頤之味 (已結業)

工作關係經過黃埔，一心以為九號水產有如日本魚市場咁墟冚，不過因為地理問題，人流唔多，九號水產入面有餐廳3-4間，超市一間。頤之味餐廳外貌乾淨企理，午市定食價錢大約88-188左右。常見刺身，三文魚吞拿魚帆立貝甜蝦都有。定食包汽水，沙律，小塊chocolate cheesecake，小塊薑絲魚塊加麵豉湯。$88（未加1）一個蔥花免治吞拿魚加三文魚當定食，算係好豐富！食物就不過不失，價錢同食物質素成正比，每樣食物雖然比唔到驚艷既感覺你，但比到一定既魚生滿足感比你！overall都係值既！環境舒服，人唔多，亦唔需要等位或者等好耐先上菜。地理位置就唔多就腳，雖則有黃埔地鐵站，但黃埔就唔屬於約食飯行街既地點了。…Read More

咁岩做野黎到黃埔，lunch 就諗緊在eaon 食定黎睇下啦，點知一睇刺身誤lunch time呀，直接拍板食ne間。 Ne間在九號水產裡面，食完飯仲可以去隔離個個超市睇日本貨。在餐牌上掙扎好耐最後叫左19號仔。沙津-番茄甜，栗米飽滿，無論生菜定紫椰菜都爽脆不帶苦，配沙津個個汁酸甜令人開胃。味噌湯-成個貝送出黎，仲煮完仲好大粒雖然煮走大部份的味但都好食，湯底對我有少少偏鹹（走開清淡風），同有別於其他味噌湯，它只有海帶，湯，貝，小蔥（？）幾款做配搭。涼拌菜- 原本以為豬/牛食落至係熟的三文魚（估）/吞拿魚，因為食唔出係咩魚，但個薑絲整到有吸海鮮味又唔多辣，居然令到我起想食的念頭。刺身飯- 帆立貝，三文魚同吞拿魚赤身＋一大碗軟硬適中的珍珠米飯，之所以話一大碗因為要拌飯個陣壓得有d實然後就有d吃力。到主角刺身們都好新鮮，三文魚切粒但沒咩特別味，吞拿魚帶有淡淡海水的腥味，帆立貝最好食鮮甜呀～～ 甜品- 朱古力芝士慕斯蛋糕，朱古力同芝士咪味都重總結：價錢同價錢正比，質素頗高，下次如果在ne頭附近應該都會再黎食（想試海膽飯個個）…Read More

今日帶女兒第一次來九號水產做親子便當，順道遊覽一下九號水產，之前看過好多介紹有一些親子遊戲同設施，玩了009特務同海底游樂園。午餐選擇了在頤之味，因為座位環境比較寬闊同有BB椅，也有細佬喜歡的兒童餐-用車車型餐盒兒童餐- $68 雞肉炒飯比較硬身了少少，也有牛油粟米，玉子燒，及一包果汁。牛肉壽喜燒-$88牛肉煮得剛好，鍋內的菜很入味，豆腐也很滑，還有一隻生雞蛋自己放入鍋內，有三個小份量的前菜，包括有一片鮑魚，日式沙律菜及黃蘿蔔，及配一個白飯。燒雞扒飯-$68燒雞煎得剛好，雞肉滑味道也很好，同樣有三味前菜，配有麵豉湯和白飯。味道ok湯也ok甜品是一個粉紅色的櫻花🌸味的糕點，口感一般，味道太甜，本人同女兒都只咬了一口便沒再吃。價錢不貴，$100 以下有前菜有湯有飯，又坐得舒服。…Read More

湊完仔仔番學，緊要醫下個肚！上次睇到傳單好似唔錯咁，即刻想去試下！本來我想試佢地嘅海膽、蟹腳，可能我太晏，早已賣晒！咁我只好吖個蝦、三文魚、杋立貝、三文魚籽飯，個set lunch都唔錯，魚生新鮮，三文魚籽又夠脆卜卜！老公就叫另一個set,佢都讚夠新鮮同好味！下次我地要去試埋海膽+蟹腳！原來佢地仲有下午茶架，仲要平啲，揾個朋友陪我去食下先！🍱下午茶時段：15:00-17:00…Read More

