順德了能菜 (Closed)

食完了才看到以往食家的食評大部份比較負面我卻因為餐廳地點方便 所以買了團購剛巧我選了午餐來試菜我覺得環境還可以鄰座的人離我很遠有很多部電視媽媽可以用電視汁撈飯1. 乳鴿雖然好細隻媽媽吃得好開心配淮鹽是不錯的當然新鮮才是最重要的2. 清蒸鮑魚我的至愛雖然鮑魚是很細粒但我喜歡它的爽口質感和適量的調味和鮮味推介3. 黃金中蝦以這個價錢當然不是彈牙活蝦所以炸這個烹調方法是最適合的蝦size ok4. 炸鮮奶like like like冒著會喉嚨痛生暗瘡的危機我也食完整塊以前在別的餐廳我也食過炸鮮奶但這兒弄的比較滑外層非常的脆還有點咸獨特的口感和對比的味道還有蝦片送呢5. 古法蒸海魚鮮味滑沒有蒸過度的魚三個人吃這麼大的已經不錯了6. 砂鍋通菜ok 通菜不老不咸 過關7. 台式三杯鷄大多鷄皮了甜酸度ok用砂鍋盛載保曖不俗8. 雪米糍 有芋頭味雖然和中菜格格不入但是甜品總是令人會心微笑總結團購超值正價也會再來服務ok 但在服務上不能有任何期望…Read More

個日係附近做完野, 約左班姊妹食飯, 唔知食咩好, 行到去好多野食O既白加士街, 見到呢間個名好「特別」的「O了O能菜」, 就決定睇下呢間野究竟咩葫蘆賣咩藥!我地5個女仔, 叫左4個頭盤, 6個小菜, 再加多個陳村粉! 落左單之後先發覺叫大左~ 頭盤: 拍青瓜、椒鹽豆腐、鮑汁鳳爪、乳鴿小菜: 蝦、蒸鮑魚、通菜、順德大盤魚、銅盤污糟雞、炸鮮奶當中最特別就係招牌順德大盤魚, 如其名, 有一個大盤放左好多配料如魚腐、手打鯪魚肉等等再加條主魚, 本來係桂花斑, 但席上有個朋友仔唔食桂花, 所以轉左侍應推介的珍珠側, 第一次食, 肉質都唔錯, 幾滑! 魚湯底都幾鮮甜, 好次火鍋咁, 係面前滾滾下, KEEP住個溫度, 正! 另外, 銅盤污糟雞一打開鍚紙已經好香噴噴, 味道都幾特別! 仲有個炸鮮奶都推介, 香脆得黎, 唔會溜!而煎陳村粉都幾好食, 不過去到尾段, 實在太飽, 所以食左一半都係要打包拎走! 整體黎講, 叫有驚喜! 下次可以叫多D朋友一齊食!…Read More

不是我了能. 是真的唔係好得.環境好唔得, 比大排檔仲嘈, 又迫, D 野食細碟又唔夠熱, 仲要咁既價錢, 用左coupon 都一點唔覺得抵, 感覺被騙.><個湯係正當既, 不過好多湯渣, 幾啖飲晒個湯了.燒咪凍的,. 我都算,. 仲要有陣怪味,><海鮮, 其實得蜆同蝦,D 蛽有沙, 又唔夠熱, 無咩味. 仲有d 鯹味.招牌菜係冇左蝦, 個雞, 有色家. 但,. 點解冇味既,=”:=三太公, 好正常既煎釀三寶,個陳川粉,. 其實係炒河粉. 仲要一陣味. 難食.勸大家 下次呢間野再做團購, 你真係要諗得好清楚先好買呀. 仲要成$220食d 咁既野, 咁既價錢, 我更多選擇吧呢間野, 我真係永遠都唔會再去.後悔無信樓下d c兄…Read More

買咗張4團購晚餐劵4張(原價係$198一張)食d咁 ga 嘢，下次都唔會再來。服務態度差食物質素差,上枱時食物又唔熱，仲要好似好趕時間咁，一次過拎曬出嚟四個人去，全部都要選同一款，一個人去都係選嗰d款(早知就唔買4位)首先點湯,三選一,姬蟲茸燉螺頭湯 - ok跟住係燒味,七選二雞(好似隔夜咁 - 好難食),鵝(可能較新鮮所以得三嚿)跟住係招牌順德菜,九款選三0了0能三太公 - 好似煎釀三寶咁，但d蓮藕好似壞咗咁酸ga蒜香辣蝦 - ok好味檀香骨 - ok跟住粉麵飯,五款選二味道都ok ga不過size 就好似一個人份量咁…Read More

