風味園

营业中

休息中

今晚老婆突然話想食煲仔飯，諗左好耐又唔想去廟街食垃圾，想起之前行經風味園見過門口有人整煲仔飯，就決定同老婆去試下。去到，我叫左個風味園招牌煲仔飯+凍奶茶，老婆就叫左個土魷肉餅煲仔飯+凍寧茶。等左大約20-25分鐘，終於煲好了。招牌煲仔飯，有蝦乾，土魷肉餅， 臘味，瑤柱。好多餸，蝦乾清清地，唔會話好咸，臘味就好野味，肉餅個人覺得不過不失，整體黎講幾好味，不過飯蕉好難起出黎食，最後我同老婆都放棄左個飯蕉。最後埋單$156

今晚我們行過旺角通菜街見到呢間叫「風味園」，店外擺放咗好多個即叫即整嘅煲仔飯，睇落好似幾好食同幾吸引，所以我們就決定入去食晚飯！我們叫咗鴛鴦腸煲仔飯、黃鱔田鷄煲仔飯同鯇魚腩煲仔飯嘅米飯比較硬身咗啲，唔算好軟熟，飯焦好香口脆身，而且份量比較多，鴛鴦腸嘅味道好芳香，而鯇魚腩嘅肉質都幾鮮味嫩滑，至於黃鱔田鷄，原本我們係單叫黃鱔，但店員話黃鱔淨低嘅份量唔係好夠，叫我們揀多一款做雙拼，所以我們就揀咗田鷄，黃鱔嘅肉質唔算好爽脆彈牙，感覺腍身咗啲，而田鷄嘅肉質都幾結質！全餐飯最正嘅就係老火例湯，湯料係非常足料，所以湯底嘅味道相當鮮甜濃郁！

嚟到呢間茶記諗住試下個煲仔飯，點知成個煲都無飯焦嘅 ! 排骨啲肉染色體非常之多 ! 啲豉油又無咸味，得啲顏色夠深色 ! 食煲仔飯的話，我唔會再選擇呢間茶記 !呢個煲仔飯，簡直失係失敗之中嘅失敗 !👎👎👎👎😕😕

如果你係佬，返工午餐會唔會選男人的浪漫！！要食男人的浪漫，基本上都會去茶記。而喺旺角返工嘅你，又想食得平，又想食得飽，仲想多選擇，誠意推薦風味園俾你。午餐除了有茶記慣常的5至6款午餐、間間都有嘅常餐外，呢度仲有廿幾款碟頭飯，同廿幾款炒粉面飯，價錢同午餐一樣，即係每日都有五十幾款俾你點，真係白頭髮都多幾條。馬來咖哩牛脷飯，呢度咖哩的味道比其他的茶記有得拼高底，而且份量足，牛脷都有5塊以上，一啲都唔慳儉。

朋友俩在此旺角區邊走邊閒逛的，途經此間＂风味園＂餐廳，看看的，从沒到過此的，也就隨意地進此店開餐的呀！看外面的店員做褒仔飯忙得不可開交似的呀！👍褒仔飯的味道也不停地飄進餐廳內的，我也就二話不說地点了褒＂鯇魚腩褒仔飯＂，57圓！此鯇魚應是新鮮的，可，那肉質不太鮮美的！☺️沒啥叫那魚味的呀！還有那飯，做得實在是太蕉了的啦！☺️️那飯蕉可全是給浪費了的啊！😡😡😡😡😡＂茄子斑腩炒河＂，46圓！茄子丶斑腩，是炒得不差的，👍都是嫩滑无比的！可就是油太多了！😳，還有那河粉，也是炒得太蕉糊了啊！我感覺此餐廳岀品，火氣太猛了吧？！😳😜

都唔止一次提過，因為番工時間比較晏，所以我平時lunch time係5點左右嘅時間，其實呢個時間食飯都算唔錯，大部分茶記都仲有下午茶食，一來平啲啦，二來又唔想食得太飽~風味園嘅下午茶選擇都算多，而且價錢唔貴，今日叫左兩份「超值下午茶」。男朋友點嘅係超級熱狗+炸全翼 $29 (凍飲加$2)熱狗size真係幾大個下，講真就唔係話好特別，都係腸、青瓜、沙律醬咁，但咁大個，仲配上全翼，都幾抵食。我點嘅就即時覺得弱得多，炸全翼西多士 $27 (凍飲加$2)西多士嘅賣相唔係太好，呢個價位的話，大__樂都有類似啱餐，塊多士會煎得好樣啲~整體黎講，我地都食得飽，價錢唔貴，如果單叫餐唔夠，可以跟餐加$5配通粉/米粉，都不失為打工仔食飯之選。

今日買早餐經過風味園 見到有嗰大雪櫃 入面有一枝枝奶茶and咖啡 當然揀咖啡啦雖然$17 有D貴 又驚系好甜嗰隻 同難飲 飲落去吾會好甜 但咖啡味唔濃 🤔🤔🤔🤔都唔會有下次ga la

今日同朋友喺旺角頹食，求其搵到一間茶餐廳就入去試吓啦。又到左下午茶嘅時間啦，見呢間嘅下午茶好似都幾抵，大概20至30左右已經有交易，唔錯。我同朋友都一樣食咗燒味，我就食咗叉鴨瀨粉，味道都唔錯，燒鴨唔會淨係得d骨，都有啲肉食下，份量都算多，十分之飽肚。朋友就食油雞蛋飯，油雞味道略甜，蛋有兩隻，甘大碟飯都係三十蚊左右，已經無得彈。一餐下午茶食到好似lunch甘飽~