落雨就要去近嘅地方，最好就係食魚生飯。但呢日無食魚生，食鰻魚飯。人好多，侍應做到手忙腳亂，不過我地都好快有位。鰻魚肉質厚滑，啖啖肉。燒汁味濃淡得宜，配飯食，一流👍🏻 飯量多，食極食唔完，超抵食啦 😋 飯上仲有山芋蓉同半生不熟玉子，非常豐富。山芋蓉雖然本身係無咩味，但勝在有益健康。玉子撈埋飯一齊，亦好拌飯。除左飯，仲有一碗沙律菜，菜新鮮，加左沙律醋汁 😋😋 舔舔脷。麵豉亦好好飲，鹹度剛好。食飽仲有兩粒紅豆湯丸 😋😋😋 超滿足。…Read More

呢度既丼飯有幾十種選擇😱 午餐價錢仲非常抵食😎 最平$68已食到😳 套餐包沙律、味增湯同甜品紅豆湯丸😏 而家凡惠顧每人送生蠔一隻🤗 生蠔有驚喜😊-九州吞拿魚赤身、蔥免治吞拿魚腩、三文魚、沖繩醬油玉子丼 🍱 ($98)份量都唔少😱 刺身雖然算不上正😅 但亦算新鮮😋 吞拿魚赤身很軟綿🤤 三文魚普通🤣 中間既蛋賣相不太吸引🥚 其實只係加左醬油😅 以呢個價錢黎講🤔 食到呢個質素絕對可以接受😛Instagram: e.for.eat…Read More

從大陸回來去找吃，看到店鋪的新春廣告紙上丼飯很吸引決定一試，一份可以兩個人食，丼飯共有13種食材，最矚目是一整隻波士頓龍蝦在丼飯中央，我就把它當作撈起一樣撈匀，可以應一下節，惠顧滿100送一隻廣島蠔，飯後還有湯丸甜品，一餐很完滿。…Read More

星期六同朋友去食發現原來佢地個lunch set係一至日都同價錢， 我叫咗個三文魚刺身飯，朋友就叫咗一客鰻魚飯， 食物嚟嘅時候係用大個盤托住成個餐，除左我地order既飯之外，成個餐仲有沙律有湯仲有甜品， 三文魚飯啲刺身多到成座山咁高，食都食唔曬，而且最難得係非常新鮮，鰻魚飯就會有啲蛋絲係面，而且個鰻魚係即叫即煮，熱辣辣出曬煙好香， 而且沙律既菜亦都好新鮮 ，唔會因為跟餐就比啲差啲嘅菜，個沙律雖然細細份，但係有兩款菜仲有粟米同車厘茄，絕對唔係求其hea你，甜品係湯圓，啲湯圓煙韌韌好好食，又唔會太甜 ，麵豉湯都唔會太鹹又唔會太淡，飲完唔會覺得好口渴，證明唔係落咗好多味精，而且咁啱做優惠食夠100蚊仲有隻生蠔送，隻生蠔都係好新鮮好鮮甜，而且成個set只係$58，真係好抵，過程中有入去坐到order，啲職員都好好禮貌，我哋問問題全部好有耐性而且用好有禮貌嘅態度去回應，整體感覺非常滿意， 絕對會再嚟幫襯，誠意推介俾大家…Read More

今日黎個下午茶先，朋友介紹左我黎呢到食。環境比較清靜。睇左餐牌勁耐先揀到，因為真系花多眼亂。友人想叫海膽丼飯，但係冇提供，有少少失望。我想講呢到啲下午茶丼飯都好抵食，加埋一唔洗100蚊，以我叫左九州吞拿魚，赤身，三文魚🍣，帆立貝丼飯，都只係$58加一，加埋一，70蚊有找。👍🏻👍🏻👍🏻👍🏻仲有個麵豉油湯，抵食。仲要刺身勁新鮮，好鮮甜。有塊紫蘇葉，但我唔鐘意食，俾左朋友，有d人系好鐘意食，有d人就好極端，覺得紫蘇葉系好難食，軔我就系個個極端人。朋友叫左九州吞拿魚，赤身，牡丹蝦，帆立貝丼飯$78…Read More

Monday 要 happy, no blue no blue，所以嚟食魚生飯。不過魚生鮮味到好似喺海洋游水時咁blue blue blue, so the sea is in blue... 😂 爛gag~ 講返餐廳，呢間係九號水產我最常去嘅，皆因好抵食，魚生又新鮮，組合款式又多。午市雖然好多人，但地方夠大，所以通常好快有位。呢日兩個人嚟食，搵位更易。魚生鮮到唔洗講，望下已經知。配菜沙律都好鮮，湯好飲。新正月，甜品仲有兩粒芝麻湯圓，正😋👍🏻題外話，餐廳提供free wifi 😂👏🏻…Read More

