順日本料理 (已結業)

天后有一間日本料理，原來已開業多年，地點在巴士站附近非常便利，餐牌也有很多選擇。裏面環境也是比較classic的日本菜~.當中非常推薦#慢煮牛舌 、#魚濃湯 ，慢煮牛舌方面非常軟腍入味，而魚濃湯味道香濃又鮮甜，材料豐富，很是出色！.其餘一些小吃及壽司方面，#香煎鵝肝 表面金黃，裏面入口即化，味道香濃，加上香脆的多士底加添口感；#深海池魚壽司 也非常鮮味，.補充一點澱粉質，也不妨選擇一些定食類，#鰻魚飯 鰻魚較為爽口，質素不錯，選用日本米粒粒均勻飽滿，也有味增湯及沙律做配搭，豐富度十足！.#牛肉蕎麥麵 方面的牛肉花紋分布適中，熱辣辣的#蕎麥麵 也很有彈性，湯底也有輕微清甜。.環境好像去到正宗日本菜一樣，令我想起到日本旅行的日子，如果想重溫一下日本旅遊的感覺，不妨一試！.#順日本料理 (天后)📍天后永興街23號地下

因為疫情我都好耐冇去日本旅行，一直好掛住佢哋當地嘅壽司。呢間隱藏喺天后的居酒屋，食物的質素絕不比旺區的有名氣嘅小店遜色。牛舌烹燒得相當有水準，先不説餐廳用料優質，豐腴肥美牛舌咬落更是肉質細嫩多汁，美味可人。另外，不得不提的是餐廳的鵝肝多士！餐廳真心足料，一份錢，一份貨，鵝肝居然同件脆多士一樣咁厚大，師傅更將鵝肝兩邊煎得特别香，香口而不油膩，入口即溶的感覺十分难忘。最後，想介紹埋份蒲燒鰻魚。鰻魚丼飯是日本普遍的美食，实为居酒屋的必叫之選。蒲燒汁香味馥郁，甜而不膩的鰻魚醬汁，配搭肉質細嫩、肥甘味厚的鰻魚，非常可口！

星期六的晚上，我同男朋友黎到天后呢間隱世壽司店！餐廳雖然有晚市套餐，同外面的omakasa價錢差唔多，但喺我地都喺比較喜歡單點自己的喜好！先講講個蒲燒鰻魚，我毫不猶豫就叫咗整條！鰻魚烤得剛剛好，再加上表面嘅蒲燒醬汁，食落香甜可口，完全食唔到本身的魚腥味，配飯吃更是一流！另外，鹽燒厚切牛舌肉質軟嫩，鮮味十足，入口即溶的口感令我們都非常回味。最後，不得不提的是拖羅壽司，一舊要$125，果然無令我失望！油脂滿布的大拖羅，食落口感豐腴肥美，令我俩意猶未盡！

紀念日當然要食好啲啦😗仲記得嗰日喺銅鑼灣行完街之後去咗散步，行行吓就行咗去天后，見到一間好有日本特色嘅日式料理餐廳。我哋二話不說就入咗去，原來壽司全部都係即叫即製，由壽司師傅係你面前整，夠晒新鮮同埋有日本風味啦😍我叫左個Omakase，即係廚師發辦，由廚師對菜式作出主導，客人把信任完全交給廚師，由他來為你挑選最優質、最時令的食材，也是很多美食家品味日本料理的「最高境界」。OMAKASE 有頭盤開胃，廚師發辦嘅壽司🍣，天婦羅🍤，紫菜蜆湯，仲有甜品🍮。非常滿足！朋友叫左個壽司🍣拼盤；壽司嘅種類非常多，食材好新鮮，我見到好多都係廚師由一條完整嘅魚切出嚟嘅刺身。順日本料理 (天后)地址：天后永興街23號地下味道：💕💕💕價錢：💕💕環境：💕💕💕💕💕

