順德了能菜 (已結業)

話說我地11點半到之後，本黎霖住入去開飯啦，點知道入面d夥計好似兇神惡煞甘，話12點先開市！我明明見到你哋門口系寫11點開市！！！！不單止無禮貌之餘，好似趕客甘，第一印象減曬分啦。好啦，我地就周圍行，行到你12點零五分我先入去。一入去，一陣好臭的味道撲鼻而來，周圍望望，先知道原來間餐廳講養魚啊養蝦d魚缸全部放系室內！！！！唉呀，甘的環境邊度有心思吃也啊，如果唔系失魂買咗團購，我真系馬上走出去。好啦！其中一個夥計過黎招呼我地，話就話招呼，但系態度真系唔多好了，愛理不理甘。我話我地系團購，然後距挪咗個單過黎，叫我地勾。我地左霖右霖，勾咗幾個貌似好招牌的菜。後尾發現其中一個想換一換，馬上穩夥計體下可否麻煩距幫手改下啦，點知道距居然體咗無兩眼，話唔得喔！個菜系甘噶啦，無得該啦。。。我怒火中生啊！千等萬等，終於上黎第一道菜，就是杏汁豬肺湯，霖住依排BF成日話咳嗽，就order這個。這個是今餐最滿意的，足料、味道鮮甜、新鮮！也只是唯一一個令我對這裡的湯還抱有希望的。跟住上咗依個，真系細都無有人啊！團購而已，都不用甘偷工減料啊！入面幾乎每隻都系空的，吃完之後都無知自己吃咗d咩也，更加唔好講話這個有多鮮甜啦。一個乳鴿和幾塊雞：乳鴿有點過火啦，太lou啦；而雞真系肥！肥到都唔甘吃，油又多，非常唔健康！大良炒鮮奶：本人對牛奶雞蛋十分中意，無料這碟真系強差人意，居然白色的鮮奶中見到點點黑色的獲點！而且炒得唔夠熟，很明顯體到個師傅系隨意做出黎的。啫啫芥蘭煲：這個真系激氣。明明菜單系寫“煲”，但系上黎臺面之後何來有煲呢？我已經失望變成絕望啦，都唔想再去噻氣穩個夥計同距計數，將就下就過去。而且这碟真系鹹！XO醬陳村粉：最後一道菜啦，都對距不抱有好大希望。肥咯，貌似依度碟碟都好重口味咯。吃到成肚火啦，仲比BF話我以後都唔好貪小便宜啦，團購SAY NO!!! 依間餐廳SAY NO!!!!!!!…查看更多

個o能字要加個口先岩, 真係咁x了o能? 即管試試淡水龍蝦伊麵 (真係淡左d, 蝦味唔夠濃郁, 不過啖啖肉, 算啦; 麵先係主角)豉酒鵝 (好似芋頭炆鴨而已,味道好濃咸左d)煎魚餅, 辣椒釀魚, 杏片包魚球 (住家煎鯪魚野咁,都幾好食,但無乜特別) 魚腩煲 (講過係唔知咩魚, 食落都係差不多普通既魚咁)xx骨煲 (普普通通中式骨咁既味) 排骨陳村粉 (無乜汁撈d粉黎食, 搞到太乾唔係咁好食)試完都覺得唔係咁x了o能而已,可以當普通食飯咁食…查看更多

經常在附近行過, 見到間餐廳的名字幾得意, 剛巧見做團購, 就試下啦, 唉, 估唔到一肚火咁走!!團購$168 二人餐, 食物質素超差, 燒鴨的肉霉的, 叉燒硬到飛起!:(其他的也不見得好, 而且份量很少, 碟炒飯很油!!!最令我不滿的是, 團購明明只寫要收加一服務費 $16.8/ 二人餐, 但買單時, 要收多每人$20 茶位費, 共$ 57 .我們說團購沒寫, 他們就大聲說: 去酒樓食飯梗是要收茶錢的啦, 仲使講! 態度很差, 不是哪幾十元的是, 一向團購都列明特別收費, 現在食完, 你又話有特別收費, 感覺被騙!!變相我要給$225 食呢餐, 那實在太差啦!!!!參加團購都是貪平喈, 估唔到咁貴, 仲要不歡而散! 唉, 下次團購真的要想清楚!…查看更多

