順德漁鮮酒家 (已結業)

(1) 霸王雞 - 肉好嫩滑, 好夠味, 個汁很好味(2) 油浸荀殼魚 - 是一條普通的炸魚, 以前未搬到這裡來時做得好味好多(3) 排骨蒸陳村粉 - 是用鮮排骨做的, 幾好(4) 瑤柱蛋白炒飯 - 少油, 好香及好味(5) 例湯 - 蓮藕煲豬肉 (好一般, 知道order皮蛋豆腐魚湯好過)(6) 花膠花菇鵝掌煲 - 花膠不夠厚及不夠淋, 味道一般(7) 醬燒骨 - 好正(8) 白雲鳳爪 - ok, 以前有沙薑叫好食好多(9) 三寶 - 蜆介鯪魚球(好彈牙及好夠魚味), 蒸釀青椒(好味), 煎藕餅(好味)(10) 蝦醬炒通菜 - 好味(11) 紅燒豆腐 - 最受歡迎的一個(d豆腐好滑, 好有豆味)

2008年04月12日。15:15週末又和太座茶聚，選了這家河鮮專門店。開茶時已是下午三時一刻，祇餘下兩檯客，便問伙計是否馬上下班，伙計回應仍可下單。便匆匆選了數樣點心和要了兩枝金威。魚蓉粥：魚肉鮮甜、生菜清鮮、粥底綿香蘿蔔糕：蘿蔔少而粉多，一般水準煎藕餅：蓮藕清甜、魚肉鮮甜，不會太油魚片蒸陳村粉：鮮魚片食味不會差，陳村粉即蒸，不覺過硬。山竹牛肉：粉過多，味道一般鯪魚球：鮮味、軟滑細金威特價HK$10.-開雙，夠冰凍。但個人更喜愛德國配方的老青島。魚形的豉油碟和開瓶器幾特別。2009年一定會再去。

食西餐食到悶晒，咪週圍搵d唐餐食囉，見到呢間酒樓樓下有食家介紹，所以就試試，D 野OK la, 唔係好貴，仲幾好味架！尤其是蒸漁咀同鯉漁煲, 好食。不過d伙記就要再培訓一下（比較粗聲粗氣左小小），但大致上唔錯，我會再去食飯！

1.豉汁蒜蓉蒸筍殼 ~ $12/兩,侍應講明連魚尾一整條上,不過會開邊蒸,因我只要一斤.但上枱竟然是無魚尾,氣憤! 魚無魚味, 蒜無蒜味,差!2.薑汁芥蘭 ~ 一滴薑汁味都無.3. 金針雲耳蒸田雞 ~ 好彩田雞唔新鮮的程度不算太高,金針雲耳都好難唔好食啩!怒氣的還有那免費糖水,送了一個鐘便話無得送.

噚日真係去錯舊舖！不過新舖都好易搵．叫咗幾款招牌菜：－　蓮耦餅拼盤係最正！必食之選．－　炒鮮奶，淡咗ｄ．－　霸王雞，有ｄ失望因為唔夠嫩，可能隻雞太老－　豉汁欖角蒸啜魚，鮮甜肉滑，唔錯．－　排骨蒸陳村粉，太乾！－　例湯：木瓜煲魚，無腥味，好！

記九月上旬晚餐收工同朋友到附近搵食，天時暑熱，有點口淡只想找點輕食，飲碗湯水。附近住家菜排著長龍，有點累，近期順德魚鮮炒得火熱，又來喝碗魚湯。七時許，已坐了下班族，真熱鬧，佔了張四人檯，看看餐牌，雖然街坊價，奈何人少叫不大受好評的小炒，要了碗魚頭湯及煎焗魚咀。魚頭湯奶白濃調，下了蒝荽去腥，仍喝到點點腥味，始終是河魚湯這程度也可接受，奈何下了點師傅，喝完要喝茶解渴，隔出的渣最好吃是豆腐，最後叫了碗白飯充作泡飯。煎焗魚咀，四件魚頭對半開，下了蛋漿煎的，很奇怪，河魚頭當然嫩滑，魚鮫位置亦吃得到美味的膠質，奈何雞蛋劃蛇添足，很油很難頂，差點要叫十八元兩支的藍妹解油！街坊價街坊質素，也無好厚非，多人來的話吃幾味河鮮是幾經濟的。

