拉絲效果，味道超讚，非常抵食。凍奶茶及熱藍莓茶奶茶味道偏向台式，就是牛奶味較茶味重，個人來說很對胃口，而熱藍莓茶味道微酸，喝後可幫助消化。

今天約朋友到荷里活廣場行街 ，順便睇下戲院有咩好戲睇，幾套大片陸續喺暑假上映 ，大飽眼福，而這餐廳鄰近戲院，確實方便入場之前或者睇完戲之後食，而餐廳提供班戟窩夫同意粉。餐廳座位不算太多，近窗台坐可以看到外間的景色， 簡約舒服。吞拿魚粟米沙律班戟一直概念班戟係甜點，而這裏嘅吞拿魚粟米沙律係鹹點，班戟餅底鬆脆，吞拿魚粟米有很多，加埋菜絲同沙律醬， 從外觀看來很豐富，一口咬落去溢出了餡料，幾樣配料加埋口感亦唔錯。巴馬腿法蘭克福腸片帕馬森芝士長通粉係芝士控嘅我覺得這道菜味道不錯，有濃郁嘅芝士香，除了腸片外，還有面鋪了嘅巴馬火腿令通粉更有鹹香味， 通粉煮得煙韌度剛好，唔會太冧會太硬，不錯。餐廳食物選擇唔係話好多才可保持每款食物水準，餐廳雖然 鄰近戲院 ，不過幾寧靜，可以得閒嚟飲杯咖啡或食甜品，享受休閒時刻。

荷里活廣場有不同嘅食肆，卻這間日系甜品在戲院隔離，若不是去睇戲嘅話很難會發現。「 鮮果雪糕窩夫」 聽餐廳老闆講，窩夫機係嚟自美國，佢話窩夫同平時我哋食既有唔同， 我即管叫了一客嚟食，窩夫較為香濃，脆口鬆軟，我覺得係佢調教嘅槳嘅濃度適中，所以煮出嚟嘅窩夫味道啱我個人口味，配上鮮果同雪糕，確實係夏天消暑甜品。熱哄哄嘅窩夫配上冰凍雪糕， 一凍一熱 ，口感豐富。「 車厘茄蜆肉意粉」 除咗甜品之外， 仲有意粉提供，這客車厘茄蜆肉意粉煮得香口，每條意粉都包著茄醬有濃郁茄味。雖然餐廳喺戲院入面，但唔係一定要睇戲先可以食得，下次嚟呢個商場有多個選擇。

今日約咗朋友🙆🏼‍♀️🙆🏼‍♀️去荷里活廣場睇戲🎥，因為放工比較晏咗😁，所以匆匆忙忙去到戲院未食嘢🍴，見仲有半個鐘時間👀，就去到戲院隔離嘅餐廳食嘢👅。餐廳有意粉🍝同甜品🍬供應，我就叫了一個拿破崙意粉😋， 呢段意粉份量夠一個人食👈，味道適中👄， 有淡淡嘅蕃茄甜味🗨️，用車厘茄🍅同火腿🐽等配料烹調🔥，剛剛處理熱辣辣味道不錯🌈。朋友因為食咗晚飯✨，所以叫了一客甜品❣️，「鮮果法式班戟」👀可選兩款鮮果，朋友就選咗士多啤梨🍓同桃🧡， 原來朋友之前食過覺得唔錯😘，所以再encall， 佢話班戟皮脆💞，內裏嘅水果增加了口感層次💢 ，朋友話呢間餐廳嘅師父👩🏻‍🍳曾經去日本🇯🇵學習🖋️，所以有滿滿嘅日本風🎏。食完剛好入場睇戲💗，時間啱啱好，食物不錯再加套戲好睇🌈 ，今晚確實難忘❣️。

放工睇戲，時間不多。之前睇食評見到呢間既窩天話係用美國窩夫機，仲要師父去過日本學，仲要幾平下，就試下順便食晚餐啦啦。叫左欖油菠菜白菌豆蜆殻粉。咁實惠既餐廳最驚啲意粉會太淋或太凍但佢又唔會喎。個汁都幾開胃，配埋個蜜糖豆都幾fresh。推薦餐湯，黑松露忌廉雜菌湯好驚喜，上面小小黑松露油，增加香氣，個湯好多碎菇粒，好味~藍莓窩夫伴雪糕，我決定用手食😂 個窩夫係行輕脆路線，唔厚唔實，我第一次食呢個口感，都幾好味。原來佢個藍莓窩夫係兩層窩夫夾住藍莓cream，好邪惡😂

前排同朋友去睇戲 因為驚冇位 所以早啲去買定飛🎬 諗緊去邊度消磨時間嘅時候 見角落位有間餐廳 諗住試下 順便坐住等啦 點知俾我掘到彩蛋喎～🤩又嚟overview 叫咗一個pasta 一個waffle 連湯同飲品只係$135 可能平過叫兩個爆谷餐加小食...
初初見到個溫泉蛋果時 心諗：大鑊! 有伏...🤦‍♀不過一叉落去蛋黃哥度 蛋漿即刻流哂出嚟 同我預期嘅唔同！😳 
食落反而幾鍾意佢啲蛋白 有少少口感 唔似平時果啲 一撈勻就消失風雨中～🍃不過我最愛其實係杯磨菇湯🤤 非常香濃 絕對唔係罐罐嘅質感 而且用杯裝住 方便易飲如果冬天飲 或者拎入冷氣強勁嘅戲院飲 真係一大享受👍🏻👍🏻食完主菜 再後上個甜品🍨 服務員仲好窩心 親自拎俾我地聽佢介紹先知 師傅係日本學師 仲專登去美國訂部窩夫機 感覺個窩夫即刻好高級 哈哈～👸🏻🤴🏻講返先 雪糕配窩夫 其實都冇得輸㗎啦💁‍♀個窩夫比較脆身 我自己就好鍾意 不過朋友就表示鍾意外脆內軟 各有各睇法啦～ 身為專業吃貨 初初以為我地會食唔飽 
點知食完感覺好飽肚 幾驚睇戲果時會訓著🤣平時睇戲 買個爆谷同汽水都幾十蚊 加多少少錢 就食到咁豐富嘅一餐 其實都真係幾

之前睇戲嘅時候見到有一間餐廳係戲院嘅角落位，但因為趕住睇戲無理到，今次咁啱係附近做完野，所以拉同事去試試佢。係餐廳門口已經見到有好多班戟好想試，但因為我地只有2個人，所以只叫左一個意粉同一個班戟。☝🏻欖油菠菜白菌蜜糖豆蜆殻粉其實見佢個名好特別，同埋好健康所以叫左佢，果然，成碟都係綠色都係菜，感覺好清新，同自我感覺好健康味道唔錯，夠味，唔會太淡，同埋蜆殻粉加埋蜜糖豆一齊食，好有口感☝🏻鮮果班戟（香蕉+奇異果）最後點都係要叫下班戟食，今次叫左鮮果班戟，起初會擔心奇異果會唔會太酸而影響到口感，結果係甜嘅cream 的份量亦都適中