買咗張2人團購晚餐劵兩張,本身coupon規定星期日8:30p.m.先可以開始入座享用,並預早電話book好7:00p.m.享用都無問題。當晚7:00p.m.到達又話不可以使用,需於跟回coupon指定時間(這樣打電話預約都無意思) ,又要經過一輪理論後方可使用。講返食物方面,下次都唔會再來,因服務態度差,食物質素差,上枱時食物又凍凍地.未能滿足客戶要求,雖然我是用優惠價享用是次套餐,但都是你們的顧客有消費的首先點湯,三選一,姬蟲茸燉螺頭湯 一碗 呢個湯都足料,有甜味但表面較油順德魚茸羮 一碗 好難飲街邊碗仔翅都好食過佢跟住係燒味,七選二點左燒脆皮燒腩仔(個皮一d都唔脆),龍崗切雞(無雞味凍既),蜜汁叉燒皇(四款中較好),至尊燒鵝(賣淨尾好肥)共四款 所有野上枱都凍哂仲碟邊結咗d油係度,睇到都唔想食跟住係招牌順德菜,九款選二0了0能三太公 - ok (叫全晚第二樣好食,同係熱的)蒜香辣蝦 - 無辣味但有蒜香 (但又係凍凍地)大良妙鮮奶 - 一般滑無奶味 (店舖內相片影得好靚好正,比佢額咗)好味檀香骨 - 好味 (全晚最好送到飯)跟住0了0能粉麵飯,五款選一順德漁村炒河 - 好油無咩味,但顏色好夠,講樣係滿分0了0能炒飯 - ok 不太油,飯無一舊舊,味道可以是日甜品 , 無上枱 (之後先記得coupon係有甜品)…Read More