父親節當天須然係星期日但車爸爸要開OT不過下午三點已可收工,既然咁早收工便相約幫車車跟爸爸慶祝父親節啦^0^我連早餐也未食行到風味園又心思思食羅宋湯通粉呀!!夜晚還要食飯叫D冇咁飽肚的下午茶餐啦!!很久沒吃炸雞脾了, 就點份炸雞脾餐$28,加$5配羅宋湯通粉~雞脾炸得好香脆肉質也嫩滑係奀咗少少囉!!而我至愛的羅宋湯通粉依舊美味,大量蔬菜煮成的羅宋湯酸酸甜甜最重要係冇牛羶味呀^0^另一份係車爸爸的公仔麵餐三拼$28,沙嗲牛肉,太陽蛋,芝士腸米粉,他評價味道好普通咋!!不過條芝士腸好脆卜卜唔會好似死屍肉般!!車爸爸飲熱奶茶,我當然要凍檸茶啦,味道正常茶也清澈收貨~

黑椒牛扒餐，飲品加$3話明平民飯店，當然唔可以有特別要求，牛扒唔係咩特別既牛扒，簡簡單單既牛扒唔好有期望，亦都唔應該有期望，亦唔好有奢望，佢就係一件牛扒！黑椒汁好味，汁內加上了辣椒增加辣度，十分搶味，辣中帶甜，甜中帶辛，辛中帶咸，咸中帶甘，甘中帶酸，酸中帶美味......絲苗米，粒粒清香，帶有飯香，係極上靚米，天皇級。

其實這間環境甚為普通，服務也不見得好的港式茶餐廳在旺角比比皆是，本來是沒有甚麼好談的。但這兒原價 $4一個的「酥皮蛋撻」，現時推出堂食買一送一的優惠，變相一個蛋撻只是$2一個，卻真的十分抵食。這兒的蛋撻賣相可以，質素中規中矩，酥皮與雞蛋餡都製作得有板有眼，不是很抵食嗎？

夜晚係旺角同一班朋友搵野食 但又唔想食放題同打邊爐於是行行下就去左呢間24小時晚茶記，呢到出名既係全日早餐 仲係羅宋湯湯底不過由於我太肚餓，所以叫左碟涼瓜牛肉飯，但係都無令我失望。招牌全日早餐整得好食唔洗多講但估唔到其他碟頭飯都有返咁上下質素。碟飯首先要讚既係夠熱！好多餐廳啲飯都只係暖 而唔係熱，而佢就真真正正係出煙既熱，呢點真係正！其次，係佢啲涼瓜！有時啲餐廳整到啲涼瓜好難食，咬落去硬得黎又勁苦。而佢食落係有啲爽口，而家係甘而唔係苦。再配埋佢啲汁，加上極度肚餓既我，極速就秒殺左呢碟飯！真係正呀！不過下次黎都會繼續食返招牌全日早餐haha

今日想試下Open Rice評語不錯的比利常餐, 難得老公跟我食午餐山長水遠去到, 點知去到已經執左!! 炎熱下的老公已經炆炆地, 我都唔再執着要食餐好, 隨便入去旁邊的風味園.風味園是一間十分街坊的茶餐廳, 門口有新鮮出爐麵包, 價錢大眾化. 難怪午餐時段, 坐滿客人.午餐一律$38, 有多款中色選擇. 有中湯及飲品, 價錢實惠.剛剛坐在窗邊, 看見放在門外的蛋達, 好吸引~ 最重要是堂食買一送一, 即$2 個, 真係超吸引 ! 可是當日不太肚餓, 唯有留番下次!是日中湯是西洋菜湯, 味道都可以,不太覺有味精. 碗碗都有西洋菜, 正好幫老公降火~茄子班腩炒河$38即叫即炒, 送上時熱辣辣, 賣相對辦. 味道都不錯, 可是河粉粉得不夠分明, 好多都痴在一起, 而且好多河粉都沾不上茨汁.滑蛋叉燒飯$38以為是干身的滑蛋叉燒飯, 送上時才發現是這樣子. 茨汁太多而且浠, 變成湯飯般. 跟預期有些出入.朱古力: 個杯好多跡,影響外觀凍奶茶:味道一般總結:環境迫, 午市多人要搭枱. 食物質素中規中矩, 經濟實惠午餐

今次黎食下午茶，叫左個牛扒米線牛扒好食，食林又大塊米線都ok果道要辣椒油要叫啲侍應拿，但味道似xo醬，愛吃的記得問佢地拿！(不過唔記得影呢個相)跟住叫了蛋撻，買一送一，超抵即係四蚊兩個酥皮不太油膩，蛋醬夠蛋味，不算太甜，但只限堂食才有買一送一。啲侍應雖然個樣好惡，但叫佢地拿東西時態度都ok.

今日屋企無煮飯..所以就落街睇下有咩食喇..比我見到有間茶餐廳..想食港式小菜晚飯既我就二話不說同屋企人走左入去食喇晚餐多選擇,,有西式都有中式個二人套餐138就可以簡兩個餸滾湯, 有一碟雞仲可以簡一個小菜加有埋兩杯餐飲我地就叫左個白菜仔肉片滾湯, 海南雞同埋肥牛粉絲煲好快就黎左個湯先..真係好滾, 清清地幾好味..可以用黎送飯又可以飲海南雞就差左少少不過都係唔錯個肥牛粉絲煲好好味..肥牛好夠多亦都好入味沙嗲好好送飯..成餐飯食得好滿足..又周圍都滿佈電視有埋電視撈飯下次屋企唔煮飯都會再黎食..因為真係好好味