早前的飲食節目介紹這間河鮮的專門店，今日趁星期天到來飲茶，試一試他的味度。呢度的環境、製修服務都很舊式，是那一種八十年代的一種，不算太衛生，可以接授咁啦，可是價錢卻是中下價，在銅鑼灣這個區來說是非常之平宜，好像今餐只吃了二百元，大件夾祗食的了。炸鯪魚球炸得唔錯，蜆介不太咸，其他點心中規中舉，煎魚餅和春卷都很香口美味，可能這裏造的炸煎類點心都有不錯的水準，陳村粉就比較硬身較失色了，而那個元西皮蛋魚骨湯就很足料，有很多的魚骨、皮蛋和元西，味度充滿了魚鮮味，很好，可能這是造河鮮的專門店吧。這裏會在十二月搬遷，大家要留意了。http://icuteee.mysinablog.com/index.php?op=ViewArticle&articleId=1437111

oct 26, 08,6人嚟dinner,叫咗 : 1) 霸王雞 (1/2隻)-雞肉帶彈性,又整得滑,友人們都話算有雞味-所以值得1讚-其1友人嫌叫得太少,應該叫1隻 2) 咕嚕肉-因為其1友人唔多鍾意食魚,所以叫咗呢味-但肉切得薄咗d,亦唔鬆,無嘜質素可言 3) 上湯海蝦伊麵底-蝦都算大隻...........又有膏,但無鮮味,我食嗰隻仲唔多爽,有d金肉其外feel-而個伊麵望似好腍又多水咁,但入口又估喺唔到,反而有d口感喎 4) 油浸筍殼魚-用油泡到外小脆挺,肉嫩-水準保持到 5) 煎藕餅-友人想試嘅菜-足料,無煎到脆挺/香口,以食原味同住家feel為主-還是覺得灣仔嘅生x做得出色d 6) 蒜蓉唐生菜-正常 7) 5豆糖水 (送)-足料,不錯- 先多謝友人請食飯 - 初時我揀呢間喺因為友人話佢好似做埋今年唔做............吹晒水咁............原來喺在12月初搬去 銅鑼灣軒尼詩道467-473號建德豐商業大廈閣樓及1樓 - 其實呢間喺食魚嘜魚物嘅河鮮最出色,以前我食過佢嘅特首宴,真喺好掂................所以唔多建議叫咩咕嚕肉呀..........

兩個人叫左三餸一湯，好多？又真係好似幾多，只怪順德漁鮮提供左唔少選擇。例湯無乜特別，所以試下叫個芫茜魚骨豆付湯。奶白色既湯，豐富既魚味加上恰當既芫茜味，我一口氣飲左好幾碗。最好係呢個湯連湯渣既味道都唔錯，唔計較賣相既話，皮蛋、魚骨同豆腐都足以做到一碟餸。我地剩係完成呢個湯都已經飽得七七八八了。煎藕餅可能食慣左自家製一大塊既蓮藕，反而覺得依間既煎藕餅有 D 特別，一粒粒既蓮藕粒釀入一大塊魚肉。不過點整都好，今次既藕餅好脆好香口。魽魚應該讀「金」定係「鉗」？間間都有唔同讀法既？不過唔好理，最緊要好食。呢度既魽魚煎得表皮香脆可口，但係入面就嫩滑依然。入口雖然無鹹水魚咁重味道，但係淡淡然既清新感覺其實都令人一再回味。蒸白鱔可能係較失色的一味，鱔圈本身好瘦，每圈都只係得大概兩張 SD card 咁上下既大小，不過味道其實都唔錯，豉汁味能夠混入鱔圈之中，而且肉質有彈性。整體黎講係唔錯既一餐，不過同一般中式餐館一樣，呢間酒家好嘈！

竟然由自己接龍... 唔緊要, 好食唔怕講多次.都仲係三人飯局,1. 芫茜魚骨豆付湯: 例湯唔岩飲, 翻兜一下, 味道同上次一樣好, 只係芫茜少左.2. 順德煎藕餅: 魚肉好夠彈又夠味, 藕粒似馬碲爽一樣密集但藕餅依家實淨, 外邊煎得香脆唔油膩. 最後果件放左半個鐘依然好好食.3. 污糟雞半隻: 從來未食過, 感覺似蒸滑雞(就係東菇換左榨菜紅棗囉). 醃得幾夠味又滑, 但係雞件本身無乜雞味, 又好鬼肥, 個人評價一般. 4. 鼓椒炒黃鱔: 失敗之作. 極之油, 黃鱔切件大小非常不一, 有D係鱔片, 有D係鱔碌. 鱔唔係完全無味, 但係鼓椒太強又太油膩, 食左兩三件就投降.5. 欖角蒸荀瞉: 又係斤二魚. 原來用欖角更好, 岩岩補足左荀瞉食味不足. 下次試埋鼓汁.朋友話抵食過順德公, 搵次去佐敦比較下先.