到此一刻，我仍然相信 分甘同味 這個理念，對於 追尋同伴 的動力火焰，亦未曾熄滅。終於到達第五百篇，在有很多話想說的同時，正值農曆新年來臨，作為中國人的傳統，理應與親朋高興地吃上一頓飯，無論是團年的層面，還是要尋回失落了的熱情這緣故，這個飯局，確有「不能不辦」的理由，經過一番的努力，最終能夠集結成接近一圍的人數。選擇這間位於佐敦白加士街的順德菜館，也是途經時一個隨意的決定，看順德位處於廣東，被冠名為「漁米之鄉」，菜系風格粗中有細，最能突顯食材的本身的鮮味，加上其中一個菜單粗合，選擇上亦見靈活，可盡量遷就各人的口味。屬於街坊格局的菜館，內堂面積不算太大，位處魚缸的位置，掛著各式時令河鮮的名牌，其實如果屬優質的淡水河魚，其肉質食味絕不比海魚遜色，當然論到價錢亦然。略為改善是桌面的設置，當晚訂了一張大檯，但就見不到常見的轉盤，令到用餐起有少許不便，一不少心之下，差點弄瀉一枝酒了。面上也備有一點簡單的小吃，有青瓜片及蓮藕片等，味道來說也是不抱太大期望。當晚的頭陣，就由這一個燒味拼盤開始，內有叉燒、腩仔肉、貴妃雞、燒鴨及海哲等，說真的，味道只屬不過不失，肉質來說不太軟熟，加上欠了一點溫和度，論燒腩的外皮也不太脆身，心想不禁皺眉，是否揀錯了店舖 ! 頭輪的燒味是有點「脫腳」，倒是打後的廚房出品，還是嚐出一點味道出來。因早輪燉湯也是喝得太多，今次就轉個口味，改點一個地道的拆肉魚蓉羹，所考驗就的是其手藝。將河魚起肉拆骨後，再加上豆腐粒、粉絲及時蔬等，再打個芡汁煮成的一個湯羹。因為加了不少胡椒的緣故，湯中於既有鮮味之餘，喝下去亦不致太腥，更有食友與胡椒豬肚湯相提並論.......個人意見，如果其芡底能薄身一點，食味可來得更佳。依從食友建議下，也點了一個酥炸鮮奶，這食品在別處不難嚐到，但落到這裡之下，倒和平時的大有不同。薄身的外層可來得香脆而鬆化，表層的油份已被隔得七七八八，入口下的炸奶恰好凝固，口感軟糯之餘，內裡更吃出酒糟的味道，與現今流行的乳酪有點相似。另來一煲砂窩啫啫芥蘭煲，雖來得熱氣騰騰，內裡蝦醬的味道亦算恰到好處，惟菜質老了一點，論口感層面是可以再佳的。跟著上的薑蔥魚卜煲，乃是一個出色之作。上桌時固然滋滋作響，煙氣四起。內裡的魚卜數量可不算少。入口下的質感可大致爽口，配上大量的薑蔥之後，半點腥味也找不出來，反而來得十分惹味，相比起當年在觀塘以魚內臟作主打的菜館，可來得更加出色。另一款考驗手藝之作是 口了 口能 三太公，以手刴的鯪魚膠及肉團作為主要食材，分別有米通鯪魚球、蓮藕餅及釀青椒三樣。人多之下只試了前兩味，前者可鮮味彈牙，其間亦混有一點脆口之感，而藕餅的肉香及彈性也是兼備，倒是內裡蓮藕的比例可以再提高一點。當晚的兩道主角之一，是這順德的大盤魚，火爐上架著的是一個大盤，內有原條的桂花班魚，如論味道已屬不差，肉質嫩滑之餘，鮮味亦來得令人滿意。只是「主角」還是那個魚湯底，當加上細蜆、蝦肉及原集水蟹之後，鮮味不濃才怪。看見人家用這湯底來灼菜，照辦主樣各來一份豆苖及唐生菜，當吸索了湯底精華之後，普通的青菜也頓成美食，早知如此，就將早前那窩芥蘭煲，換成一個肉類主菜罷了。另一味是馳名的順德銅盤雞，打開鍚紙後，香氣熱度樸面而來，倒不是一味猛火，雞塊大致軟熟嫩口，當中更保存不少肉汁，特別之處是加了一種不知名的調味香料，令雞肉內多了一點特別的味道，大體來說可是正面的評價，可和以前的同類出品有點不同。單尾飯品有大師兄炒飯，近似福建炒飯所用的配料，卻改為乾身的做法，除了味道來得豐富之外，更因上面灑了一些瑤柱絲，也多了一重甘香的味道；整體來說，這個大師兄確是「有料到」。加上中段的籠仔蒸陳村粉，水磨的河粉可來得爽滑，內裡只用了些許金蒜粒及醬油作調味，卻因為用了荷葉墊底作緣故，味道於清淡之中，卻不會淪為單寡，可是有心思之作。同場加映：這豉酒碌鵝是另一天購下作加料之用，百餘元一份之下，當經過中短途的車程後，仍能保存若干熱度。論鵝肉的皮肉略為偏厚，大體上的肉質仍然偏向嫩身，嚐出的是豐滿的肉香；至於醬汁的色澤以香濃為主，入口的味道倒不會過於搶鹹，加上墊底的是軟糯鬆化的香芋，恰好索走多餘的醬汁及油脂，家人也一致叫好。若早知如此，我應於飯局時點選這個碌鵝，同時亦明白到若可以的話，揀選食肆時，不妨先要試菜一頓。後記： （雖然稍為長篇一點，還請大家能耐心一讀）撇除燒味的失色，看這裡的廚房還是有點功找夫，加上食材大體來得新鮮，只是服務配套上僅能勉強接受，勝在氣氛還算愉快，以每人廿百四十元的價錢，看似貴了一點，佐敦的菜館就是忽略了甜品這環節，一碗普通的糖水，往往能成為印象的關鍵........作為一位不太成功的攪手，是有不少可以改善的地方，難得大家也是包涵，這一點我是心領神會的，還望以後能有此等機會。來一點個人感言，互聯網是源於上世紀後期的科技，所改變的不單是生活模式，更涉及一種文化的推動及革新。卻是水能載舟，亦能覆舟，用得其所的話，的確可拉近人與人之間的距離，包括心靈層面，相反用不得其法的話，就會惹上了不少麻煩。說得出這句話，不是知得比人多，而是犯的錯比別人多。作為愛吃的自己，近年發生諸般的重要事項，不多不少亦與開飯網扯上關係，也就是我的「天與地」。發生於這個網站的，既有開心愉快的事，亦有失意沮喪的時刻，只知道這一刻，我仍然不想放棄這裡，所憑的就是開首那段話，就正如希臘童話潘多拉的盒子般，當一切「黑暗」過後，能保存下來的仍是「希望」。怎樣也好，我仍要多謝開飯網給予了一個空間，容許我放肆撒野。至於所謂的「殿堂」銜頭，倒是萬萬不能妄稱，自問要學習的地方還有很多，如自我陶醉的話，相信會淪為另一個「亞太區金曲獎」般的笑話了。但如各位仍不嫌棄的話，我仍希望憑我的飲食經歷與及文字，與大家作出交流。最後，在祝大家新年快樂之時，仍要自我介紹一聲，我的筆名喚為子陵，既是一位以飲食作為題材的博客，亦是一個傻瓜，還請大家多加指教。陵之微調：B用餐於二零一二年一月十三日晚上…Read More