Knowing this restuarant for a long time & they are regulary having groupon on website, so we reserve a table for 4 during a winter evening.Its simular to a local cantonese style restaurant which we used to go since decades before, there's around 30 tables in a crowdy area though we make appointment within 7:00 to 9:00 (2 hours only!)dishes included medium-shrimp (deep fried style with garlic & pepper)is too oily!unique Shun-tak style chicken : taste normaldeep fried 3 snacks with fish-meat are in good persentation & good taste too fried chan-chun noodle, egg-noodle & beef in chilly soup style while we can receive a free pot of crab-sticky rice for 4 customer per tableice-cream mochi (kowloon-dairy style) We think the group price is acceptable though the environment is a little bit noisy, then service (lack of manpower) is below standard during peak-hours ( i.e. wait for 10 mins to refill a pot of tea!)In conclusion, the dishes mostly ok but too oily, thus one of us say that is not the antique Shun-tak style, I don't care !…查看更多

今次是第二次光顧，買了一個團購2人餐，因為不只2人，所以打算再加散叫。單就團購餐而言，整體感覺一般，沒有什麼特別出色，但勝在可以多試多點食物。結果我們選了：1.響螺湯，味道都ok.2.燒鴨和燒鵝，都ok3.啫啫芥蘭，味道不過不失，份量適中。4.大良妙奶，都幾香滑，可以一試。5.炒蜆，味道一般，而且有好多打不開。6.xo醬沙陳村粉，感覺一般，味道跟普通炒河粉差不多。至於團購以外，我們點了一條新鮮的花斑，雖然這條花斑的價錢比起這個2人餐還要貴，但吃落都值的。因為它真的很生猛，而且蒸得剛剛好，很滑，很清甜，最重要是不用拆魚骨，吃得很放心﹗good!…查看更多

早去到, 不用等位, 星期一晚, 未算很full,團購六人餐,一入餐廳有一陣濃烈的花露水味, 不太好受,食物如下:不算便宜, 但可以接受, 不妨一試也可!…查看更多

家人喜歡吃魚，特來吃煎焗魚咀。煎焗魚咀 $178魚咀滑，煎得香，連骨也可以吃。魚腸蒸蛋 $88真的有好多魚腸，足料。咕嚕肉 $88太dry，唔得。嘢食就可以，但服務就唔好，真的唔好。話說我們一枱和另外兩枱都吃到七七八八，侍應對我們特別「關心」，時常「關心」我們，包括提議我們埋單、立即收走碗碟等「請人走」招數。侍應眼下有：A 我們一家人，只有啤酒未清，未埋單。b 我們隔離枱，早我們來，已埋單，坐住不走。C 強國人枱，早我們來，亦只有酒未清，未埋單。結果，當我們一清完啤酒後，侍應上前，說我們隔離枱(b 我們隔離枱，早我們來，已埋單，坐住不走)下一輪將有好多人，叫我們現在坐迫d。趣怪的事出現了，我們隔離枱依然坐著已埋單不走的人，新客未到，我們一家人就已坐迫d了。侍應可能見一家人有老有幼，一心刁難，三番四次令我們坐得唔自在。終於長輩發火，不歡地埋單走人。其實當時有d驚，因為佐敦龍蛇交匯，長輩痛斥侍應催促，真的不知出門後會否被……….結果是無事，但如此想催促客人走的食肆，同街已有一間，可是人地收20到40元，你順德了能菜是人均消費90元以上，仲收加一服務費的。我不需要俾加一服務費叫人「催促服務」，相信睇到這篇評論的你也一樣。…查看更多

今晚預早慶祝父親節, 細佬之前團購咗順德了能菜套餐有8碟菜, 都係600多元, 有似都幾抵咁, 一家人就去試試。順德大盤魚的魚湯幾鮮, 入面有蝦, 但魚肉質唔夠滑, 這個招牌菜就一般, 大條的魚好難芣`做得好食。白飯魚不會炸得太乾身, 唔錯!砂鍋通菜炒得好味, 味道啱啱好, 唔會太濃味。炸乳鴿一般, 跟酒樓那些一樣, 沒甚驚喜。蠔好大隻, 味道很好, 又不失蠔的鮮味, 好食!咖哩蟹多膏, 辣味剛好, 但不明白點解有牛腩, 怪怪地!蝦仁伊麵味道太淡, 不大吸引。鵝做得入味, 不過底下的芋頭仲好食, 仲入味。4個人食8碟菜, 真係太多, 個餐真抵食, 但這裡冷氣太凍, 上菜後10分鐘就涼了, 令食物失色咗。…查看更多