三個人晚飯, 原來想去百里鮮打火鍋, 路過樓下, 有人轉軚想食順德菜, 也好.一人點一個, 再請伙計介紹. 簡單點了五送一湯.1. 芫茜魚骨豆付湯. 浮白色的湯水去渣做得徹底, 色澤怡人. 入口甜到不得了, 芫茜滾至剛熟, 無爛且仍然青綠. 撈起的湯渣, 魚骨豆付均炸透才下湯, 吃下仍十分滋味.2. 大良炒鮮奶. 片片成塊, 夾得起, 但不覺太油膩且相當滑. 可惜奶味很淡, 松子仁和蝦仁作配料是悅目, 但對食味無甚幫助.3. 鼓汁蒸魚咀. 鼓汁味夠下飯一流. 魚咀滑, 絕對新鮮, 但嫌火喉太淺, 魚較的者喱太生. 4. 清蒸荀殼魚. 蒸荀殼是伙計推介, 我自己就未試過. 斤二算大魚一條, 魚的鮮度和清蒸的火喉皆無懈可擊. 但荀殼魚本身味道很輕, 似乎油浸和鼓汁蒸會適合點.吃後全無口渴之感, 相信味之素成份極少至無. 以上加靚仔三個, 埋單518, 於銅鑼灣是可以有餘了. 見食友食雞食得起勁, 必然再訪.

前幾個星期同事話發現了一間平靚正酒家食午飯, 我哋第二日, 同事帶我去順德漁鮮酒家食午飯.... 未到之前我估計係咪平靚正? 去到我一睇菜牌同茶餐廳價錢差不多, 而D餸有D特別好多淡水魚, 我就叫左個蒸魚飯真系好好味, 價錢都吾洗$40 (包括加一茶芥添). 之後我們隔一兩天就會到順德漁鮮酒家食午飯. 雖然無裝修但系有好多名人系到食; 今天聽我同事講這個地方只會做到年尾因為加租加得好勁所以吾玩. 我聽到之後就同我這位同事講今個星期都去順德漁鮮酒家食午飯, 如果佢真系吾做我就小左選擇 la....

尋日老豆放假, 話要提前同我慶祝生日, 佢知我鍾意食蟹所以提意去"喜記".諗諗吓我地一行七人, 叫兩隻避風塘炒蟹再加其它小菜, 唔駛三千都二千幾啦! 無謂要佢老人家破費喇, 所以我選擇去未去過的順德漁鮮.一共叫咗十碟餸12支細啤, 埋單一千蚊有找...非常之抵! 花膠海參鵝掌煲 $118 - 份量足, 抵食 醬燒骨 - ok, 普普通通薑葱班腩煲, 特價$55 - 雖然是特價, 一D都無偷工減料, 班腩好新鮮, 好多薑同葱, i love it 煎焗魚咀, $98 - 其實即是魚頭的下半部...魚咀好滑, 沾左小小蛋才煎, 不錯! 釀尖椒 - 煎得夠香口, 又唔油環境唔算好好, 樓底比較矮, 就算隔離唔係好大聲講嘢, 都顯得好嘈....(只是比東宝好少少)總括來說,以咁啲價錢係銅鑼灣食到十碟餸, 而且碟碟都夠晒份量, 味道又不錯...真係好難得! 一定會再光臨!

父親節晚餐，一於試下。點了四盆菜：(豆豉蒸)荀殼魚、煎釀三寶、瑤柱瓜甫及菜心。荀殼魚20兩重，蒸得剛剛好，肉質鮮嫩，入味，一點也不老；煎釀三寶必吃，鯪魚很鮮，煎得很香；瑤柱瓜甫的瑤柱吃不出渣。盆盆份量很足，味道相當夠，不用點豉油。不要求優質服務和舒適環境者，是用餐首選之列。

公司同事生日飯局,同事近近地選了這間充滿懷舊的酒樓,光顧這間酒樓的人感覺上多數是上了年紀的人,枱布還是粉紅色的,充滿懷舊氣味!霸王雞很好味,肥而不膩,但價錢比較貴$190一隻,但大大隻!一定的炸蜆芥鯪魚球,大大粒,像浸一樣大粒!還有花膠海參扒菜膽,煎釀三竇,大良炒鮮奶,筍殼魚,是我第一次食的筍殼魚,同事極力推介..因佢十分喜愛!甜品是綠豆沙!