頂好原味道1990 (中海日升中心) (已結業)

頂好原味道1990 (中海日升中心)觀塘駿業街56號中海日升中心地下L號舖之前曾經係中環見過呢間台灣小店，喺門口見過都非常人氣，好多人買，見到佢用嘅醬汁都係由台灣直送過嚟，不過當時食飽就冇試喇，今日收工經過觀塘見到啱啱新開，當然要試一試！一入到去我哋坐左高枱位，見到餐牌有唔少套餐選擇，我哋兩個人所以就揀咗二人套餐，套餐入邊有兩款肉燥主食，可以選擇烏龍麵，白飯，蒸煮麵，王子麵同關廟麵，再配滷水拼盤，肉燥青菜，鹽酥小食拼盤同埋兩杯飲品，另外我哋太肚餓，所以點左鹽酥米血糕同豬腸做小食首先嚟咗肉燥烏龍麵同肉燥飯，肉燥份量都幾多，味道調製得幾好，好有台灣食嘅風味，肉燥青菜就用咗椰菜，啲菜都幾爽口同新鮮我哋最期待嘅滷水拼盤終於嚟到啦，入邊包括滷蛋，雞翼，豬耳，甜不辣，黑輪同埋百頁豆腐，滷水個醬汁好正，而豬耳最爽口同入味鹽酥拼盤包括香腸同埋鹽酥雞，兩者都新鮮炸好，配埋旁邊嘅配菜炸西蘭花食，非常邪惡，另外我哋最期待嘅鹽酥米血糕同豬腸，米血糕煙煙銀銀，加上炸過，真係食唔停口，豬腸就炸到卜卜脆，令到肥膩感冇晒，瞬間變得非常香口美味飲品方面我哋就叫咗蜜香紅茶同埋春陽烏龍，兩款茶飲都正正常常，可以消滯，食咁多

去唔到台灣🇹🇼都有抵食台灣菜最近同朋友係觀塘行街，見到呢間台灣老字號餐廳！個價錢低食加上環境乾淨整潔，就不如試下有好多滷水款式，仲有春陽茶事既飲品！消費夠$30，優惠價加配春陽茶事我就試下珍珠奶茶，朋友飲古早冬瓜茶抵飲到不得了，好多珍珠，香濃茶底，又後彈牙，下次想試下黑糖口味！👍🏻半杯珍珠滷味我單點左自己鐘意既蘿蔔、大豆皮、豬蹄筋，十分入味，滷水汁都係台灣運黎麻辣豬耳唔會太辣，夠惹味！鴨血夠滑夠味，非常鐘意和風關冬煮咩都有齊，甜不辣、竹輪、黑輪、海帶，白蘿蔔等，麵吸收滷水汁唔會太鹹，反而夠味！❤️

真係好懷念以前可以去台灣夜市掃街，真係唔知幾時先有機會再食，早排經過見到觀塘開咗間台灣小店 《頂好原味道1990》，梗係即刻約朋友去試下啦。原來餐廳喺將軍澳同上環都有分店， 朋友仔佢就食過中環嗰間，佢話lunch都好多人排隊🤓見到餐牌有好多選擇， 一人套餐二人套餐都有，另外仲有鹵水拼盤，鹽酥系列小食拼盤， 我哋就揀咗兩款一人晚餐，再加多一個鹽酥拼盤😋台北夜市人氣組合＋冬瓜茶+麻辣豬耳 $62（ 甜不辣，雞中翼，米血糕，百頁豆腐，金針菇 配 關廟麵 ）米血糕其實係由豬血加糯米做成入口煙煙靭靭甜甜地， 金菇同百頁豆腐就給曬鹵水汁嘅香味😍。 餐廳啲姐姐話鹵水汁辣椒油都係台灣直送㗎👍🏼， 麻辣豬耳都唔錯，又爽口配埋麻辣汁仲正。五更長旺＋珍珠鮮奶茶+ 鹽酥雞 $62（ 麻辣鴨血，肥腸，豆腐，酸菜配蒸煮麵 ）麻辣鴨血軟嫩可口，超鐘意呀，麻辣汁香氣濃郁， 夠麻夠香👍🏼， 肥腸入口肉質肥厚，嚼勁十足。鹽酥雞綜合拼盤（鹽酥雞，手工香腸，百頁豆腐，甜不辣）全部變曬鹽酥版香口惹味到食唔停口， 最後都要飲返啖冬瓜茶消下制解下熱氣🤣

