風味園

营业中

休息中

夜晚放學真係餓到肚打鼓，附近又冇咩好食，見到「風味園」有煲仔飯，諗起都好耐冇食過，橫掂冇乜選擇，就入去試吓啦安排咗坐二樓，嗌咗個鮮雞煲仔飯，等咗一陣，個飯熱辣辣咁送上嚟，聞落都幾香。一啖落去，就覺得啲鼓油鹹到苦，同我記憶中煲仔飯應該係甜甜哋嘅鼓油完全唔同！因為太餓，就算味道麻麻哋，我都係照食晒，但真係有啲失望囉…… 最離譜係個女職員，問多一句，然後開始單單打打，食餐飯要睇佢面色食物普通都算，但服務咁差，真係唔會有下次。下次寧願行遠啲，都唔想再受氣

今次食飯體驗真係超正！店員服務細心又周到。招牌煲仔飯睇得出花咗唔少心思，米飯粒粒分明，鍋巴脆卜卜，味道一絕！舖頭位置唔難搵，舖內環境整潔衛生，下次一定會再幫襯！

行行下街，見到一間環境唔錯既茶餐廳，又有菠蘿包食，又咁岩下午茶時間（14:00-18:30）食物種類多，仲有飯套餐，值得去食。仲有自家製既面包，蛋撻！服務態度又好！

之前都試左次沙嗲牛肉飯，一直以為俾錯外賣我，今日經過終於再試！發現呢間沙嗲牛肉飯與眾不同，係鼓汁牛肉飯咁既味，完全冇沙嗲🤣 平時食沙嗲牛肉飯同常餐沙嗲牛肉麵個種味道差唔多，試到咁既味真係覺得好笑又奇怪🤣🤣

在風味園茶餐廳的用餐體驗令人難忘，這裡的美食以實惠和美味著稱。今天我點了經典的咖喱飯，配上脆炸豬排和兩顆太陽蛋。整體呈現十分誘人，金黃色的咖喱醬流淌在白飯上，散發出香濃的氣味。咖喱醬的口感適中，香料的層次感令人滿意，微微的辛辣和香甜相融合，讓人一口接著一口。脆炸豬排外脆內嫩，豬肉的鮮美恰好中和了咖喱的濃郁。太陽蛋的蛋黃流心，搭配飯和咖喱，讓每一口都令人感到幸福。茶餐廳既服務員可能太忙，所以禮貌欠奉。一分錢一分貨，喺香港有時食嘢最緊要快，都冇計🤣

公司係附近成日去食，通常都嗌佢個lunch set，個餐包個湯 主食同熱飲，今次嗌左咖哩汁吉烈魚柳煎蛋腸仔飯，女仔黎講有啲大碟😂不過佢個吉烈真係做得好好！首先上枱係熱辣辣，完全係外脆內軟，仲會有啲魚柳肉汁，炸得岩岩好！另外凍奶茶係每次必嗌🫶🏻奶同茶個比例100分！推介！！

趁著天氣乍暖還寒的日子，還帶著絲絲的微涼，相約爸打吃煲仔飯。我們一個叫了臘味的、一個叫北菇雞。一打開煲蓋，臘腸、膶腸和臘肉的油香即時湧上，直教人垂涎欲滴！飯粒顆顆分明不黏糊，煲底的飯焦更是極品。再混合臘味的油與煲仔飯豉油，奇香無比！北菇雞煲仔飯又是另一個境界。開蓋時滲出的是冬菇的香氣，雞件大概有五六件，而且件件都是大晒士，佐飯完全足夠！雞肉嫩滑，還有勁香的雞味；冬菇亦屬大粒而厚身。這煲可以加多些煲仔飯豉油，風味更佳。一人一煲，不亦樂乎！

今日同朋友去咗旺角嘅風味園食晚飯，呢間餐廳主打港式小菜，價錢合理，份量十足，好適合一班朋友聚餐！餐廳環境雖然唔算高級，但勝在夠地道，充滿大排檔風味，坐得幾自在。我哋點咗幾款招牌菜，首先係，鮮魷炸得外脆內嫩，椒鹽味道香口得嚟唔會過鹹，送啤酒一流！再來係，雞肉嫩滑，醬汁濃郁，啫啫聲上枱，香氣撲鼻，配埋白飯真係無得彈！另外仲試咗個，鑊氣十足，牛肉夠嫩，河粉唔會太油膩，水準唔錯。甜品方面，我哋試咗個，布甸口感滑溜，芒果味香濃，甜度適中，為呢餐畫上完美句號。服務方面，侍應生態度友善，上菜速度都算快。唯一可以挑剔嘅係，餐廳嘅冷氣唔算好夠，人多嘅時候會覺得有啲熱。不過，以咁嘅價錢同食物質素，性價比都算高，值得一試！

anytime想食茶記都會黎呢度，畢竟24小時而且食物選擇都幾多。我最愛嘅常餐都有好多組合，特別係有餐包❤️❤️❤️上菜速度快，雖然座位逼少少，但都可以接受～呢日食左榨菜肉絲米，有蛋有腸，份量好足夠，味道都幾Natural，朋友點嘅牛尾湯味道好濃郁，呢個價錢呢個味道我已經好滿足了☺️

