影片
肉饼无论是用蒸或煎的做法都是好「送饭」的菜式，尤其是煎和加入咸鱼的话，更加香口易讨好。肉饼饭，细细个就食。剁猪肉、白饭加豉油，材料简单，制作容易，家常菜经典。我食过天水围嘅屏山老地方同荃湾已结业的肉饼哥，我敢讲呢间顺心食堂嘅「煎肉饼饭 」最好食。入口脆卜卜，香口惹味，肉饼比例刚好，不会下太多粉，吃上来口感挺而不实，还吃到粒粒肉碎，点点油份增加了香软感。原块肉饼十分工整，近一吋厚，Size及厚度食得令人好满足。我觉得质感较挺实，吃落表面焦香带微脆，虽只以猪肉来做，但渗入小量软骨、肉筋、肥猪肉，吃上来有嚼劲，肉筋少许黏牙。白饭粒粒分明，煮得干身烟韧；自家制甜豉油拌饭，不会死咸；少许椰菜，翠绿新鲜，好食。我额外点了鸡翼沙津，点了醋汁十分失望，个汁系好甜，我以为似西餐厅嘅味道，但系似用了中式姜醋𠮶种汁，有点四不像。
继续阅读
铨通工业大厦都算多餐厅, 有日式有西式, 而位于1 楼既顺心, 就乜都有。不过因为餐厅唔算好干净, 而且价钱同外面既餐厅差不多, 所以我地成班同事只系间唔中去食。当中胡椒猪肚汤算系顺心较出名既食物, 胡椒猪肚汤可配搭饭、面或米粉。而且仲有鸡、牛、鱼等可以配搭。今次我就叫左胡椒猪肚鱼腩汤米粉。鱼片有5-6 块, 滑, 米粉份量中等。汤有猪肚丝, 而且唔算好辣, 有酸菜丝。我觉得算不错吧! 不过餐厅入面卫生可以搞好D, 同埋留意返, 餐厅入面唔系好收到电话讯号。
继续阅读
夏日炎炎，胃口争啲！于是去左工厦入边一间饭堂食其招牌猪肚汤米（可选饭，米粉，米线）胡椒酸菜猪肚汤，可再择一款配搭1. 鸡丝2. 鱼腩3. 肥牛 （推荐👍🏻）4. 鲮鱼球 （水准参差，一时好弹牙一时好难食）5. 双丸 （猪肉丸/鱼肉丸）佢啲猪肚切到好幼身，所以好易入口，又唔会太硬，再配埋酸菜同胡椒汤，非常开胃！如果冬天食，仲有暖粒粒既感觉，十分暖胃！餐厅可能位于工厦多既地方，煮出黎既份量都特别大碗🤣🤣🤣$52包野饮，抵食
继续阅读
鲜甜鱼汤香茅鸡翼米粉- 鱼汤鱼味欠奉，但尚算清甜，配菜丰富多样，包括芫茜、酸菜、芽菜、芹菜、葱段，清新开胃- 卤肉酱香甜不太油腻，为汤粉添上一层油润甘香- 浸在汤中奉上的香茅鸡翼，外皮很快已腍掉，香茅味亦顺势流失至汤中，被其他配料的味道掩盖了- 米粉爽滑吸汤* 辣椒油辣劲足，2大匙辣椒籽足以令我要频啜冻柠茶
继续阅读
顺心食堂系喺我公司附近，所以我好多时都会同同事一齐去食中午饭，人山人海，食堂里面我多数都会叫一个肉燥鸡扒饭，有少少芫茜喺面头，味道偏咸但系我就系钟意一种 味道，顺心食堂系一间可以感觉到老板娘嘅亲和力嘅食堂，所以每一次去到都会有一种亲切感。加油
继续阅读