有「台灣滷味大師」之稱嘅台灣品牌，繼西環分店外，佢亦嚟到觀塘喇🥳🥳佢哋嘅滷味走健康輕盈😌路線，味道香濃但唔膩。有成50款配搭，每款都係$10-15左右🤩 米血糕同甜不辣都係$10，中午仲有套餐優惠，好抵食😋😋台北夜市人氣組合+關廟麵（$55）有甜不辣、雞中翼、米血糕、百頁豆腐、金針菇。 甜不辣既咸又帶甜，味道鮮香。 米血糕入口煙韌有嚼勁。百頁豆腐極之綿軟嫩滑，吸收了滷水香。台灣特色關廟麵，麵條Q彈，勁有口感。滷水汁味道香濃，唔太咸，一啲都唔油膩。滷蛋肉燥飯（$35）肉燥青菜（$24）滷水汁，用上半肥瘦梅頭肉，肉質嫩滑，口感豐富，再配合粒粒飽滿，彈牙嘅珍珠米😍 同事話好耐未試過成碗飯清得哂😄鹽酥雞（$36）炸得香味濃郁，口感酥脆🤩，味道唔會太咸，仲有炸西蘭花及香菇，唔太食炸嘢嘅我都食到唔停口 🤣紅茶鮮奶（$15）珍珠鮮奶茶（$15）嘩🤩 原來手搖飲品都係台灣人氣🔥品牌「春陽茶事」，鮮奶味順滑香醇，珍珠Q彈💓

難得嚟到觀塘搵食，行行下俾我搵到間新開嘅台灣嘢，吸引咗我眼球，決定入去試一試佢。呢間店主要係食滷味，當然仲有其他出名嘅台式食物/飲品，例如鹽酥雞、台式手工香腸、秘制台灣鴨舌等等，餐牌寫明材料係由台灣飛機直送，而且滷味係獨門秘方中藥加熱，試下先知係咪講到咁犀利。晚市一人套餐$62，價錢相宜。二人套餐都只係$148，食物選擇都好豐富！增肌減脂組合呢碗係3號仔，增肌減脂組合。大量雞絲，仲有滷得好入味嘅豆包同埋滷雞蛋，加埋兩款菜類，唔怪得叫增肌減脂組合！台北夜市人氣組合呢碗係1號仔，台北夜市人氣組合。配料有好地道嘅米血糕、甜不辣、百頁豆腐，仲有大大隻雞翼同埋金菇。米血糕入口好煙韌，口感好過癮！夜市鹽酥雞攤系列 - 鹽酥雞綜合拼盤($48)呢碟嘢上枱真係打咗個突，$48竟然大份到咁，兩個人都係僅僅刷得晒。味道正宗，好有去咗夜市嘅感覺，比較有驚喜係鹽酥百頁豆腐，因為平日間唔中都會食鹽酥雞，但係百頁豆腐就好少咁樣食。肉燥青菜($24)食得咁邪惡，叫咗個菜平衡返~跟餐兩杯飲品，一杯係冬瓜菜，另一杯係蜜香紅茶。值得一提，呢到嘅辣椒醬好頂癮。嗜辣嘅朋友仔可以試下加落滷味到，包你哋話正！

今晚喺觀塘食咗一間新開嘅台灣菜，望真啲原來係之前喺中環見過人氣非常高嘅台灣餐廳，菜單選擇非常之多，望真啲原來餐廳係台灣老字號，朋友話喺台灣都好多人介紹呢個餐廳。佢仲寫住餐廳用嘅滷水汁同辣椒油都係由台灣飛機直送，咁當然要試吓啦！我哋叫咗個二人套餐，包括有綜合拼盤，入面有甜不辣、豬耳、雞翼、黑輪、百葉豆腐、滷蛋，啱晒朋友鍾意食好多唔同款式嘅小食，但又唔使逐樣小食單點咁多份量。另外套餐仲有手工香腸拼鹽酥雞，肉燥青菜，肉燥飯兩份，如果唔想食飯嘅朋友可以免費轉烏龍麵、關廟麵、王子麵或者蒸煮麵。呢間餐廳嘅滷水汁果然不同凡響，非常入味之餘，味道仲同平時食開嘅台灣餐廳滷水汁唔同，真係超好食！食得出所有材料都好有台灣嘅風味，感覺好似喺台灣夜市掃緊街咁添！個人就最推介綜合拼盤，份量唔少之餘仲可以試到好多款式。我哋仲另外叫多咗一款小食，就係鹽酥綜合線蔬，入面有香菇、杏鮑菇、青花椰菜、西蘭花同高麗菜。平時唔會特登食蔬菜嘅我都忍唔住食晒成分小食,因為真係好惹味!二人套餐仲包兩杯餐飲,我同朋友分別揀咗烏龍鮮奶同埋珍珠鮮奶茶,值得一提嘅係佢哋嘅餐飲係用春陽茶事呢個品牌，而家唔使喺外帶店都可以飲到佢哋嘅珍珠奶茶啦！