今日去咗間叫“風味園”。餐廳外觀唔算好華麗，但入到去感覺幾乾淨企理。講講佢哋嘅餐牌啦，選擇都幾多，特別係個“每日精選”，好似有唔少好嘢。我哋點咗個招牌嘅金湯重慶酸菜魚，價錢係$73，聽落好似有啲貴，但係賣相真係唔錯，湯底金黃金黃，酸菜夠酸爽，魚肉都幾嫩滑，不過就覺得辣度差啲火候，對於我呢啲鍾意食辣嘅人嚟講，未夠嗮過癮。仲有個馬來咖哩焗牛扒，$57一份，配飯或者意粉。咖哩香氣撲鼻，牛扒焗得火候啱啱好，肉質軟腍，配嘅飯吸晒咖哩汁，正到暈。但係份量就有啲少，感覺食完有啲意猶未盡。飲品方面，叫咗杯熱奶茶飲落去口感幾順滑，不過就覺得味唔夠濃郁，有啲淡咗。總體嚟講，呢間餐廳嘅食物味道都唔錯，有啲小缺點，但係都算值得一試啦，下次可以再嚟試下其他菜式。

今晚行過風味園，見到排晒隊，我又趁個熱鬧，因為想食呢度嘅煲仔飯 ，捱過疫情，開返二十四小時，風味園係有底氣。 好在只係排十五分鐘，坐低即刻叫個臘味煲仔飯，再加一個蠔仔煎蛋，蠔仔幾大粒，蛋煎得幾香。 好快煲仔飯就到，真係香噴噴，粒粒飯，有微微飯焦，豉油煮得香而不太甜，正

老媽今天想食煲仔飯，但坤記還未開門，所以我們就去了今期人氣餐廳試試。可能還未到吃午飯的高峰，人不多，不用排隊。一坐低就點了兩個煲仔飯，因為是即叫即整，所以大約等了20分鐘。豉汁白鱔油煲仔飯 ($114): 豉汁鹹香濃郁，白鱔滑嫩帶有豐富的魚鮮味，油香融入飯粒之中，整體味道穩定但少了一點驚喜感。新鮮田雞滑雞煲仔飯 ($99) : 田雞和滑雞的肉質都算鮮嫩，但味道表現平平，醬汁稍嫌不足，未能完全展現煲仔飯的精髓。埋單前看到隔離桌來了個傳統臘肉煲仔飯，未開蓋，香氣就已經撲鼻而來。下次一定再來試試！

今日我的朋友試了常餐，多士的靈魂就是要「練奶+花生醬」嚟到呢度食飯一定要點煲仔菜，我個人係悶啲。但係裏面有臘肉滑雞及鱔。他們的是日例湯有味精較為口渴，凍檸茶和凍奶茶，味道合格。

這間餐廳有廿四小時服務，我今次夜晚食飯，煲仔飯款式超級多。臘味和鱔系我今日選擇嘅菜式。其他煲仔飯類別可以自由配搭，喜歡煲仔飯豉油侍應生亦可以為你多加。我朋友選擇食咖哩豬扒飯。豬扒係即叫即炸夠大份，建議你喜歡食港式咖哩的可以叫佢多汁和多飯。因為豬扒非常邪惡，該餐廳主打是即叫即炸，所以等十幾分鐘至可以接受。在餐廳二樓的侍應生有點像澳牛，講嘢急速而且落單好快，但是沒有呼喝，招呼週到，主動給紙巾，由於星期六晚上非常多客人，可能需要搭枱食飯。

都係睇到人推介 youtube都推介就去試下食有排凍啲諗起想食煲仔飯 咁啱個日 就到地點係個到附近就入去食入到去都多人 有啲都係就咁叫碟頭飯正常餐飯有啲人都會叫煲仔飯個日叫咗 豉油白鱔煲仔飯 ＆ 窩蛋免治牛肉煲仔飯都製作需時 都等咗一陣以上兩個煲仔飯都後期有食到飯焦但唔夠煲仔飯飯香加上 個人口味鍾意食乾身但佢煲完出黎 唔係乾身 飯係偏向可能白鱔會出水？但白鱔係算大舊 唔會少嘅白鱔係實 彈牙嘅 有薑絲嘅 但都係有少少腥味 唔係勁嘅 但有少少窩蛋牛係肉好但正常豉油唔算好帶到超出嘅香味飯焦唔算超出色 有少少香口有但唔算多飯焦 總括 都係覺得試一次就算或者會寧願叫其他小炒個啲