順興茶餐廳

营业中

休息中

Wohooo今次終於同好友👭🏼黎左大坑了🤩孤陋寡聞既我之前真係未黎過呢個地方😂畢竟對於住左新界既人黎講真係有啲遠🙃不過今次好友帶路由天后行去又好似幾方便咁😳-🎈滑蛋豬扒飯 $56Super good🥰雖然環境來說只是普通茶餐廳而已，但所有東西都很地道很港式😎而選擇困難症既我都揀左好耐究竟係貪心咁要佢既三寶飯定係只叫豬扒、叉燒呢🤔最終就聽好朋友講叫呢款滑蛋豬扒飯😆一上枱睇到真係超足料，滑蛋係cover哂所有飯😋蛋滑得黎仲要配埋佢既甜豉油真係冇得輸🤩而豬扒炸粉一啲都唔厚，食落好鬆軟亦好入味😌-🎈鮮油多士 $22本身一心期待想試佢既滑蛋菠蘿油☺️點知賣哂所以就叫左個鮮油多士🙆🏻‍♀️係塊勁厚既牛油放落去邪惡到呢🌚🌚-🎈凍奶茶 +$3仲跟餐叫左凍奶茶🤣飲落茶底都濃郁的但未算太特別🙈所以奶茶來說想試下炳記多啲🥳-🔸順興茶餐廳📍大坑安庶庇街5號地舖

🍛美食未必洗巧奪天工，夠哂簡單同地茂嘅碟頭飯，普普通通嘅食材，煮埋一齊都可以係鬼斧神工，造就岀呢碟大坑名物。🍳招牌滑蛋三寶飯 $➏➏天后大坑一家毫不起眼嘅大排檔，橫街放左十多張嘅摺枱，好彩天氣未算熱，坐係街邊食午餐仲可以應付得黎。推介嘅招牌三寶飯，滑牛、蝦仁、叉燒，一次過可以有三重嘅滋味。滑蛋足料蓋滿成碟飯，名符其實勁滑一啲都唔老。好戲當然在後頭，袐製鼓油淋埋上面，慢慢滲入飯底，惹味得黎唔會咸，絕對係平民美食嘅典範。🐷滑蛋豬扒飯 $➎➎除左招牌嘅三寶飯，呢度嘅豬扒都不容忽視。首先佢嘅豬扒係預先炸過，薄薄嘅炸粉食薄仍然脆口。豬扒咬過淋身唔痴牙，份量都幾足料，加埋鼓油同葱粒味道鮮上加鮮。.📍順興（大排檔）茶餐廳大坑安庶庇街5號地舖

11點半就已經到附近搵咪錶位泊車，好幸運地等了5分鐘就有咪錶位。招牌滑蛋叉燒飯$55炒蛋份量好足，蛋汁香滑，遮晒成隻碟，叉燒又唔會好鞋，肥瘦適中，淋埋個豉油，真係成碟飯都可以清晒，豉油甜甜地，又唔咸，下次想試吓滑蛋豬扒飯。3 餸車仔麵車仔面最大嘅好處就係想食咩就點咩，點了4 餸包括牛腩、豬紅、豬皮、美味齋，配河粉。另上辣汁加一蚊黎到食車仔麵，點可以唔叫呢度出名嘅辣汁，辣得過癮，直情想買佢哋既辣汁番屋企。疫情的確無之前嘅排隊人流，下次都會再黎食。

數次在這裏堂食或外賣，老闆娘的態度一次比一次惡劣，是因為最近人龍越來越長嗎？貪方便買外賣，佢明明見到你扮睇唔到....已静心等數分鐘後講了句：唔該，佢眉頭猛皺：乜放鬼晒啲人入嚟. 唔使錢都唔會再幫襯。睇返之前啲comments好多都話態度惡劣, 其實好食嘅滑蛋飯比比皆是, 點解要受氣？車仔麵極其普通，湯底味精重