難得約到好耐冇見嘅好朋友，所以要揀間好啲嘅餐廳去試吓😋食下高級日本料理！第一個要讚嘅係環境好舒服，靜靜地下傾偈，坐係吧枱仲可以睇住師傅整嘢食傾下計🥰我哋大概六點幾到，得我同朋友兩個人，好似包場咁☺️之後就陸陸續續有客人嚟，都幾好生意！我哋叫咗超多嘢食！🤣玉子（厚厚嘅玉子超鮮甜，好濃郁嘅蛋味）海膽（入口即溶，味道好鮮好濃郁，不過價錢可以平返啲）左口魚（好爽口，好新鮮，厚肉）牛肉鍋🍲（個鍋份量都幾大，牛肉份量都幾多，抵食！）什錦串燒🍢（入邊有四款串燒，啲串燒嘅款式都幾特別，有雞肉：入面有碎雞軟骨，好有咬口、雞軟骨：好香口、冬菇：唔會燒到好dry👍🏻、大蔥：最特別居然係條看似平平無奇嘅蔥，外邊唔食得，入面超嫩口超好食！加埋檸檬汁別有一番風味！）清酒煮蜆（啲顯好大隻肥美，而且好鮮甜，又有嗰種海水嘅鹽味，加上佢個清酒一齊煮，個湯都好好飲）燒番薯🍠（好食！好食！好食！外面鹹鹹地，裏面甜，外脆內軟，呢個口感平時其他店好少食到，正！）鰻魚飯（鰻魚超好食，超肥美厚肉，鰻魚分量超多，而且啲飯好軟熟，加埋啲鰻魚汁，真係淨係食啲飯都覺得好好食😋，仲跟埋湯、配菜同沙律，本店必點👍🏻）經理嘅服務態度好好，而且好料事

最近都係港島返工，同朋友都喜歡吃日本菜，知道天后地鐵站附近有間食日本菜既餐廳，餐廳由日本人開，知道這餐廳很久了，一直都想去吃，現在疫情應該少人一些。於是星期五，一收工就過去吃了。首先，我們要了2罐啤酒， 配菜就要味淋魚乾。喝喝啤酒，吃著雞泡魚乾，整個人馬上放鬆曬。我們要了刺身(梅)， 有三文魚，帶子，蝦，油甘魚，三文魚好肥美，帶子非常新鮮，蝦很飽滿，又彈牙，油甘魚幾鮮甜，碟底有蘿蔔絲，海帶和香葉，配上一片薄薄的檸檬，賣相精緻。三文魚海膽飯，三文魚腩切得很厚身，新鮮得黎，食落好鮮味；海膽也是同樣的新鮮，入口即融。我最欣賞的是它的壽司飯，吃起來有種香味，飯顆粒分明，很有嚼勁。另外，還送上一碗熱騰騰的麵豉湯，整頓飯就非常滿足了！

平時都很喜歡吃日本菜，因為疫情關係，今年都不能去日本旅行，順便大吃大喝了！一直有看飲食雜誌，知道天后有間日本人開的餐廳，店鋪裝修雅緻，店員親切有禮，這個星期五晚，就約埋好友試下這間餐廳啦！啤酒The Premium Malt's極易入口，濃度也夠，很好飲。味淋魚乾魚乾切成一條條，容易入口，用糖醃製過，軟糯得來又有咬口，作為下酒一流。深海池魚壽司 池魚幾厚身，入口鮮味。鲑魚子壽司魚子十分大粒，經過醃製，啵啵脆，甜甜地，配上壽司飯，味道一流。大蔥金槍魚魚蓉卷一碟有6個小卷，碎碎的大蔥，魚蓉包在壽司飯中，一口一個，魚蓉和大蔥的香味滿口都是，令人回味無窮。三文魚海膽飯海膽放在綠色的紫蘇葉上面，下面鋪滿黃澄澄的三文魚片，賣相相當吸引。再加上附上的味噌湯，不同於一般的粉劑沖泡的味噌湯。店鋪用上新鮮的白蘿蔔，紅蘿蔔，冬菇煲，非常鮮味。

順心。日本料理想不到在天后也找到家日本料理小店，環境幽靜。 店裏有兩位日本廚師在準備做菜， 我們就選了旁邊的小桌子吃飯。燒銀鱈魚定銀鱈魚不是很多地方有得吃， 見到這裏有銀鱈魚定食，就立刻點來試一下。 銀雪魚份量不算多， 但是看上去非常令立立， 好新鮮似的。 食落去幾乎入口即溶， 香軟的魚油充滿整個口中。 上面塗上一層日本燒汁，更加能夠帶出銀雪魚的鮮味。 配菜有一些醃製蘿蔔薑和沙律， 再加一碗日本米造的白飯，感覺非常清新。燒牛肉飯燒牛肉飯色澤鮮嫩，選用上級牛柳，咬落去非常香軟。再加上那日式燒汁醃得非常入味。 這個日本米煮得很煙韌，生熟度剛好，粒粒分明。牛肉配白飯就是最好拍檔。 旁邊的沙律有生菜，蕃茄子和粟米，食材也非常新鮮。配上一些酸醋汁，特別開胃。