上個星期五同同事嚟左呢度食團購餐,其實係同事之前話見到呢度有團購優惠好吸引,半價就可以食到好多款菜式,我地一行七個人一早訂左位,打嚟訂位的時候話最好訂6點半,因為之後可以嚟到要等,我地六點九左右到了,唔使等位入到去就即刻問下我地可以叫d咩,呢個團購優惠係睇人數的,如果多人d可以選擇多d唔同菜式,都幾好呀.首先點湯,三選一,我地點左:姬蟲茸燉螺頭湯,呢個湯好足料又大窩,入面都有好多螺片的,還有一些豬肉,蟲草,好入味及甜呀!跟住係燒味,六選二點左燒脆皮燒腩仔加至尊烤燒鵝,都好大碟,燒腩仔唔夠脆,不過都OK,燒鵝唔係好肥,都幾多肉的,都好香呀,好味有一個海鮮又係三選一叫左辣味炒蝦,這個唔係太多人鍾意食,佢唔夠脆口,成隻蝦炸過可以全部食晒,如果再脆D再香D仲正然後下面既兩種選擇,小菜類係睇你有幾多人去決定可以選幾多個的,但越點得多份量就會越少,我地可以最多點小款小菜,順德大魚嘴,這個係用個煲仔菜既煲裝住的,好熱辣辣,好香,好惹味呀,有兩個同事勁鍾意食,我都覺得好味又唔鯹啫啫芥蘭煲,這個係有些咸魚一齊煮的,又係熱辣辣好香好惹味,感感地好開胃大良炒鮮奶,麻麻地啦,唔夠滑,食落唔似鮮奶的口感,似蛋白多D,普通順德煎釀三寶,呢個一般啦,其實我都唔知果幾件係咩三寶,因為太多醬係面,D醬好似漿住咁口了口能三太公,呢個係因為見個名好特別所以想睇下係咩,原來又係用魚做的,有幾款,釀青辣椒,炸鯪魚球,蝦片,蓮藕餅,魚餅,我食左炸鯪魚球,都OK的,不過好普通,俾個名騙了.好味壇香骨,這個係排骨,酸酸甜甜咁都幾好味的,有些青椒,洋蔥配料,我鍾意食呢個.排骨又唔肥,GOOD!!最後係粉麵,我地可以點四樣:艇味炒麵,同事話麵好膠,炒麵有些魚片做配料,OK啦!荷仔葉污糟雞飯,我冇試到,不過同事都話幾好味,但唔夠味囉,我諗應該冇咩荷葉香味瑤柱蛋白炒飯,呢個好味的,又多料,飯都炒得好乾身.XO醬炒陳村粉,都多料喎,不過XO醬的味道唔係好出.是日甜品: 竟然係雪米糯(芒果味),唔知係咪放左出嚟好耐,好好淋呀,味道及質感好怪我地每人叫左一罐汽水,食到好飽呀,同埋好滿足,食到8點左右出面已開始有好多人等位,仕應都幫我地收晒D嘢,我地都唔好意思再坐落去,跟住走了!!其實服務及食物都OK.…Read More

朋友("蘇","珮", "昌")生日, 又想試下新菜式, 見個名咁特別, 就睇下係咪咁o了o能先. 鹽焗鵝 - 鹽焗雞食得多, 鹽焗鵝都係第一次食, 鵝肉唔韌, 而且鹽焗帶出鵝嘅鮮味.姬蟲茸燉螺頭 - 螺頭鮮甜, 加埋雞同豬肉去燉, 清清地好滋潤嘅湯.豉椒炒蜆 - 白蜆唔夠甜味, 豉椒亦炒唔出嗰種獲氣.順德煎釀尖椒 - 一個好傳統嘅順德菜, 魚肉做得唔散, 唔錯.梅菜炒菜芯 - 梅菜唔甜, 而且菜芯老咗d, 所以唔太好味.順德焗魚腸 - 魚腸有少少腥, 所以麻麻.豉汁蒸大魚頭 - 新鮮大魚頭, 用豉汁蒸, 鮮甜嫩滑, 好味!蜆介鯪魚球 - 外皮用粉絲炸, 可惜鯪魚球做得比較實, 而且味道一般.啫啫芥蘭煲 - 用蝦糕去炒, 然後煲仔上枱, 好惹味! 桂花糕 - 送嘅甜品, 桂花清香, 唔太甜, 不過做得唔實淨, 一夾散開.P.S. 鹽焗鵝, 姬蟲茸燉螺頭係要預訂既, 想食記得訂咗先.…Read More

個位以前係都幾好食的沙記，見個名甘得意味試吓law地方很普通，price不便宜，心諗食物一定要好，否則 好快玩完整體食物有水準，見很多人order 大盤魚，真的很 大盤很香，下次試Order時本去想要大良炒奶而非炸奶，但亞姐話冇炒奶，所以要咗炸奶，食食吓見next table上炒奶，即問亞姐點解，佢話個名叫炒豆漿唔叫炒奶，吹脹…Read More