今次黎食順德菜已經係第3次，上次今年2012年4月黎過都覺得唔多得，因為想同媽咪慶祝生日，而媽咪鍾意食順德菜，所以咪買左幾張同屋企人一齊食餐飯慶祝。訂位果陣都已經講明入坐後1小時15分鐘後要交枱，我當時都係講到明 "盡量啦!"，喂! 我唔係食免費餐，我又唔係食快餐，一家大小點限時間咁快食完? 家下食晚飯，多數都唔會食得咁趕! 以$88一位計，晚飯價位都係一般，唔算好平，亦唔算貴。但肯定唔多想我地再黎攞! 由於我遲左半個鐘頭先到，所以一坐低好心急又好快咁揀食乜，真係掃慶。第一碟餸係台式三杯雞，汁醬香濃，d汁醬完全滲入d雞度，所以d雞好入味，好適合用黎餸飯同撈汁，讚!第二碟係炸鮮奶，除左炸鮮奶有幾塊七彩蝦片用黎拌碟，d蝦片好難食，又林又梅咁，唔知似乜。炸鮮奶賣相好差，外型睇落都係交寒貨，冇心做，求求其其，是是但但:(。講番d炸鮮奶，味道甜甜地，好香口鬆脆，唔算係太多炸粉:)。第三碟係乳鴿，每人有半隻。我本身唔係太鍾意食乳鴿，要用手食乳鴿，有d茹毛飲血的感覺。雖然我唔喜歡，我都有試下，d乳鴿炸得好香、好嫩，火候o岩o岩好，唔落鹽黎點都好夠味，尚算唔錯:)。第四碟係天湯浸皇帝菜，其實都係清湯皇帝菜，我都係第一次食皇帝菜，食落都係似莧菜，仲有冬菇絲、秀珍菇等，非常健康，可以係咁多碟肉的驛站。由於呢碟都係放湯，所以極為清淡，味道都算OK!第五碟係黃金中蝦，黃金應該係指d蝦點左d咸蛋黃，然後再炸至金黃色。炸左o既咸蛋黃好香，好濃，駛到D蝦味更加突出:)，唯食左之後容易加增膽固醇，所以不宜多食。第六碟係清蒸鮑魚，鮑魚都係預左細隻，清蒸應該比生煎好食，雖然細隻，但鮮味十足:)。古法蒸海魚應該係蒸倉魚，條魚新鮮啖啖肉，除左平時清蒸外，仲有D冬菇絲同肉絲一齊蒸，D魚汁比冬菇同肉絲吸晒，所以好入味，好鮮甜。:)最後係甜品，冇期望自然冇失望，上次黎係雪糕糯米糍，所以今次完全冇驚喜。…查看更多

今年年初買團購$59，8道菜海鮮宴: 順德大盆魚(魚、蝦、蟹、花甲)、花甲胡椒豬肚雞煲、順德煎焗大魚咀、啫啫糯米蟹煲及更多 (原價$199):花甲胡椒豬肚雞煲 味道不错, 份量不多不少啫啫糯米蟹煲 吃完全沒感覺，好極有限順德煎焗大魚咀 味道不错咸鵝 味道 可以。其他開胃菜和蔬菜 普普通通每位另加收$19.9服務費用吃的環境麻麻，迫迫笮。 服務還可以。最近，朋友請吃再來, 團購$68，8道菜海鮮宴: 生煎鮑魚、黃金中蝦、古法蒸海魚、台式三杯雞及更多:乳鴿 味道還可以生煎鮑魚 陳皮少點, 還可以黃金中蝦 與其他店比較, 不好炸鮮奶 還不错蒸海魚 魚麻麻，味道不夠鮮甜三杯雞 沒什麼好每位另加收$19.9服務費用環境麻麻迫迫笮，食物質量退步，即使是好的也不是特別好，對待團購客戶二等，洗手間低等，不會再來這家餐廳吃。…查看更多

第一次買團購, $68一位, 有8度菜, 看似OK, 咁啱有朋友生日, 去試吓囉.早一個月已訂了枱, 所以不用等位係可馬上就坐. 但尐位都幾迫. 店員拿着熱騰騰的食物, 總有險象環生的感覺.回說食物...先來了乳鴿,熱騰騰的, 一放下, 只剩個頭...鮑魚火候啱啱好, 但似乎細了一點...黃金蝦, 不過不失, 但份量很足...:)炸鮮奶, 是傳統那一款, 沒有餡, 但是甜了一點.另外叫了個杏汁炖白肺. 很足料, 但不太出色...:(有兩度煲仔菜. 炒通菜和三杯雞. 味道還可以, 仲好大份, 食極都食唔哂.最後一味是最差的. 辣椒不辣, 魚不鮮...:(甜品是迷你雪米糍...街外貨, 不致評.買團時, 已知要畀$19.9嘅服務費. 換句話講, 實畀$90一位. 以現在物價, 還算底的.…查看更多