順興可以話係大坑其中一間人氣地道茶餐廳，以前喺附近讀中學嘅時候，周不時都會同朋友一齊落嚟買返個滑蛋叉外賣，學生餐仲要只係30幾蚊非常之抵食添🤣畢咗業之後好少經開大坑呢頭所以都冇乜機會食到，今次難得同朋友嚟開呢頭就梗係要食返個滑蛋叉飯啦😋 由於呢間茶記出名平靚正，所以平日嘅下晝嚟到都會幾多人，可能要排一排隊。不過適合通常食完就會即刻走，所以都唔會話要等好耐，我哋今次大約等咗10分鐘都已經有位🤩-招牌滑蛋叉燒飯 $55 ; 滑蛋牛肉飯$50呢度有好多款唔同種類嘅滑蛋飯，可以揀蝦仁、牛肉、豬扒或者魚柳🍚如果你心思思想乜都試吓嘅話仲可以叫個三寶飯，食齊蝦仁、牛肉同叉燒添🤣今次我就叫咗個最出名嘅滑蛋叉燒飯據，而朋友就叫咗滑蛋牛肉飯😋滑蛋飯一如既往咁非常之足料，有好多舊叉燒同牛肉，差啲食唔晒添😂個滑蛋完全係精粹，食落非常之滑溜又唔會水淋淋咁，再加埋佢嘅自家調製豉油甜甜地，真係色香味俱全，啱晒撈飯食🤩

入到大坑 麻甩必食❤️滑蛋叉燒 +滑蛋豬扒每次黎必食❤️加埋鼓油,,,女既都食得晒🤤食完仲會不停回味!!個人比較喜歡滑蛋豬扒😬真係好好味😆😆人情味小店👍🏻

📍大坑馳名大排檔‼️ · 肥仔炒蛋菠蘿油🍍🍞 -- 順興茶餐廳😆💖·===========================Bookmark咗順興好耐，一直都好想試佢哋嘅招牌叉蛋飯同埋炒蛋菠蘿油😍上星期終於約到朋友嚟試😝平日中午嚟到都幾多人食咖，不過翻檯好快，等咗10分鐘到就入得😛------------------------------⭐️滑蛋菠蘿油（$26）我同朋友都係衝住呢個菠蘿油嚟！🤩聽聞晏啲嚟都會賣曬，而且menu仲係無寫出嚟🤫菠蘿包外皮微脆香甜，包體鬆軟😆炒蛋嫩滑濕潤，加埋牛油嘅油香真係好正，如果牛油再厚身啲就更正！💖------------------------------賣相：8/10味道：8/10性價比：7.5/10回頭度：6.8/10------------------------------店舖資料名稱：順興茶餐廳地址：大坑安庶庇街5號地舖前往方法：天后站A2出口

招牌滑蛋三寶飯 🍚 $66三寶包括叉燒 蝦 牛肉 對於我呢啲選擇困難症嘅人就啱晒啦 份量超級大 目測隻碟有兩隻手掌咁闊 一個女仔完全食唔晒蛋炒的超滑 鋪滿晒成個飯 配埋自家製嘅甜豉油 色香味俱全 蝦冇雪藏味 咬落好彈牙 啲牛肉亦好嫩滑 反而叉燒比較失色 切得偏薄 而且有啲鞋OVERALL: 大推薦🤩 (9/10)午餐來講性價比超高真係大分夾抵食 午飯時間通常都要排隊 但係上菜速度好快 所以唔會等好耐 我平日12點嚟就完全唔使排隊另外之前試過佢個滑蛋菠蘿包 隻蛋成寸厚而且菠蘿包外脆內軟 同樣好出色 建議大家都可以試吓

以前喺銅鑼灣讀書經常入黎大坑搵食，順興就係其中一間常到嘅餐廳，因為佢嘅滑蛋叉燒飯真係令人回味無窮，外面有d鋪頭滑蛋做得好好，但叉燒可能始終係攞貨，質料難以控制。惟獨順興嘅滑蛋叉燒飯，無論係滑蛋定叉燒都一樣有水準，再加上自家調製嘅鼓油醬，真係色香味俱全！我記得以前淨係得叉燒同蝦揀，但而家加咗豬扒、魚柳，好多選擇，我朋友點咗滑蛋豬扒飯，一樣咁靚，豬扒表面油光十足，睇見都流口味餐飲一樣夠晒大杯，好抵飲。惟一可以改善係阿姐隻手揸住支飲管，仲要放喺枱面，如果可以有獨立包裝飲管會比較衛生。