Dinner連宵夜時間 最好食日本料理🇯🇵啦，因為款式勁多、份量又可以自己控制🙂有人一齊食仲可以share菜式甚至Omakase。話說上個禮拜同媽咪一齊去食天后呢間「順日本料理」媽咪喜歡食三文魚🍣，厚度適中我喜歡食鰻魚飯，肥美鮮甜🥰 口感煙韌，Oishi おいしい❣️ 還有海鮮鍋🍲 集鮮蠔、海蝦、蜆及蔬菜配料於一鍋，新鮮惹味😍 大大滿足～ 可惜胃只有兩個，下次再試其他菜式啦。😋依間日料值得再來。

最近工作壓力好大，一放假就好似放監咁，所以放假又係食好西嘅時候喇❤️，今次係食日本菜😍我哋叫咗2人商務餐💕-第一道餸係海帶豆腐沙律，酸酸地好開胃豆腐亦非常滑，係一個好清新嘅沙律。-第二道餸係雜錦刺身，分別有帶子、蝦🦐、三文魚、油甘魚💕，新鮮肥美，而且仲好鮮甜呀❤️-第三道餸 清酒煮蜆 酒味濃郁 蜆肉鮮甜 而且一啲沙都冇呀👍🏻👍🏻好味到係咁不啲湯你飲😅😋😋-第四度餸 燒牛肉 一上枱擺碟好靚 旁邊仲有啲紅葉仔裝飾 口感嫩滑 幾重牛味🥰-第五道餸 野菜雞肉鍋 雞肉好特別 整到好似雞肉丸咁 而且啲菜煮得好入味✅-第六道餸 鹽燒鯖魚 廚師熱辣辣燒出嚟 好香脆 而且肉質嫩滑👍🏻👍🏻-第七道餸金槍魚碎飯& 甜蝦碎飯 睇住廚師喺眼面前每一啖都有🙈 細細碗 但份量都幾多下，鮮甜💕-第八度餸 係甜品 係泡芙🙈有一個完美嘅作結。除咗呢個商務餐，我哋仲叫咗一碟雜錦天婦羅，炸得好好味，而且唔會好厚粉，非常讚❤️👍🏻下次要過嚟食佢哋嘅omakase 🦐。

好掛住日本，但係疫情都仲未完全搞店😫，唯有搵下邊度有高質日本餐廳，止下口癮😂。於是今日黎到天后，當然就係知道呢有間高質隱世日本店啦🤩。。小編今次叫左個二人前定食Set Dinner for 2 $650。。海帶豆腐沙律有海帶蟹籽豆腐，食落酸酸，作為前菜好開胃👍🏻。。什錦刺身而甜蝦、三文魚、帶子、油甘魚，好新鮮鮮甜😋，而且大大隻，好食😝。。清酒煮大蜆每隻蜆都又大又多肉，食落好鮮甜，而且好入味，酒味濃郁之餘，亦都好重牛油味🤩，好食到停吾到口。。照燒牛肉照燒汁好濃，而且牛味好重，肉質嫩滑，入口即溶🤤，另外值一讚即係個擺碟好靚，記得一定要相機食先🤣。。野菜雞肉棒鍋好大既一個鍋，入面既菜煮得好淋好入味，另外雞肉棒口感好特別，不錯👍🏻。。塩燒鯖魚皮干肉嫩，燒得岩岩好，食之前再加上幾滴檸檬汁，口感味道再提升一個層😋次。。甜蝦蓉飯口感好軟嫩，蝦蓉既鮮味完美融入飯度，每一啖都好香😙。。金槍魚碎飯同甜蝦蓉飯完全吾同，但係又各有特色，呢個食到金槍魚既獨特口感，令人回味☺️。。甜品最後當然吾少得一個美味既士多啤梨泡芙作為結尾😝。。另外小編仲叫左個雜錦天婦羅 $140有茄子、大蝦、菇、南瓜、麵條，擺碟非常之亮麗，