上次4/2/2012黎食過團購二人餐，超好食，又超飽，所以再買團購，但今次最少要買同兌換4張。我雖然一早晚上六點鐘到，但地方實在太窄，只可以安排我同家人坐近門口。頭盆我就揀左酥炸鯪魚球，只有呢碟我係最鍾意食，仲有蝦片添!:)，可惜冇比到蜆芥汁! :(鯪魚球酥脆，魚肉札實，o岩o岩炸好上碟，可惜只可以每人一件。秘制盬焗鵝，我冇食到呢碟，家人話都OK，唔會太咸。順德煎焗大魚咀，我就唔鍾意食:(，因為只有魚頭，冇乜魚肉，成碟應該有2個魚頭。魚腐雜菜煲有西蘭花、秀珍菇、魚腐、粉絲同菜芯。魚腐好味:)，可惜少左D， 不竟都係魚腐煲，整體算淡味，湯就冇乜魚味。 清蔬銅盆原來係蒜茸炒白菜，菜就真係夠晒多! 魚腐成煲係菜，呢碟又係菜，夠晒健康，但碟菜唔算好夠熱。由於我唔食豬肚，所以我就揀左順德大盆魚，有鯇魚半條、蝦、蜆、芫茜同蟹仔，鯇魚多骨，我覺得唔係太適合用黎煲湯，蝦好鮮味，湯汁亦好鮮甜，相信D海鮮精華係晒D湯度。因為我唔食田雞，於是我就食啫啫糯米蟹煲，糯米飯夠晒彈牙，QQ地，飯o既乾度恰度好處:)，唯蟹仔太細，冇味滲到入D飯到，蟹仔當然冇肉好食啦!:(最後就係甜品，我諗住多數都係紅豆沙或綠豆沙之類，竟然係雪米糍，中菜館甜品同日本餐廳一樣，真係不知所謂。我太鍾意食順德菜啦! 下次再試下另一個團購 - 8道菜海鮮宴: 生煎鮑魚、黃金中蝦、古法蒸海魚、台式三杯雞等。…查看更多

之前一直作為openrice的隱藏用戶,只會看而不會寫食評.但前兩天吃了一頓難忘的晚餐,令我久久不能忘記那一夜,所以決定上來寫第一次的食評!先說明本人非常愛吃海鮮,不論任何品種.更願意"捐窿捐喇"訪尋真正新鮮美味的海鮮!經朋友推介下,這夜放假的我跟男朋友在the one看電影後,徒步走到位於佐敦的「口了口能菜」.門面光猛,一轉入街口就輕易看到,不用再左顧右盼.內部裝潢屬於舊式小型酒家,香港看到的機會已經漸微.面對地產霸權,我們更應該支持這些特色小店!坐穩後,略略看一下餐牌,叫侍應過來推薦最出名最多人點的菜式.這是我的習慣,這樣才不會像"盲頭烏蠅"地亂點菜.侍應的態度也頗親切,比想像中的好!拍青瓜: 肯定是新鮮的,因為青瓜非常爽脆,一口咬下去會發出"索索聲",加上蒜味及微辣的汁,很開胃!四季豆炒鮑角: 鮑魚因為新鮮,彈牙不靭!!加上醬汁惹味..火候亦夠,鮑魚好入味!!但少部分四季豆側面的根未完全清除.小小提示, 本來的餸菜是炒鮑片,因為我要顧及口感,所以要求轉鮑角.大家下次吃鮑魚可以試一試,一定比鮑片好吃十倍!(如果新鮮的話)椒鹽瀨尿蝦: 足足兩隻手指長的瀨尿蝦,一上菜椒鹽的香味撲面而來.肉質嫩滑彈牙,火侯剛好,亦很入味,不會像白灼般的無味.重頭戲-蒜蓉粉絲蒸大聖子: 因為我喜歡吃粉絲,特意叫侍應幫我加碼!!隻聖子跟瀨尿蝦size差不多大,肉質一點也不靭!!!配以粉絲及蒜蓉放入口,感覺實在難以形容!店舖細心位:他所用的不是生蒜蓉,像是先炸過,更香口之餘,好像吃完沒那麼口臭:)所以幾時都話,吃海鮮一定係要新鮮才會好吃,有鮮味.最緊要是不靭,爽口.這家店比南丫島/長洲的酒家還要好吃,可能店舖面積不大,做菜會比較細心推介!!!因為好吃的酒家才值得我用時間打出一大篇食評!自己下次都會再去呢!!!…查看更多