全鋪都係魚生飯，都唔易揀。想口感滑啲、嫩啲、蛋白質豐富啲，就一定要揀有得生蛋黃嘅。唔怕有少少魚腥，想口感清新D啊，咁一定要揀吞拿魚茸，至於大大粒帶子簡直係我最愛。三種配埋一齊再加塊紫蘇葉，完美嘅魚生丼，才能一啖一啖蛋白質送入口，金黃雞蛋黃與豉油甜味溫和吞拿魚茸裡，腍腍滑滑口腔與白飯融和。食到中途，需要紫蘇葉一拼與吞拿魚茸一齊放入口中，香氣有種清新從喉嚨而上，呢種就係魚生飯嘅享受。大大粒帶子放入口，溶化感覺，好滋味。…Read More

九號水產開了一段時間，今日第一次來 lunch。看相片比真實吸引，這些想試那些又想試，最後點了吞拿魚帶子沖繩醬油玉子丼，吃罷結論是一次就夠了。抱著一試沖繩醬油玉子是什麼滋味的好奇心，原來只是蛋黃上加添些少醬油，沒有經特別處理調製，幸好混和吞拿魚一起吃可增加柔滑度。吞拿魚內吃到魚鱗，沒鮮味同時帶點腥味。帶子就不用多說，幾乎沒有味道。隨餐的紅豆蓉甜品，不太甜，可是包著紅豆蓉的外層 (不知是麻薯、寒天還是蕨餅的物體)，軟熟一點會更好吃。連麵豉湯和加一服務費，這個午餐要 $86。吃丼的話，附近黃埔船 AEON 超市 Food Court 內當然有更好的選擇，或者在九號水產試試其他也不錯。…Read More

Lunch time 經常經過九號水產，行到最後面，都會被一排魚生丼大型紙牌吸引。望真啲個紙牌價錢又唔係好貴，今日中午有幸同同事一齊落去認真研究魚生飯。本魚生飯餐牌有成四五頁，好多選擇有啲花多眼亂。我就揀咗個有吞拿魚片、吞拿魚蓉、雞蛋、仲有國切三文魚嘅丼，一個set 有齊咁多野，仲有沙律同湯添，沙律得都幾大碗㗎。我哋坐吧枱，睇住師傅將一片片魚生鋪響個飯以上，睇到都流晒口水呀。食之前將個雞蛋撈勻啲魚蓉一齊搬飯食，滿口蛋白質加醬由嘅香味，到而家都好回味。係個set 度，附送左個細細士多啤梨mosses 蛋糕, 唔到細細舊都好好味。袋定黃埔卡，食滿$300、有九折㗎…Read More

星期日，一家人想去食日式午餐，又唔想食太貴，去九號水産睇下，預咗無平嘢！點知見到呢間楝咗幾個定食易拉架岀嚟。好多選擇，又平囉！好多係一舊水樓下。於是就試下。食物質素就 ok 啦，而目仲可以用抵食夾大件嚟形容。份糧非常十足！睇相就知道！不過服務就真係有待改善，個女侍應每次放低嘢都唔講係咩嚟，要估！問佢嘢，佢要同經理 double check ，但聲都唔聲就走開咗！講句 “唔好意思，我要 check 下先”咁都得啩！…Read More

星期日去食飯唔想迫，就諗起9號水產呢個地方，地方新新地，而且上次去都冇乜人流，go!嗰度有幾間餐廳，我就揀咗呢間頤之味，似乎係走平民少少嘅日本餐廳。可以散嗌或者Set menu, 就算set都唔貴而且包好多野，咁我就叫咗$488二人set食。估唔到份量咁豐富，就連普通嘅沙律都咁大盆，用材唔hea啵，上面一堆三文魚子。佢個刺身都幾鮮味，三文魚都係厚切，而且係生磨Wasabi，誠意之作。而海膽係額外叫，$250合理價錢。正正常常起碼會跟埋紫菜，好過一D連鎖日本餐廳。大大份玉子燒美國牛肉壽喜燒鍋，肉質一般啦，但係$488包咁多嘢食絕對抵。仲跟埋兩碗毛蟹湯，可惜略嫌蟹味不足。食得太舒服，個場又靜，枱與枱都隔得開，唔洗迫，所以開心地叫咗兩杯啤酒飲。以為食完呀？仲有加州卷呀，三文魚燒蠔加州卷，絕對食會票價最後食埋甜品，好滿足！…Read More