天后隱世日本菜🇯🇵原來平時搭巴士翻工都會經過的永興街有間隱世的日式餐廳除了有人推薦CP值高的omakase，還有很多日式料理，比如串燒，丼飯，蕎麥麵及一些定食套餐。 今次兩人去到就點了個二人前定食 $650 ，分別有前菜，刺身，熟食，串燒，迷你丼飯及甜品。非常豐富，食落都好飽！前菜就有海帶豆腐沙律，豆腐面鋪滿了海帶，配上醋酸酸的味道很開胃👍🏻👍🏻什錦刺身都好吸引，唔整係擺設靚，刺身都好新鮮。帶子厚實鮮甜，想再encore🥰甜蝦好大隻，彈牙清甜🦐三文魚腩肥美甘香，不過不失🍣油甘魚都係好鮮甜清酒煮大蜆好入味，煮到蜆肉都非常有味，有小小苦味。隻隻蜆肉都好大粒，而且份量都多！照燒牛肉係我最想再食的，牛肉燒得剛剛好，真係唔洗點咬，肉質非常嫩口，加上燒汁就完美。野菜雞肉棒鍋係今餐蔬菜的來源之外，仲有雞肉棒，平時食串燒必點的，加左落個鍋度，都好食，唔會浸到淋曬，都好有口感。鹽燒鯖魚推介比愛吃魚的朋友，燒得好好食，皮脆肉滑，平時屋企蒸都冇咁滑肉。

早排去左天后呢間順日本料理，食物方面挺高質的，值得分享一下。餐廳以和式設計，感覺上幾舒適，至於食物均由日本資深師傅烹調，聽聞響日本更有30年料理經驗。一味「梅」刺身 $290，擺盤精緻，分別有帶子、三文魚、牡丹蝦、深海池魚每樣兩片，厚薄平均，刺身的口感既新鮮又肥美。再來一客鰻魚定食 $180，鰻魚蓋滿飯面，份量十足，香濃的鰻魚燒汁，淋滿肥美鰻魚之上，滲透白飯底部，粒粒飽滿可口。配上麵豉湯、雜菜沙律，令整個定食即時變得很滿足！

最近和有人計劃食日本料理。經過有人的推介我們到了位於天后的日本料理嘗試他的定食。這次我們沒有點omakase但若然各位想嘗試的話，這間的omakase也絕對不會令你失望。這次我和朋友二人點了一份二人套餐另外加了一個三文魚親子丼。先說一說二人套餐，二人套餐的份量相當足夠，不論是前菜的海帶豆腐還是各種煮食。若不是我們想再吃多一點三文魚我們應該點一份二人套餐便足夠了，當中絕對要提店舖的刺身，店舖的刺身相當新鮮。三文魚能保存原有色澤也很鮮味，鮮蝦也相當厚肉，然後還有清酒煮蛤蜊，蛤蜊的肉質相當嫩滑，一看便知道絕對是新鮮的，不是急凍。而我相當喜歡該餐廳的刺身每一款刺身也能給到我驚喜。此外，我很喜歡餐廳的環境因為整體氣氛很舒適而且很安靜。

人到中年，墮性逐漸浮現，唔再好似年輕時狂妄自大，果份積極、野心、進取通通都被埋沒下去。慶幸當我係「順 日 本 料 理」回頭一望，見到每一位師傅擁有像神一般既手藝，蘊藏住壽司之神般既力量。重新燃點起我心入面沉睡緊既靈魂，我感覺到呢刻，大師兄返黎啦，將我從深淵裡面拯救出黎。👇📌刺 し 身 -▪ 刺 身 盛 合 せ · 梅 - $290▫ 識食一定會揀呢個「梅·刺身拼盤」，集四大港人最愛既三文魚、油甘魚、帆立貝、赤蝦，簡單四款口味足以令人欲罷不能。就算係拼盤，賣相一樣做得精緻仔細，三文魚厚切夠大份，食落肉質飽滿，鮮味十足；油甘魚油香豐溢，每一啖係口腔都滲透住魚香味，正！，而帆立貝夠哂鮮甜無比，無得頂；最後要大讚赤蝦蝦身充滿豐富蝦膏，蝦肉又夠爽彈，簡直係滋味無窮呀！📌揚 げ 物 -▪ 天 ぷ ら 盛 合 せ - $140▫ 輪到另一亮點「什錦·天婦羅」，以海老、茄子、菇、蕃薯為主角，佢地既天婦羅同平時食開完全係兩個層次，全因佢地既質感做到相當脆薄。尤其是海老咬落相當厚肉，而且唔會一擺低就變腍，就算影相影耐左都保持到爽脆既口感；加上食完完全無果種油膩感，炸得非常乾身，呢個真係要比個叻佢地。