面對9對眼睛、9張嘴巴, 這篇食評都真係好有壓力!! 第一次吃團購餐, 本以為是 “豬仔餐”; 誰知是超值餐, 仲要係賺咗的一餐。報時 7:15pm 還未齊人, 啊姐話果兩位同事已經 5:30pm 準時放工, 8個人又呆等了一段時間; 在肚子打鼓之際, 啊姐加單了!!手拍青瓜 (脆爽)、椒鹽豆腐 (外脆內暖)、鮑汁雞腳 (腍且入味, 但只是豉油味)荷花飯蒸雞 = 隨團購餐送上, 已吃了一些食物醫肚; 再加上我只吃了一口無雞汁精華的飯, 所以只覺有荷花香而唔覺有什麼飯味。 但9張嘴巴都說飯有濃郁的雞汁味。多謝果兩位遲來的同事, 以上食物是啊姐付錢找數。團購餐 - 每人只需 $79乳鴿 (每人半隻) = 皮簿且脆膏少肉嫩, 五隻乳鴿同在一碟送上; 賣相吸引。清蒸鮑魚 (每人一隻) :)= 鮑魚都真係唔細隻, 响街市買同一size哩十隻鮑魚都起碼 $120!! 蒸得剛剛好, 不太腍不太韌。豉油皇中蝦 (好似每人可以食到兩隻) = 大大隻的中蝦, 蝦頭的蝦膏也不少; 可能就是如此, 有幾位同事放棄了自己的其中一隻中蝦, 四隻入味的豉油中蝦就放進我的肚子裡。順德蓮藕餅 (每人一件) :(:(= 失望…..沒有水準, 蓮藕無蓮藕味; 可能正是乏味, 而令我覺得賣相有點醜陋!!古法蒸海魚 (一條上) = 但應該是一條淡水魚, 魚味淡但肉質滑嫩; 只是配上簡單的熟油及豉油, 鮮味就滲透出來。天湯浸皇帝菜 (連好多野菌一齊上) = 好少食店有皇帝菜, 但口感粗糙; 不過野菌就鮮味十足。陳村咕嚕肉 (好係只得四人份量) = 是不是什麼陳村做法就唔知, 只是一般的咕嚕肉味。 但要評論的是份量, 10個人的份量點會得咁細碟呀?! 與其他餸的碟頭與份量都真是對不上比例!! (懷疑個侍應錯送交替, 但又唔係承認錯失; 強說這碟細咕嚕肉正是這枱的!!):(:(甜品即雪糕 (每人一粒) = 獨立包裝的芋頭味雪糕糯米磁。時間到尾聲要收拾碗碟時, 其中一位遲來的同事正正是今次的主持人說着: 我們不是吃海鮮宴嗎?? D花甲去咗邊??!! 其實入座時已左望右望, 老是說我們今晚的團購餐是否這個? 是否那個? 但下單時只跟隨侍應的指引作選擇, 無人發現有問題。在大事緊張之下check單, 個侍應回覆: 你們訂購的團購餐是每人$79, 但現在你們吃罷了的是每人$89; 你們每人賺了$10!! 侍應更即時附上原來的團購餐單給我們看, 大家一起互望時就大笑了; 9對眼睛隨我方向瞄過來……得…..收到……寫食評!!真是吃過方知錯的一頓團購餐!!…查看更多

:(今天和家人去歎$68順德o了o能菜,以為有得賺(讚)吓,結果他們要焗人個個揀同款菜,不可以兩個人揀一款,另外兩個揀另一款,話方便廚房我揀左咕嚕肉、通菜、黃金中蝦、生煎鮑魚、古法蒸海魚最好味係半隻乳鴒,肉質鮮嫩美味;炸鮮奶、咕嚕肉、通菜、黃金中蝦、生煎鮑魚就一般喇!但係個條蒸海魚四人食真係小的可憐,如果每人一條就差唔多.... ( 細魚用蒸大魚火候梗係老喇!!!)服務員話三四人係這種細魚,要五六人才會有大魚...佢早又唔出聲,早知就揀魚雲,起碼唔會分大細佢哋的甜品竟然不是自家做得,而係隨街買到的普通蚊型雪米糯(芝麻味),還有沒有註明食用日期呢!呢間野下次再做團購, 大家真係要諗得好清楚先好幫襯. 就算要食都要問清楚份量大細囉!咁被老襯,我就唔會再去幫襯佢!!…查看更多