係網上睇到就心心念念想來大坑食一次菠蘿包，今次終於試到啦😜👉 滑蛋菠蘿油隱藏菜式，超級超級推薦俾大家必食💁🏻‍♀️十年唔食一次菠蘿包(驚肥)的我都忍唔住食左半個🤤新鮮出爐黃金色菠蘿包🌕配埋成寸厚的滑溜炒蛋🍳，外脆裡軟滑，一定要試下食😆👉 招牌滑蛋叉燒飯另一個必食之選就係佢的滑蛋叉燒飯🍛，半熟叉燒滑蛋🍳配搭秘製甜豉油簡直就係香港版的「白飯小偷🦸🏻」，不知不覺就食曬🙈P.S: 菠蘿包🌕同滑蛋叉燒飯🍛都係限量供應，中午好快就賣曬，記得要早D來😉

我同男朋友專登請咗日假去放鬆下，就research咗一間港島出名嘅地道茶餐廳試試佢。叫咗好出色嘅滑蛋菠蘿油同滑蛋豬扒飯，加杯凍奶茶～上菜幾快，啲野全部新鮮滾熱辣，最驚喜嘅一定係滑蛋菠蘿油。菠蘿包外皮雖然冇話特別脆，但面包鬆軟，夾埋厚厚嘅嫩滑牛油炒蛋，我地食完第一啖係驚豔到大家隻眼都撐大咗😂另外滑蛋豬扒飯都係招牌之一，一樣，滑蛋綿滑，豬扒鬆軟，份量好足，加埋杯好甜嘅凍奶茶(個人好鐘意個甜度同口感)，我地就嚟飽到行唔到haha順帶一提，大坑呢區真係每次嚟心情都好好，希望大家好好珍惜

嚟到大坑緊係要食呢間做咗半世嘅老字號茶餐廳，佢嘅滑蛋飯同車仔麵深受食客歡迎。秘製豬扒飯$54豬扒外皮酥脆，肉質嫩滑鬆軟，香氣撲鼻，已經切成一條條，方便食用。另上嘅蔥花甜醬汁淋落飯及炒蛋上撈埋一齊食，😋超級惹味呀！自選車仔麵$48揀咗辣汁撈幼麵及3個餸：魚蛋、蘿蔔、墨魚丸。幼麵爽口彈牙，辣汁果然非同凡響，混入麵中不但提升配料嘅味道，令人食上癮，而且威力之勁非常驚人，不吃辣的人要小心。配多一份即烘嘅厚身、外脆內軟油占多，大排檔風味餐到此為止。

📍#大坑 生意令人改變 🍝：原本諗住食叉燒蛋飯 不過太飽選擇咗食撈公仔麵！ 用佢哋個豉油汁撈！正！ 🔥味道依然唔錯！ 服務態度好咗好多！ 值得一讚！仲記得以前（3-4年前）長期排隊，服務態度極差） 成日好似趕客咁！依家生意冇以前咁好，一切都唔同晒. ：）依加可以食返。

叉蛋反，在電影"食神" 內叫黯然銷魂反，這店名氣大，去試試，叉燒是薄切夠瘦，叉燒本身不能叫好吃，但下的蛋漿份量很大，令滑蛋和普通叉燒構成了一道更好味的風景線，反而甜醬油應是這店的獨門功夫，令整個叉蛋反又推高半個層次，但始終和內心的黯然銷魂反有一定距離，考慮到只收 55元連熱飲，贏！！！！！

嚟到大坑 順興茶餐廳絕對其中一間必食嘅餐廳通常都有人排隊等位, 但等嘅時間唔需要好耐可能因為佢有室內同室外嘅選擇同埋通常都食完就走，所以唔使等好耐順興茶餐廳必食嘅絕對係佢嘅滑蛋飯！(11點之後先供應）佢有好多唔同嘅選擇！例如叉燒,牛肉,豬扒,蝦仁...個人嚟講, 我最鍾意佢哋嘅豬扒同埋魚柳首先份量足另外豬扒同魚柳都好入味,同個滑蛋配合得好好 真係好好味, 可以好快就食個飯再飲埋杯凍奶茶,次次食完都非常滿足！滑蛋豬扒飯$55滑蛋魚柳飯 $55