順興茶餐廳 (已結業)

涷奶茶就一般啦~~薑蔥牛撈麵幾好食，牛肉淋，多薑蔥!!!

去開新蒲崗搞些私事，順路經過，當然又試下這一間Openrice的贊助商。可能有亞運睇，所以就算4點幾，人客都幾多，仲個個望住個電視睇女子雙人跳水。叫了蛋球同鴦走少甜，蛋球雖然凍了，但外表硬淨，賣相不差。吃落蛋味都算足，略嫌內裡唔夠透，有點濕濕的，可能是放涼了的關係，相當新鮮出爐時會好一點的。雖然吃完還有點油油的，但配上熱鴛鴦又好像不錯。當然比起泰昌的是有所不如，但算是可以接受。埋單十五個半，街坊價錢，經濟抵食。

之前睇左介紹，見呢度有沙翁食，賣相都幾吸引，於是專程黎呢度試下。個沙翁黎到時，賣相同之前係介紹見的一樣，咬一口，第一個感覺係唔夠蛋味，隨之而來係feel到一口油，但總算鬆化0既....唔知係咪因為個沙翁凍左呢?相對黎講，之前係泰昌中環舊舖食過的沙翁，真係好好好好好味得多，無論熱辣辣新鮮出爐時，抑或凍左，都依然好有蛋味，同埋唔會一口油！

早前睇到報道，知道呢度有沙翁食，見賣相幾吸引，所以尋日專程去試下試。「真實」的沙翁外表同報道中的一樣吸引，外面舖滿糖，一口咬落去，尚算鬆化，但無乜蛋味，同埋feel到一口油，即時大打折扣。未知係咪因為凍左，所以口感咁油膩呢？相對黎講，泰昌中環舊舖的沙翁水準高好多，有濃厚的蛋味而且口感不油膩，無論熱辣辣新鮮出爐抑或凍左都keep到個味道。

2005年10月30日, 到此一嚐此蛋球,可惜失望而回, 因為,一看賣相沒什麼特別,另外價錢幾貴, 要$ 5, size 很小! 但一場來到, 要試吓! 雖有蛋味,可惜,太油價!!!!! 太多廣告宣傳! 以致抱有太大希望了! 我不會再吃!

我果日返開教會, 就同個朋友一齊去試下啦~睇左openrice既介紹~就想試下個炸蛋球...同埋奶茶啦~$$唔算係抵..不過我朋友叫既熱奶茶就好唔錯~好香..而我叫既凍奶茶就真係好普通啦~另外叫左個炸蛋球, 感覺幾新鮮, 不過最近我又去左另一間食~~食完再比較之下..呢間既炸蛋球都唔係太特別~而且原來要搵既~出面既茶樓都有得食~仲冇咁油tim~p.s. 我地係去食lunch~其他野都係好一般架咋

炸蛋球呢類食品的確愈來愈難搵,要好食,更難. 睇了食評,於是專程試. 結果,兩個字講哂- 失望. 整體而言,蛋球炸得尚算鬆化,蛋味不濃但仍可接愛.體積不小,五元一個亦不為過. 只可惜太過油,食到成口油,唔食滯至奇! 不過樽仔奶茶卻有驚喜,很滑又不太甜,有水準.

上星期日同朋友去食lunch，hard sell 奶茶一定要試啦！另外叫左海鮮炒烏東，同咸魚雞粒炒飯。奶茶真係幾滑，好正！至於兩個炒，炒飯好普通，反而炒烏\\\\\\\"東\\\\\\\"就正，我個朋友話落左沙嗲去炒，所以幾野味！

在網上看過介紹, 專程到順興試一下. 由於時間較為緊張, 只點了熱奶茶和旦撻. 杯奶茶果然有水準, 喝得出不是下價或中價茶葉, 因為茶味很濃香, 色澤均勻, 應是混了一些上等茶葉才有這個效果. 10元算是值得! 旦撻不太甜, 酥皮不太油, 幾ok, 都吃了2個, 3元1個比檀島的還便宜!!

專程去九龍城試下佢的懷舊炸蛋球。炸蛋球外形都幾大個，成個金黃色，外層佈滿沙糖，有蛋香味，雖然不夠鬆化，但不會一口咬落下去有一舊舊炸不起的粉團，炸得均勻，不過食晒都幾溜幾飽。另外老公食醬爆沙魚丸菠菜麵，我就食墨丸粗麵，墨丸夠彈牙，內裡仲有一粒粒的墨魚肉粒，而個粗麵淥得未夠透，麵餅還未完全散開。反而碟油菜又淥得過時，好諗。老公話奶茶幾有驚喜，又濃又香又滑。我就認為屬一般茶餐廳水準。最後再加多一客咖央多士，咖央味道較維記的淡，帶點似占味道，烘得好夠火喉，好脆口。

雖然現在很少茶餐廳做炸蛋球，但不代表做的就一定好。順興的炸蛋球內部過濕過淋，好的炸蛋球是不應這樣的。樽裝奶茶只能說不過不失，是茶餐廳該做到的風味。堂食比外賣貴三元是不值的。堂食何以要貴三元呢？難怪坐在裏面沒有人柯打樽裝的。大老襯了吧！蛋撻的酥皮一點也不酥香，不知道openrice的食家怎的可以收貨，還替此茶記寫好的讚的食評，順興的蛋撻沒蛋香，怎可合格？香港人吃了太多不合格的蛋撻了，所以難辨好壞？希望香港人到澳門地堡街的新大利那處學學怎樣做蛋撻才開門營業。

(17/9/05) 睇完個專題介紹, 一路都沒時機試, 今日一心諗住去, 落雨都要改天吧, 幸好男友仍說陪我去。^^來是想食咖央多士、沙翁、蛋撻、奶茶、咖啡、鴛鴦。不過唔餓, 唯有取捨。咖央多士好厚, 烘得好靚, 外脆內軟, 我唔清楚咖央本身味道, 只是覺得同之前試過其他地方的咖央, 好似奶油多咁, 哩度係唔同d既。沙翁, 極之失望, 好油, 唔鬆化, 攪到食不下去。鴛鴦, 尚可。原來就咁叫杯奶茶, 同叫樽仔奶茶, 伙計話唔同咕喎, 咪揀樽仔o羅。仲有, 有甜同少甜, 當然要少甜, 但都好甜, 令到想買枝樽仔咖啡走, 都No喇~多士好, 其他野麻麻jer! 讚, 是杯碟幾乾淨o羅。

今日難得過海, 就買左半打同朋友一齊分享~~佢地個個都話正!我都覺得!因為真係好香甜>﹏<我好鍾意~!不過其實都幾油...我用兩張tissue包住食,但隻手都有油...keep fit中或怕肥ge都係忘記佢la~

佢地隻樽仔奶茶真係唔錯, 同堂食味道一樣咁滑. 而且好方便, 不妨一試.至於蛋球, 都真係好鬆軟, 最緊要係唔太甜!!

第一次跟openrice個網o既推薦去食,果然冇老點.因為之前已經食左碗粉,所以今次只係食個蛋球.喱度o既蛋球比一般食到o既細個,但勝在夠鬆化,蛋味農旭,唔會話好似食個粉頭咁.而且好乾身,一D都唔油膩.又唔會太甜,完全食得出幾十年o既工力.